Autor: zmc_piksel_dev

Të nderuar pacientë dhe kolegë,

Gjatë periudhës së muajit qershor, në Zan Mitrev Clinic janë trajtuar 23 pacientë, 21 meshkuj dhe 2 gra nga mosha 27-84 vjeç, gjenetikisht positive me shenja të theksuara të infeksionit Covid-19. Tek të gjithë pacientët është regjistruar zhvillim klinik disa ditor me temperature të lartë, kollitje, vështirësi në frymëmarrje, saturim nën 80% pavarësisht nga mbështetja e lartë me oksigjen dhe me ndryshime të theksuara të mushkërive dhe filmimet radiologjike kanë treguar shenja të rënda të pneumonisë bilaterale dhe sindromë të distresit akut respirativ (ARDS).

Të gjithë pacientët janë vendosur në mënyrë të vazhdueshme në apparat për pastrimin e gjakut ekstrakorporal nga firma Baxter, me kohëzgjatje nga 24-48 orë. Gjithashtu, sipas protokolleve tona, janë vendosur menjëherë në terapi antikoagulante me doza të larta, në terapi vitaminoze në doza të larta si dhe terapi fiyikale respirative dhe intenzive. Terapia antibiotike zbatuar veçanërisht sipas antibiogramit.

Në këtë mënyrë, tek të gjithë pacietët me përjashtim të njërit prej tyre, arritëm ta shmangnim aplikimin e aparatit respirativ si opsion për trajtimin e mëtejshëm. Të gjithë pacientët janë përmirësuar ndjeshëm sipas të gjitha parametrave klinikë dhe laboratorikë. Tashmë në shtëpi janë lëshuar 13 pacientë, 1 pacient ndodhet në respirator, dhe gjendet në gjendje klinike të përmirësuar, 1 pacient në moshën 84 vjeçare ka humbur jetën, duke mos pasur mundësinë për aplikimin e plotë të të gjitha procedurave për shkak të gjendjes së rëndë klinike.

Kjo mënyrë trajtimi zgjat nga 5-10 ditë në varësi të gjendjes klinike të pacientëve. Nëse ka kaluar një periudhë më e gjatë nga fillimi i sëmundjes para se të paraqiten në spital, është e nevojshme një kohë më e gjatë për përmirësimin e tyre, por nëse pamja klinike e dëmtimit të mushkërive është e përparuar, atëherë nuk mund ti vijmë në ndihmë në asnjë mënyrë.

I vetmi konotacion negativ i këtij trajtimi deri tani deri, nëse mund të thuhet kështu, është fakti që lidhet me kosto të lartë materialesh e cila mbulohet nga vetë pacientët.

Akad. Dr. Zhan Mitrev

Të nderuar shikues, kolegë, pacientë,

Dua t’ju informojë për punën tonë gjatë tre javëve të fundit, që nga momenti kur filluam me trajtimin e pacientëve të sëmurë rëndë nga infeksioni me Covid-19. Falë punës tonë shumëvjeçare me pacientë me sëmundje infektive dhe sepsë, ne e modifikuam dhe e aplikuam të njejtën metodë edhe tek këta pacientë. Të gjithë pacientët e pranuar në spitalin tonë ishin me simptoma të theksuara të infeksionit Covid-19, me shenja të qarta të rënies së saturimit, temperaturë, kollë. Simtomat e tyre ishin disa ditore kryesisht në kushtet e shtëpisë apo të trajtuar në kushte spitalore, me ndryshime të qarta në mushkëri dhe radiografi me pamje të qartë të pneumonisë. Koncepti i punës tonë është fillimi i menjëhershëm i monitorimit të të gjitha parametrave infektive. Rëndësi e vaçantë i është dhënë prognozës së rezultatit të pacientëve, d.m.th me pranimin e tyre në klinikën tonë, bazuar në parametrat që ndjekim për çdo pacient individualisht bëjmë përcaktimin e indeksit inflamator, dhe nëse ky i fundit rritet dhe përkeqësohet funksioni i mushkërive tashmë e dimë që rezultati nuk është i mirë, dhe menjëherë i vendosim në hemofiltrim për pastrim ekstrakorporal të gjakut përgjatë 24 orësh. Në rast se kjo nuk është e mjaftueshme atëherë këtë procedurë e vazhdojmë edhe për 24 orë të tjera, por tek disa pacientë të cilët paraqiten në gjendje të rëndë, tek të cilët sëmundja ka përparuar së tepërmi, pastrimi i gjakut zgjat më tepër. Menjëherë pas kësaj, tek të gjithë pacientët, numri i të cilëve është 25, tek pjesa më e madhe e tyre me indikim për tu vendosur në terapi respirative, arritëm që ta shmangim këtë lloj trajtimi dhe vetëm njërin prej tyre ishim të detyruar që ta vendosnim në intubim për shkak të gjendjes së përkeqësuar. Ky pacient është hequr përsëri nga intubimi gjatë ditës së djeshme dhe është në fazë përmirësimi, ndërkohë që në spitalin tonë qëndron prej 14 ditësh. Përsa i përket pjesës tjetër të pacientëve, më shumë se gjysma e tyre janë kthyer në shtëpi, ndërsa pjesa tjetër e pacientëve janë në fazë përmirësimi. Një pacient 85 vjeçar humbi jetën që në momentin e pranimit në spital për shkak të gjendjes së rëndë dhe praktikisht duke mos pasur mundësi për ti ofruar trajtim. Gjithashtu, një tjetër pacient humbi jetën gjatë ditës së djeshme i cili u pranua në spitalin tonë pasi kishte qëndruar në një spital tjetër, ku dhe ishte trajtuar për më tepër se 10 ditë, me anë të aparatit respirativ. Pacienti u pranua në klinikën tonë por praktikisht nuk patëm mundësi për të aplikuar asnjë lloj terapie. Me këtë, dua të them se kjo teknikë të cilën ne praktikojmë jep rezultate shumë të mira, rezulatet janë të dukshme dhe gjendja e pacientëve përmirësohet ndjeshëm në rast se infeksioni është në fillim të zhvillimit të gjendjes së rëndë. Shqetësues është fakti që gjithnjë dhe më tepër kemi pacientë në moshë të re. Njëri nga pacientët i cili ende trajtohet në spitalin tonë është 23 vjeçar, dhe me këtë bie teoria se infeksioni prek vetëm personat e moshuar. Dua t’ju tregoj një shembull tipik radiologjik, dhe përsëri dua të apeloj për publikun që të mos e neglizhojnë këtë sëmundje, pasi bëhet fjalë për një sëmundje tepër të rëndë, tepër agresive dhe deri tani mund të themi se në kuadër botëror nuk ka ende një koncept për të treguar se si duhet të trajtohen pacientët.  Ne për herë të parë dalim zyrtarisht dhe këtë do ta vendosim edhe në portalet shkencore dhe do të paraqesim të gjitha rezultatet e këtyre pacientëve të trajtuar në mënyrë mjekësore. Dua të them se kjo është një sëmundje tepër e rëndë e cila domosdoshmërisht kërkon tajtim, dhe konceptin tonë ne e japim në këtë mënyrë. Deri tani të gjitha këto rezultate fillestare janë inkurajuese për pacientët e sëmurë rëndë, gjendja e të cilëve kërkon vendosjen e tyre në intubim, por ne kemi arritur ta ndërpresim intubimin dhe në këtë mënyrë të ndërpritet progresimi i sëmundjes. Këto janë shenja tipike të pacientëve para dhe pas ardhjes së tyre në klinikën tonë. Shenjat e mushkërive janë tepër të rëndësishme. Nëse pacienti është asimptomatik atëherë mund të presim , por sigurisht, gjithmonë bazuar në parametrat e rezultateve laboratorike. Nëse gjendja përkeqësohet dhe nëse pacienti ka rënie të saturimit atëherë kemi të bëjmë me një gjendje tepër serioze dhe duhet menjëherë të reagohet. Kjo është metoda që ne kemi aplikuar gjatë kësaj periudhe të shkurtër tek këta pacietë, deri tani rezultatet janë të mira, inkurajuese. Ndoshta duhet të bëhet ripërcaktimi i qasjes së pacientëve, sepse tani ne mund të themi se nuk është intubimi ajo që mund të ndikoj në vazhdimin e terapisë, ndoshta numër një është hemofiltrimi me anë të pastrimit të gjakut me filtra të veçantë dhe më pas të gjitha masat e tjera intenzive të trajtimit. Këta janë pacientë të cilët janë në gjendje të rëndë dhe kërkojnë trajtim mjekësor intenziv.

Pas shfaqjes së simptomave si: dhimbje koke, marramendje dhe rritje të temperaturës së trupit, bëra test me anë të brisit i cili rezultoi pozitiv ndaj infeksionit Covid 19.

Vetëm disa ditë pas simptomave të para, pata vështirësi në frymëmarrje dhe u diagnostikova me pneumoni në të dyja anët e  mushkërive. U shtrova në spitalin shtetëror, ku  edhe pas kujdesit të ofruar, gjendja ime u përkeqësua shumë shpejtë dhe në mënyrë drastike, duke çuar në një rënie të mprehtë të funksionit dhe aftësive të mushkërive dhe rritje të rrahjeve të zemrës.

Më dërguan me ambulancë në Zan Mitrev Clinic. Situata në të cilën ndodhesha ishte e vështirë dhe e rrezikshme për jetën. U vendosa menjëherë në një aparat për pastrimin e gjakut – hemodializë venoze dhe mbështetje të oksigjenit, dhe pas vetëm disa ditësh të vështira, terapia filloi të japte rezultat, dhe parametrat që ishin jashtë të gjitha kufijve filluan të normalizohen, edhe frymëmarrja e cila edhe pse ende shumë e rënduar filloi të bëhej më e lehtë.

Falënderoj stafin mjekësor për kujdesin e shkëlqyeshëm që më ofruan. Falënderime të veçanta për fizioterapistët të cilët pas stabilizimit të gjendjes time shëndetësore pas filtrimit, menjëherë filluan me  ushtrimet për forcimin e mushkërive  në mënyrë graduale deri në arritjen e momentit për heqjen e mbështetjes me oksigjen. Këtu përdoren pajisjet mëtë reja dhe më moderne për trajtimin e muskulaturës dhe për çlirimin më të lehtë nga sekretimi i akumuluar në mushkëri, ndërsa trajtimet dhe mjekimet janë të personalizuara dhe të planifikuara për secilin pacient përkatësisht. Kam marrë kujdes të lartë në të gjitha aspektet e trajtimit, kam qenë nën monitorim dhe kontroll të vazhdueshëm. Mjekët dhe infermierët përveç profesionalizmit, sjelljes dhe qëndrimit të tyre pozitiv, më kanë dhanë gjithashtu mbështetje psikologjike, e cila në ato momente më ka dhënë forcë që të luftoja për jetën time.

Familja ime ishte e informuar në çdo kohë për gjendjen time shëndetësore, dhe e dinin se unë ndodhesha në duart më të sigurta jo vetëm në vendin tonë, por edhe në botë. Unë i shpreh mirënjohjen time të thellë dhe të sinqertë Dr. Zan Mitrev jo vetëm për profesionalizmin dhe përkushtimin e tij ndaj pacientëve, por edhe për ndërtimin e kësaj Klinike dhe mbledhjen e stafit jashtëzakonisht profesional me të cilin ai ka shpëtuar mijëra jetë, dhe tani edhe jetën time.

I falënderoj edhe një herë të gjithë përzemërsisht, dhe i uroj sa më shumë forcë në punën e tyre të përkushtuar dhe gjetjen e shpejtë të strategjisë për trajtimin e pacientëve të sëmurë rëndë nga Covid-19. Unë besoj se ai duhet të ndjekë vetëm mendimin e Perëndisë që e dërgoi këtu për t’i  ardhur në ndihmë popullit të tij. Jini të kujdesshëm, bëni gjithçka që është në duart tuaja për të reduktuar rrezikun e përhapjes së Covid-19, për të mbrojtur veten dhe personat tuaj më të dashur!  Ju uroj shumë shëndet!

Sinqerisht, Biljana Kletniçka.

Përshëndetje,
Unë jam Dr. Olivera Zhivkovska, specialiste në mjekësinë biokimike, pjesë e ekipit të laboratorisë biokimike në Zan Mitrev Clinic. Dua t’ju informoj se në laboratorin tonë kryhet testi imunologjik dhe testi serologjik për përcaktimin sasior të antitrupave IgG ndaj virusit Sars Cov2 në gjak. Në laboratorinë tonë gjenetike tashmë kryhet testi molekular PCR për detektimin e virusit Sars Cov2 me anë të brisit. Testi molekular na tregon praninë e infeksionit aktiv, ndërsa testi i ri serologjik na tregon se tashmë pacienti e ka përjetuar apo kaluar më parë infeksionin. Testet serologjike dhe ato molekulare plotësojnë njëri-tjetrin dhe me kombinimin e dy testeve vërehet ndjeshmëria më e lartë se 99%. Nëse me anë të testit molekular bëhet detektimi i pranisë së vetë virusit, me ndihmën e matjes së përqëndrimit të antitrupave merret informacion nëse organizmi ka qenë në kontakt me virusin dhe cila është përgjigja imunologjike e organizmit në me luftën me këtë virus. Por duhet të tregoni kujdes përsa i përket kohës se kur duhet të kryhen testet molekulare dhe kur ato serologjike, pasi në rast se testi bëhet shumë herët, mund të jap rezultate negative ndërkohë që pacienti është pozitiv. Koha e kryerjes është tepër e rëndësishme për përdorimin e duhur tëtë dyja testeve. Testi serologjik që kryhet në laboratorinë tonë është test i çertifikuar nga CE (kontrolli europian), gjendet në listën e testeve të propozuara nga OBSH dhe është i regjistruar në vendin tonë. Bëhet fjalë një analizues imunitar plotësisht automatik. Ndryshe  nga testet e shpejta, rezultati i marrë me anë të  këtij testi është i saktë, ka përqëndrim numerik të antitrupave të pranishëm, dhe testi ka ndjeshmëri dhe specifikë klinike jashtëzakonisht të lartë.

Specifike dhe senzitive – kjo është masa bazë me të cilën vlerësohen testet serologjike. Sa më e lartë të jetë përqindja e specifikës dhe ndjeshmërisë së testit, aq më e madhe është besueshmëria e rezultateve që marrim. Sa më e lartë të jetë specifika dhe ndjeshmëria, aq më pak është e mundur marrja e  rezultateve të rreme pozitive dhe akoma më pak marrja e rezultateve të rreme negative. Testi që ne përdorim është 99,90% specifik dhe ka 100% ndjeshmëri pasi të kenë kaluar të paktën 14 ditë nga rezultati i parë pozitiv i PCR ose 17 ditë pas shfaqjes së simptomave të para. Këto janë përqindje  të shkëlqyera me anë të të cilave mund të besojmë në rezultatet e këtyre testeve.

Matja e përqendrimit të antitrupave IgG është e rëndësishme për:

➢ Zbulimin e pacientëve asimptomatik

➢ Ndjekjen e infeksionit tashmë të kaluar

➢ Ndjekjen e një pjese të popullatës ndaj ekspozimit të virusit (p.sh. punonjësit e shëndetësisë)

Mundësia për selektimin e plazmës (gjakut) nga pacientët të cilët tashmë e kanë kaluar infeksionin, për qëllime terapeutike

Dr. Zhan Mitrev vizitoi Ivan Ognjanovskin, pacientin të cilit i është bërë transpantimi i parë i zemrës në vendin tonë.

Ivan është në gjendje të mirë shëndetësore dhe pas rekomandimeve të doktor Mitrev, ai tashmë po përgatitet për lëshimin e tij nga spitali dhe për të vazhduar me trajtimin dhe kujdesin e mëtejshëm në shtëpi.

Ivan me padurimi priste për takimin me doktor Mitrev, për të cilin u ngrit dhe përshëndeti në mënyrë që të bindte të gjithë për dëshirën e tij për t’u rikuperuar dhe për t’iu rikthyer jetës normale sa më shpejt.
Gjatv gjithë periudhës së rekuperimit dhe shërimit të tij, kanë qenë të përfshirë mjekë nga klinika jonë, të cilët së bashku me kolegët e tyre nga kardiokirurgjia shtetërore kanë monitoruar në mënyrë të  pandërprerë çdo minutë gjendjen dhe shëndetin e tij.
Bashkëpunimi ndërmjet Zan Mitrev Clinic dhe ekipit shtetëror të kardiokirurgjisë vazhdon, veçanërisht kur bëhet fjalë për pacientë të sëmurë në gjendje të rëndë.

Ekipi i Laboratorisë Gjenetike dhe Mjekësisë së Personalizuar në Zan Mitrev Clinic në bashkëpunim me një kompani tjetër partnere, udhëhequr nga Dr. Goran Kungulovski, u përfshi në një kapitull tjetër të rëndësishëm në biomjekësinë Maqedonase.

Ekipi sekuencionoi gjenomët e parë të plotë të koronavirusit SARS-CoV-2, të izoluar tek pacientët maqedonas në fillim të muajit qershor.

Përmes një qasjeje të sekuencave të gjeneratës së tretë në kohë reale, ekipi i biologëve molekularë deshifroi plotësisht të gjitha 30,000 shkronjat e materialit gjenetik të virusit tek 10 pacientë maqedonas. ana Gjatë analizës  së detajuar të gjenomit u zbulua prania e mutacionit P323L në gjenin RdRP dhe mutacionit D614G në gjenin S në izolimet e të gjithë 10 pacientëve.

Këto mutacione janë veçanërisht të rëndësishme sepse ato gjenden në njërën nga dy proteinat më të rëndësishme në koronavirus: proteina S është çelësi i virusit që hyn në qelizë dhe infekton atë, ndërsa gjeni RdRp është i rëndësishëm për ndarjen e qelizave.

Sipas studimeve të fundit shkencore, llojet e mutacionit D614G dominojnë në Evropë dhe disa rajone të Shteteve të Bashkuara gjatë muajve të fundit. Mutacioni D614G, i cili mungon në 97% të izolimeve në Kinë dhe është dominuese në Evropë por gjithashtu gjendet edhe në Maqedoni, mendohet se rrit transmetueshmërinë dhe infektivitetin e virusit, por nuk ndikon në ashpërsinë e simptomave.

Proteina S është një nga synimet kryesore për zhvillimin e vaksinës kundër virusit, ndërsa gjeni RdRp është një nga synimet kryesore për zhvillimin e terapisë antivirale. Sekuencimi i disa izolimeve të virusit tek pacientët maqedonas që nga fillimi i epidemisë deri më tani, do të mundësojë monitorimin e saktë të evolucionit dhe ndryshimeve të virusit në kuadër të Maqedonisë.