Autor: zmc_piksel_dev

Tonziloadoitektomia është procedurë kirurgjike me anë të së cilës bëhet mënjanimi i tonzileve palatale (bajameve) dhe vegjetacionit adenoidal (bajamja e tretë) nga fyti. Bajamet palatine dhe bajamja e tretë janë akumulim i indit limfatik të vendosura ndërmjet pjesës frontale dhe të pasme të qjellëzës (epifarings).

Shkaqet me të zakonshme për trajtimin operativ të bajameve:

• Angina e përsëritur (3 herë në vit)
• Abscese të përsëritura të peritonsillarit
• Hipertrofi e përcaktuar e bajameve
• Vërshtirësi ne frymëmarrje nga hunda (kur keni frymëmarrje me gojë hapur)
• Gërhitje gjatë fjetjes dhe Sleep apnea
• Nëse infeksionet e shpeshta ndikojnë në shfaqjen e infeksioneve të veshit të mesëm dhe në reduktimin e dëgjimit (inflamacion akut, otit me sekrecion)
• Kur bajamet shkaktojnë infeksione tek organet e tjera (ethe reumatike nefriti, alopeci)
• Kur vërtetohet se janë shkak i erës së keqe në gojë (foetor ex ore)

Për të gjetur treguesin e saktë të tonziloadoitektomisë është e nevojshme që të sigurohet anamneza (historia) e problemit të pacientit dhe më pas të bëhen shqyrtimet në vijim:

• Kontroll ORL (orofaringoskopia, rinoskopia frontale, otoskopia)
• Fibernazoepifaringoskopia, bris nga fyti dhe hunda, KKS me CRP dhe ACO
• Timpanometria dhe audiometria
• Polisomnografia (për diagnostikimin e Sleep apnea)

Në Zan Mitrev Clinic intervenimet operative të bajameve kryhen me anestezi të përgjithshme endotrakeale, me anë të një instrumenti të vecantë ULTRACISION-HARMONIC SCALPEL me anë të të cilit reduktohet koha e intervenimit si dhe dhimbja dhe gjakderdhja në periudhën postoperative.

Rezervoni kontrollin tuaj në 02 / 30 91 484

Lis Berisha është një fëmije 6 vjeçar, i cili për herë të parë është paraqitur në spitalin tonë për trajtim operativ pasi ka lindur me problem në zemer  – stenozë aortale. Menjëherë pas lindjes, ai ka pasur probleme me ushqimin, përparim të dobët në shëndet, për këtë arsye pas lindjes së tij është mbajtur në një spital të Prishtinës ku me anë të ekokardiogramit është vërtetuar se ka stenozë të rëndë të aortës. Kjo do të thotë se ka pasur ngushtim të daljes së barkushes së majtë, d.m.th. hapja e aortës është e ngushtë dhe është nën vlera normale, gjë që praktikisht nuk lejon që trupi të pompojë mjaftueshëm gjak nga barkushja e majtë në aortë dhe aorta të mund ta percjellë  gjakun në të gjithë trupin.

-Pas diagnostikimit me stenozë të aortës, dy muaj pas lindjes ai është dërguar në Klinikën Pediatrike Universitare në Beograd, ku për shkak të pamundësisë së trajtimit kirurgjik në atë moshë, janë përpjekur për të bërë kateterizim intervent me anë të dilatimit (zgjerimit) me balonë. Praktikisht, është bërë zgjerimi i aortës nga ky intervenim me qëllim për të përmirësuar gjendjen, por, problemi nuk është zgjidhur edhe pse janë ndjerë ndryshime përsa i përket përmirësimit të gjendjes së përgjithshme të Lisit. Me kalimin e viteve, gradienti i presionit në zemër ka shkaktuar hipertrofi të zemrës së majtë si dhe pamjaftueshmëri të valvulës aortale dhe mitrale, të cilat nuk mbylleshin mjaftueshëm mirë dhe kanë çuar në qarkullimin jo të duhur të gjakut në të gjithë organizmin dhe në vetë zemrën, një problem i cili rritej sëbashku me rritjen e Lisit, shpjegon Dr. Jordanka Maxhovska.

Ishte e qartë se gjendja e djalit kërkonte trajtim kirurgjikal, por ende ishin në kërkim të mjekut dhe vendit ku do të bëhej intervenimi, pasi ishte një situatë shumë specifike dhe e rrallë për një fëmijë të vogël. Pamundësia për të zgjidhur problemin e Lisit në spitalet e tjera ka çuar në kërkimin e zgjidhjes së problemit të tij në Zan Mitrev Clinic. Pas shqyrtimit të çështjes nga ekipi ynë i ekspertëve i udhëhequr nga doktor Zan Mitrev, u vendos që Lisi të merrte kujdes dhe trajtim operativ në klinikën tonë.

-Praktikisht tek Lisi është bërë zgjerimi i pjesës së ngushtuar të aortës me anë të materialit “Matricë” në zonën pericardiale, doktor Zhan Mitrev ka bërë ndërtimin e valvulave që përshtateshin mirë dhe praktikisht menjëherë është vërejtur funksioni i tyre i duhur, pa asnjë problem apo mungesë. Ky ishte një rast i rrallë i defektit të zemrës, në të cilën janë ndërtuar valvula me materiale natyrale. Me anë të këtij operacioni është zgjidhur problemi me aortën dhe valvulat e zemrës – shpjegon doktor Maxhovska.

Menjëherë pas operacionit, të gjitha parametrat jetësore kanë qenë të shkëlqyera dhe periudha pas operacionit ka shkuar shumë mirë. Sot, një javë pas operacionit, Lisi do të kthehet në shtëpi.

Ne, do ta përcaktonim këtë si një rast të shkëlqyer operativ dhe postoperativ të këtij defekti të rrallë të zemrës i cili është zgjidhur me anë të përdorimit të materialit natyral (matricë natyrale). Eshtë bërë rindërtimi i valvulave aortale dhe rindërtimi i rrënjës së aortës me plastikë -patch të sinusit jo koronar. Gjithashtu janë krijuar edhe 3 fletë të reja me matricë patch – përfundon doktor Maxhavska.

Lisi dhe nëna e tij sot po përgatiten për tu kthyer në shtëpinë e tyre të qetë dhe të lumtur për faktin se gjithçka ka përfunduar në mënyrën më të mirë të mundshme.

-Unë si nënë, nuk gjej dot fjalë për të shprehur mirënjohjen time ndaj të gjithë ekipit të kësaj klinike dhe veçanërisht ndaj Dr. Zhan Mitrev.  Ju falenderoj përzemërsisht për gjithçka që keni bërë për fëmijën tim. I gjithë stafi të cilin kisha rastin të takoj në Zan Mitrev Clinic, është jo vetëm maksimalisht  profesional por dhe tepër miqësor, pa të cilin gjithcka do të ishte shumë më e vështirë për mua.  Sot, ne po kthehemi në shtëpinë tonë ku është duke na pritur e gjithë familja sëbashku me Malin, vëllain binjak të Lisit, po kthehemi  të lumtur dhe me zemër plot – shprehet zonja Berisha.

Lis, të urojmë shumë shëndet, të jesh i lumtur dhe i fortë… jeta jote tashmë është përpara.

Me dashuri të sinqertë Zan Mitrev Clinic.

– Kisha dhimbje tepër të mëdha në këmbë. Nuk mund të ecja për muaj me rradhë. Më dhimbte gjithë trupi. Isha në agoni, e gjithë jeta po më përkeqësohej. Edhe pas dy operacioneve të kryera në spitalin shtetëror, tumori që kisha në zonën e gjurit mu rikthye përsëri. Isha e dëshpëruar dhe nuk e dija a do të mund të gjeja zgjidhje për këmbën time, jo vetëm që nuk funksiononte por gjithashtu më shkaktonte dhimbje të mëdha, dhimbje të padurueshme. Nuk flija, nuk ushqehesha, nuk lëvizja… – kështu flet për jetën e saj kjo vajzë e re nga qyteti Veles, e cila para pak ditësh u largua nga spitali ynë duke ecur me të dyja këmbët, me trupin drejtë, pavarësisht nga gjendja e saj e rëndë në të cilën është paraqitur në spitalin tonë.

Ekipi i Zan Mitrev Clinic i drejtuar në rastin konkret nga Dr. Sasho Mlladenovski, kirurg ortoped, sëbashku kanë pasur një sfidë të madhe për të shpëtuar një jetë të re dhe për ti mundësuar pacientes ruajtjen e këmbës së saj dhe një jetë normale në të ardhmen. Në operacionin i cili zgjati për shumë orë është bërë heqja e një pjese të madhe të pjesës së poshtme të gjurit dhe për herë të parë në vendin tonë është realizuar me sukses vendosja e protezës për revizimin e tumorit LPS rotation hinge (Limb Preservation system) e cila nënkupton sistemin modular të implantit me anë të të cilit mundësohet ruajtja e plotë e ekstremitetit dhe të mundësohet funksionimi i tij normal.

Doktor Mlladenovski na shpjegon se si është pranuar pacientja në Zan Mitrev Clinic, me çfarë diagnoze dhe si ka vijuar trajtimi i saj

-Pacientja ishte e diagnostikuar me tumor gjigant-qelizor agresiv në zonën e poshtme të gjurit. Ajo ishte operuar dy herë më parë në një institucion tjetër shëndetësor publik, pavarësisht nga dy operacionet e kryera, tumori rritet përsëri në mënyrë progresive, i cili kishte dëmtuar kockën në pjesën e poshtme të gjurit dhe kyçin në pjesën e sipërme me një gjatësi 12 cm. Pacientja u paraqit tek ne me dhimbje tepër të forta dhe me pamundësi për ta mbështetur këmbën në tokë. E dërguar nga Fondi Shëndetësor, me thirrje ndaj spitaleve private duke përfshirë edhe spitalin tonë, duke drejtuar pyetjen nëse pacientja mund të trajtohet dhe mjekohet në Zan Mitrev Clinic. Ne, si departament ortopedik me përvojën tonë pas 2000 operacioneve të tumoreve primare, revizive dhe endoprostezave të gjurit, këllkut dhe shpatullave, si ekip pranuam, kështu pacientja mori trajtimin e duhur dhe profesional në spitalin tonë – shpjegon doktor Mlladenovski.

Ai thekson se për herë të parë në vendin tonë është implementuar LPS revision rotation hinge proteza e gjurit pa çimento.

-Bëhet fjalë për një sistem modular i cili përdoret në rastet e defekteve apo problemeve të mëdha të kockës, të shkaktuara nga procese destruktive neoplastike, tek personat të cilët vuajnë nga osteoporoza apo kanë fraktura intraartikulare të pashëruara ose të shëruara jo siç duhet, tek pacientët të cilët kanë nevojë për përsëritje të operacioneve ndërkohë që kanë pasur më parë implante primare ose të përsëritura tek kyçet e mëdha. Tek kjo paciente është bërë prerje radikale e tumorit që do të thotë se mungon më shumë se 1/3 e kockës së poshtme të gjurit e cila është zëvendësuar me një sistem i cili plotëson krejtësisht strukturën e kockës së humbur. Ky sistem, përveç strukturës së kockës plotëson edhe mungesën e të gjitha mungesave të ligamenteve në nyjen (kyçin) e gjurit të cilat janë sakrifikuar në procedurën e heqjes së tumorit – shpjegon Dr. Mlladenovski.

Ky sistem kompleks është implantuar me sukses dhe pas përfundimit të operacionit, pacientja ka qëndruar 7 ditë në spital duke nisur gradualisht me terapinë e hershme fizikale, me krio-terapinë, me ngritjen e saj të vazhdueshme dhe me një sforcim të lehtë të këmbës, pasi është e nevojshme që të kalojnë 6-8 javë për lidhjen e plotë të trupave pa çimento të cilat vendosen brenda kockave.

– Pacientja ka pasur një përmirësim të shpejtë dhe momentalisht është duke ndjekur terapinë fizikale, ka filluar ta mbështesë këmbën 100%, domethënë ka filluar të kryej aktivitetet e përditshme dhe me kënaqësi mund të them se operacioni është realizuar me sukses, me rezultatet më të mira të mundshme të këtij lloj intervenimi – përfundon Dr. Mlladenovski.

Në kontrollin e parë pas kthimit të saj në shtëpi, pacientja ndihej shkëlqyeshëm dhe mund të ecte me të dyja këmbët e saj. Shumë shpejtë pritet që ti lagojë dhe patericat të cilat i përdor si mjete mbështetëse dhe ti kthehet plotësisht jetës normale.

Rezonanca magnetike e zemrës është metodë diagnostikuese joinvazive e cila përdor fushë magnetike dhe valë radiofrekuence për të mundësuar një pamje të detajuar të zemrës, enëve të gjakut dhe organeve përreth.

Përse përdoret rezonanca magnetike e zemrës?

• Për të vërtetuar nëse ekzistojnë dëmtime të indit nga infarkti miokardit, sa i madh apo i rëndë është demtimi dhe a është ai afatgjatë (variacioni në miokard)
• Për të përcaktuar saktë dobësimin e zemrës dhe shkaqet kryesore të saj
• Për të bërë evaluimin dhe diagnostikimin e miokardit (amilodoza dilatuese, hipertrofike, kufizuese)
• Për të vlerësuar anomalite e lindura të zemrës

Rezonanca magnetike është procedurë diagnostikuese e sigurtë dhe nuk shkakton dhimbje. Pacientët të cilët kanë të implementuar në trupin e tyre aparat (metal) nuk duhet të kryejnë rezonancë magnetike pa pasur konfirmim nga mjeku se aparati në trupin e tyre është i sigurtë për kryerjen e këtij diagnostikimi.

Këto pajisje apo aparatura janë:

• Elektrostimuluesit e zemrës (pacemaker), kardiodefibrilatorë të implantuar (ICD) dhe pajisje për terapi resinkronizuese (CRT)
• Implantet në vesh
• Pompa infuzioni të implantuara, stimulues neuro-muskulor, pajisje kontraceptive intrauterine
• Klipse për aneurizmat e trurit
• Disa lloje implantesh dentale
• Çdo lloj pajisje tjetër metali e vendosur në trup

Para kryerjes së ekzaminimit, pacientët duhet të informojnë stafin mjekësor në rast shtatzanie, në rast se kanë tatuazhe, stent, protezë valvule apo kirurgji të zemrës si dhe nëse vuajnë nga semundje të veshkave.

Çfarë ndodh gjatë ekzaminimit?

• Ekzaminimi zakonisht zgjat 30-60 minuta
• Pacienti qëndron shtrirë në gjendje të relaksuar, me kufje, nëpërmjet të cilave dëgjon udhëzimet e teknologut.
• Për realizimin e këtij ekzaminimi është i nevojshëm bashkëpunimi i pacientit përsa i përket frymëmarrjes, mbajtjes dhe nxjerrjes së frymës për disa sekonda sipas komandave të teknologut.
• Gjatë gjithë kohës monitorohet EKG-ja dhe ngopja e pacientit me oksigjen, ndërkohë që pacienti mund të komunikojë me teknologun gjatë periudhës së ekzaminimit
• Në rast se është i nevojshëm aplikimi i kontrastit, para fillimit të kontrollit në dorën e pacientit vendoset kanula intravenoze

Pas kontrollit pacienti mund ti rikthehet menjëherë aktiviteteve normale. Nuk ka asnjë kufizim për shkak se gjatë këtij ekzaminimi nuk përdoret rrezatim jonizues. Rezultati zakonisht merret pas 2-3 ditësh.

Histeroskopia operative është një metodë domethënëse për zgjidhjen e problemeve shëndetësore gjinekologjike tek një numër i madh i popullatës femërore. Ky është një intervenim i cili kryhet me anë të kamerës e cila vizualizon hapësirën e mitrës duke mundësuar kështu zgjidhjen e shumë problemeve të cilat janë shqetësuese për gratë, probleme të cilat me parë kerkonin intervenim kirurgjik. Gjakderdhja anormale e mitrës është një simptomë e cila përafërsisht prekë 40% të grave të cilat paraqiten në ordinancat gjinekologjike. Në disa raste është i nevojshëm trajtimi me terapi hormonale, megjithatë shpesh shfaqen ndryshime në pjesën e mitrës të cilat ne sot i trajtojmë në mënyrë mikroinvazive si operacion njëditor, për rekuperimin e të cilit kërkohet një periudhë e shkurtër. Sot, shumica e grave kërkojnë modalitete alternative të operacionit klasik për shkak të obligimeve profesionale të cilat i detyrojnë ato që të rikthehen shpejt në vendin e tyre të punës.

Histeroskopia operative tashmë është një standard i artë për mënjanimin e polipeve në hapësirën e mitrës, miomave të cilat janë të dukshme brenda mitrës, ablacionin endometrik të cilin e përdorim tek gratë të cilat kanë përfunduar me procesin e riprodhimit, dhe që kanë menstruacione të bollshme të cilat shkaktojnë anemi dhe dobësi e përgjithshme.

Përveç trajtimit të patologjisë intrauterine të shoqëruar me gjakderdhje anormale dhe të bollshme, histeroskopia aplikohet edhe për të zgjidhur problemet e anomalive kongjenitale të mitrës, si dhe atë të infertilitetit me anë të reseksionit (prerjes) të murit të mitrës.

Kirurgjia histeroskopike sot ka një vend të rëndësishëm në praktikën e përditshme gjinekologjike, duke sjellë më vete përparime të mëdha në trajtimin e problemeve shëndetësore tek gratë.

Dr. Sci. Irena Andonova

Zan Mitrev Clinic