16 Tetori - Dita Botërore e Ushqimit - Zan Mitrev Clinic

Caktoni kontroll

Schedule a review

00389 2 3091 484

Doza e shëndetit ditor

Doza e shëndetit ditor

16.10.2020

16 Tetori – Dita Botërore e Ushqimit

Ushqimi është baza themelore e jetës dhe kulturës njerëzore

Domethënia e kësaj dite është ende aktuale, edhe pse për herë të parë është shënuar në vitin  1979 – 41 vjet më parë. Kjo ditë, si atëherë por edhe tani ka për qëllim theksimin e rëndësisë së ushqimit për jetën dhe mbijetesën e njeriut.

Në fakt, kjo datë shënon ditën e themelimit të FAO (food and agriculture organization /organizata e ushqimit dhe bujqësisë) nga Kombet e Bashkuara 20 vjet më parë.

Shkalla e shpejtësisë me të cilën po shterojnë burimet e planetit Tokë po rritet çdo ditë, gjë që e bën edhe më të rëndësishme temën e sigurimit të ushqimit të mjaftueshëm për mbijetesën e njerëzimit.

Edhe pse aktualisht prodhohet ushqim i mjaftueshëm për të ushqyer të gjithë njerëzimin, ekziston një çekuilibër në sistemet ushqimore. Kështu, problemet si ekzistenca e urisë, mbipesha, hedhja e ushqimit të papërdorur, humbja e larmisë agrobiologjike janë edhe më të theksuara.

Sipas statistikave të fundit, çdo person i shtatë në botë nuk e di nëse do të jetë në gjendje të sigurojë ushqim të mjaftueshëm për të mbijetuar të nesërmen. Më shumë se 900 milion njerëz në të gjithë botën vdesin nga uria ndërsa 2 miliardë janë të kequshqyer.

Kriza globale e shëndetit e shkaktuar nga pandemia COVID-19 na ka bërë që të gjithë të kthehemi pas tek gjërat themelore që më parë konsideroheshin të mirëqena. I tillë është rasti me ushqimin, ne papritmas e kuptuam përsëri se ushqimi është baza e jetës dhe një gur themeli i kulturës njerëzore. Ruajtja e burimeve të pastra të ushqimit me vlera të larta ushqyese është dhe do të jetë një nga mënyrat themelore për t’u përballur me COVID-19.

Në momente të tilla, është e rëndësishme të theksohet dhe të respektohet rëndësia e heronjve të ushqimit – fermerëve dhe prodhuesve të ushqimit të cilët mundësojnë që ushqimi nga fushat të arrijë në pjatat e çdo shtëpie.

Këtë vit, Dita Botërore e Ushqimit synon të theksojë rëndësinë thelbësore të ushqimit, sepse ai mund të jetë një ilaç, por edhe i dëmshëm nëse i përket një cilësie të dobët ose konsumohet në mënyrë të papërshtatshme dhe në sasi të tepërta.

Balanconi marrjen e ushqimit tuaj, përdorni produkte të freskëta. Bleni aq ushqim sa ju nevojitet për të shmangur konsumimin e kalorive shtesë por edhe për të shmangur hedhjen e ushqimit. Në fakt, kështu do të kontribuojmë në parandalimin e zbrazjes së përshpejtuar të burimeve të planetit Tokë.

Të gjithë ne marrim pjesë në këtë proces.

Në mënyrë që të ndikojmë në rritjen e ndërgjegjësimit për përdorimin e matur të ushqimit në klinikën tonë kemi nutricionist profesionist që kujdesen për menutë, vlerat kalorike, përbërjen e ushqimit. Menutë bëhen në baza javore ose mujore që u përshtaten nevojave të pacientëve sepse ka pacientë të ndryshëm me sëmundje të ndryshme, të cilët kanë nevojë për ushqim të personalizuar përputhje me nevojat e tyre. Ushqimi që ne prodhojmë dhe ofrojmë për pacientët është me vakte të matura por cilësore që ndikojnë në rikuperimin e shpejtë dhe përdorimin ekonomik të burimeve ushqimore.