Месец: м.г

Согласно податоците од СЗО (Светската здравствена организација) се проценува дека околу 100 милиони луѓе во светот страдаат од псоријаза.

Зошто ова заболување на кожата е толку распространето?

Едноставно е, поради бројните факторите кои го предизвикуваат, во комбинација со нискиот процент на луѓе кои се консултираат редовно со дерматолог, оставајќи го своето заболување без дијагноза и третман.
Псоријазата е сушност хронично заболување на кожата, чие потекло може да биде поврзано со генетски или автоимуни фактори. Други фактори кои можат да предизвикаат псоријаза се: стрес, траума, бактериски инфекции, лекови, екстремни временски услови, алкохолизам, пушење и дебелина.

Псоријазата се карактеризира со неконтролиран раст на клетките од последниот слој на кожата, многу брзо множење за 3-4 дена наспроти нормален раст 28 дена. Така се акумулираат лушпести закрпи на кожата. Исто така, генерира црвени дамки, чешање и во некои случаи болка.

Бидејќи псоријазата е кожна болест што може брзо да се открие и третира, раната консултација со дерматолог, е клучот за контролирање на нејзиното присуство и спречување да стане хронична болест.
Таа може да се развие на која било возраст и ги погодува подеднакво мажите и жените, особено оние кои страдаат од некои метаболички синдроми како што се дијабетес, хипертензија и високо ниво на холестерол.

Дерматолозите објаснуваат дека стресот е еден од факторите во современиот живот кој има најголемо влијание врз зголемувањето на случаите со псоријаза, па затоа препорачуваат за оние кои страдаат од оваа болест „да бидат смирени,,. Бидејќи стресот ги декомпензира повеќето пациенти, потребно е третманот да биде придружен со техники за релаксација како што се медитација, јога или внимателност и одржување на добра хидратација на кожата.

9 најчести видови на псоријаза

Важно е да се знае дека постојат неколку видови на псоријази, кои се класифицираат според симптомите и областите во кои се развива.

• Вулгарна псоријаза (плаки): таа е најчеста, се карактеризира со презентирање на големи добро дефинирани плаки на кожата, во области како што се колената, лактите и другите области на телото.
• Псоријаза на скалпот: се појавува кај 70% од пациентите кои страдаат од псоријаза, се препознава по појавата на плаки на скалпот, симптом кој често се меша со првут. Обично се појавува на рабовите на косата и во близина на ушите.
• Псоријаза гутата: се карактеризира со појава во форма на капки, генерално во области како што се рацете и нозете. Во некои случаи, нејзиниот изглед е поврзан со слики од стрептококен тонзилитис.
• Псоријаза на ноктите: главно влијае на рацете и ноктите, може да се препознае со презентирање на лушпести и мали црвени дамки на кожата. Овој вид псоријаза може да доведе до лупење на ноктите.
• Инверзна псоријаза: генерално се јавува во области на набори како што се вратот, колената и внатрешниот дел на раката.
• Палмоплантарна псоријаза: овој тип на псоријаза генерално се развива на дланките на рацете и стапалата на нозете, генерирајќи жолти дамки на гној, кои еруптираат постојано, формираат пукнатини и предизвикуваат болка.
• Пустуларна псоријаза: овој тип на псоријаза е редок, се карактеризира со појава на црвени дамки на стапалата и врвовите на прстите, формирајќи плускавци.
• Еритродермична псоријаза: тоа е најмалку вообичаен вид на псоријаза, бидејќи влијае на целото тело, предизвикувајќи црвен осип, чуство на треска и одвојување на кожата, предизвикувајќи интензивно чешање и печење. Во некои посериозни случаи потребно е пациентот да се хоспитализира.
• Псоријатична артропатија: Псоријатичен артритис предизвикува отекување на кожата и болка во зглобовите.

Во некои случаи, овој вид псоријаза предизвикува само лупење на ноктите, симптом кој треба да биде проследен од лекар, бидејќи на долг рок поврзаниот артритис може да предизвика вкочанетост, оштетување или деформација на зглобовите.

Како се третира псоријазата?

За третманот со псоријаза да биде ефикасен и да трае со текот на времето, главната препорака дадена од дерматолозите е: да се намали стресот, бидејќи тоа е главниот предизвикувачки фактор. Времетраењето на третманот е многу променливо, а понекогаш станува хронично, во зависност од пациентот.
Меѓу опциите за третман на псоријаза се:

• Локален третман, со локални кортикостероиди за 10 дена, примена на многу навлажнувачки и други имуномодулирачки креми, со витамин Д.
• Примена на вештачки УВ зраци.
• Орални имуномодулаторни лекови.
• Биолошки лекови за инјекции, тој е најактуелен третман, многу ефикасен, но висок трошок.

Минатата година беше година на предизвици. Светската пандемија предизвикана од COVID-19 промени се. Влијаеше на нашето однесување, нашите навики, нашиот живот. Ги променивме нашите распореди, многу нешта одложивме, поместивме, така и редовните превентивни прегледи поврзани си женското здравје изостанаа.

Податоците од ,,Светската организација за истражување на ракот,, велат дека во 2020 година ракот на дојка е најчесто дијагностицираниот вид на рак. А нивните статистики велат дека минатата година 2020 биле регистрирани 2,68 милиони нови случаи и 685 000 кои починале-што претставува 7% од вкупно починатите од било кој вид на рак.

Не сакаме да ве исплашиме со овие бројки туку напротив да ве потсетиме дека: Редовните контроли спасуваат живот!

Незаборавјате да направите самопреглед или да дојдејете во нашиот дијагностички оддел.

Во Клиничката болница Жан Митрев достапни се сите методи и најсовремени технологиии за дијагностика, затоа закажете си ехо преглед или мамографија кај некој од нашите доктори: Магделена Поповска-Цветкова, Лидија Вељановска-Кириџиевска, Мимоза Толевска или Елена Пижула.

Анемијата е болест при која црвените крвни зрнца во крвта паѓаат под нормалното ниво. Анемија во суштина означува недостаток на доволно црвени крвни клетки во телото. Црвените крвни клетки содржат хемоглобин, специјален пигментен протеин кој го овозможува транспортот и достава на кислород до другите клетки во телото.

Ова е од клучно значење бидејки на клетките во мускулите и органите во телото на децата им треба кислород за да преживеат, да се развијат и да пораснат, а намалувањето на бројот на црвените крвни зрнца може да предизвика стрес врз телото.

Најчесто брзиот раст е можната причина за појава на болеста, затоа децата во првата година од животот и адолесцентите се двете возрасни групи кои се најмногу склони кон анемија.

Анемијата може да се манифестира со бледило, раздразливост, умор и слабост. Иако овие симптоми може да ве загрижат, анемијата е генерално лесна за лекување, особено ако се открие во почетна фаза.
Исто така неопходно е родителите да бидат свесни за мерките кои можат да ги преземат за да ја спречат појавата на оваа болест.

Како се дијагностицира анемијата?

Анемијата се дијагностицира преку анализа на крвта т.е со крвна слика која вообичаено се прави кога ќе се појават првите знаци.

Кои се вообичаените знаци и симптоми на анемија?

• Бледа или жолтеникава боја на кожа
• Бледи образи и усни
• Внатрешноста на очните капаци и подлогата за нокти има посветла розова боја од нормалната.
• Раздразливост
• Слабост
• Умор (детето дреме/одмара почесто).
  

Децата кои имаат пад на црвени крвни клетки може да развијат жолтица (пожолтување на кожата или очите) и да имаат урина со боја на чај.

Децата со тешка анемија може да страдаат од дополнителни симптоми и знаци:

• Брзо отчукување на срцето
• Оток на рацете и нозете
• Главоболки
• Вртоглавица или несвестица
• Синдром на немирни нозе

Децата на кои им недостасува железо во исхраната може да јадат невообичаени работи, како што се: мраз, земја, глина и пченкарен скроб (нишесте). Ова однесување е познато како „пика“ (нарушување). Тоа не е опасно, освен доколку вашето дете не конзумира нешто токсично. Обично “пика” завршува со третман на анемијата и растот на детето.

Како можам да ја спречам анемијата кај моето дете?

Анемијата со недостаток на железо и нутритивната анемија може да се спречат со тоа што ќе му овозможите на вашето дете да јаде добро балансирана исхрана. Разговарајте со вашиот лекар каква исхрана да внесувате во секој оброк на вашето дете за да спречи анемијата.

Начини за спречување на нутритивна анемија:Не давајте му на вашето бебе кравјо млеко додека не наполни една година. Давањето кравјо млеко пред вашето дете да биде подготвено може да предизвика загуба на крв во движењата на дебелото црево и исто така може да ја намали количината на железо што се апсорбира од цревата.

Ако доите: Вашето бебе ќе има соодветно снабдување со железо до возраст од најмалку 4 месеци. На возраст од 4 месеци, бебето освен доењето треба да зема додатоци на железо се додека не почне да јаде дополнителна храна богата со железо (на пример, црвено месо или житарки збогатени со железо). Разговарајте со вашиот педијатар за најдобрата храна за оваа намена и колку дополнително железо е потребно.

Ако се храни со адаптирано млеко: Давајте формула збогатена со железо. Адаптираното млеко со ниска концентрација на железо може да предизвика анемија со недостаток на железо.

Избегнувајте да давате повеќе од две чаши кравјо млеко дневно на деца постари од 12 месеци. Млекото има малку железо и може да ги направи децата да се чувствуваат сити, намалувајќи ја потребата на друга храна богата со железо што би требало да ја внесат.

Хранете ги постарите деца со балансирана исхрана со продукти кои што содржат железо. Зрнестата храна и житарици се огати со железо (прочитајте ја етикетата за да бидете сигурни). Други намирници кои се добри извори на железо се: црвеното месо, жолчка од јајце, компири, домати, грав или мешунки и суво грозје.

Охрабрете го целото семејство да пие цитрусни свежо цедени сокови или да консумира храна богата со витамин Ц за зголемување на апсорпцијата на железо во телото. Иако некои зеленчуци содржат многу железо, кај многу од нив железото доаѓа во форма што е тешко за телото да ја апсорбира, но затоа витаминот Ц може да помогне.

Секоја жена треба да биде свесна за болестите кои можат да се појават на репродуктивните органи. Истовремено треба и да бидат запознаени со различните методи и начини на откривање. Во контекст на погоре споменатото, една од болестите кои е важно навреме да бидат дијагностицирани и лекувани е секако ракот на грлото на матката.

Кои се симптомите и методите за нејзино откривање и која е важноста на редовното ПАП тестирање?

Ракот на грлото на матката претставува неправилен раст, развој и размножување на клетките во грлото на матката. Тоа е втората најчеста причина за смрт кај жените. Овој тип на рак е поврзан со инфекција предизвикана од Хуман папилома вирусот (ХПВ), кој се пренесува преку сексуален контакт и 8 од 10 луѓе (мажи и жени) се иложени на истиот во одреден момент од нивниот живот. Важно е да се знае дека само кај една од илјада жени со оваа вирусна инфекција може да се развие рак.

Симптоми на рак на грлото на матката:
• Крварење помеѓу менструалните циклуси
• Абнормален вагинален исцедок или болка
• Крварење после секс
• Крварење по менопауза

Зошто треба да се направи ПАП тест?

Овој тест може да го спаси животот на пациентот преку откривање на преканцерозни промени во клетките кои подоцна би можеле да се претворат во рак. Ако се открие во рана фаза, третманот за рак на грлото на матката нуди најдобри можности за лекување.

Се смета дека половина (50%) од жените дијагностицирани со рак на грлото на матката не оделе на редовени прегледи. Во САД, инциденцата на смрт од рак на грлото на матката е намалена за 74% благодарение на засиленото ПАП тестирање.

Колку често треба да се направи ПАП тестот?

Се препорачува да се направи еднаш годишно. Со редовните контроли ќе се спречи неконтролиран развој на рак на грлото на матката. Доколку имате или сте имале сексуално преносливи болести, истиот треба да се прави и почесто на секои шест месеци.

Важно е да останете информирани и да бидете во постојан контакт со вашиот гинеколог. Не заборавајте дека нашиот оддел за гинекологија се состои од лекари специјалисти кои можат да ви помогнат за сите ваши проблеми.

Центарот за естетска дерматологија при клиничката болницa Жан Митрев е сеопфатен медицински и козметичко-дерматолошки оддел кој нуди целосен спектар на медицинска и хируршка нега, како и естетско подобрување.

„Ние сериозно го сфаќаме здравјето на вашата кожа, бидејќи кожата не само што е најголемиот орган на вашето тело, туку е критична имунолошка бариера која ве одржува безбедни и здрави во вашата околина. Од едноставни акни до комплексни нарушувања на кожата, нашата мисија е да обезбедиме најнапредна нега на кожата за нашите пациенти.

Бидејќи сакаме да ја разбудиме вашата убавина од внатре ние нудиме комплетен пристап кој вклучува можности за персонализирани препораки за исхрана, суплементи и нега прилагодени на вашите потреби и желби“, велат од Центарот за естетска дерматологија.

Квалитетот и професионалниот пристап се нивниот приоритет

Овде секој третман е персонализиран и по мерка на  пациентите, а приватноста загарантирана. Ги применуваат светските трендови во пракса и користат докажани брендови на препарати.  Нивна главна цел е задржување на природниот изглед при разубавувањето, но исто така и промовирање на здрав живот и подобрување на севкупната задравствена состојба и животни навики, вклучително озон терапија, медицинска козметика, природни масла и вклучително нутритивниот аспект со како совети за исхрана.

Нивниот тим искусни дерматолози, обучени од светски признати експерти ви стојат на располагање за: Естетска дерматологија, козметологија и дијагностика.

Естетска дерматологија

Како одминува времето, нашата кожа ги покажува природните, неизбежни знаци на стареење – брчки, линии и оштетувања од сонцето. На ова може да се спротивставите со нехируршки козметички процедури кои можат да ги измазнат линиите и брчките, да подигнат тонус,  да ја затегнат опуштената кожа, да ги намалат флеките, да ја поправат нерамномерната пигментација, да го минимизираат изгледот на вените на лицето и да создадат свежа, блескава, младешка кожа.

Нивните третмани решаваат многу проблеми на најразлични делови на телото.

Третманите вклучуваат филери на усни, фини линии и брчки, процедури на анти-стареење, затегнување на кожата, обновување на површината на кожата, отстранување на лузни од акни. Некои од најпопуларните нехируршки третмани што ги нудат вклучуваат Ботокс®, микродермоабразија, мезотерапија, полнила за ткива-филери, микронидлинг, хемиски пилинг, и многу повеќе.

Козметологија

За дерматолошките состојби кај деца и возрасни кои вклучуваат акни, бемки, вирусни брадавици, егзема, псоријаза, розацеа и рак на кожа, како и третман на рани, нудат решенија кои ќе ве направат задоволни вас и вашите деца.

Дијагностистика во дерматологија

Достапни се и алерголошки тестови, биопсија од кожа, дермоскопија и мапирање на бемки и уште многу услуги насочени кон подобрување на здравјето на кожата.

Освен тоа, сите клиенти добиваат бесплатна консултација со совети за следните чекори во разубавувањето. Доколку сакате да закажете термин кај д-р Александра Лазаревска и д-р Анџелка Илиева, јавете се во нивниот контакт центар на 02/3104 910.

Извор: Убавина и здравје

Мамографска апаратура

Од сите начини на дијагностика со помош на рендгенски снимања, мамографијата е најспецифичната метода. Со помош на мамографијата се добиваат слики на кои што може да се видат убаво дури и убедливо најмалите детали, што не е случај со сите останати видови на снимања.

За да се открие ракот на дојката во најраната можна фаза, мамографските слики треба да бидат со извонреден технички и дијагностички квалитет.

Само на мамографска апаратура која што ги исполнува најстрогите меѓународни стандарди и на која што се прават редовни проверки за нејзина исправност, може да се добијат вакви слики со висок квалитет.

Притоа, важно е да се знае и дека радијационата доза која што ја добила дојката при мамографското снимање направено со ваква апаратура е пониска од некои други машини од овој тип..

Сепак постојат и случаи, кога дури и на сликите со најдобар квалитет, не е можно прецизно да се прикажат некои патолошки промени. Во тие случаи потребно е да се направи 3D мамографско снимање или таканаречена томосинтеза.

Начин на снимање

Позиционирањето на дојката и примената на правилна техника на снимање има пресудна важност за тоа дали на мамографската слика ќе се прикажат сите потребни детали за да може да се постави точна дијагноза. Секако ова зависи од искуството на лекарот или рендгенскиот техничар кој го изведува ова снимање.

Анализирање на сликите

Мамографските сликите се анализираат на специјални монитори кои што имаат резолуција поголема од 5 милиони пиксели. Условите на анализирање имаат голема улога во тоа дали радиологот ќе ги забележи или не и најмалите промени во дојките.

Затоа, во Клиничката болница Жан Митрев обезбедивме мамографска апаратура со врвни перформанси на која што покрај стандардна мамографија, може да се прави и 3D снимање на дојките.

Воведовме процедури со кои што постојано се следат перформансите и на опремата и на персоналот, кои што гарантираат квалитет според сите меѓународни стандарди.

Затоа што ние во Клиничката болница Жан Митрев го сакаме најдоброто за нашите пациенти.