Клиниката Жан Митрев сака да ја информира јавноста дека на еден ден пред да отпочне судскиот процес, од страна на Кривичниот суд е донесено решение за определување на предлог мерки кои предвидуваат целосно блокирање на сметките на болницата. Укажуваме дека со донесените мерки целосно се блокира работењето на болницата Жан Митрев, која е здравтсвена организација од јавен интерес.
Клиниката Жан Митрев од денеска не е во можност да ги отплаќа обврските кон банките. Сакаме да ја информираме јавноста дека ќе направиме се што е во нашите можности и лекувањето на ниту еден пациент нема да биде доведено во прашање иако, постапките на Кривичниот суд, а на барање на обвинителството одат во поинаква насока односно бараат наше затварање. Се што баравме е фер судење во однос на лагите и невистините пласирани против нашата Клиника, а добивме „пресуда“ пред отпочнување на судскиот процес. Токму поради овој развој на настаните кој го очекувавме после седум месечна синхронизарано организирана хајка баравме од јавноста, како и од претставниците на меѓународната заедница во Македонија да се заинтересираат и да го следат судскиот процес.
Очигледно дека нашите апели беа залудни бидејќи токму пред отпочнувањето на судскиот процесот сме сведоци на брутална блокада со нејасна позадина на Клиниката Жан Митрев. Образложението на Кривичниот суд дека се блокираат сметки на правни лица кои не се од интерес на клиниката е целосно неосновано. „ПЗУ Жан Митрев Струмица“ и „Битола“, не можат сами да ги покријат инвестициите и тие ги покрива матичната клиника во Скопје. Другиот правен субјект „Фила Фарм“ работи со позајмица за да може да ги исплаќа побарувањата на правниот субјект „ЛАБС“, кој е исто основан и поврзан со клиниката „Жан Митрев.“ Друштвата кои се наведени се формирани и се финансираат согласно законската регулатива во државата и истите се тесно поврзани со функционирањето на клиниката. Тие вработуваат голем број луѓе и истите се двојно пораснати во капитал. Потенцираме дека ваквото решение на Кривичниот суд е во спротивност со начелата на презумпција на невиност и создава неодржлив притисок врз Клиниката Жан Митрев.
Сите сме го почуствувале јадот и горчината по примен збор на омраза, на навреда, на нехумана постапка, или пак душевната болка и страдање по преживеана сериозни траума со емоционално или физичко малтретирање. А дел од нас можеби пораснале во дом каде постоело семејно насилство или биле постојано омаловажени и критикувани. Секако тука е и болката по неверство. Сите овие ситуации наметнуваат голем број пршања: Како понатаму низ животот и што е правилно? Дали да се прости? Дали да се заборави? Како да се надмине состојбата?
Дел од нас живеат со надеж дека ако се примерни и добри, прекорот, навредите или повредувањата ќе сопрат. Дел од нас горчината ја носат со себе и ја пренесуваат во поколенија, а има и такви кои имаат намери на одмазда. Сепак важно е што вели науката кога се соочуваме со слични вакви страдања. Подолу одговорите на прашањата: Дали лекот е во простувањето? Дали со овој чин ќе се намали болката, горчината, страдањето? Дали со актот на простување ќе си помогнеме себе си и ќе спречиме душевно и телесно страдање?
Психологијата како наука генерално го дефинира простувањето како свесна, намерна одлука за ослободување од чувствата на огорченост или одмазда кон личност или група која наштетила, без оглед на тоа дали тие навистина го заслужуваат простувањето. Меѓутоа, исто толку важно при дефинирање на простувањето, е и да се разбере што не е простување. Експертите кои го изучуваат простувањето јасно кажуваат дека со актот на простување, не се омаловажува или негира сериозноста на навреда/повредата. Простувањето не значи заборавање, ниту пак одобрување или оправдување на навредите/повредата. Иако простувањето може да помогне да се поправи нарушената врска, тоа не не обврзува да се смириме со лицето кое ни наштетило или да го ослободиме од правна одговорност. Наместо тоа, простувањето му носи мир на оној кој простува и го ослободува од гневот кој постои и ограничува како таков. Иако постои одредена дебата за тоа дали вистинското простување бара позитивни чувства кон сторителот, експертите се согласуваат дека тоа барем вклучува ослободување од длабоко втиснати негативни чувства присутни во нас. На тој начин, овозможува препознавање на болката што се трпи, нејзино надминување, заздравување и продолжување со животот. Преку актот на простување успеваме да ги подобриме и останатите односи со околината, да го подобриме сопственото телесно здравје, преку намалување на стресот, вознемиреноста, непријателството. На овој начин се спречува нарушување на душевното здравје и се превенира развој на депресија, а кај личноста се зголемува самодовербата. Се разбира постојат и генерални придобивки и кон телесното здравје, што би значело подобра срцева функција, силен имунолошки систем.
Простување како напор за подобрување и надминување на состојбата
Првата стратегија за простување е ослободување на оние кои ни згрешиле. Тоа е процес кој започнува по нивното каење и поправање во однесувањето. Се решаваме да простиме како одговор на напорите на сторителот кои се едновремено и внатрешни- кога сторителот чувствува каење и надворешни – кога сторителот го изразува тоа каење и се обидува да го поправи погрешното преку збор или постапка. На овоj начин ние не го забораваме стореното, туку простуваме за да соработуваме повторно. Така постоиме во сегашниот момент, а не во минатото сакајќи животот конструктивно да оди напред. Ова е веројатно најлесниот пат на простување, но важно е да знаеме дека се случува само ако оние кои нè повредиле ни покажат значаен обид за корегирање (поправање). Сепак, надвор од наша контрола е да стимулираме почеток на процесот.
Простување за добра лична благосостојба
Современата психологија образложува дека преку простувањето треба да дадеме придонес кон личната благосостојба која е важен чекор за целокупното здравје и душевниот мир. Истото се постигнува по одредено согледување на личното незадоволство, болка, гнев и реперкусии кои биле предизвикани од овие непријатни спомени и чувства. Простуваме ослободувајќи се од овие непријатни емоции со цел надминување на личната/внатрешна состојба. Овој вид на простување не опфаќа задолжително простување со сторителот.
Како можеме да ја усовршиме оваа способност?
Како пример може да послужат техниките на театарските професионалци. Тие применуваат активности при кои актерите се учат на „инстант простување“. Засновани се на следното: кога некој ќе згреши дел од текстот на сцена, а треба да остане во сегашниот момент, односно да продолжи со играње на сцената со партнерот – актер, тие не се фокусираат на грешката, туку го продолжуваат настапот на сцена. Техниката е: Настаните попримиле погрешен тек, се согледала грешката, истата се прифатила и се продолжува натаму.
Самопростување
Кога зборуваме за простување, мора да го имаме на ум и самопростувањето. Тоа е битно бидејќи, најчесто кога размислуваме за простување, обично простувањето го обликуваме како нешто што им го даваме на другите, а ретко размислуваме за тоа дека треба да си го овозможиме и себеси. Притоа се служиме со личните убедување или уверувања дека го почитуваме „вистинско јас“. Тоа всушност би опфатило и процес на себепростување за простување на туѓите постапки. Иако веруваме дека повеќето од нашите особини се непроменливи и строго се осудуваме за нашите пропусти, науката дошла до сознание дека лицата кои имаат стрго утврдени правила се поподложни на навреди и потешко простуваат. За разлика од оние лица кои имаат отворен ум. Тие се поасертивни по природа и многу помалку замеруваат. Од сето погоре наведено, може да заклучиме дека ако сакаме да си овозможиме значајна лична промена, треба да го прифатиме пронаоѓањето на нови начини да го опишеме нашето минато и себе си. Да си дозволиме да ѕирнеме во себе, зошто со тоа ќе овозможиме лична промена, која би ни била од корист во сегашноста.
Простување и обновување на релацијата
Клучното е: враќање на врската на ниво на кое била пред навредливиот инцидент. Како да стигнеме до таму? Пресудни особини се емпатијата и разбирањето, односно прифаќање дека човечката слабост може да се прости. За да може да сочувствуваме потребно е да се осмелиме да го разбереме лицето и неговата/нејзината мотивација. Тогаш е поголема веројатноста да простиме.
Како да се одлучите дека треба да пристапите кон простување?
Простувањето е процес. Започнува со желба за промена. Кон истото може да придонесе:
Препознавањето на вредноста на простувањето и како тоа може да го подобри живот,
Спознавањето кому треба да простите;
Именувањето на емоциите од нанесената штета и како тие емоции влијаат на личното однесување. Сето ова со цел да се направи обид за ослободување од истите;
Донесување одлука за простување на личноста која ја нанела навредата,
Согледувањето и потоа ослободувањето од контролата и моќта што ги имала личноста која ја нанела навредата во дадената ситуацијата.
Што доколку се соочувате со потешкотија во донесување на одлука да простите?
Повремено се случува да не можеме да простиме. Најчесто тоа се состојби кога спротивната страна не признава дека згрешила. Што во такви моменти?
Потребно е да ја разгледаме ситуацијата од гледна точка на другата личност,
Запрашајте се за околностите кои можеби ја навеле другата личност да се однесува на таков начин. Можеби и вие ќе реагиравте слично доколку се соочите со истата ситуација,
Размислете за ситуации кога ви било простено.
Што доколку вам треба да ви простат?
Во основа потребно е да се анализира ситуацијата, да се увиди грешката и како сето тоа влијаело врз останатите. Притоа битно е кон себе да се настапи со грижа, односно да не се осудувате прекумерно.
Доколку навистина жалите за вашите постапки и сакате прошка, потребно е искрено да се обратите кон лицата кон кои се имате огрешено, да соопштите дека чувствувате искрена тага и жалење и да побарате прошка без изговор,
Треба да се има на ум дека не можеме да ги присилиме луѓето да ни простат. Простувањето е процес. На другите лица може ќе им биде потребно време за да простат. Затоа она што треба да направиме е да пристапиме со сочувство, емпатија и почит.
Доколку имате потреба за психијатриско советување во процесот на простување, можете да закажете психијатриско советување со д-р Марија Костадиновска, психијатар, на контакт телефон 02/3091484.
М-р д-р Марија Костадиновска Специјалист психијатар
Д-р Жан Митрев испрати писмо до претставници на Хелсиншкиот Комитет во Македонија со барање да реагираат на прекршувањето на основното право да ја информира јавноста поврзано со случајот против него и Клиниката Жан Митрев. Во писмото д-р Митрев ги повикува да го следат случајот и во судница и да реагираат, бидејќи ова не е само случај за наводно кривично дело, туку е случај на непочитување на човековите права.
„Изминатиот период лично јас сум на удар во јавноста, а секако и на низа пишувања посебно на порталот ДоказМ.мк за што имам веќе доставено кривична пријава. Се прекршува моето право на одговор бидејќи секој обид да контактирам со новинар завршува со осудување на истиот во јавност, а со оглед на тоа што мојата битка започна со новинарски текст единствен начин да се „одбранам“ покрај судницата се разбира е и јавноста што се информира од медиумите“, пишува во писмото од д-р Митрев.
Во писмото д-р Митрев се повикува на човековите права кои се загарантирани со нашиот устав и каде правото на јавно искажан збор е загарантирано.
„Јас сум човек што имам дадено Хипократова заклетва и таа ме води во секојдневната работа, чист сум пред себе и пред моите постапки затоа што знам дека вистината е на моја страна. Но, ве молам за постапување по случаите каде се врши притисок врз мене и моите вработени за да може секој од нас да се растерети од бремето на притисок. Ние згрижуваме илјадници пациенти и ништо не смее да ѝ наштети на професијата и на здравјето на граѓаните“, потенцира д-р Митрев.
За потребата од вакво обраќање д-р Митрев во писмото се навраќа и на случајот со сопственикот на порталот ДоказМ кој добивал информации од истражителката за случајот и ги објавувал на неговиот портал.
„Бевме сведоци дека истражителка заедно со Марјан Стаменковски од ДоказМ, воделе организирана хајка против мене каде допрва ќе се види кој се бил вклучен. Организираниот напад и заканите не треба да бидат дел од нашето секојдневие. Вие како Хелсиншки комитет самите го знаете тоа. Затоа ве повикувам да реагирате и да го следите мојот случај и во судница, бидејќи ова не е само случај за наводно кривично дело, туку е случај на непочитување на човековите права“, го завршува писмото Митрев.
Станува збор за мануелна техника при која се употребуваат специјални алатки (инструменти) со кои се спроведува третманот. Се користи за откривање и лекување на нарушувања на меките ткива. Времетраење на еден третман: 30-45 минути, во зависност од регијата на примена
Мобилизација на меките ткива со помош на инструменти (IASTM) е квалификувана миофасцијална интервенција која се користи за третман на меките ткива. Се заснова на принципите на масажата со вкрстено триење според Џејмс Сириакс. Истата се спроведува со помош на инструменти кои обично се направени од нерѓосувачки челик и имаат заоблени рабови и контури за да одговараат на различните анатомски локации на телото. Ваквите алатки користени од квалификуван и вешт физиотерапевт овозможуваат преку различните техники за директен компресивен удар, подлабоко продирање при манипулациите врз кожата, миофасцијата, мускулите и тетивите. Се смета дека самата техника еволуирала од Гуа ша – метода што се користи во кинеската медицина. Иако и Гуа ша користи инструменти со измазнети рабови, сепак нејзината примена, цел и методи на примена се различни од IASTM.
Како функционира?
Инструментите можат ефикасно да ги разбиваат фасцијалните ограничувања и ткивото околу лузните. Ергономскиот дизајн на овие инструменти му обезбедува на практичарот можност да ги лоцира ограничувањата и воедно да ја третира погодената област со соодветна количина на притисок. Воведувањето на контролирана микротраума во погодената структура на меките ткива предизвикува стимулација на локалниот воспалителен одговор. Микротраумата потоа иницира реапсорпција на несоодветна фиброза или прекумерното ткиво со лузни и ја олеснува каскадата на лековити активности што резултира со ремоделирање на засегнатите структури на меките ткива. Адхезиите во мекото ткиво кои можеби се развиле како резултат на хируршка интервенција, имобилизација, прекумерно напрегање или други механизми, се разградуваа. Тоа овозможува целосна функционална реставрација.
Состојби во кои најчесто се применува IASTM:
Медијален епикондилитис
Латерален епикондилитис
Синдромот на карпален тунел
Болка во вратот
Плантарен фасцитис
Тендинитис на ротаторната манжетна
Пателарен тендинитис
Тибијален заден тендинитис
Болка во петицата / Ахилова тендинитис
DeQuervain-ов синдром
Постхируршки и трауматски лузни
Миофасцијална болка и ограничувања
Мускулно-скелетни нерамнотежи
Хроничен оток на зглобовите поврзан со истегнување/напрегање Истегнување на лигаментите
Напрегање на мускулите Не-акутен бурзитис RSD (рефлексна симпатична дистрофија) Болка во грбот Болка во колкот (замена) Синдром на ИТ бенд Хронично истегнување на глуждот Акутно истегнување на глуждот (напредна техника) Лузни (хируршки, трауматски)
Контраиндикации
Отворена рана (незалечено место на шиење)
Неизлечена фрактура
Тромбофлебитис
Неконтролирана хипертензија
Нетолеранција/хиперсензитивност на пациентот
Хематом
Остеомиелитис
Миозитис ossificans
Хемофилија
Мерки на претпазливост
Антикоагулантни лекови
Рак
Проширени вени
Лузни од изгореници
Акутни воспалителни состојби
Дисфункција на бубрезите
Воспалителна состојба секундарна на инфекција Ревматичен артритис Бременост IASTM
Физиологија и придобивки
Физиолошки механизам
Повеќето истражувања (студии) се насочени на придобивките од IASTM на клеточно ниво. Воспалителниот одговор инициран преку микротраума на погодените ткива резултира со зголемена пролиферација на фибробластите, синтеза на колаген, созревање и ремоделирање на неорганизирана матрица на колагенски влакна по примената на IASTM. Што резултира со распаѓање на ткивата на лузни, адхезии и ограничувања на телото.
Фибробластот се смета за најважна клетка во екстрацелуларниот матрикс (ECM). Регенерацијата и одржувањето на меките ткива се одвиваат во ECM. Фибробластот го синтетизира ECM, кој вклучува колаген, еластин и протеогликани, меѓу многу други суштински супстанции. Фибробластите имаат способност да реагираат како механотрансдуктори, што значи дека се способни да детектираат биофизички напрегања (деформации) како што се компресија, вртежен момент, смолкнување и проток на течност, и да создадат механички хемиски одговор.
Клинички придобивки
Направените Студи, исто така, потврдуваат клинички придобивки од IASTM и тоа: подобрувања во опсегот на движење, силата и перцепцијата на болка по третманот. Мелхам и неговите соработниците откриле дека IASTM значително го подобрил опсегот на движење кај фудбалер по 7 недели IASTM и физикална терапија. Исто така увиделе дека ткивото на лузната што го опкружува латералниот малеолус се намалило и структурно се ремоделирало по примената на IASTM. Вилсон и соработниците пак утврдиле подобрувања во доменот на болката т.е нејзино намалување и скалата на оштетување на 6 и 12 недели по апликацијата IASTM за пателарен тендинитис.
Практична примена
IASTM секогаш треба да се комбинира со програма за движење и зајакнување за да се подобри ремоделирањето на ткивата.
Примената на IASTM се спроведува во 6 чекори.
Преглед-проценка
Загревање во траење од 10 до 15 минути со лесно џогирање, стационарен велосипед или ергометар за горниот дел од телото.
IASTM третман кој се изведува под агол од 30-60 степени за 40-120 секунди 4.Истегнување – 3 повторувања по 30 секунди 5.Зајакнување со голем број на повторувања при вежбање со мало оптоварување 6.Криотерапија во траење од 10 до 20 мин.
Важно е секако да се напомене дека инструментот се дезинфицира меѓу пациентите за да се избегне пренос на инфекции. Пропорачаната дезинфекција се прави со средства за дезинфекција на пр: изопропил алкохол, а потоа мие и со сапун и вода за да се отстранат сите остатоци од хемиското средство за дезинфекција од инструментот. Ако алатот бил во контакт со крв, телесни течности, мукозни мембрани или неоштетена кожа, тогаш се дезинфицира со средство за дезинфекција на високо ниво.
Оваа техника е достапна во нашата амбуланта за физиотерапија и ја изведуваат нашите искусни и соодветно обучени физиотерапевти. За повеќе инфорамции и закажување јавете се на 02/3091-484
Одделот за психологија и психотерапијапри нашата Клиника и оваа година традиционално организиранастани за граѓани, предавања и работилници за волонтерите на Црвен Крст на град Скопје, бесплатни кардиолошки и педијатриски прегледи за ранлива категорија на граѓани, како и викенд активности за дечињата оперирани од вродени срцеви маани. Сето ова е во рамки на Неделата на борба против срцево садови заболувања.
Споделуваме со вас дел од атмосферата од вчерашниот настан организиран за нашите граѓани!
Одбраната реагира на последната изјава на шефот на Основното јавно обвинителство Гаврил Бубевски каде лицитира со нови бројки на пријавени за случајот поврзан со Клиниката.
Презумцијата на невиност во случајот со д-р Жан Митрев и Клиниката треба да биде сериозно почитувана од страна на обвинителството. Начинот и леснотијата со која Бубевски дава изјави и интервјуа во медиумите и подкастите, што може да биде само во сферата на претпоставки, но никако и тоа дека тој е „сигурен дека има повеќе пријавени за оштета“, повторно ЈО укажува на контрадикторности и излегува од ингеренциите.
На суд ќе треба да ја докажете вината којашто самите знаете дека ја нема, обвинителе. Подобро на јавноста уште сега да и кажете како тоа материјали и информации од обвинителството за случајот против Клиниката Жан Митрев се објавувале кај Марјан Стаменковски ДОКАЗМ, иако веќе и официјално соопштивте дека ваш истражител го снабдувал Стаменковски со информации.
Обвинителството целиот процес го води со намера да наштети, а не со намера да докаже вина, затоа што и самите знаат дека вина не постои.
За сите наводи во обвинителниот акт има јасен одговор од Клиниката што ќе биде презентиран на Суд. А Обвинителството ќе треба да докаже нешто што не постои што ќе биде вистински предизвик за нив. Со нетрпение го чекаме на првото соочување на Суд.
Клиниката Жан Митрев: Јавното обвинителство да се произнесе дали постои релација меѓу истражителката која му давала информации на Марјан Стаменковски и дали парите кај него се од познат скопски бизнисмен сопственик на друга приватна болница како што се објавува во медиумите
Клиниката Жан Митрев најави и веќе ја поднесе Кривичната пријава против, Марјан Стаменковски сопственик на порталот ДоказМ.
Истовремено сметаме дека структурата на организираната група која стои позади хајката којашто веќе седум месеци трае против Клиниката Жан Митрев излегува на виделина и јавно прашуваме:
Дали кај материјалот пронајден кај Марјан Стаменковски се наоѓаат индиции за поврзаност меѓу познат скопски бизнисмен сопственик на приватна болница, чиј вработен јавно ги малтретираше вработените во нашата клиника.
Дали истражителката која го снабдувала Марјан Стаменковски со информации за истрагата против Жан Митрев работела по насоки на бизнисменот?
Дали обвинителката Искра Хаџи Василева ги инструирала поранешните пациенти во предистражна постапка и ги наведувала?
Апелираме за објавување на доказите поврзани со случајот на клиниката Жан Митрев каде јасно се гледа корелацијата на Стаменковски со истражители кои директно имале влијание и информации за целиот случај и постапките. Во правна држава не смее да се дозволат влијанија од надвор и да се диктираат процеси во рамките на обвинителството и судството, што повеќе од очигледно било случај за истрагата поврзана со нашата Клиника.
Со оглед на штетата нанесена на Клиниката Жан Митрев, правниот тим бара од ОЈО да се приклучи кон кривичниот прогон.
Со дел од насловите како „Жан Митрев полудел“, „Митрев криминалец“, „Народот сака доктор Митрев да виси“, „Сашка гази го убиецот Митрев“, и дел од навредите како „Митрев – Менгеле“, „бесилка за доктор Митрев“, „Митрев монструм“, Марјан Стаменовски направил кривично дело ширење на расистички и ксенофобичен материјал по пат на компјутерски систем.
Стаменковски со интензивното обавување на наведените статии, во период од јули 2022 година до 22.01.2023 година, со умисла извршил повеќе временски поврзани дејствија што претставуваат повеќекратно остварување на исто дело со што се нанесуваат штети не само врз доктор Жан Митрев туку и на вработените во самата Клиничка болница Жан Митрев. Во кусиот временски период беа објавени повеќе од 21 натпис каде дел имаа порака – „Доктор Јозеф Менгеле (ангел на смртта) = Жан Митрев Хипокрит (доктор наречен смрт) !!! Фала му на господ бог што постои Сашка Цветковска и ИРЛ”, „Жан Митрев е монструм!!! Убиец!!! Треба некој да го сопре неговиот вампиризам!!!“
Очекуваме брз и транспарентен расплет на случајот и нападите против Клиниката Жан Митрев.
Можноста да се почуствува работната атмосфера во операциона сала е дополнителна мотивација за идните кардиохирурзи
Д-р Греса Мустафа е 25 годишна докторка од Косово. Нејзина желба е во иднина да специјализира на полето на кардиохирургија. Затоа и ни се обрати со барање да присуствува во операционата сала и да ја почуствува атмосферата во која д-р Митрев со својот тим изведува сложени операции.
