Месец: м.г

• 

Што е мезотерапија?

Мезотерапија е современа нехируршка метода на вбризгување на активни состојки (медикаменти, амнино киселини, минерали, витамни и др.) во средниот слој на кожата (мезодерм) која се изведува со неколку иглени техники, на различна длабочина во зависност од регијата во која се аплицира. Затоа е неопходно оваа процедура да се прави од страна на доктор дерматолог сертифициран за оваа техника.

Инаку мезотерпијата била оригинално развиена како третман за болки во 1952 година од страна на францускиот доктор Мишел Пистор, за потоа да добие популарност како метода за разубавување.

Супстанците кои се користат при мезотерапијата и се внесуваат во средниот слој на кожата се специјално произведени мезококтели и најчесто содржат витамини, колаген, хијалуронска кислеина, аминокислеини како и состојки за подобрување на цирукулацијата.

Мезотерапија во естетската дерматологија

Во естетската дерматологија мезотерапијата има бројни индикации. Зависно од дијагнозата и потребите на кожата, покрај за основната функција хидратација, мезотерапијата се употребува и за колагенска индукција, биоревитализација, обновување и подмладување.

Исто така помага во решавање на бројни дерматолошки состојби како акни, розацеа, стрии, пигментации, лузни, целулит, алопеција и други типови проблеми со кожата, скалпот и косата.
Самата постапка на внесување на активните состојки во таргетираната зона покрај дејството на активните состојки, самиот процес на микроубоди на кожата предизвикува механичка стимулација која води кон потикнување на синтеза на колаген и еластин, подобрување на тонусот на кожата како и подобрување на протокот на крв во крвните садови.

Мезотерапија на тело

Зависно од активните состојки како и потребите на пациентот, мезотерапијата на тело може да биде липолитична или антицелулитна, понекогаш и комбинација од двете. Липолизата се користи во кога е потребно намалување на вишокот масти односно намалување на обемот на одредени регии како што се подбрадок, бутини, задник, стомак, грб. Антицелулитната мезотерапија пак опфаќа активни супстанци кои дејствуваат на факторите на настанување на целулитот со што се подобрува циркулацијата, лимфниот застој и тонусот на кожата.

Како изгледа самата процедура на мезотерапија?

Постапката е многу едноставна и скоро безболна. Понекогаш за поголем комфорт на пациентот се користи локален анестетик, а се изведува со вбризгување на активните состојки со помош на многу тенки игли директно во мезодермот. За најдобри ефекти потребни се неколку третмани најчесто од 4-6 во интервал од 10-14 дена (зависно од индикацијата). Ефектите се видливи уште по првиот третман.

Предности од мезотерапија

• Кожата станува мазна и сјајна и се подмладува на природен начин со помош на оваа неинвазивна метода
• Кожата е длабински хидрирана, бидејќи на овој начин ги добива потребните активни супстанци (витамини, хијалуронска киселина и хранливи состојки кои и недостасуваат) директно во мезодермот каде е најефикасно. Вообичаено, поради особеноста на површинскот слој на кожата, голем дел од кремите и локално нанесените препарати најчесто не успеваат да стигнат до длабоките слоеви на кожата каде што се најмногу потребни, што не случај со мезотерапијата. Со оваа метода се делува директно во средниот слој на кожата.
• Исчезнуваат ситните и видно се намалуваат длабоките брчки
• Брз и долготраен ефект

• 

Гениталниот херпес е само една од опасностите на која не треба да се изложувате свесно

Гениталниот херпес е честа сексуално пренослива инфекција предизвикана од вирусот на херпес симплекс. Сексуалниот контакт е главниот пат на ширење на вирусот. По првичната инфекција, вирусот може да остане неактивен во организмот, а може и да се активира неколку пати годишно.

Херпесот на гениталиите може да предизвика болка, чешање и рани во пределот на гениталиите. Но, понекогаш иако сте заразени, можеби немате никакви знаци или симптоми. Во тој случај можете да го ширите, дури и ако немате видливи рани.
Гениталниот херпес не се лечи, но лековите можат да ги ублажат симптомите и да го намалат ризикот од инфицирање на другото лице (партнерот). Кондомите исто така помагаат во спречување на ширење на инфекција од генитален херпес.

Симптоми

Повеќето луѓе заразени со вирусот на херпес симплекс не знаат дека го имаат затоа што немаат знаци или симптоми или затоа што истите се многу благи.
Вообичаено, симптомите се манифестираат помеѓу вториот и дванаесеттиот ден по изложувањето на вирусот. Симптоми кои сигнализираат херпес на гениталиите можат да вклучуваат:

• Болка или чешање. Може да почувствувате болка и осетливост во пределот на гениталиите се додека не се расчисти инфекцијата.
• Мали црвени испакнатини или ситни бели плускавци. Тие можат да се појават неколку дена или недели по инфекцијата.
• Чирови. Чир може да се формира кога меурите ќе пукнат или прокрварат. Чиревите можат да предизвикаат болно мокрење.
• Кори. Кожата ќе формира кора со заздравувањето на чиревите.

За време на почетната инфекција, може да имате знаци и симптоми слични на грип, како што се отечени лимфни јазли во препоните, главоболка, болки во мускулите и треска.

Разлики во појавата на симптомите

Раните се појавуваат таму каде што инфекцијата влегла во телото. Инфекцијата може да се шири со допирање на раната, триење или гребење на друга област на телото, вклучувајќи ги и очите.

Раните може да се појават на следниве делови од телото:

• Вагинална област
• Грло на матката
• Пенис
• Скротум
• Задникот и бутовите
• Анус
• Уста
• Уретра.

Повторувањата се чести

Херпесот на гениталиите се варира во зависност од организмот на човекот кој е заразен. Знаците и симптомите може да се повторуваат од време на време и тоа да трае со години. Некои луѓе годишно доживуваат многу епизоди. Сепак, кај многу луѓе повторувањата се поретки како што одминува времето.За време на повторувањето, малку пред да се појават раните, може да почувствувате:

• Горење, пецкање и чешање таму каде што инфекцијата прво влегла во телото

• Болка во долниот дел на грбот, задникот и нозете

Сепак, повторувањето е помалку болнo и раните често зараснуваат побрзо.

Кога треба да одите на лекар

Ако се сомневате дека имате херпес на гениталиите или која било друга сексуално пренослива инфекција, посетете го вашиот специјалист гинеколог веднаш.

• 

Кислородот е компонента која е од суштинска важност за нашето тело. При тоа, кога говориме за оксигенирање т.е снабденост на телото со кислород, не мислиме само на дишењето како процес, туку и на останатите процеси кои се одвиваат во нашето тело. Кислородот учествува во бројни метаболни реакции, како што е добивање енергија преку оксидација на хранливите материи. Од друга страна, кога клетките во нашето тело ќе бидат лишени од кислород, тие умираат.

Експертите откриле врска помеѓу ракот и недостатокот на кислород, бидејќи е докажано дека клетките на ракот се анаеробни, односно не им е потребен кислород за размножување. Докажано е и дека алкалниот PH ја фаворизира оксигенацијата на организмот.

Правилната оксигенирање, помага да се елиминира токсичниот отпад преку оксидација. Во овој процес, од суштинско значење е правилното функционирање на црвените крвни клетки кои пренесуваат хемоглобин до сите клетки на телото, бидејќи самиот хемоглобин е протеинот одговорен за транспорт на кислород.

Консумирајте алкална исхрана: некои намирници оставаат кисели остатоци што доведува до намалување на pH вредноста на крвта. Тоа е храна од животинско потекло (месо, млечни производи) и рафинирана и преработена храна. Додека пак зеленчукот, овошјето, јатките, семињата и житарките креираат алкална средина. Ако второто преовладува во нашата исхрана, нивото на кислород се зголемува.

• Пијте доволно вода: Не само што е потребно при користење на кислород, туку и за циркулацијата на крвта. Квалитетот на водата е од клучно значење. Поради оваа причина, тој мора да се филтрира или минерализира.
• Дишете правилно: кога земаме воздух преку горен респираторен тракт, крвните садови се собираат, намалувајќи го пристигнувањето на кислород до клетките. Од оваа причина, препорачливо е да правите бавни вдишувања (приближно 12 во минута), од дијафрагмата и преку носот (наместо преку устата).
• Одржувајте дневна физичка активност: Вежбање аеробик и физичка активност како пливање, одење, џогирање и возење велосипед, помагаат да се зголеми нивото на кислород. Вежбањето ја зголемува елиминацијата на отпадот преку лимфниот систем. На овој начин, покорисно е да се прават најмалку 15 минути вежби на ден, отколку еден час форсирана активност во теретана.

Одржувањето на високо ниво на кислород не само што помага во спречување на болести, туку исто така помага да се зголеми виталноста, да се подобри функцијата на мозокот и да се намали стресот.

• 

Варењето се дефинира како правилно распаѓање на храната и пијалоците во мали честички наречени хранливи материи што телото ги апсорбира и ги користи како енергија.

Храна богата со маснотии, пијалоци со шеќер, високо ниво на стрес, дебелина, синдром на нервозно дебело црево, нетолеранција на латоза и карцином на дебелото црево се чести фактори кои го загрозуваат доброто здравје на дигестивниот систем.

Во последниве години, една од главните непријатности со кои се соочуваат мажите и жените се дигестивните проблеми кои често се манифестираат со надуеност. Стресот, вознемиреноста и долгото седење, исто така, имаат негативно влијание врз ова. Во прилог неколку препораки за одржување на дигестивниот систем здрав.

Разновидна диета со храна богата со:

• Витамин А присутен во спанаќот или морковот
• Витамин Д што ќе го најдете во јајцата и масната риба
• Витамин Е во маслиново масло и ореви
• Витамин Ц во портокали и јагоди
• Витамини од групата на Б комплекс
• Минерали како цинк и селен присутни во црвено месо, живина и јаткасти плодови.

Сите овие хранливи состојки ќе го стимулираат и ќе го зајакнат вашиот имунитетотЈадете полека и правилно џвакајте

Неколку совети како да одржувате лесен и здрав дигестивен систем:

• Вечерајте рано: најмалку два часа пред да одите во кревет
• Избегнувајте прекумерно консумирање алкохол
• Хидратирајте се: водата е неопходна за цревниот транзит да може да ја заврши својата работа на најефикасен начин
• Вежбајте: практикувањето на спортови го забрзува метаболизмот, со што се стимулира варењето на храната и го подобрува цревниот транзит
• Јадете редовно и не пресконувајте ни еден оброк

Постои блиска врска помеѓу мозокот и цревата. 95% од серотонинот, еден од најважните невротрансмитери во телото, се наоѓа во цревата. Овој нервен систем им овозможува на желудникот и цревата да се прилагодат на она што го јадеме, но исто така е и алармен систем кој не предупредува кога нешто ќе тргне наопаку.

Со подобрување на здравјето на дигестивниот систем, ќе видиме како е полесно да се намали телесната тежина на здрав начин и да се добијат долгорочни резултати, без потреба да се поднесувате на строги диети.

Заклучок: доброто дигестивно здравје се претвора во позитивни емоции неопходни за малку посреќен живот.

• 

Постојат голем број проблеми кои се често поврзани со скалпот, а видливи на косата. Подолу објаснуваме кои се тие и како би можеле да се решат

Губење на косата

Губењето на косата може да биде предизвикано од различни причини, како присуство на првут, вишок маснотии во коренот на влакното, болести на дигестивниот систем, промени на нервниот систем, бременост, емоционални проблеми и заразни болести. Сепак, мора да се земе предвид дека е вообичаено и нормално просечно паѓање од 50 до 80 влакна дневно.

Првут

Првутот претставува дисбаланс во процесот на отстранување на природните клетки на скалпот. Кај лицата кои имаат првут, мртвите клетки од скалпот се лупат со многу повисока фреквенција од нормалното. Големиот број на отстранети клетки предизвикува размножување на микроорганизми (микробната флора) на скалпот. Постојат неколку теории за нејзината причина, но реално не е познато која е неговата вистинска причина.
Можно решение
Косата треба да се одржува чиста. Доколку е потребно, мијте ја секој ден со благ шампон или наменски соодветно на типот на проблемот. Вклучете храна богата со масни киселини, како авокадо, рибино масло. А избегнувате пржена храна, шеќер, чоколадо, јајца и полномасно млеко.

Сувост

Долгата коса може да биде многу посува отколку кратката коса, бидејќи била изложена на фактори кои влијаеле врз неа подолго време. Сувоста главно се должи на фактори кои спречуваат соодветно лачење на маснотии, иако постојат и други надворешни причини што можат да ја предизвикаат.
Можно решение
Измијте ја косата со добар квалитетен шампон и нанесете регенератор погоден за овој вид на проблем. Јадете балансирана храна.

Мрсна коса

Причините за масна коса се генерално внатрешни и три фактори влијаат: исхрана богата со маснотии, хормонална нерамнотежа и многу често миењето на косата ако е веќе мрсна.
Решенија:
Доколку имате потреба да ја миете косата секој ден, не користите шампон за мрсна коса, бидејќи јаките производи, наместо да ги балансираат маснотиите, може да станат главната причина за замастување на вашата коса. Многу важно е исто така да користите врамнотежена исхрана.

Можни решенија

Спроведување на третман против овој проблем, еднаш или двапати неделно, ќе ви помогне да ја вратите природната рамнотежа на вашата коса, четкајќи ја пред спиење што ќе ја стимулира циркулацијата на крвта на вашата глава, што е многу здраво за оксигенација (набдување на коренот на косата со кислород).
Треба да користите и специјални производи кои ја штитат косата од сонце кога одите на плажа или пливате.

• 

Дупчиња

Ако во вашите нокти се појавуваат дупчиња со големина на главата на игла, причината е десквамација на површинските клетки на ноктот така наречените роговидни клетки. Ова е сосема нормално и безопасно. Сепак, појавата на длабоките дупки во ноктот е можен знак на псоријаза, а можат да укажуваат и на егзема или да бидат резултат на работни услови (носете ракавици за да избегнете контакт со агресивни/абразивни супстанции).

Појава на бразди

Тенки, надолжни бразди обично се појавуваат во подоцните години и не се причина за паника. Редовно масирајте ја целата површина на ноктите со маслиново масло. Недостатокот на течност во телото ја менува и структурата на ноктите, затоа пијте доволно вода. Експертите препорачуваат да пиете најмалку еден литар на ден.
Можат да се појават и попречни (хоризонтални) жлебови. Најчесто нивното формирање најчесто се случува по повреда или болести кои предизвикуваат треска (легионела или маларија).

Суви и кршливи нокти

Дали имате суви и кршливи нокти? Не грижете се. Во повеќето случаи тоа е чисто естетски проблем, предизвикан од чест контакт со вода и абразивни материи, како што се средства за чистење и детергенти. Ставете крем за раце често, ако е можно секогаш кога ќе ги измиете. Користете само средство за отстранување на лак без ацетон и носете ракавици кога работите дома или во градината. Се препорачува масажа со специјално масло за нокти.
Ако состојбата на вашите нокти не се подобри со овие мерки, причината може да биде нарушување на тироидната жлезда. Друг можен виновник е недостаток на железо или цинк. Ако е така, најдобро е да го посетите вашиот лекар.

Испакнати нокти

Испакнати нокти (со конвексно искривување) кои обично се појавуваат со задебелување на врвовите на прстите, што лекарите го нарекуваат акропахија или прсти на тапански стап. Честа причина е недостаток на кислород во екстремитетите, што значи дека оваа промена на ноктите може да биде предупредувачки знак за срцеви, респираторни или заболувања на црниот дроб, а за нивниот изглед е потребна консултација со лекар.
Терминот „лажички нокти“ се однесува на состојба во која средниот дел на ноктот тоне и врвот се свиткува нагоре. Две вообичаени причини се употребата на сапуни за одмастување и контакт со иритирачки средства за чистење или работни материјали како што е цементот. Затоа, префрлете се на не агресивни или помалку агресивни средства за чистење и носете ракавици за домашни работи и градежни зафати. Друга можна причина е анемија, и доколку проблемот продолжува, треба да го посетите вашиот лекар. Тој веројатно ќе побара / препорача да направите крвна слика за да го утврдите нивото на железо.

Дамки

Обоените нокти често се предизвикани од надворешни фактори како што се хемикалии, лакови со интензивни бои и удари. Ако погодената област изгледа белузлаво или жолтеникаво и се чини дека се шири, тоа може да биде инфекција од габи. Ако е обоен еден прст или сегмент од ноктот, користењето на медицински лак може да го реши проблемот.
Доколку проблемот продолжува и станува посериозен, треба да се консултирате со вашиот лекар, кој ќе ви препише соодветен лек за решавање на проблемот. Пред сè, бидете трпеливи! Габичните инфекциите се напорни и може да се вратат ако престанете со третманот пред индицираното време од страна на лекарот.

Темни линии

Ако на некој од вашите нокти се појави вертикална темна линија или лента, веднаш одете на лекар. Иако постојат бројни состојби во кои се поојавува пигментација на ноктот важно е да се исклучи меланом или рак на ноктите. Раното откривање на меланомот е многу важно и раната консултација може да доведе до губење на само ноктот, а не на дел или на целиот прст.

• 

Во Лабораторијата за Гентика и Персонализирана Медицина при Клиничката болница Жан Митрев во Скопје во текот на вчерашниот ден беа идентификувани двајца пациенти позитивни за делта сојот на SARS-CoV-2 (B.1.617.2) со што и официјално беше потврдено дека делта сојот се шири во Македонија.

Уште од самиот почеток на пандемијата, во лабораторијата редовно се врши секвенционирање на позитивните примероци со цел детекција на нови соеви во државата. Сите позитивни примероци за кои внимателно се утврдува дека се сомнителни за некој друг сој на вирусот, различен од доминантниот, подлежат на понатамошно секвенционирање и утврдување на конкретниот сој.

Во овој случај беше детерминирано дека се работи за делта сојот, уште познат и како ,,индиски,, сој.
Во јануари годинава во лабораторијата за прв пат во државава беше детектиран британскиот сој на вирусот. Од тогаш лабораторијата континуирано продолжува да ги применува светските препораки за редовно секвенционирање на вирусот и да ја следи појавата на нови соеви, како и нивната застапеност во државата.

Што е хернија или народски кажано кила?

Ингвинална хернија се јавува кога ткивото, како дел од цревата, излегува низ слабо место во абдоминалните мускули. Грутката (топката) може да биде болна, особено кога кашлате, се превиткувате или кревате тежок предмет.
Ингвиналната хернија не секогаш е опасна. Меѓутоа, ако не се подобри самa по себе, тоа може да доведе до компликации опасни по живот. Вашиот лекар веројатно ќе препорача хируршка интервенција за поправка на зголемена или болна хернија на препоните, која е многу честа процедура.

• 

Симптоми

Симптомите на ингвиналната хернија вклучуваат:

• Грутка испапчена во областа од двете страни на препоните, која станува позабележителна кога сте исправени и особено ако кашлате или вежбате
• Чувство на печење или болка во областа на грутката
• Болка или непријатност во препоните, особено кога се наведнувате, кашлате или кревате тешко
• Чувство на тежина или влечење во препоните
• Слабост или притисок во препоните
• Повремена болка и оток околу тестисите кога испакнатиот дел од цревата се спушта и влегува во скротумот

Знаци и симптоми кај деца

Ингвинална хернија кај новороденчиња и деца е резултат на слабост на абдоминалниот ѕид и се јавува уште при раѓање. Понекогаш хернијата може да биде видлива само кога бебето плаче, кашла или се напрега при празнење на дебелото црево. Детето може да стане нервозно и да има помалку апетит од вообичаеното.
Кај постаро дете, хернијата веројатно ќе биде поочигледна при кашлање или при напрегање за време на празнење на цревата. Истото е воочливо и кога детето стои подолг временски период.

Кога хернијата може да направи проблем?

Ако не можете да ја турнете хернијата навнатре, нејзината содржина може да се приклешти (зароби) во абдоминалниот ѕид. Ваквата хернија може да се притисне, нарушувајќи го протокот на крв во ткивото во кое е заробена. Заробената (приклештена) хернија може да биде опасна по живот доколку не се лекува.

Симптомите на заробената хернија вклучуваат:

• Гадење, повраќање или и двете
• Треска
• Ненадејна болка која брзо се интензивира
• Грутка од самата хернија која станува црвена, виолетова или темна боја
• Неможност за празнење на дебелото црево или поминување на гасови

Кога да се консултирате со вашиот лекар?

Веднаш побарајте медицинска помош ако хернијата стане црвена, виолетова или потемни. Секако доколку имате и други знаци или симптоми поврзани со хернијата веднаш обратете се на лекар.
Посетете го вашиот лекар и доколку имате болна или очигледна грутка во препоните, на страната на срамната коска. Грутката веројатно ќе биде поочигледна кога ќе бидете исправени и обично може да ја почувствувате ако ја ставите раката директно на погодената област.

Причини

Некои ингвинални хернии немаат очигледна причина. Други може да се појават како резултат на:

• Зголемен притисок во делот на стомакот
• Претходна слаба точка во абдоминалниот ѕид
• Напрегање при нужда или мокрење
• Напорни активности
• Бременост
• Хронично кашлање или кивање

Кај многу луѓе, слабоста на абдоминалниот ѕид која ја предизвикува ингвиналната хернија се јавува при раѓање, кога слузницата на абдоменот (перитонеумот) не се затвора како што треба. Другите ингвинални хернии се јавуваат подоцна во животот, кога мускулите ослабуваат или се менуваат со возраста, од тешка физичка активност или кашлица предизвикана од пушење.
Слабост во абдоминалниот ѕид може да се појави и подоцна во животот, особено по повреда на стомакот или по операција.

Кај мажите, слабата точка е во ингвиналниот канал, каде што спермичниот канал влегува во скротумот. Кај жените, ингвиналниот канал носи лигамент кој помага да се одржи матката на место, а хернијата понекогаш се јавува таму каде што сврзното ткиво од матката се приклучува на ткивото што ја опкружува срамната коска.

Фактори на ризик

Фактори кои придонесуваат за развој на ингвинална хернија се:

• Полот. Мажите имаат осум пати поголема веројатност да развијат ингвинална хернија отколку жените.
• Возраста. Мускулите ослабуваат како што стареете.
• Расата. Белата раса е позасегната.
• Наследен фактор. Доколку имате член од фамилјата, како што се родители, брат или сестра, кои страдат од оваа состојба, голема веројатност е и вие да страдате од истото.
• Хронична кашлица. Kашлица предизвикана од пушење
• Хроничен запек. Запекот предизвикува напрегање при движења на дебелото црево.
• Бременост. Бременоста може да ги ослаби вашите стомачни мускули и да предизвика поголем притисок внатре во стомакот.
• Предвремено породување и малата тежина при раѓање.
• Хернија или претходна санација на ингвинална хернија. Дури и ако претходната хернија се случила во детството, имате поголем ризик да развиете друга ингвинална хернија.

Превенција

Не е можно да се спречи вродената предиспозиција која што ја зголемува склоноста кон ингвинална хернија. Но, можете да го намалите притисокот на стомачните мускули и ткива. На пример:

• Одржувајте здрава и нормална тежина. Разговарајте со вашиот лекар за вежби и планот за исхрана кој би ви одговарал најдобро.
• Вметнете во исхраната повеќе продукти богата со растителни влакна. Овошјето, зеленчукот и интегралните житарки содржат растителни влакна кои можат да помогнат во спречување на запек и напрегање при празнење на дебелото црево.
• Не кревајте тешки предмети или правете го тоа внимателно. Ако мора да подигнете нешто тешко, секогаш свиткајте ги колената, а не половината.
• Откажете се од пушењето. Освен негативните последици кои водат кон голем број сериозни болести, пушењето и во однос на ингвиналната хернија има негативно влијание. Имено пушењето предизвикува хронична кашлица која може да доведе до влошување на ингвиналната хернија.