Ngjarje

Këtë vit, tre mjekë nga ekipi i Spitalit klinik Zhan Mitrev morën çmimin “13 Nëntori”, si një vlerësim për meritat në shëndetësi.

Ky çmim prestigjioz jepet çdo vit nga qyteti i Shkupit për arritjet dhe kontributin në zhvillimin e Qytetit të Shkupit dhe përparimin dhe afirmimin e tij të përgjithshëm në vend dhe në botë në disa kategori të ndryshme si ekonomia, shkenca, arti, kultura, edukimi, shëndetësia dhe mbrojtja sociale, sporti dhe kultura fizike, mbrojtja dhe promovimi i mjedisit dhe natyrës  si dhe segmente të tjera të jetës, punës dhe krijimtarisë.

Akademiku Dr. Zhan Mitrev, Dr. Tanja Angjusheva dhe Dr. Nikolla Hristov janë mjekët të cilët së bashku me disa mjekë të tjerë të shëndetit publik kryen transplantin e parë të zemrës në vend.

Më 23 maj, në kushte të pandemisë, mjekët, profesionistë të lartë të shëndetit publik dhe privat bashkuan forcat për arritjen e një qëllimi më të lartë – shpëtimin e jetës. Ata së bashku kryen operacionin në ambientet e Kardiologjisë Shtetërore, operacioni zgjati për gjashtë orë, gjatë të cilit u realizua me sukses transplantimi i zemrës tek pacienti 54-vjeçar.

Së bashku ata shkruajtën një faqe të rëndësishme në historinë e shëndetit maqedonas. Ky është transplantimi i parë i zemrës kadaverike në vend, d.m.th. një transplant nga një dhurues i vdekur. Personi i cili iu nënshtrua transplantimit mori një mundësi tjetër për jetën.

Ndër fituesit e këtij çmimi për arritjet në kujdesin shëndetësor janë mjekët e tjerë që morën pjesë në këtë përpjekje: prof. Dr. Sashko Jovev, Dr. Maja Mojsova, Dr. Vasil Papestiev, Dr. Marjan Sokarovski, Dr. Vangel Zraveski, Dr. Kujtim Xhelili, Dr. Stefanija Haxhievska, Dr. Nadica Mehmedoviq, Dr. Vesna Mitashova, Dr. Aleksandar Nikoliq, Dr. Jasmina Ilievska, Dr. Marija Gerakovska, Dr. Dimce Sllavevski, Dr. Biljana Andonovska, Dr. Vesna Durnev, Dr. Koço Dimitrovski, Dr. Menka Llazarevska dhe Adrijana Georgiev.