Роденденско, традиционално дружење на моторџиите со ЖАН МИТРЕВ КЛИНИК

ноември 6, 2017

10-иот роденденот на моторџиите од мото друштвото “Crossbearers MK“ од Велес го прославија во знакот на хуманоста, а долгогодишното пријателство со ЖАН МИТРЕВ КЛИНИК продолжи и годинава.

Во рамките на хуманитарна акција која беше организирана од страна на мото друштвото, а во соработка со Општина Велес, на 05 ноември, 2017 година во Ликовниот салон беше презентирана и работата и услугите на ЖАН МИТРЕВ КЛИНИК.

Д-р Горан Јовиќ, специјалист, хирург уролог во ЖАН МИТРЕВ КЛИНИК, кој е член на ова друштво и вљубеник во моторите, заедно со Ѓорги Васев ја претставуваа болницата. И годинава, домаќините и моторџиите од повеќе мото друштва од Македонија ја потврдија хуманоста, при што беа собрани 112 единици на крв.