Месец: м.г

Одберете го вистинскиот витамиски коктел за вас

Мезотерапијата на лицето е медицински третман за естетско подобрување на кожата. Таа е уште позната како витамински третман кој означува витамински вбризгувања и се изведува со помош на микроинјекции. Витамините и други активни состојки го подобруваат квалитетот на кожата и со тоа се спречува и третира стареењето на кожата давајќи похидриран, помазен и изглед кој зрачи здравје.

Како функционира?

Мезотерапијата на лицето се состои од внесување на различни комбинации на активни состојки со помош на специјални мали игли под површинскиот слој на кожата каде хијалуронската киселина е секогаш заедничка компонента.

Со вбризгувањето на овие коктели составени од хијалуронска киселина, витамини, елементи во трагови, аминокиселини или пептиди меѓу многу други, се постигнува целосна ревитализација на лицето, што како резултат нуди непосредна хидратација, осветленост и очигледно затегнување уште по првата сесија.

Бенефити од мезотерапија на лицето

Инфилтрацијата на овие активни состојки со мезотерапија на кожата на лицето помага да се надополнат основните хранливи состојки кои кожата престанува да ги произведува поради стареењето.
Инфилтрираните активни елементи, секој со своите различни својства, помагаат во подобрувањето на различните проблеми со кожата.

Од ефектите на мезотерапијата на лицето може да ги потенцираме:

• Биостимулација на кожата со повторно активирање на природните функции на кожата
• Интензивна и непосредна хидратација
• Помага во преобликување на дермисот односно врши преструктуирање на структурата на кожата,
• Антиоксидантно дејство
• Непосреден ефект на затегнатост, еластичност, волумен, сјај и цврстина

Како и каде да се подложите на мезотерапија?

Важно е претходно да се консултирате со доктор дерматолог од кој ќе добиете соодветен совет, и кој ќе избере најсоодветен вид мезотерапија за вашата кожа.
По направената консултација мезотерапијата се изведува амбулантски. По третманот е потребна многу малку последователна нега и овозможува непосредно вклучување во секојдневните активности.
Многу малку е непријатна затоа што се прави со многу тенки игли, но може да се аплицира и со локална анестезија во форма на крема.

Кој може да ја користи?

Мезотерапијата на лицето може да ја применат и мажи и жени од било која возраст и со сите типови на кожа.
Индицирана е и за лекување на првите знаци на стареење и за постара кожа.

• Млада кожа со недостаток на хидратација
• Девитализирана кожа
• Површни брчки
• Опуштеност на лицето
• Дамки /флеки на кожата

Сама или во комбинација со други третмани?

Мезотерапијата на лицето е комплетен третман сам по себе, но кога се изведува во комбинација со други третмани, како што е на пример пилинг, резултатите се уште подобри.
Всушност со подобрување на структура и квалитетот на кожата, мезотерапијата придонесува кон поголема ефикасност и времетраење на кој било друг третман што се спроведува подоцна, и помага да се задржат ефектите од претходните третмани.

Кога се забележуваат нејзините ефекти?

Мезотерапијата на лицето нуди многу брзи резултати. Во периодот меѓу првиот и третиот ден по мезотерапијата на лицето, ефектите се веќе јасно видливи, што го прави идеален третман за настан во кој сакате да ја покажете сјајната кожа.

Бубрежните цисти се формација исполнета со течност која може да биде лоцирана во самиот бубрег или над него. Бубрежните цисти може да бидат поврзани со сериозни нарушувања кои можат да влијаат на функцијата на бубрезите. Сепак, најчесто, бубрежните цисти не се канцерогени и ретко предизвикуваат компликации.

Причините за нивна појава се нејасни. Вообичаено се формира една циста на површината на бубрегот, но можно е да се формираат и повеќе цисти и да го засегнат едниот или двата бубрега. Сепак, обичните бубрежни цисти се различни од оние цисти кои се формираат кај полицистични бубрези.

Обичните бубрежни цисти често се детектираат при ехосонографски преглед за време на испитувања ки се прават за други здравствени состојби. Овие цисти чие постоење е само констатирано, а кои не предизвикуваат знаци или симптоми обично не бараат третман.

Симптоми

Обичните бубрежни цисти најчесто не предизвикуваат знаци или симптоми. Ако обична бубрежна циста е значително зголемена, симптомите може да бидат:

• Тапа болка во грбот или станично кај бубрзите
• Треска
• Болка во горниот дел на стомакот

Причини

Сеуште не е утврдено со сигурност кои се конкретните причини. Една од теориите сугерира дека бубрежните цисти се појавуваат кога површинскиот слој на бубрегот ослабува и формира кеса (дивертикулум). Кесата се полни со течност и се претвора во циста.

Фактори на ризик

Ризикот да имате обични бубрежни цисти се зголемува со стареењето, иако може да се појават на која било возраст. Обични бубрежни цисти се почести кај мажите.

Компликации

Повремено, бубрежните цисти може да доведат до компликации, како што се:

• Инфицирана циста. Бубрежната циста може да се инфицира и последователно на тоа да предизвика треска и болка.
• Пукната циста. Пукнатата циста предизвикува силна болка во грбот или странично на телото.
• Опструкција на урина. Бубрежната циста што го блокира нормалниот проток на урина може да предизвика оток на бубрезите (хидронефроза).

Третман

Бубрежните цистите обично не бараат третман, освен ако не предизвикуваат симптоми или нарушување на функцијата на бубрезите. Доколку е потребен третман, вашиот лекар може да користи склеротерапија (со игли), пунктација или хируршка интервенција за да ја испразни цистата и да ги утврди неопходните чекори за да се спречи нејзиното повторување.

Летото е едно од најомилените периоди во годината поради времето за одмор. Но исто така е и едно од најкомпликуваните во поглед на интимното здравје на жените.

Подолгото или континуирано задржување во вода, било тоа да е море или езеро, во комбинација со високите температури, придонесуваат кон зголемување на можноста за непријатности. Освен тоа присутни се потта, влажноста и песокот кои исто така треба да се контролираат бидејќи во текот на летото тие можат да предизвикуваат проблеми, уништувајќи го нашиот одмор.

Од суштинско значење е да се внимава на хигиенските навики, нешто што многу малку жени го прават и покрај фактот дека има многу кои признаваат дека ги забележуваат овие непријатности барем еднаш во текот на летото.

Вагиналната рH е механизам кој функционира така што служи вагината да ја заштити од инфекции. Според состојбата на зрелост на жената, таа се менува за да одговара на животниот период, а со правилна грижа и прилагодување на навиките на вагинална хигиена ќе помогне да се спречат болестите.

Неколку совети за правилно одржување на вашата интимна хигиена:

• Внимавајте кога сте во вода. Во лето можете да поминувате часови и часови во морето и базените и оваа влажност може да ја измени вагиналната pH вредност. Препораката е после секое бањање да направите промена на влажната со сува облека што ќе го спржи задржувањето на влажноста во интимната зона и можните бактериите на вашата облека.
• Лична хигиена. Често ја подложуваме оваа деликатна област на хлор и други штетни елементи. Внимавајте на одржувањето на соодветна интимна хигиена. Користењето адекватни гелови и обидот да се користи топла вода ќе помогнат да се отстранат бактериите и да се одржи pH регулирано.
• Носете соодветна долна облека. Најдобра е онаа која не е претесна и е направена од памук. Во лето, не се само високите температури они кои не потат, туку и тесната облека, синтетичките материјали кои го блокираат потењето на интимната областа и ја прават подложна на бактерии. Носењето памучна облека што дише е пријатна и безбедена како мерка.
• Редовно менувајте ги влошките за време на циклусот. Во лето, часовите минуваат брзо, а во некои случаи, забораваме да ги менуваме влошките што може да предизвика инфекција или во некои случаи и посериозна болест.
• Одржувајте врамнотежена исхрана. Јадењето и пиењето вода му помагаат на телото да биде здраво и тоа се рефлектира во секој поглед на нашето здравје. Консумирањето овошје и зеленчук што содржи вода ќе го олесни елиминирањето на токсините кои предизвикуваат бактериски болести.

Следењето на овие едноставни чекори ќе ви овозможи да го поминете летото и топлината на најдобар можен начин. Доброто интимно здравје ќе ви дозволи да присуствувате на она што е навистина важно, да уживате во летото.

• 

Што е хидрирана кожа?

Природно е да помислите на вода кога ќе го слушнете зборот „хидратација“. Со право, хидрирање на кожата значи зголемување на содржина на вода во неа. Ако вашата кожа е дехидрирана, таа може да изгледа испукана, затегната, сува и без сјај.
Хидрираната кожа е мазна, сјајна и има изедначен тон. За да го постигнете ова, треба од време на време да ја задоволите ,,жедта,, на вашата кожа.
Сепак, луѓето често имаат тенденција да ја мешаат дехидрираната кожа со сувата кожа. Иако се користат како синоними, сепак постои основна разлика помеѓу двете.

Дехидрирана кожа наспроти сува кожа

На дехидрираната кожа и недостасува вода, додека на сувата кожа и недостига доволно количество на себум. Сувата кожа може да биде и резултат на конзумирање одредени лекови или пак заболувања.
Факторите на влијание како: клима, начин на живот, возраст и производите што ги нанесувате на вашата кожа може да придонесат за промена на типот на вашата кожа.

Симптоми на сува кожа:

• Јадеж
• Црвенило
• Испукана кожа
• Иритирана кожа
• Симптоми на дехидрирана кожа
• Затегната и темна кожа
• Истакнати темни кругови и сенки околу очите
• Јадеж и чувство на пецкање
• Присуство на фини линии / брчки
• Сува уста
• Подуени очи

Хидратација наспроти навлажнување

Додека хидрирањето на кожата бара да и додадете вода, навлажнувањето на кожата подразбира додавање состојки кои ја заклучуваат водата внатре. Навлажнувањето и хидратацијата вообичано треба да одат рака под рака.
Ако само додадете вода на кожата, може привремено да се чувствува оптегната. Сепак, водата ќе исчезне од вашата кожа ако нема со што да ја задржите.
Навлажнувањето вклучува додавање состојки кои ја сочувуваат влагата и ја поправаат бариерата на вашата кожа. Ова спречува губење на вода и ја подобрува текстурата и здравјето на вашата кожа.

Како да ја хидрирате кожата во 7 чекори

1. Пијте соодветна количина на вода
   Првиот чекор за хидрирање на кожата е хидрирање на вашето тело. Се препорачува да пиете најмалку 8 чаши вода секој ден. Вашето тело може да бара повеќе, во зависност од вашите дневни активности и тежина.
2. Користете производи за хидратантна нега на кожата
   Доколку имате дехидрирана кожа се препорачуваат креми на база на вода. Производите што продираат низ вашата кожа и доставуваат вода се од витално значење ако имате дехидрирана кожа. Побарајте производи со следниве хидратантни состојки:

A. Хијалуронска киселина
Таа игра важна улога во хидрирање на вашата кожа и одржување на нејзината еластичност. Водоврзувачките својства на хијалуронска киселина помагаат во надополнување на вашата кожа, а исто така спречуваат рани знаци на стареење.
Б. Глицерин
Тој е популарна состојка во индустријата за убавина, има хидратантни својства кои можат да ја ослободат кожата од чувство на сувост и чешање. Ова е затоа што глицеринот е навлажнувач. Значи, работи со привлекување на влага од околината на површината на вашата кожа.

C. Уреа
Таа е широко користена состојка во дерматолошкиот свет, уреата ги раскинува/олабавува врските и го распаѓа закоравениот протеин, ослободувајќи ја кожата од грубост и чешање.

D. Керамиди
Ова се состојки за надополнување на кожата, како цементот што ги поддржува тулите на зградата. Тие ја сочинуваат и поправаат бариерата на вашата кожа, што спречува губење на вода и поттикнува задржување на влажноста.

Е. Пантенол
Тоа е состојка која продира низ кожата и им дава влага на клетките. Исто така, спречува губење на меѓуклеточна вода. Ова значи дека ги подобрува функциите на кожата како бариера преку стимулирање на клетките кои ја зголемуваат истата.

3. Избегнувајте многу жешки и долги тушеви
   Колку и да звучи контрадикторно, долго капење може да ја анулира бариерата на вашата кожа. Ова може да резултира со губење на внатрешната влагата и потребните масла, што може да ја дехидрира вашата кожа. Користењето на млака вода додека се бањате е идеално.
4. Разгалете се со маски за лице
   Маските за лице се преполни со хидрирачки состојки. Вклучувањето на хидратантна маска за лице во вашиот дневен режим за нега на кожата ќе ја задржи вашата кожа мазна и влажна. Исто така, со ова може да се намали појавата на фини линии и темни кругови.
5. Користете навлажнувач
   Навлажнувач може да се користи кога содржината на влага во воздухот околу вас е мала. Ова може да биде особено корисно за време на сувите зимски месеци.
6. Кремот за сончање е задолжителен
   Нанесете крем за сончање со широк спектар за да спречите оштетување на кожата од УВА и УВБ секој пат кога ќе излезете во текот на денот. Изложеноста на сонце може да ја дехидрира вашата кожа, предизвикувајќи таа да ја изгуби влагата и да ги распадне колагенот и еластинот, кои се одговорни за нејзината цврстина и еластичност. Ова може да предизвика предвремени знаци на стареење.
7. Јадете храна богата со вода
   Овошјето и зеленчукот не само што хидрираат, туку се корисни за вашата кожа на многу други начини. Овошјето на база на цитруси, како портокалите и лимоните, се преполни со сок и се богати со витамин Ц, што е од витално значење за одржување на текстурата на вашата кожа. Храната богата со витамин А и Б3 е исто така неопходна за подобрување на целокупното здравје на кожата.

Освен овие неколку основни секојдневни чекори, најдобар и најбрз метод да обезбедиме длабинска хидратација на кожата, особено во летниот период е со третмани на мезотерапија кои се достапни во нашиот центар за естетска дерматологија каде сега консултацијата е бесплатна.

Егземата е вообичаено нарушување на кожата што се манифестира како чешање на кожата и црвен осип. Таа е особено честа појава кај доенчиња и мали деца. Егземата најчесто се развива како резултат на алергиска реакција или дефект на имунолошкиот систем. Може да предизвика иритација и воспаление на кое било место од телото, но е особено раширено на лицето, внатрешноста на рацете и зад колената. Кај доенчиња со егзема, исто така и скалпот е често погоден.

• 

Атопичен дерматитис е најчестата, хронична и тешка форма на егзема. Најчесто се јавува кај оние со други алергиски состојби, како што е астмата. Но се јавува и кај оние кои имаат членови на семејството со истите проблеми. Егземата не е заразна состојба, дури и при директен контакт од кожа на кожа.

Причини за егзема

Точната причина за појава на егзема е непозната, но утврдено е дека одредени супстанции или околности можат да предизвикаат симптоми кај лица подложни на ова заболување. Пациентите со егзема може да имаат негативни реакции на кожата на многу вообичаени производи за домаќинството, како што се сапуни, парфеми, лосиони или детергенти, како и на животински првут. Тие исто така може да развијат акутна егзема како резултат на инфекции на горните респираторни патишта. Во некои случаи, егзема може да се појави и од алергија на храна.

Иако егземата е доста честа кај новороденчињата, повеќето ја надминуваат на возраст од 2 години. За новороденчиња склони кон бурни реакции, најдобро е да се избегнува употреба на производи или ткаенини што можат да ја иритираат нивната кожа и да се избегнува хранење со храна што се чини дека предизвикува реакции. За возрасните, исто така, најдобриот третман за егзема може да биде превенција. Со избегнување предизвикувачи како груби ткаенини, екстремно топло или ладно, животински првут и одредени сапуни или детергенти, пациентите може да бидат во можност да ги контролираат нивните реакции. Иако стресот е честопати фактор што ја влошува состојбата, самата егзема, со својата непријатност и непријатен изглед, исто така може да биде причина за стрес.

Симптоми на егзема

Егземата обично се појавува како црвен осип на кожата и може да ги содржи следниве симптоми:

Наталожени корички
Меури кои пукаат
Сува или лушпеста кожа
Чешање
Обезбојувањето на кожата исто така може да биде симптом на егзема.

Дијагностицирање егзема

Егзема се дијагностицира од страна на лекар дерматовенеролог со физички преглед и консултација со пациентот. Важно е, покрај целосната историја на пациентот, лекарот кој го врши прегледот да земе целосна семејна историја. Бидејќи многу луѓе со егзема често имаат други алергии. Може да се индицира спроведување на тестови за алергија со цел да бидат идентификувани можните предизвикувачи.

Третман на егзема

Постојат неколку достапни третмани за ублажување на непријатноста кај егземата. Може да се препорачаат ладни облоги и препарати без рецепт за решавање на чешањето. Ако симптомите продолжат или станат потешки, може да се препише локална или системска терапија зависно од фазата во која пациентот се наоѓа вомомнтот. Важно е да се третираат симптомите на егзема, бидејќи состојбата го нарушува интегритетот на кожата, дозволувајќи им на бактериите да напаѓаат и да предизвикаат инфекција.

Третманот на егзема може да вклучува:

• Антихистаминици
• Топични кортикостероиди
• Промени во навиките за капење и перење
• Антибиотици (ако постои инфекција)
• Фототерапија
• Имуномодулатори
• Ваќно е да се знае дека примената на фототерапијата и имуномодулаторите се поврзани со зголемен ризик од карцином, тие обично се препишуваат само за време на тешки раширења и кај деца постари од 2 години.

Доколку имате веќе дијагностицирана егзема или се симптоми кои укажуваат на оваа состојба, можете да закажете термин за преглед на 02/3091484

• 

Предизвикувачи, совети и третмани на акните

Акните се честа состојба на кожата што ја предизвикуваат блокирани пори, мозолчиња, цисти и други лезии на кожата на лицето, вратот, градите, грбот, рамената и надлактиците. Иако најчесто погодени се тинејџерите и возрасните од која било возраст можат да страдаат од акни. Акните може да бидат причина за физичко нарушување и емоционално вознемирување. Постојат неколку ефективни методи на лекување кои го подобруваат изгледот на кожата и спречуваат идни избувнувања.

Причини за појава на акни

Акните се развиваат кога порите ќе бидат запушени, или од прекумерно производство на маснотии, таложење на бактерии или толожење мртви клетки на кожата. Кога маснотиите, бактериите или мртвите клетки на кожата се таложат во фоликулот на влакното, тие формираат мек чеп што го принудува ѕидот на фоликулот да се испакне и да излезе од кожата, предизвикувајќи лезија. Причината за вишок производство на маснотии е непозната, но се верува дека вклучува комбинација на неколку фактори, вклучувајќи хормони, бактерии, наследност и, во некои случаи, употреба на одредени лекови. Спротивно на популарното верување, чоколадото, мрсната храна и нечистата кожа не предизвикуваат акни.

Во првите неколку месеци од животот, некои доенчиња имаат акни. Ова е честа состојба предизвикана од изложеност на мајчини хормони во матката; Оваа состојба се расчистува самостојно за неколку недели или месеци.

Симптоми на акни

Иако можат да се појават насекаде, симптомите на акни обично се појавуваат на лицето, вратот, рамената, грбот или градите. Симптомите на акни може да го вклучуваат следново: Црнки, бели гнојници, цисти, нодули, фистули, црвенило, оток.
Овие симптоми можат да се појават и да исчезнат, а може и да се разгорат во одредени периоди како резултат на хормонални осцилации или предизвикувачи од околината, како што се бременост, менструални периоди, високо ниво на влажност, користење на мрсна козметика или производи за коса и земање на одредени лекови. Тешки случаи на акни може да предизвикаат лузни, што може да има штетен емоционален ефект врз пациентот. Ако симптомите на акни не реагираат на третмани без рецепт или ако се појават лузни со расчистување на акните, треба да се консултирате со дерматолог.

Третмани за акни

Методите на третман на акни имаат за цел да го намалат создавањето на маснотии и да ја зголемат брзината на регенерација на клетките на кожата за да спречат нови дамки. Третманот за акни исто така се фокусира на намалување на воспалението за да помогне во лекувањето на сегашните симптоми. Третманот може да вклучува комбинација на локални креми и масти и лекови на рецепт кои вклучуваат антибиотици и орални контрацептиви.

Локализирани површински третмани

Креми и масти нанесени на погодената област често се првата форма на третман што се користи за лекување на акни. Креми и масти без рецепт, кои се користат за лекување на лесни форми на акни, може да содржат бензоил пероксид, салицилна киселина или млечна киселина како нивна активна состојка. Локализираните третмани на рецепт може да содржат повисоки концентрации на овие активни состојки, како и ретиноична или азелаична киселина.

Лекови на рецепт за орална употреба

Умерените случаи на акни честопати може да се третираат со орални антибиотици на рецепт, кои ги намалуваат бактериите и воспаленијата. Тие често се комбинираат со локални третмани. Изотретиноин може да се препише за тешки случаи на акни кои не реагираат на други методи на лекување. Во некои случаи, орални контрацептиви се препишуваат на жени за лекување на умерени случаи на акни.

Третирање на лузни

Може да се препорачаат одредени процедури за лекување на лузни предизвикани од акни. Тие вклучуваат филери за кожа, дермабразија, микродермоабразија и ласерски третман. Многу пациенти доживуваат ефективни резултати од овие видови третмани, кои помагаат да се изедначи кожата и да се отстранат лузните создадени од тешки акни.

Може да потрае до 8 недели пред да бидат очигледни резултатите од третманот, а акните може да се влошат пред да се подобрат.

Спречување на акни

Иако акните не можат секогаш да се спречат, постојат одредени начини да се намали ризикот од влошување. Тие го вклучуваат следново:

• Избегнување на тешка или несоодветна козметика за типот на кожа
• Отстранување на шминка пред спиење
• Користење на благи средства за чистење
• Избегнување на изложување на сонце
• Избегнување на постојано допирање на кожата
• Пациентите исто така треба да избегнуваат допирање или стискање на црнките (комедоните) и треба да бидат свесни за сè што доаѓа во контакт со погодената област, бидејќи може да содржи несакани бактерии.

Препораки за добро дигестивно здравје

• 

Во време на брз живот, преполн работен распоред и бројни обврски дома, луѓето се помалку имаат време да посветат внимание на одржување на добро дигестивно здравје. А реалноста е дека доброто варење на храната е многу важно како за целокупната здравствена состојба така и за емотивниот статус.

Имајќи предвид дека истото зависи од видот и начинот на внесување храна, варењето се дефинира како правилно разложување на храната и пијалоците во мали честички наречени хранливи материи кои телото ги апсорбира и потоа ги користи како енергија.

Храна богата со маснотии, пијалоците со многу шеќер, високото ниво на стрес, прекумерната тежина, синдромот на нервозно дебело црево, нетолеранција на лактоза и карцином на дебелото црево, се најчестите причинители кои го загрозуваат здравјето на дигестивниот систем.

Во послeдно време, една од главните непријатности со кои се соочуваат мажите и жените се дигестивни проблеми кои често се манифестираат со надуеност. Стресот, вознемиреноста и долгото седење, исто така, придонесуваат во голема мера за усложнување на овие проблеми.

Неколку препораки за одржување на дигестивниот систем во добра форма

Разновидна исхрана богата со:

• Витамин А присутен во спанаќот или морковот
• Витамин Д што ќе го најдете во јајцата и масната риба
• Витамин Е во маслиново масло и ореви
• Витамин Ц во портокали и јагоди
• Витамини од групата на Б комплекс
• Минерали како цинк и селен присутни во црвено месо, живина и јаткасти плодови.

Сите овие горенаведени хранливи состојки ќе го стимулираат и ќе го зајакнат вашиот имунитетот

Како да се однесувате правилно со вашиот дигестивен систем?

• Јадете полека и правилно џвакајте
• Вечерајте рано: најмалку два часа пред да одите во кревет
• Јадете редовно и не пресконувајте ниту еден оброк
• Избегнувајте прекумерно консумирање алкохол
• Хидрирајте се: водата е неопходна за ефикасна работата на цревата и соодветно поминување на храната низ нив
• Вежбајте: практикувањето на спортски активности го забрзува метаболизмот, со што се стимулира подобро варење на храната

Секако многу е важно да не заборавиме дека постои блиска врска помеѓу мозокот и цревата. 95% од серотонинот, еден од најважните хормони-невротрансмитери во телото, се наоѓа во цревата. Овој нервен трансмитер преку нервниот систем им овозможува на желудникот и цревата информации согласно кои тие ќе се прилагодат на она што го јадеме, но исто така е и алармен систем кој не предупредува кога нешто ќе тргне наопаку.

Со подобрување на здравјето на дигестивниот систем, ќе се увериме дека е полесно да се намали телесната тежина на здрав начин и да се добијат долгорочни резултати, без потреба да се подложувате на строги диети.

Затоа слободно можеме да заклучиме дека доброто дигестивно здравје се претвора во позитивни емоции неопходни за малку посреќен живот.