Сексуално преносливите болести не демнат и во текот на летото

август 08,2020

Кога ќе се спомене лето најчесто сите мислиме на летен одмор, сонце, плажа, песок, вода, базен… Но, не е се така едноставно… Летото може да носи вознемиреност и страв од појава на многу инфекции. Најчесто ако не се внимава, мочниот меур е прва „жртва“, но, може да страда и целиот организам од останати многу поопасни инфекции поврзани со вашиот генитален систем.
Грижата кон Вашето генитално здравје ја манифестирате преку редовни гинеколошки прегледи и контроли кај Вашиот гинеколог( барем еднаш годишно). Сите сексуално активни девојки и жени треба да бидат и добро информирани дека редовните прегледи може да спречат понатамошно ширење на одредена сексуално пренослива болест преку правилно дијагностицирање и соодветен третман и терапија.

Кои се сексуално преносливи болести?

Сексуално преносливи болести се инфекции кои се пренесуваат преку сексуален контакт, од партнерот кој има сексуално пренослива инфекција.

СПБ се добиваат преку секој вид на сексуална активност, а бидејќи се сериозни болести бараат посебен третман од докторите. Сепак, некои од нив, како ХИВ, се неизлечиви и се смртоносни.

Сексуално преносливи инфекции вклучуваат:

Генитален херпес
ХИВ / СИДА
Гениталните брадавици
Хепатит Б
Хламидија
Сифилис
Гонореа
Трихомонас
Симптоми

Често пати се случува овие инфекции да бидат и без никакви симптоми. Ако симптомите се присутни, тие може да вклучуваат: чешање, непријатна миризба и променет вагинален секрет. Вагиналниот секрет е секогаш присутен. Но, доколку е пообилен и е со променета боја и непријатен мирис, а проследен и со друга симптоматологија како силен јадеж, црвенило и печење, упатува на генитално заболување кое треба да се лекува.

Останата симптоматологија која може да се јави доколку имате сексуално пренослива болест се: рани, израстоци, брадавици на устата, анусот, пенисот или вагината, осип на кожата, болки при мокрење, губиток на тежината…

Исто така може да се забележи и често ноќно потење, болки, температура и треска како и пожолтување на кожата, крварење од вагината, освен за време на менструација и болни сексуални односи.

При било каква промена на вагиналниот секрет задолжителна е посета на гинеколог. Во нашата клиника ќе ги добиете сите потребни информации и соодветни иследувања за овие заболувања, и секако адекватен третман и здравствен совет.