Месец: м.г

Над 50 сегашни и идни физиотерапевти од државава но и од соседните држави присуствуваа на Кинезио-семинарот и работилницата којашто се одржа на 21. април 2019 година во Zan Mitrev Clinic. Настанот беше организиран од Македонското физиотерапевтско здружение во соработка со компанијата ФИЛА-ФАРМ помогнат секако од нашата клиника. Учесниците на семинарот имаа чест своите знаења и вештини да ги надоградат учејќи дирекно од Д-р Кензо Касе, иноваторот на кинезиотејпингот техниката и лентите под брендот „Кинесио“, а кои може да се набават во нашата Фила Аптека или Фила Фарм.

Што е кинесио тејпинг?

Toa e техника на лепење на „Kinesio Tex“ ленти чија функција е забрзување на процесот на природно лекување на организмот при што се обезбедува поддршка и стабилност на мускулите и зглобовите, без нивно ограничување. „Kinesio Tex Tape“ е еластична адхезивна лента развиена од јапонскиот киропрактичар д-р Кензо Касе. Toa е хипоалергена, водоотпорна лента направена од памучни влакна со акрилен лепак која може да се користи неколку дена и е безбедна за користење за широка популација, од спортисти до педијатриски пациенти.

Kinesio Taping најчесто се користи:

• како потпора на мускулите (ги подобрува контракции на слабите мускули, го намалува мускулниот замор и грчеви и овозможува поголем обем на движења и ја намалува болката)
• при намалување на едеми и хематоми (ја подобрува крвната и лимфна циркулација, ја намалува температурата и зголемува елиминацијата на токсините во мускулно ткиво и со тоа се намалува воспалението и болка во кожата и мускулите)
• ги активира внатрешните аналгетични системи (го активира спиналниот и еферентен инхибиторен систем)
• при корекција на проблеми со зглобовите (го подобрува односот на зглобните површини којшто е провоциран од спазам или скратување на мускулите, го нормализира мускулниот тонус и пореметувањата на зглобната фасција, го зголемува обемот на движење и ја намалува болката)

Доктор Касе вели дека оваа метода е погодна и за деца и за трудници без никакви несакани ефекти а многу можни бенефити.

– Кинезио тејпинг има четири функции и тоа: да ослободува од болка, да коригира дисфункција на зглобовите, да инхибира или да помага мускулна функција и да помогне при проблеми со воспаленија и нарушена циркулација. Лепенката создава микро простори помеѓу различните ткива за да се овозможи слободен проток и прочистување на течностите во телото. Ова го нарекуваме Хидрокинетик (Hydrokinetic), каде течноста (Hydro) може да се движи (kinetic) – вели доктор Касе.

Тој потенцира дека со оваа метода има одлични резултати во пост-оперативниот Кинезио тејпинг и во ЕДФ концептот кој многу ветува при третирање на невролошки состојби и болки во телото.

Доктор Касе додава дека понекогаш онаму каде што чувствувате најголема болка не е местото каде што е потребно лепење на Кинезио. По добиениот совет, многу луѓе можат да научат од терапевтот како дома да се лепат себеси.

Македонското физиотерапевтско здружение продолжува со соработката со Кинезио универзитетот од Америка во организација на курсевите кои се веќе закажани и тече регистрацијата за истите.

КТ1/2 ќе се одржи на 1 и 2 јуни 2019, а КТ3 на 1 и 2 ноември 2019 во Жан Митрев Клиника.

Регистрацијата се одвива на следниот е-маил контакт president@mfz.mk или на телефон +38970/772122.

Исто така присутните беа информирани дека во Македонија веќе има дистрибутер на кинезио продуктите и дека тоа е ФИЛА-ФАРМ еден од партнерите на Македонското физиотерапевтско здружение. Фила фарм е фармацевтска компанија која ги исполни барањата на македонските физиотерапевти да ги направат достапни за нив оригиналните кинезио траките.

„Дијагностика, третман и предизвици во детската кардиохирургија“ беше насловот на одржаниот симпозиум во нашата клиника на 12.04.2019 г. на кој присуствуваа гости поврзани со педијатрија и детската хирургија и кардиохирургија од странство и од речиси сите домашни јавни и приватни поголеми здравствени установи кои ги третираат овие теми. Настанот, за кој имаше огромен интерес во стручната јавност, го отвори првиот човек на Клиничка болница „Жан Митрев“, академик, доктор Жан Митрев кој зборуваше за врвните достигнувања на клиниката во делот на детската кардиохирургија од почетокот па до сега.

Голем интерес предизвикаа и предавањата на докторите од САД. Доктор Марсело Кардарели, доктор Срикант Патанкар и доктор Кевин Маер, секој во својата област, педијатриска кардиологија и кардиохирургија, педијатриска анестезија и педијатриска срцева интензивна нега, срцева слабост кај децата, развој на педијатриски медицински помагала и нанотехнологии за педијатриска срцева болест оставија силен впечаток кај сите присутни предизвикувајќи огромен интерес за понатамошен напредок на областите кај нас.

Од нашата клиника со свои предавања се претставија и доктор Иван Милев и доктор Владимир Чадиковски. Доктор Милев зборуваше за темата „Клинички аспекти на менаџментот на перзистентниот артериски канал (PDA) во доенечкиот период“ додека доктор Чадиковски се осврна на етичките дилеми и предизвици кај вродените срцеви маани по што следуваше дискусија и разговор.

Состанокот заврши во пријатна неформална дружба во нашиот ресторан „Пулс“ каде што сите присутни разменија додатни информации и контакти за понатамошна комуникација и евентуална соработка.

По повод двомесечното функционирање на договорот за јавно-приватно партнерство меѓу државата и клиничката болница „Жан Митрев“, направени се 10 успешни кардиохируршки операции кај мали деца.

Академик Жан Митрев на денешната прес-конференција изрази задоволство од досегашната работа посебно затоа што прв пат приватното и јавното здравство покажуваат дека не треба да се гледаат како конкуренти туку преку соработка да понудат врвен квалитет и услуги за пациентите од земјава и од странство.

– Ова е голем пресврт во медицината кај нас бидејќи нудиме врвни услуги и се отвораат нови работни места. Посебно ми е мило што се создаваат атрактивни услови

за враќање на нашите доктори кои работат во странство. Веќе имаме пример за враќање на наш анестезиолог кој во моментов работи во Кувајт, а имаме најави и за враќање на наши медицински лица од Германија. Првпат се случи здружување на квалитетот и стручноста, поддржано од Министерството за здравство и Фондот за здравствено осигурување, што е голем пресврт кој веднаш дава резултати. Остваривме и услови за нови вработувања, па имаме над 150 нови вработени, од кои повеќе од 30 се доктори – истакна директорот на болницата, академик доктор Жан Митрев.

Резултатите покажуваат дека соработката за детска кардиохирургија е одлична при спојот на експертизите од јавното и приватното здравство. Моделот се покажува како успешен и е воден од доктор Жан Митрев, кој воедно започна со детска кардиохирургија во земјава. Сите деца кај кои се изведени интервенции се во добра здравствена состојба.

Соработката во областа на детската кардиохирургија ги намали бариерите што постоеја меѓу државните и приватните болници. Пациентот има одлични услови и врвна медицинска грижа од доктори од јавниот и приватниот сектор кои работат заедно.

Според министерот за здравство Венко Филипче, децата со најтешки срцеви маани се лекуваат во одлични услови по највисоки стандарди. Тој објасни дека Фондот за здравство целосно ги покрива трошоците за лекување, а се заштедува зашто не се плаќа за странски експерти.

– Операциите што се изведуваат се на товар на Фондот за здравствено осигурување, што значи дека за пациентите интервенцијата е покриена од ФЗО, и за ист трошок како во јавното здравство имаме апсолутно подобри услови за пациентите, како и подобри услови за работа на нашите лекари. Ова е модел каде имаме дополнителна финансиска стимулација за докторите и медицинските сестри, каде нема поголеми трошоци за Фондот за здравство, а услугата е неспоредливо подобра. Нашите очекувања се дека за кус временски период овој центар ќе стане регионален центар. Условите кои ги нудат се акредитирани според највисоките американски стандарди и се без конкуренција во регионот, а ценовно подостапни за пациенти од странство. Овој проект покажа дека соработката на јавниот и приватниот сектор може да ги подобри условите за лекување на пациентите и е еден од начините да го задржиме нашите доктори во земјава. Критикувани бевме дека ќе затвораме болници, но уште еднаш потенцирам дека не станува збор за затворање на болници, туку за модел на нивно унапредување, каде за истите пари од фондот ќе добиеме подобри услови за работа и подобри услови за пациентите – изјави министерот Филипче.

Д-р Владимир Чадиковски објасни дека пет од оперираните деца биле помали од 1 година, а останатите биле над 1 година.

– Сите операции се успешни. За жал, не опериравме две дечиња затоа што беа неоперабилни. Успеваме да се погрижиме и за најтешки случаи на срцеви маани – вели д-р Чадиковски.

Во наредниот период се очекува во оваа Zan Mitrev Clinic да се оперираат и деца од странство.

На 09,10 и 11.04.2019 ФИЛА – ФАРМ во соработка со својот долгогодишен добавувач Vygon, организираше работилница со наслов „Неонатален васкуларен приостап“ во просториите на ПЗУ Клиничка болница ЖАН МИТРЕВ.

Денешната работилница беше насочена на лекари и сестри од неонатална интензивна нега. Учествуваа претставници од сите државни и приватни здравствени установи во државата каде има неонатална интензивна нега како што се ЈЗУ ГАК Мајка Тереза Скопје, Гинекологија Чаир, ЈЗУ Детска клиника, Неонатологија при детска клиника, неколку приватни здравствени установи и секако од нашата ПЗУ ЖАН МИТРЕВ.

На првиот теоретски дел од работилницата се направи осврт на сите васкуларни пристапи – умбиликален, периферен, централен венски пристап, поврзано со сите ризици и предности при ракување како и техники на пласирање (Безбедносни антимикробни катетри и пресности при избор на материјал од кој се изработени помагалата).

Секако еден од најважните точки, која се увиде на работилницата, е поврзаноста на квалитетот, технологијата, начинот на пристап со интернационалните водичи според кои се водат лекарите при ракување со овие помагала.

Ваквите работилници се особено важни за континуирана поддршка, обука, пристап за проба и ракување со материјалите бидејќи се работи за високо специфични материјали кои бараат соодветна техника на пласирање, т.е. практичниот “hands on” дел е основа за стекнување на доверба и сугурност во работата со ваков тип на помагала.

Vygon е француска компанија производител на високоспецифични производи за неонатална интензивна нега – васкуларен пристап. Нивната посветеност кон добивање на соодветни производи за оваа целна група на пациенти ги направи и единствени на пазарот со централен катетар со најмал лумен. Покрај најмал лумен производот го има и во верзија обложен со антибиотик кој обезбедува безбедност на апликација кај прематурни бебиња како и кај сите каде постои ризик од инфекција. Асортиманот е разновиден за сите потреби на артериски и венски пристап со сите додатоци за миниимална инвазивност и едноставно ракување.

ФИЛА – ФАРМ е ексклузивен застапник на овие производи, кои се најдоа како единствени производи од избор во повеќе неонатални клиники во Македонија, додека во областа на адултен васкуларен пристап успешно работи скоро 15 години.

Согласно со потребите на корисниците и производниот развој на медицински помагала пракса на ФИЛА ФАРМ е да врши континуирана медицинска едукација на здравствените работници за производите кои ги нуди. Од голема важност е презентацијата на предностите, карактеристиките, пласманот на материјалите и нивно реферирање во последните препораки во дадена област. Само на тој начин здравствените работници може да бидат сигурни дека може да го добијат вистионскиот производ интернационално признаен, усвоен и пред се докажан клинички со своите позитивни карактеристики кои овозможуваат подобар исход на пациентите.

Работилницата беше организирана во два дела теоретски и практичен на опремени кукли за автентична проба на материјалите.

 

На 03.04.2019 во Аудиториумот на Zan Mitrev Clinic се одржа презентација на кардиолошкото портфолио на компанијата Хемофарм. На презентацијата присуствуваа наши доктори и фармацевти пред кои беше информирано од страна на компанијата за најновите производи застапувани од оваа компанија а кои дел се застапени во работата на нашата клиника.