Autor: zmc_piksel_dev

HOBB – Sëmundja kronike obstruktive e mushkërive

Posted on by zmc_piksel_dev

Sëmundja kronike obstruktive e mushkërive është sëmundje e cila në entitetin e vet ka disa lloje të sëmundjes, zakonisht shkaktohet nga emfizemi dhe bronkiti kronik. Kjo është një sëmundje progresive e cila fatkeqësisht nuk mund të shërohet, por me anë të marrjes së terapisë së duhur mund të kontrollohet – shprehet Dr. Aleksandar Sandevski, pulmoalergolog në Zan Mitrev Clinic.

Sa është e lidhur kjo sëmundje me mjedisin dhe jetën moderne si dhe sa ndikon kjo në rritjen e numrit të pacientëve?

Sëmundja kronike obstruktive e mushkërive është sëmundje e jetës moderne dhe në mbarë botën numri i pacientëve të prekur nga kjo sëmundje gjithnjë në rritje gjithashtu edhe numri i vdekshmërisë tek këta pacientë. Jeta moderne kontribuon në shfaqjen e kësaj sëmundje dhe në pasojat që lë kjo sëmundje. Faktori më i zakonshëm i cili shkakton shfaqjen apo përkeqësimin e sëmundjes kronike obstruktive të mushkërive (HOBB) është konsumi i duhanit, nomalisht edhe faktorë të tjerë siç është ndotja e madhe e ajrit veçanërisht tek vendet e industrializuara, në vendin tonë si dhe në vendet e tjera fqinje ndotja e ajrit ka ndikim të madh në shfaqjen e kësaj sëmundje.

Cila popullatë është më e prekur nga HOBB?

Zakonisht më të prekur janë ata individë të cilët janë mbi 40 vje, të cilët kanë një histori relativisht të gjatë në konsumimin e duhanit. Popullata mashkullore është më dominuese në krahasim me popullatën femërore përsa i përket kësaj sëmundje, megjithëse ky raport i konsumimit të duhanit është në ndryshim, dhe në disa vende të botës në të cilat gratë konsumojnë duhan e kalojnë këtë prag dhe në një farë mënyre ky raport mund të themi se është në balancim. Veçanërisht tek popullata më e thyer në moshë (mbi 50-60 vjeç) kjo sëmundje dominon tek duhanpirësit kronik, ndikim të shfaqjes apo përkeqësim të kësaj sëmundje kanë edhe sëmundjet e tjera kronike të pranishme tek këta persona, veçanërisht tek personat të cilët kanë sëmundje të zemrës, mungesë të balancimit të sheqerit në gjak, etj.

Cilat janë simptomat e kësaj sëmundje dhe si mund të dallohen?

Fatkeqësisht kjo sëmundje nuk ka simptoma tipike. Përmenda më lart se entitetet kryesore të kësaj sëmundje janë emfizemi dhe bronkiti kronik. Megjithatë, duhet përmendur se ata persona të cilët konsumojnë duhan prej vitesh, të cilët kanë kollë për një kohë të gjatë, nxjerrin sekrecione gjatë kollitjes, kanë vështirësi në frymëmarrje, lodhje të shpejtë gjatë aktiviteteve të përditshme, mund të jenë të prekur nga sëmundja kronike obstruktive e mushkërive. Gjendja klinike e këtyre pacientëve  është e rëndësishme, megjithatë kjo nuk mjafton për diagnostikimin e kësaj sëmundje,është e nevojshme që të bëhen shqyrtime te tjera shtesë siç është regjistrimi i mushkërive dhe spirometria me anë të të cilave mund të bëhet përcaktimi i sëmundjes.

Si trjatohet kjo sëmundje në mjekësinë bashkëkohore dhe a mund të parandalohet?

Përsëri dua të theksoj se kjo sëmundje nuk mund të shërohet, por gjatë 10-15 viteve të fundit farmakologjia dhe mjekësia moderne ka gjetur ilaçe të cilat ndihmojnë për ta kontrolluar atë, dhe pacienti të mos ndjejë pothuajse asnjë simptomë. Këto ilaçe kanë të bëjnë me inhalues të veçantë dhe sprej të cilët mund ta mbajnë nën kontroll sëmundjen kronike obstruktive të mushkërive. Ndërprerja e pirjes së duhanit dhe preparateve të tjera të nikotinës ndikon në reduktimin e simptomave, domethënë në rast se shmanget në kohë pirja e duhanit kjo sëmundje mund edhe të parandalohet. Përmirësimi i kushteve të jetesës, reduktimi i ndotjes së ajrit, reduktimi i të gjithë faktorëve të tjerë të cilët ndikojnë në përkeqësimin e e cilësisë së ajrit që thithim, ndikon në reduktimin e numrit të këtyre pacientëve si dhe në reduktimin e simptomave tek pacienët tashmë me prani të kësaj sëmundje.

Cfarë zgjidhje ofron Zan Mitrev Clinic për këta pacientë?

Spitali ynë ofron parandalim, diagnozë dhe trajtim të përsonalizuar për cdo pacient. Zan Mitrev Clinic posedon stafin me profesional dhe me eksperiencë shumëvjeçare në fushat e tyre të punës, si dhe aparaturat më moderne me anë të të cilave ofrohet diagnozë e shpejtë dhe e saktë, si dhe trajtim i duhur dhe në kohë për çdo pacient individualisht.

Cilat janë këshillat dhe rekomandimet tuaja për këta pacientë?

Një ndër gjërat më të rëndësishme është heqja dorë nga konsumi i duhanit, pasi gjithçka tjetër organizmi arrin në një farë mënyre ta menaxhoj, të shmangen vendet apo hapësirat e mbipopulluara, të vakcinohen rregullisht kundër gripit, të praktikojë fundjava në zonat malore, të marrin rregullisht kardio-terapinë (në rast se kanë), të kujdesen për rregullimin e nivelit të sheqerit në gjak në rast se vuajnë nga diabeti, të vendosin rregull në jetën e tyre përsa i përket zakoneve të shëndetshme. Pacientet të cilët dyshojnë se kanë sëmundje të mushkërive mund të paraqiten në spitalin tonë për tu ekzaminuar dhe përcaktuar nëse pacienti është i prekur apo jo nga semundja kronike obstruktive e mushkërive, dhe normalisht ne jemi këtu për t’ju ofruar atyre  kujdes maksimal.

 

Java botërore e përdorimit racional të antibiotikëve

Posted on by zmc_piksel_dev

Java botërore e përdorimit racional të antibiotikëve

17-20 Nëntor 2019

“E ardhmja e antibiotikëve varet nga të gjithë ne!” – kjo moto shënon Javën botërore të përdorimit racional të antibiotikëve për vitin 2019. Mesazhi thotë qartë se ne kemi për detyrë të ruajmë antibiotikët, sepse ne nuk mund t’i konsiderojmë ato të trashëguara nga paraardhësit tanë, por të huazuar nga brezat e ardhshëm.

Çdo muaj nëntor, Java botërore për përdorimin racional të antibiotikëve (WAAW) synon të rrisë ndërgjegjësimin për rezistencën antimikrobike si një fenomen global, si dhe të forcojë aplikimin e praktikave më të mira ndërmjet popullatës së përgjithshme, ofruesve të kujdesit shëndetësor dhe personave përgjegjës të politikës shëndetësore përsa i përket ngadalësimit dhe parandalimit në  zhvillimin dhe përhapjen e rezistencës antimikrobiale.

Republika e Maqedonisë së Veriut feston 18 Nëntorin – Ditën Evropiane për Përdorimin Racional të Antibiotikëve që nga viti 2008, si dhe Javën botërore për përdorim racional të antibiotikëve që nga themelimi i saj në vitin 2015.

Këtë vit, me iniciativën e farmacistëve të Zan Mitrev Clinic dhe seksionit të farmacisë klinike të Shoqatës Farmaceutike të Maqedonisë, farmacistët u përfshinë në mënyrë aktive përmes realizimit të seminarit të 5-të edukativ “TRAJTIMI I MULTIDISFILLABILITETIT NË MENAXHIMIN E ANTIBIOTIKËVE” më 18.11.2019.

Seminari ishte mjaft i gjerë dhe i pasur me leksione nga profesorë të fakultetit të farmacisë, mjekë të shëndetësisë publike, klinikë dhe mikrobiologë si dhe farmacistë praktikantë.

Hapja e seminarit përveç presidentëve të komorës farmaceutike dhe Shoqatës farmaceutike të Maqedonisë u bë edhe nga Doc. Dr. Golubinka Boshevska, koordinatore kombëtare e komisionit multisektural për rezistencën antimikrobike të AMR-së.

Ne si farmacistë pjesëmarrës nga ana e  Zan Mitrev Clinic  kemi dhënë një përmbledhje të plotë të masave dhe aktiviteteve që kemi ndërmarrë për të menaxhuar antibiotikët në objektin tonë. Përfitimet e përfshirjes së farmacistit në ekipin e menaxhimit të antibiotikëve nga viti 2017 janë të dukshme jo vetëm përsa i përket kursimeve të mëdha financiare, por edhe përa i përket kontrollit të plotë dhe trajtimit të sigurt të pacientëve me antibiotikë në përputhje me standardet ndërkombëtare. Vendimet për administrimin e antibiotikëve bazohen në udhëzime të përcaktuara rreptësisht dhe tregues të cilësisë që ndikojnë në rezultatin pozitiv të trajtimit në pacientët tanë. Për secilin pacient, terapia e caktuar me antibiotikë kontrollohet individualisht për përshtatshmërinë sipas moshës, peshës trupore dhe parametrave laboratorikë. Bëhet monitorimi i përqëndrimit të antibiotikëve në gjak për rregullimin e dozës, sipas karakteristikave individuale, me qëllim për ta optimizuar atë dhe për të zvogëlojë efektet anësore tek pacient. Ne, me krenari  shprehemi se ndërhyrjet e zbatuara nën kontrollin dhe menaxhimin e rreptë të antibiotikëve  janë në niveln e spitaleve të standardizuara në mbarë botën.

Qëllimi i pjesëmarrjes tonë në këtë seminar ishte prezantimi dhe shkëmbimi i përvojave pozitive të farmacistëve të tjerë klinikë me tendencat pozitive të përdorimit të kontrolluar të antibiotikëve dhe përdorimi i të gjitha njohurive dhe burimeve tona për të transferuar këtë praktikë pozitive në institucionet e tyre të kujdesit shëndetësor.

Stimulimi funksional magnetik për forcimin e shpejtë të muskulit atrofik

Posted on by zmc_piksel_dev

Stimulimi funksional magnetik është një metodë jo-invazive, pa dhimbje që lejon stimulimin pa kontakt të strukturave sipërfaqësore dhe të thella të muskujve nën ndikimin e fushës magnetike me forcë nga 1.5 deri në 2T. SFM pasuron metodat e fizioterapistëve në luftën kundër sëmundjeve të caktuara nga të cilat vuajnë pacientët. Kjo metodë e re përdor ndryshimin e shpejtë të fushës magnetike (induksion magnetik) për të shkaktuar tkurrje të muskujve me cilësi të lartë. Avantazhi është në intensitetin e fushës magnetike që mund të depërtojë deri në 5 cm në indet e buta dhe të shkaktojë kontraktime të strukturave të thella të muskujve që zakonisht nuk mund të arrihet me elektrostimulimin standard.

Kjo metodë është jo-invazive dhe pa dhimbje, mund të kryhet pa kontakt të drejtpërdrejtë të lëkurës, dhe trajtimet përshtaten individualisht për secilin pacient në varësi të gjendjes së tyre. Kohëzgjatja e trajtimit është 10-20 minuta në një seri prej 10 trajtimesh, çdo dy ditë.

Nuk ka nevojë për përgatitje të veçantë paraprake nuk kërkohet për trajtim, vetëm pozicionimi i duhur. Me përdorimin e aplikatorit për SFM nuk është e nevojshme gjetja paraprake e pikave motorike ose nervore për të kryer trajtimin. Aplikantët e përdorur për këtë metodë janë krijuar për të shkaktuar tkurrjen e duhur të muskujve. Me këtë metodë mund të arrijmë forcim shumë më të thjeshtë dhe më të shpejtë të muskulaturës atrofike, inputin shqisor, si dhe reduktimin e lëvizjes neuromuskulare.

Indikacionet për trajtim: çrregullime të sistemit muskuloskeletor; artrit degjenerativ; artrit reumatoid; dhimbje muskulore; çrregullime kurrizore (lumbalgjia akute / kronike, dhimbja e nervit shiatik, spina bifida, spondiliti); çrregullime nervore (dëmtimi i nervit periferik); relaksim i muskujve; shpatulla e ngrirë; rehabilitimi i nervave dhe muskujve pas frakturave; dëmtimet sportive; kontrolli i dhimbjes, atrofia muskulore, ankiloza dhe sëmundjet urogjenitale.

Kundërindikime: pacemaker i përhershëm; aritmije malinje; vendosja e aplikantit përmes sinusit karotid; shtatzania; metali në zonën e trajtuar (implantet artikulare, materiali osteosintetik, etj.)

Për më shumë informacion në 02/30 91 484

Paraqituni për vizitë tek mjeku urolog para se të jetë tepër vonë

Posted on by zmc_piksel_dev

Shumë rrallë ndodhë që meshkujt të paraqiten në mënyrë preventive tek mjeku urolog pa pasur ndonjë simptomë ose problem. Statistikat tregojnë se meshkujt zakonisht paraqiten tek mjeku urolog vetëm atëherë kur simptomat janë të ndjeshme, apo kur sëmundja ka përparuar dhe kur trajtimi është më i vështirë.

Shumë meshkuj madje gjithë jetën e tyre e kalojnë pa vizituar urolog. Sidoqoftë, me mungesën e paraqitjes së tyre tek mjeku urolog, mund të rrezikojnë seriozisht jetën dhe shëndetin e tyre.

Nuk ka moshë të specifikuar se kur meshkujt duhet të fillojnë me kryerjen e kontrolleve të rregullta preventive. Tek meshkujt më të rinj në moshë, çrregullimet urologjike më të shpeshta janë sëmundjet inflamatore të uretrës dhe glansit të penisit, si dhe inflamacioni i prostatës ose testiseve.

Gurët në veshka ose në traktin urinar janë gjithashtu të zakonshme tek meshkujt. Kohët e fundit është vërejtur një rritje e sëmundjeve malinje, veçanërisht shqetësues është shfaqja e tumorit tëi testiseve I cili zakonisht shfaqet ndërmjet moshës 15 dhe 40 vjeçare.

Zgjerimi i prostatës dhe kanceri i prostatës zakonisht shfaqen pas moshës 45 vjeçare. Mund të konkludojmë se meshkujt duhet të vizitojnë mjekun urolog, veçanërisht pas moshës 50 vjeçare.

Ekzaminimi urologjik është i thjeshtë dhe pa dhimbje. Fillimisht me anë të konsultimit me mjekun urolog përcaktohet nëse pacienti ka problem urologjik apo jo, dhe më pas me anë të palpimit shqyrtohen organet gjenitale të jashtme dhe prostata.

Pastaj vjen një ekzaminim ekotomografik që zbulon një numër të madh të sëmundjeve urologjike. Shtë e rëndësishme të mbani mend se ekzaminime të tilla mund të zbulojnë sëmundjen në një fazë të hershme, duke siguruar që trajtimi të jetë më efikas dhe i thjeshtuar.

KUR DUHET TË PARAQITENI TEK MJEKU UROLOG?

-Në rast të shfaqjes së dhimbjes në testise

Urologu mund të vërej nëse bëhet fjalë për një rrotullim të penisit, rast i cili  trajtohet urgjent me anë të operacionit kirurgjik. Dhimbja testiseve gjithashtu mund të shkaktohet nga prania e tumorit, infeksionit ose inflamacionit.

Alarmant është fakti që kanceri i testiseve gjithnjë dhe më shpesh prek edhe tek popullatën e re mashkullore, dhe duke qenë se meshkujt nuk kanë zakon të kryejnë kontrolle të rregulta urologjike, shpesh sëmundja zbulohet në fazë të vonë.

-Në rast të shfaqjes së gjakut në urinë

Edhe sikur një herë të vetme të keni vërejtur gjak në urinë, duhet patjetër të konsultoheni me mjekun urolog. Gjaku në urinë ndonjëherë mund të jetë i fshehur dhe mund të zbulohet vetëm me anë të testeve laboratorike, për këtë arsye janë të nevojshme kontrollet e rregullta preventive tek mjeku urolog. Kjo mund të jetë një nga shenjat e hershme të karcinomit në fshikëzën e urinës apo në veshka, dhe me anë të zbulimit të hershëm mund të trajtohet në kohë.

-Në rast të infetilitetit mashkullor

Për të përcaktuar infertilitetin mashkullor, duhet të bëhet ekzaminimi urologjik dhe monitorimi i rregullt i pacientit. Zakonisht, pas zbulimit të infertilitetit dhe shkakut të tij, arrihet zgjidhja e këtij problem.

Apartamentet spitalore në Zan Mitrev Clinic – Kujdes i shkëlqyer mjekësor dhe rehati e përsosur

Posted on by zmc_piksel_dev

Zan Mitrev Clinic ka një sipërfaqe të tërë spitalore 17,000 metra katrorë me 128 shtretër spitalor, 10 prej të cilave janë në apartamente standarde dhe dy luksoze.

Qasja multidisiplinare është aseti ynë në kujdesin e pacientëve të hospitalizuar në  këtë pjesë te spitalit, sikurse dhe në departamentet e tjera. Disponueshmëria dhe reagimi i shpejtë nga të gjithë specialistët e punësuar në spital kontribuon në diagnostikimin dhe trajtimin e shpejtë, vizitat e rregullta dhe komunikimin e lehtë me pacientët.Ekipi multidisiplinar është i përbërë nga mjekë specialistë, infermierë, fizioterapistë, psikoterapistë, nutricionistë dhe ndihmës mjekësor. Të gjitha këto profile sëbashku kryejnë vizitat e pacientëve çdo ditë dhe bëjnë plan individual për çdo pacient përsa i përket kujdesit dhe rehabilitimit të tyre.

Në këtë departament gjithashtu zbatohet edhe rehabilitimi i zgjatur për një sërë sëmundjesh dhe gjendjesh, siç është  kardiorehabilitimi, rehabilitimi postoperativ në rastet e endoprotezave të ekstremiteteve të poshtme si dhe pas goditjes në tru.

Fizioterapistët janë gjithashtu pjesë e ekipit multidisiplinar dhe në bashkëpunim me specialistë të tjerë, rehabilitimi mjekësor implementohet në periudha të caktuara të ditës. Fizioterapistët tanë janë të vetmit fizioterapistë në vend që kryejnë fizioterapi respirative e cila është e parashikuar për lloje të ndryshme të pacientëve me sëmundje dhe komplikime të frymëmarrjes. Gjithashtu këtu implementohen edhe trajtime kinesioterapike me qasje të individualizuar ndaj nevojave të pacientit. Ekipi i fizioterapistëve ka një shumëllojshmëri të pajisjeve të sofistikuara të elektroterapisë dhe mekanoterapisë në dispozicion të pacientëve.

Gjithashtu në këtë departament vizita e pacientëve zgjat tre orë, nga ora 15:00 deri në orën 18:00 çdo ditë pune dhe nga ora 12:00 – 15:00 për fundjavë dhe pushime. Kështu pacientët tanë kanë një interval kohor më të madh për të qenë me të dashurit e tyre dhe të ndjehen rehat në mjedisin e tyre gjatë qëndrimit në klinikën tonë.

Përveç intervalit të gjatë kohor të vizitës në këtë departament ekziston mundësia e qëndrimit të përbashkët familjar 24 orë në apartament sipas dëshirës së pacientit. Kjo plotëson trajtimin e pacientit, edukon dhe përgatit anëtarin e familjes për teknika të caktuara rehabilitimi që mund t’i vine në ndihmë përsa i përket në rehabilitimit në kushtet e shtëpisë pas daljes së pacientit nga spitali.

Në këtë departament, pacientët kanë akses të plotë në internet, TV LED, ushqim A-la carte nga restoranti ‘’Puls’’ dhe qasje multidisiplinare në shërbimin mjekësor 24-orësh, si dhe staf mjekësorë në dispozicion 24 orë në ditë.

Çdo apartament është i pajisur me një njësi kromoterapie. Bëhet fjalë për një ndriçim i cili është unikat për këto hapësira (dhoma) dhe ofron një trajtim të sofistikuar që ndikon në shërimin e pacientëve.

Kromoterapia është një metodë e trajtimit që përdor spektrin e dukshëm të ngjyrave dhe dritës për të trajtuar lloje të ndryshme të sëmundjeve. Kjo është një lloj praktike e vjetër që çon në homeostazë, domethënë në ekuilibrin relativ midis mendjes dhe trupit.

Çdo ngjyrë ka vlerën e saj energjitike, drita është energjia, ngjyra e së cilës është produkt i energjisë dhe materies. Së bashku me ngjyrën, drita lëshon nxehtësi, energji elektrike dhe magnetizëm dhe në këtë mënyrë me ngjyrat e saj përbërëse mund të shërojë mendjen, trupin dhe shpirtin. Ka prova të shumta të cilat i tregojnë/pasqyrojnë këto reagime organike ndaj florës dhe faunës dhe jo më kot për personat të cilët vuajnë nga lloje të ndryshme të traumave postoperative shpesh rekomandohet rehabilitim dhe relaksim në natyrë.

Dhimbja në qafë dhe në shpatulla

Posted on by zmc_piksel_dev

Jeta moderne, përdorimi i shpeshtë i pajisjeve inteligjente, zvogëlimi i aktivitetit fizik si dhe ekspozimi i tepert ndaj stresit dhe pozicioneve te papërshtatshme të trupit, kontribuojnë në dhimbjen e qafës dhe shpatullave. Dhimbjet e forta dhe ngurtësimi i muskujve janë simptomat  te cilat shfaqen me shpesh. Mos reagimi i menjëhershem ndaj simptomave të para pas një periudhe te caktuar kohore çon në një situatë të pashmangshme e cila ndonjeherë na obligon të ndërpresim aktivitetet e përditshme të punës për ditë me rradhë dhe të kërkojmë trajtimin e duhur për të zvogëluar dhimbjen dhe për të përmirësuar gjendjen tonë.

Nga mialgjia e muskujve të qafës zakonisht vuajnë punonjësit të cilët merren me punë fizike ose punonjësit të cilët qëndrojnë në  periudha të gjata kohore para kompjuterit në pozicion të papërshtatshëm. Për parandalimin e kësaj gjendje, këta punonjës herë pas here duhet të ndërpresin aktivitetet e tyre çdo ditë për 10-15 minuta dhe të bëjnë disa ushtrime për të përmirësuar qarkullimin periferik në muskuj dhe për të vënë në lëvizje grupet e mëdha muskulore.

Në rast të shfaqjes së kësaj gjendje, atëherë është e nevojshme që të aplikohet menjëherë terapia fizikale madje edhe gjatë pushimit, pasi teraoia fizikale ka një gamë të gjerë të teknikave dhe metodave të trajtimit të dhimbjes dhe mund të përmirësojë ndjeshëm gjendjen. Trajtimet e dhimbjes mund të zgjasin për disa ditë, duke marrë parasyshë  e gjendjen e pacientit.

Trajtimi i këtyre dhimbjeve mund të përfshijë: krioterapi-kriomasazh, masazh manual, kinesiotaping, kompresim ishemik në pikat e dhimbjes, elektroterapi dhe më pas me  ushtrime për forcimin e muskulaturës e cila sigurisht do të dobësohet gjatë periudhës së dhimbjeve të forta dhe imobilizimit.

Nëse keni dhimbje të shpeshta në qafë dhe ndjeni presion në këtë pjesë të muskulaturës, konsultohuni me fizioterapistët tanë dhe bëni rezervimin e trajtimit tuaj në numrin e telefonit 02/3091484 ose 070257-962.

Apnea e natës ose ndërprerja e shkurtër e frymëmarrjes gjatë fjetjes tek fëmijët

Posted on by zmc_piksel_dev

Kjo gjendje shfaqet tek 1-5% e fëmijëve ndërmjet moshës 2-8 vjeçare. Kjo periudhë e fëmijërisë së hershme karakterizohet me rritjen dhe zhvillimin e shumë organeve dhe sistemeve. Apnea e natës apo ndërprerja e frymëmarrjes gjatë fjetjes tek fëmijët nuk duhet anashkaluar. Në rast se prindërit vërejnë që fëmijët e tyre flenë me gojë hapur,  gërhasin, nuk bëjnë gjumë të qetë, djerësiten së tepërmi, kanë ndërprerje të shkurtër të frymëmarrjes apo marrin pozicione jo të zakonshme gjatë fjetjes, duhet të konsultohen me mjekun pediatër specialist – shprehet Prim. Dr. Bllagica Manceva, pediatre pulmo-alergologe në Zan Mitrev Clinic.

Çfarë e shkakton apnean e natës?

Këto çrregullime të frymëmarrjes  mund të shfaqen si rezultat i zmadhimit të bajameve dhe adenoidit, mbipeshës trupore, anomalive të ndryshme të strukturave të fytyrës, si dhe nga çrregullimi i kalimit të sinjalit të nervave tek muskujt (anomalitë neuromuskulare) në këtë periudhë të moshës fëmijërore. Çrregullimet e frymëmarrjes gjatë fjetjes shfaqen si rezultat i reduktimit (të pjeshëm apo të plotë) të kalimit të ajrit nëpërmjet rrugëve të sipërme të frymëmarrjes gjatë fjetjes të cilat ndikojnë në çrregullimin e përthithjes normale të oksigjenit si dhe në reduktimin e gjumit.

Cilat janë simptomat më të zakonshme dhe cili është rreziku në rast se nuk vërehet dhe trajtohet në kohë?

Gërhitja është simptoma më e zakonshme të cilën prindërit mund ta vërejnë. Shumica e fëmijëve gërhasin për shkak të pranisë së infeksioneve virale në rrugët e sipërme të frymëmarrjes, si rezultat i zmadhimit të adenoidit, por në rast se gërhitja zgjat për shumë kohë dhe është e shoqëruar me ndërprerje të frymëmarrjes, me zgjim të shpeshtë, me gjumë jo të qetë, me pozicion jo të zakonshëm gjatë fjetjes, djerësitje të tepërt, me lëvizje jo të zakonshme të kraharorit gjatë fjetjes. Reduktimi i oksigjenit në këtë periudhë mund të rezultojë me ndryshime serioze të funksionit të tyre. Këtu mund të preket zemra, mushkëritë, veshkat dhe të gjitha organet e brendshme të cilat janë përgjegjëse për procese të shumta metabolike.

Truri është organi më i ndjeshëm ndaj këtyre ndryshimeve – reduktimi i zgjatur i marrjes së oksigjenit gjatë fëmijërisë së hershme, mund të shkaktojë probleme serioze në zhvillimin neurokonjitiv tek fëmijët, probleme që kanë të bëjnë me sjelljen e tyre (në mënyrë agresive, hiperaktive) si dhe me rezultate të dobëta në shkollë.

Polisomnografia – metoda më e sigurtë dhe me e saktë për përcaktimin e çrregullimeve të frymëmarrjes gjatë fjetjes

Metoda me anë të së cilës përcaktohet ndërprerja e frymemarrjes gjatë fjetjes (apnea) me reduktim të madh të marrjes së oksigjenit, është polisomnografia e natës. Kjo metodë realizohet me anë të një aparati të vogël të sofistikuar i cili implementohet tek pacienti para fjetjes. Gjatë natës, aparati regjistron parametra të shumta të cilat pas analizimit të përgjithshëm do të na japë një pamje mesatare të peshës së gjendjes së pacientit dhe në të njetën kohë qasjen e përshtatshme për zgjidhjen e këtij problemi.

Në klinikën tonë ky lloj regjistrimi kryhet në shtëpi me edukimin paraprak të prindërve dhe vetë pacientëve për mënyrën e regjistrimit dhe aplikimit të pajisjes. Në rast se pacienti jeton larg, ekziston mundësia që regjistrimi të bëhet në klinikën tonë.

 

Vendosja e llojit më të ri të protezës testikulare tek pacienti në moshë të re

Posted on by zmc_piksel_dev

Në Zan Mitrev Clinic është vendosur një nga llojet më të reja të protezeve testikulare tek një pacient i ri. Dr. Goran Joviq, kirurg-urolog në klinikën tonë, shprehet se këto proteza janë të sigurta dhe të përshtatshme për zëvendësimin e testiseve gjatë humbjes së njërës apo të dy testiseve.

– Bëhet fjalë për implantimin e protezës testikulare tek një pacient në moshë të re, i cili ka humbur njërin testis gjatë një aksidenti automobilistik. Kjo protezë testikulare jo vetëm që ka funksion estetik por ndihmon që pacienti ti rikthehet jetës normale pa asnjë problem. Pacienti nuk do të ketë ndjesinë e mungesës së organit dhe do të ketë një jetë seksuale normale pa ndjerë asnjë paaftësi. Kjo është një nga arsyet përse përdoret kjo lloj proteze – shpjegon Dr. Joviq.

Kjo protezë është proteza e parë e llojit më të ri të protezave, ato janë të buta dhe janë një imitim i përshtatshëm i testiseve natyrale.
– Ky është një intervenim me periudhë të shkurtër postoperative. Pacienti qëndron në spital 24 orë dhe mund të funksionojë në mënyrë krejtësisht normale pas 10 ditësh nga realizimi i intervenimit – shton Dr. Joviq.
Kjo protezë testikulare mund të implantohet në cdo rast të humbjes së njërit apo të dy testiseve nga shkaqe të ndryshme.

Kjo protezë testikulare mund të implantohet në cdo rast të humbjes së njërit apo të dy testiseve nga shkaqe të ndryshme.