Автор: zmc_piksel_dev

Учество на меѓународна конференција на одделот за психологија и психотерапија

По повод 40 години од своето постоење, Институтот за психологија при Филозофскиот факултет на Универзитетот “Св. Кирил и Методиј” од 30- ти Октомври до 1- ви Ноември организираше Меѓународна конференција за теорија и пракса во психологијата.Меѓу бројните учесници од повеќе земји ширум светот, со свои трудови пред научната јавност се претставија и психолозите од Одделот за психологија и психотерапија и тоа:- “Биопсихосоцијалниот модел во 21-от век – теориски и практични предизвици” автор: Илија Дојчиновски, коавтори: Фросина Ристовска, Љубица Лилиќ, Тања Анѓушева, Жан Митрев – “Анксиозноста и срцевите заболувања” – автор: Фросина Ристовска, коавтори: Илија Дојчиновски, Љубица Лилиќ, Тања Анѓушева, Жан МитревНа почетокот на 2014-та година, Специјалната Болница по хируршки болести “Филип Втори” потпиша Меморандум за соработка со Институтот за психологија и успешно спроведуваат заеднички активности.

Крводарителска акција

На ден 12.11.2014 година, во просториите на библиотеката Гоце Делчев во Велес, се одржа крводарителска акција. Организатор на оваа акција беше Мото Клубот од Велес.На крводарителската акција беа собрани 86 единици крв, број однапред одреден и ограничен од Заводот за Трансфузија. На оваа акција беше поставен штанд на Специјалната Болница по хируршки болести “Филип Втори”. Присутни беа 4 вработени медицински сестри кои ги запознаа посетителите и крводарителите со работата во болницата. За време на крводарителската акција беше поделен рекламен материјал од сите дејности и услуги кои се извршуваат во Специјалната Болница по хируршки болести “Филип Втори”.

Конгрес на физиотерапевти во Вуковар

Во периодот од 16.10. – 19.10.2014 година, се одржа Конгрес на Хрватски збор на физиотерапевти во Вуковар со меѓународно учество под мотото: “Физиотерапија наука или уметност”. На конгресот земаа учество 98 автори од шест земји (Македонија, Полска, Грција, Германија, Босна и Херцеговина и Хрватска), со 54 презентации. Одржани беа и три работилници (сите од респираторна терапија), три округли маси и една фокус група.

Специјалната болница по хируршки болести “Филип Втори” беше претставена со презентациите на Блаже Арсов- “Физикална терапија послије уградње тоталне ендопротезе кукуа код витално угроженог пацијента” и Олгица Димитров- “Физикална и респираторна терапија у превенцији вентилатор асоцираних пнеумонија”.Двете теми предизвикаа голем интерес кај слушателите и СБХБ “Филип Втори” беше посочена како болница во која се работи по светски стандарди.

Симпозиум во Приштина, Косово

На 10- ти Октомври 2014 година, во Приштина, Косово, под организација на “Association of Kosovo anaesthesiologist and CEEA (Committee for European Education in Anaesthesiology) office in Kosovo” како член на ESA (European Society of Anaesthesiology) и WFSA (World Federation of Societies of Anaesthesiologists), се одржа симпозиум од областа на кардиоaнестезијата.

На овој симпозиум учествуваа доктори од различни европски земји, меѓу кои како поканет предавач беше Др. Тања Анѓушева од специјалната болница по хирушки болести “Филип Втори”.

Предавањето на Др. Тања Анѓушева беше на тема “Cardio renal syndrome”.

ЗАПОЗНАЈ ПСИХОЛОГ во склоп на студентска едукативно- научна дружба „ПСИХЕ-СКОП“

На 01.11.2014 година, во просториите на Филозофскиот факултет при УКИМ, се одржа студентска едукативно-научна дружба “Психе-скоп” организирана од Здружението на студенти по психологија „Психеско“ кое е основано од студентите на Институт за психологија. Во делот Запознај психолог, психолозите од одделот за психологија и психотерапија при специјалната болница по хируршки болести “Филип Втори” беа поканети да ја претстават својата професија и што значи да се работи како здравствен психолог, да ја претстават институцијата во која работат, да ја запознаат публиката со нивната положба и улога во Филип Втори и што опфаќа нивната секојдневна работа, кои квалификации се потребни и слично. Притоа, студентите имаа можност да поставуваат прашања кои беа поттикнати од дискусијата. Ова е уште една активност која е резултат на меѓусебната соработка на СБХБ Филип Втори и Институтот за психологија при УКИМ.

Анестезија кај пациенти со прекумерна тежина – приказ на случај

Прекумерната тежина (обезност, дебелина) е се́ почесто застапена на светско ниво и претставува сигнификантен ризик фактор за морталитет/морбидитет кај пациентите кои подлегнуваат на хируршки интервенции и анестезија. Состојбата на пациентите и типот на заболувањето го одредуваат видот на анестезија. Предоперативната анестезиолошка проценка е од важно значење, затоа што отежнатиот дишен пат и невозможната интубација се чести случаи кај обезните пациенти, па така регионалната анестезија (доколку е возможна) е најдобар избор.

Приказ на случај

Пациентка на 63- годишна возраст, примена за хируршко решавање на умбиликална кила (хернија). Анамнестички дава податок за висок притисок и дијабет. Анестезии претходно немала. Висока 161 cm и тежина 163 kg (BMI 62.9 kg/m2). Крвен притисок 150/90 mmHg и срцева фреквенција од 100/мин. Уреден ЕКГ наод. Респираторно присутен дифузен бронхитичен наод. Проценка на дишен пат- тешка интубација, краток врат, ограничена подвижност на вратот. Еписпинална анестезија беше најдобар избор, како за пациентот, така и за анестезиологот. Пациентката беше информирана за оваа високо ризична процедура и истата беше прифатена од нејзина страна. Ранитал и реглан беа дадени како премедикација, заради зголемениот ризик од аспирација. Стандардна антибиотска профилакса. Во операционата сала беше поставена на стандарден неинвазивен мониторинг и беа поставени две интравенски канили. Еписпиналниот блок беше поставен во седечка позиција, ниво L2-L3 со спинална игла од 100мм и епидурална од 88мм, при што беше аплицирано 4 ml Ropivacain 7,5%/ml и континуирано 0,5% Bupivacain. Беше постигнат адекватен сензорен и моторен блок. Хируршката интервенција траеше 70 минути. Пациентката беше префрлена на одделот за полуиинтензивно лекување и отпуштена дома за 48 часа во стабилна состојба.

Во декември 2003 година, влегов низ вратите на Клиниката за Кардиохирургија “Филип Втори”, како единаесет годишно исплашено дете кое родителите го водат на интервенција на срце. Се редеа слики пред мене, болничка соба, сестри, доктори, сала за операција…

Денес, после 11 години, повторно минувам низ истата врата, истите ходници, сестри, доктори, но сега и јас сум дел од нив. Завршив средно медицинско училиште, дипломирав на ВЗШ при Универзитетот “Гоце Делчев” во Штип и се запишав на специјалистички студии. И пак застанав пред Академик Др. Жан Митрев, но сега не како пациент, туку како дипломиран физиотерапевт, со молба да ми дозволи да се усовршувам на неговата клиника.

Многу сум среќен што ми овозможи да волонтирам, да научам како се работи во реномирана клиника по светски стандарди, каде што пациентот е на прво место.

Јас бев првото дете врз кое беше извршена успешна интервнција по нова метода, а после мојата се извршени уште многу такви. Кога прв пат се сретнав со Академик Др. Жан Митрев ме праша што сакам да бидам, а јас детски одговорив- фудбалер!

Фудбалер не станав, но се надевам дека овде ќе научам и ќе станам успешен физиотерапевт кој ќе помага во рехабилитацијата на пациентите.

Фудбалер не станав, но ќе станам успешен физиотерапевт