Месец: м.г

Клиничката болница Жан Митрев овозможува вградување на порт или хепаринско промивање на веќе поставен порт

Posted on by zmc_piksel_dev


Што е порт?

Портот претставува поткожно вграден уред кој вобичаено се наоѓа под десната клучна коска. Истиот овозможува повекератно безболно и безбедно давање на планираните медикаменти.

Секој порт се состои од два дела:

  1. Поткожна комора – делот што се остава под кожа и овозможува безболно боцкање и
  2. Катетер – долгото цевче кое завршува во подклучната вена, преку кој лековите доаѓаат во крвта на човекот.

Вообичаено портот се поставаува со локална анестезија.

Портот е наменет за оние пациенти кои мораат да примаат лекови венозно и кои вообичаено доведуваат до оштетување на ѕидот на вената. Најчесто се применува кај пациенти кои се со малигни заболувања и примаат цитостатици, како и кај пациенти со автоимуни заболувања.

ОНА ШТО МОРА СЕКОЈ ПАЦИЕНТ ДА ГО ЗНАЕ

  • Задолжително e миење на рацете пред секој допир на регијата каде е поставен портот со цел превенција на можна инфекција
  • Треба да се избегнува тешка физичка работа
  • Портот редовно треба да се испира/промива со Хепарин на секои 20 (дваесеттина) дена како превенција од запушување на портот со згрутчување на крвта.
  • Треба да се одржува редовна хигиена на телото
  • Забранета е компресивна гардероба, која притиска и може да доведе до прекин на циркулација во регијата каде е поставен портот

Пациентот треба ВЕДНАШ да се јави на лекар доколку:

  • се појави црвенило, болна осетливост, топлина и оток на кожата каде е поставен портот
  • има појава на крварење
  • има покачена температура и треска
  • излегува течност од портот
  • се појави вртоглавица и краток здив
  • се појави катетерот под кожата
  • не може да се направи промивање на портот

Сите пациенти кои имаат имаат малигно заболување и потреба од подолготрајно давање на лекови на вена, возможно е да бидат прифатени во болницата и да им се вгради порт.

За оние пациентои кои веќе имаат вграден порт, во сигурни, безбедни и стерилни услови може да се прави редовното хепаринско промивање на портот, со задолжителна претходна ултразвучна контрола за правилната позиционираност на истиот.

Доколку имате потреба за консултација и закажување на контрола за порт обратете се на следниов контакт телефон 02/3091 484

Закажување, тестирање и резултати во рок од 24 часа

Posted on by zmc_piksel_dev

Клиничката болница Жан Митрев е првата приватна институција која што уште од самиот почеток храбро и подготвено влезе во дијагностичката одисеја на новиот коронавирус SARS-CoV-2.

Со цел да излеземе во пресрет на што поголем број на засегнати граѓани, во континуитет ги зголемувавме своите капацитети од аспект на персонал и нова опрема, така што во моментов располагаме со дури десеткратно поголеми капацитети.

А, почнувајќи од денеска, на сите граѓани од нашата земја ќе им овозможиме да резервираат термин за тестирање истиот или најдоцна следниот ден. Резултатите пак, ќе им бидат доставени 24/48 часа по направениот тест. Ова е исклучително брзо. Колку за споредба, во регионот се чека со недели за термин, а резултатите ги добиваат дури неколку денови по направениот тест, со што се намалува можноста за релевантно спречување на ширењето на вирусот.

Од почетокот на пандемијата до сега, во нашата клиника се направени над 20 000 тестирања. А исто така бевме и прва институција која го изолираше геномот и ги утрврди спецификите на SARS-CoV-2 за овој регион.

Веруваме дека брзата и навремена дијагностика и понатаму ќе биде есенцијална алатка во правилното справување со кризата.
Тимот на клиничката болница Жан Митрев продолжува да се бори во спречување на ова зло од светски размери не само со дијагностицирање, туку работи и на успешно следење и третирање на ковид позитивни пациенти.

Термин можете да закажете со јавување во нашиот контакт центар на 02/3091 484 или на нашата веб страница https://bit.ly/32GDYss