Muaj: Shkurt 2022

Çfarë është TAVI?

TAVI është implantimi i valvulës së aortës nëpërmjet katetrës (Transcatheter Aortic Valve Implantation). Është një procedurë minimalisht invazive që ndihmon për të zëvendësuar valvulën e aortës së dëmtuar të zemrës suaj.

Mjeku juaj mund ta rekomandojë këtë procedurë nëse keni një problem me valvulën e aortës dhe jeni në rrezik shumë të lartë për të kryer operacion me zemër të hapur.
Valvula juaj e aortës është një nga katër valvulat kryesore në zemrën tuaj. Ndërkohë që zemra juaj rreh, ajo hapet dhe mbyllet, duke lejuar që gjaku të rrjedhë nga zemra në pjesën tjetër të trupit në një drejtim.

Me kalimin e moshës, pllakat mund të grumbullohen në valvulën e zemrës, duke e bërë atë më të fortë dhe më të trashë. Si rezultat, valvula juaj e aortës mund të mos hapet siç duhet, duke e detyruar zemrën të punojë më shumë për të pompuar gjakun përmes kalimit të ngushtë. Kjo është një gjendje e quajtur stenozë ose ngushtim i aortës.
Stenoza e aortës mund të çojë në gulçim, dhimbje gjoksi, lodhje dhe marramendje, humbje të vetëdijes dhe aritmi kërcënuese për jetën.

Procedura TAVI në fakt kryhet për të korrigjuar valvulën tuaj.

Gjatë intervenimit, përmes prerjes në zonën e bikinit futet një rrjetë, e cila shërben për të ruajtur hapjen e valvulës në gjerësinë optimale të kërkuar. Mund të kryhet nën anestezi lokale ose të përgjithshme.

Cilat janë rreziqet nga procedura TAVI?

TAVI është një procedurë minimalisht invazive, që do të thotë se kryhet përmes prerjeve shumë të vogla – në vend të një prerje të madhe. Kirurgjia minimale invazive ofron një shans më të mirë për një rikuperim më të shpejtë pas operacionit. Megjithatë, si me çdo procedurë, ekzistojnë rreziqe të mundshme.

Ato mund të përfshijnë:

• Gjakderdhje ose lëndim vaskular
• Ritmi jonormal i zemrës (aritmitë) – ndonjëherë nevojitet një stimulues kardiak
• Arteria koronare e bllokuar dhe pasuese sulmi në zemër
• Regurgitimi i aortës – kthim i madh i gjakut në zemër
• Dëmtimi i veshkave
• Goditja në tru
• Vdekja

Mjeku juaj do t’ju shpjegojë rreziqet në detaje përpara se të pranoni operacionin. Mbani në mend se mund të flisni me të për çdo pyetje apo shqetësim. Do t’ju kërkohet të nënshkruani një formular pëlqimi për të rënë dakord me procedurën.

Si të përgatitemi për TAVI?

Pyesni mjekun tuaj për medikamentet tuaja të rregullta – veçanërisht nëse jeni duke marrë ilaçe për diabetin ose terapi antikoagulante. Nëse jeni duke marrë ilaçe për diabetin, do t’ju duhet të bëni një kontroll tek mjeku juaj përpara operacionit.

Mos konsumoni ushqim – të paktën gjashtë orë para fillimit të procedurës

Mos pini lëngje të kthjellta katër orë përpara. Tek lëngjet dhe pijet e kthjellta përfshihen ujë dhe çaji.

Përpara se të filloni me procedurën, do t’ju kërkohet të hiqni bizhuteritë dhe të vishni rrobat e spitalit.

Gjatë procedurës:

Zona mpihet me anë të anestezisë locale ose anestezi e përgjithshme. Kjo do të diskutohet me ju përpara procedurës.
Katetri në formën e balonës futet në arterie në zonën e bikinit ose nën klavikulën tuaj.
Kateteri mbërrin në zemrën tuaj dhe vendoset në hapjen e valvulës së aortës.

Mjeku e fryn butësisht balonën për të hapur valvulën – kjo procedurë realizohet nën kontrollin e rrezeve X.
Mjeku implementon një valvul të re aortale duke përdorur një tub rrjetë metalike që mban valvulën në vend – valvula e re ose zgjerohet vetë ose zgjerohet me ndihmën e balonit, në varësi të llojit të valvulës së përdorur.
Valvula e re pozicionohet në mënyrë për ta shyrë/larguar valvulën tuaj të dëmtuar.

Baloni fryhet dhe më pas mjeku heq kateterin e balonit.

Çfarë ndodh pas procedurës TAVI?

Pas procedurës TAVI, mjeku juaj do t’ju monitorojë nga afër dhe do t’ju tregojë se sa kohë ju duhet të qëndroni në spital. Mos harroni se ekipi mjekësor është i përkushtuar për të ofruar rezultatin më të mirë të mundshëm për ju dhe ata do të jenë aty për të mbështetur rimëkëmbjen tuaj në çdo hap.Përpara se të shkoni në shtëpi, do t’ju jepen udhëzime të hollësishme se si të rekuperoheni shpejt dhe mirë – dhe është shumë e rëndësishme ti ndiqni këto udhëzime. Nëse vazhdoni të përjetoni ndonjë shenjë ose simptomë që ju bën të ndiheni të shqetësuar, bëni rezervimin e kontrollit për tu konsultuar me mjekun tuaj.

Procedurat TAVI në Klinikën Zhan Mitrev kryhen nga një ekip me përvojë dhe mbulohen nga fondi i sigurimeve shëndetësore për shtetasit vendas.

Më poshtë mund të shikoni një video të shkurtër se si duket procedura TAVI.

Tradicionalisht edhe këtë vit Java e luftës kundër sëmundjeve kardiovaskulare organizohet nga ekipi i psikologëve të klinikës tonë , Asst. Dr. Kristina Egumenovska psikoterapiste e licencuar dhe psikologia e lincencuar dhe specializante në psikoterapi Marija Axhioska.

Pjesë e aktiviteteve janë edhe kontrollet kardiologjike pa pagesë që bëhen gjatë kësaj jave për pacientët е kategorive më të dobëta, nga qendra ditore për personat e moshuar, të pastrehët dhe personat të cilët janë nën kujdesin dhe mbrojtjen ndërkombëtare të Republikës së Maqedonisë.

Tromboza është një gjendje potencialisht kërcënuese për jetën që mund të shkaktojë mpiksje dhe të ndalojë furnizimin me gjak në organe, të cilat përveç të tjerash mund të manifestohen klinikisht si atak në zemër ose goditje në tru. Është jashtëzakonisht e rëndësishme të njihen karakteristikat e trombozës, shkaqet e shfaqjes së saj dhe mënyrat për të reduktuar rrezikun e mpiksjes në mënyrë që të shmangen komplikimet e mundshme serioze.

Çfarë sëmundjesh mund të shkaktojë?

Tromboza ndodh kur formohet mpiksje në një venë ose arterie që pengon qarkullimin e duhur të gjakut në to. Nëse shfaqet mpiksje në venat e ekstremiteteve të poshtme, kemi të bëjmë me trombozë të venave të thella. Nga ana tjetër, nëse mpiksja e gjakut vendoset në mushkëri, mund të shkaktojë një gjendje mjekësore urgjente të njohur si emboli pulmonare. Nëse mpiksja migron në arteriet e trurit, mund të ndodhë goditje cerebrovaskulare (infarkt në tru). Nëse ka një ndërprerje të qarkullimit të gjakut në arteriet koronare të zemrës, bëhet fjalë për një infarkt miokardi ose atak në zemër.

Si mund të parandalohet?

Disa masa për të parandaluar formimin e mpiksjes së gjakut në trup janë:

• Reduktimi i konsumit të kripës.
• Ecjet apo shëtitjet e shpeshta.
• Në rast të ndonjë sëmundjeje që mund të shkaktojë mpiksje gjaku (aritmi kardiake, venat me variçe, probleme me koagulimin…) terapia me antikoagulantët do të ndihmojnë në uljen e rrezikut të trombozës.

Disa pyetje dhe përgjigje:

A duhet të kujdesen për trombozën të rinjtë që merren me sport dhe duken të shëndetshëm?

Edhe pse grupmosha në të cilën këto mpiksje janë më të zakonshme është sigurisht tek individët mbi 60 vjeç, tromboza mund të shfaqet në çdo moshë, veçanërisht tek gratë që marrin pilula kontraceptive ose nëse kanë predispozitë gjenetike për trombozë.

A ka ndonjë mënyrë për të parandaluar trombozën?

Edhe pse ekzistojnë antikoagulantë që reduktojnë rrezikun e trombozës, çelësi për të shmangur këtë lloj mpiksjeje është shmangia e periudhave të zgjatura të palëvizshmërisë. Ecja, stërvitja ose çdo aktivitet tjetër fizik është thelbësor për të reduktuar rrezikun e trombozës.

A lidhet gjithmonë dhimbja e këmbës dhe e muskujve me praninë e mpiksjes së gjakut?

Simptomat më të zakonshme për praninë e mpiksjes së gjakut janë ënjtja, ethet ose dhimbjet në pjesën e ekstremiteteve. Këto simptoma shpesh mund të ngatërrohen me dhimbje ose lëndim muskuloskeletor. Në këto raste është e nevojshme kryerja e një testi të quajtur “Eko-Doppler”, i cili mundëson vizualizimin e shpejtë dhe me efikasitet të ndalimit të qarkullimit të gjakut dhe identifikon vendndodhjen e mpiksjes.

Në rast se keni shfaqje të këtyre simptomave ose mendoni se mund të jeni të prirur ndaj mpiksjes së gjakut, mos hezitoni të konsultoheni me mjekun tuaj. Në klinikën tonë kemi specialistët më të mirë në transfuziologji, kardiologji, kirurgji vaskulare dhe radiologji të cilët do t’ju ofrojnë trajtimin e duhur dhe të personalizuar.

Mos prisni, rezervoni terminin tuaj me zbritje tçmime të reduktuara

Jemi të sigurt se tashmë e dini që kanceri është një nga 10 kërcënimet më të mëdha për shëndetin global të njeriut. Vetëm në vitin 2021, rreth 10 milionë njerëz në mbarë botën kanë humbur jetën nga kanceri. Por nuk është vetëm vdekja e parakohshme ajo që shqetëson. Këtu përfshihet humbja e produktivitet, kostot shëndetësore, humbja e të ardhurave, cilësia e reduktuar e jetës, mungesa e aftësisë për të funksionuar.

Kjo është arsyeja pse çdo 4 shkurt, Dita Botërore e Kancerit tërheq vëmendjen në nivel botëror për parandalimin, diagnostikimin dhe trajtimin e kancerit, duke njohur angazhimin e organizatave, komuniteteve dhe individëve për të reduktuar ndikimin global të sëmundjes.

Të mos e nënvlerësojmë fuqinë e ndërgjegjes kolektive, le të kontribuojmë të gjithë në ndërgjegjësimin se një përqindje e madhe (30 deri në 50%) e të gjithë kancereve mund të parandalohen nëse merren masat në kohën e duhur. Sot, ka 43.8 milionë njerëz që janë ende gjallë 5 vjet pas diagnozës së tyre.

Nëpërmjet investimit, aksesit të madh për marrjen e informacionit, diagnostikimit dhe trajtimit në kohë rriten shanset për të mbijetuar nga kanceri.

Spitali klinik Zhan Mitrev i bashkohet nismës për informim dhe diagnostikim në kohë me çmime të reduktuara. Në periudhën 7 shkurt deri më 31 mars, ekzaminimet si: ekoja e gjirit, mamografia 2D, 3D, tomografia e kompjuterizuar e mushkërive dhe mapimi apo skanimi i lëkurës janë me gjysmë çmimi.

Mos prisni, rezervoni terminin tuaj në 02/3091-484

Bëni gjithçka që është në dorën tuaj për të zvogëluar rrezikun e kancerit, përpiquni të zbatoni këshillat e mëposhtme:

• Kryeni kontrolle të rregullta, ato janë një faktor kyç për shpëtimin e jetës, sepse parandalojnë mundësinë e zhvillimit të kancerit dhe zvogëlojnë rrezikun e vdekjes së parakohshme.
• Reduktoni përdorimin e pijeve alkoolike dhe duhanit sepse rrisin shanset për t’u prekur nga kanceri.
• Mundohuni të bëni një mënyrë jetese më të shëndetshme.
• Merruni me aktivitet fizik. Reduktoni kohën e kaluar ulur.
• Shmangni ekspozimin në diell. Përdorni krem kundër diellit.
• Merrni masa për të mbajtur një peshë trupore të shëndetshme.

Herpes zoster është një infeksion viral i lëkurës i shkaktuar nga i njëjti virus si variçela (lija e dhenve). Shkakton skuqje të dhimbshme dhe flluska në lëkurë. Mund të shfaqet në çdo pjesë të trupit, por në të shumtën e rasteve shfaqet në zonën ndërbrinjore, majtas ose djathtas.

Kushdo që ka pasur variçela (linë e dhenve) mund të zhvillojë herpes zoster, sepse pasi të ketë kaluar variçela, virusi qëndron në trup dhe është joaktiv, por mund të riaktivizohet me kalimin e kohës, duke shkaktuar herpes zoster. Është vlerësuar se 15% e popullsisë mund të preket nga ky virus i lëkurës në një moment të jetës së tyre dhe kjo zakonisht prek individët mbi 60 vjeç.

Shkaqet e herpes zoster nuk dihen saktësisht, por mendohet se individët që janë në depresion ose ata që kanë përjetuar stres shumë të rëndë, që kanë sistem imunitar të dobët, kanë më shumë gjasa të preken prej tij.

Simptomat më të zakonshme të herpes zoster janë:

• Dhimbje, djegie, kruajtje dhe/ose ndjesi shpimi në zonën e lezionit përpara se të shfaqet
• Skuqje e lëkurës dhe flluska
• Kruajtje kur lezioni thahet
• Parehati në stomak
• Ethe
• Ndjeshmëri ndaj dritës
• Dhimbje koke
• Dhimbje muskulore
• Lodhje

Komplikimet e herpes zoster

Megjithëse herpes zoster është zakonisht një gjendje vetëkufizuese që nuk rrezikon jetën e personit të prekur dhe zhduket brenda një ose dy javësh, ai mund të jetë shumë i dhimbshëm dhe në disa raste mund të çojë në komplikime.

Komplikimet më të zakonshme të shkaktuara nga herpes zoster janë:

Neuralgjia post-herpetike: ndodh kur dhimbja vazhdon shumë kohë pas zhdukjes së ndryshimeve të lëkurës.
Probleme neurologjike: Herpes zoster mund të shkaktojë encefalit, paralizë të fytyrës ose probleme me dëgjimin ose ekuilibrin.

• Infeksione të lëkurës: ndodhin kur komplikimet e lëkurës nuk trajtohen siç duhet.
• Humbje e shikimit: shkaktohet nga herpes zoster okulist, që shfaqet brenda ose rreth syrit.

Duke pasur parasysh ndërlikimet e mundshme, është thelbësore të identifikohen simptomat e para dhe të drejtoheni tek mjeku specialist për të filluar trajtimin sa më shpejt të jetë e mundur.

Në Spitalin klinik Zhan Mitrev në dispozicionin tuaj është departamenti i Dermatologjisë i përbërë nga një ekip profesionistësh të kualifikuar të cilët mund të plotësojnë të gjitha nevojat tuaja dhe t’ju udhëheqin gjatë procesit të diagnostikimit dhe trajtimit, duke ofruar një qasje të personalizuar për çdo pacient.

Sëmundjet jo të transmetueshme, ndër të cilat është edhe kanceri, janë ndër 10 kërcënimet kryesore për shëndetin global të njeriut. Vetëm në vitin 2021, rreth 10 milionë njerëz në mbarë botën kanë humbur jetën nga kanceri. Por nuk është vetëm vdekja e parakohshme ajo që shkakton shqetësim, gjithashtu një shqetësim i madh është humbja e produktivitet, kostot shëndetësore, humbja e të ardhurave, pengesat dhe reduktimi i cilësisë së jetës.

Prandaj, le të kontribuojmë të gjithë në rritjen e një përqindje më të madhe të ndërgjegjësimit, 30 deri në 50% e të gjithë kancereve mund të parandalohen nëse merren në kohë masat e nevojshme.

Përmirësimi është i mundur!

Nëpërmjet investimeve, aksesit më të madh për marrjen e informacionit, diagnostikimi dhe trajtimi në kohë rrisin shanset për të mbijetuar nga kanceri.

Spitali klinik Zhan Mitrev i bashkohet nismës për informim dhe diagnostikim në kohë me çmime të reduktuara. Duke nisur nga sot deri më 31 mars ekzaminimet si: ekoja e gjirit, ekzaminimi mamografik 2D, 3D, tomografia e kompjuterizuar e mushkërive dhe video dermoskopia e lëkurës (mapimi i lëkurës) do të janë me çmim përgjysmues.

Mos prisni, rezervoni terminin tuaj në 02/3091-484.

Trendi i festimit të një dite, jave apo muaji të veçantë për sensibilizimin e sëmundjeve të ndryshme dhe parandalimin e tyre, po intensifikohet vazhdimisht. Pothuajse çdo javë apo muaj i kushtohet në mënyrë fisnike një shkaku të ndryshëm.
Amerikanët janë veçanërisht aktivë në këtë temë. Kështu, duke filluar nga viti 2002, ata krijuan “Ditën e rrobave të kuqe”. Çdo të premte të parë të muajit shkurt, veshja e rrobave të kuqe në fakt shpreh mbështetje për rritjen e ndërgjegjësimit për sëmundjet e zemrës.

Festimi i kësaj dite në këtë mënyrë synon të paralajmërojë veçanërisht gratë për kërcënimin shëndetësor të tyre numër një – sëmundjet e zemrës.

Sëmundja e zemrës është një sëmundje që prek zemrën, enët e gjakut ose të dyja. Shkaqet e sëmundjeve të zemrës janë të ndryshme, por ateroskleroza ose presioni i lartë i gjakut (hipertensioni) janë më të zakonshmet. Përveç kësaj, me kalimin e moshës ka një sërë ndryshimesh fiziologjike dhe morfologjike që ndryshojnë funksionin kardiovaskular dhe çojnë në një rritje të rrezikut të sëmundjeve kardiovaskulare, madje edhe tek individët e shëndetshëm asimptomatikë.

Sëmundjet e zemrës janë shkaku kryesor i vdekjeve në botë. Nga viti 1970 e deri më sot, shkalla e vdekshmërisë nga sëmundjet kardiovaskulare ka rënë në vendet me të ardhura të larta, por në të njëjtën kohë është rritur ndjeshëm në vendet me të ardhura të ulëta dhe të mesme. Megjithëse sëmundjet e zemrës zakonisht prekin të moshuarit, shenjat e para të sëmundjes kardiovaskulare fillojnë më herët në jetë. Prandaj, ka një theks në rritje për parandalimin e aterosklerozës duke modifikuar ose menaxhuar faktorët e rrezikut si ushqimi i shëndetshëm, ushtrimet fizike dhe heqja dorë nga konsumi i duhanit.

Vishni rroba të kuqe sot dhe përpiquni të jetoni dhe të ushqeheni më shëndetshëm, të mbroni shëndetin e zemrës suaj.

Ekzaminimi i dendësisë së kockave, i njour ndryshe osteodensitometria, është një teknologji e avancuar me rreze X që përdoret për të matur dendësinë dhe humbjen e masës kockore. DXA është standardi aktual i vendosur për matjen e dendësisë minerale kockore (BMD).

Ky kontroll i ndihmon mjekët të diagnostikojnë dhe trajtojnë gjendjet mjekësore që lidhen me dendësinë e kockave. Pacientët që i nënshtrohen këtij ekzaminimi janë të ekspozuar ndaj një doze të vogël rrezatimi jonizues, me ndihmën e të cilit krijohen imazhe nga brenda trupit. Rrezet X janë metoda më e vjetër dhe më e përdorur e imazhit mjekësor.
DXA zakonisht bëhet në zonën e këllkut dhe në pjesën e poshtme të shpinës. Tek disa persona të rritur dhe tek fëmijët, zakonisht ekzaminohet i gjithë trupi.

Cilat janë përfitimet dhe rreziqet?

Përfitimet:

– Osteodensitometria (DXA) është një procedurë e thjeshtë, e shpejtë dhe jo invazive.
– Nuk kërkohet anestezi dhe përgatitje e veçantë.
– Sasia e rrezatimit të përdorur është jashtëzakonisht e vogël. Ky rrezatim është më pak se një e dhjeta e dozës standarde të rrezeve X në kraharor dhe më pak se ekspozimi ditor ndaj rrezatimit natyral.
– Ekzaminimi për matjen e dendësisë së kockave DXA është aktualisht metoda më e mirë e standardizuar e disponueshme për diagnostikimin e osteoporozës dhe konsiderohet gjithashtu një vlerësues i saktë për rrezikun e frakturave.
– DXA përdoret për marrjen e vendimiit mbi trajtimin e nevojshëm. Mund të përdoret gjithashtu për të monitoruar efektet e trajtimit.
– Pas ekzaminimit, nuk ka rrezatim në trupin tuaj.

Rreziqet:

– Ekziston gjithmonë një shans i vogël për t’u prekur nga kanceri nga ekspozimi ndaj rrezatimit. Megjithatë, duke pasur parasysh sasinë e vogël të përdorur në imazherinë mjekësore, përfitimet e marra nga diagnoza e saktë tejkalojnë rrezikun që lidhet me të.
– Gratë shtatzëna duhet të informojnë mjekun ose radiologun e tyre për gjendjen e tyre.
– Ndonjëherë doza e rrezatimit për këtë proces mund të ndryshojë.
– Nuk priten komplikime nga procedura DXA.

Kush i interpreton rezultatet dhe si mund t’i marr ato?

Mjeku radiolog, ortoped ose profesionist mjekësor i trajnuar posaçërisht për të monitoruar dhe interpretuar radiografitë. Radiologu ose ortopedi do të përgatisë një raport i cili më pas mund të diskutohet me mjekun që ju ka rekomanduar kryerjen e këtij skanimi. Në varësi të rezultateve, do të merrni rekomandim për hapat vijuese.

Rezultatet e këtij shqyrtimi përmbajnë dy vlerësime kryesore:

Rezultati T: tregon dendësinë e kockave tuaja në krahasim me një person tjetër të rritur të ri që i përket të njejtës gjini dhe me masë maksimale kockore. Rezultati më i madh se -1 konsiderohet normal. Rezultati ndërmjet -1.1 dhe -2.4 klasifikohet si osteopeni (masa e ulët kockore). Një shkallë më e vogël se -2.5 përkufizohet si osteoporozë. Rezultati T përdoret për të llogaritur rrezikun e zhvillimit të një frakture dhe gjithashtu për të përcaktuar nëse nevojitet trajtim.

Rezultati Z: tregon densitetin e kockave në krahasim me personat e tjerë në grupmoshën tuaj me të njëjtën gjatësi, peshë dhe gjini. Nëse ky rezultat është jashtëzakonisht i ulët ose i lartë, mund të tregojë nevojën për ekzaminime shtesë mjekësore.
Zakonisht mund të vërehen ndryshime të vogla ndërmjet shqyrtimeve të tjera për shkak të ndryshimeve të pozicionimit, por zakonisht nuk janë të rëndësishme.

Osteodensitometria (DXA) si ekzaminim është i disponueshëm në klinikën tonë dhe në dispozicionin tuaj janë mjekët tanë radiologë dhe ortopedë të cilët janë të trajnuar posaçërisht për të regjistruar dhe interpretuar këto rezultate, dhe me profesionalizmin dhe përvojën e tyre shumëvjeçare do t’ju ofrojnë trajtimin e duhur dhe të personalizuar.