Dita Botërore e zemrës – Përdor zemrën për çdo zemër

Shtator 09,2022

Sot, me rastin e Ditës Botërore të Zemrës, Spitali klinik Zhan Mitrev mbështet iniciativën e organizatës joqeveritare “Zdrava idnina” me ekzaminime falas të kryera nga mjekët tanë kardiologë.

Këtë muaj, në kuadër të aktiviteteve në klinikën tonë dhe në dy qendrat diagnostike Zhan Mitrev Diagnostic në Strumica dhe Manastir, janë kryer rreth 900 ekzaminime të zemrës falas për pacientët tanë të operuar nga zemra.

Sëmundjet kardiovaskulare janë shkaku kryesor i vdekjeve në botë. Numri i vdekjeve të shkaktuara prej tyre është më i madh se nga të gjitha shkaqet e tjera së bashku. Dhe më së shumti prek vendet me të ardhura të ulëta dhe të mesme.

Çdo vit, Dita Botërore e Zemrës fokusohet në një temë, dhe këtë vit tema është – Përdor zemrën për çdo zemër.

Promovuesit e këtij eventi kërkojnë që të gjithë të përdorin zemrat e tyre në mënyrën më të mirë për njerëzimin, natyrën dhe veten e tyre, për çdo person. Sepse shëndeti kardiovaskular është i rëndësishëm për çdo zemër që rreh.

Aktivitetet tona nuk do të ndalen këtu. Në periudhën në vijim, në bashkëpunim me disa institucione geriatrike, do të mundësohen ekzaminime të tilla për këtë kategori të qytetarëve.