Автор: zmc_piksel_dev

Приказ на случај со Stanford B аортна дисекција

Пациентка на 56 годишна возраст беше примена во нашата установа поради болка во предел на градите и грбот со почеток 2 недели пред прием. Болката не е поврзана со движење, не се смирува со промена на положбата и користење на медикаменти, а во еден наврат пациентката дава податок и за повраќање. Претходно пациентката поради изразената симптоматологија е хоспитализирана во кардиолошка установа каде е дијагностицирана Stanford B дисекција. Ехокардиографскиот наод беше во прилог на дилатација и парцијална тромбоза на десцендентна аорта. Направена беше компјутерска томографија и дијагностицирана беше аневризма на абдоминална аорта (Craford III) со Stanford B дисекција на торакална аорта. При тоа аневризмата беше со максимален дијаметар од 6,6 цм кај реналните артерии, a. mesenterica superior и десната ренална артерија беа од вистинскиот лумен, додека truncus celiacus и левата ренална артерија излегуваа од лажен лумен со присутна исхемија на средениот и долениот пол на левиот бубрег.

На физикален преглед пациентката беше без значајни отстапки. Аускултаторно везикуларно дишење, срцева акција ритмична, тонови јасни, дијастолен шум над аортното устие 1-2/6.Преку торакофренолумботомија кај пациентката направена беше комплетна замена на десецендентната аорта до заедничките илијачни артерии со васкуларна протеза Albograft 24mm како и реимплантација на сите висцерални артерии. За време на оперативниот зафат користен беше Gott-шант за перфузија на долниот дел на телото со канилација на лакот на аорта и левата заедничка илијачна артерија, како и NIRS (nearly infrared regional spectrophotometry), посебна анестезиолошка неинвазивна техника за мониторирање на мозочна перфузија.Во постоперативниот тек пациентката беше комплетно стабилна со уредно будење и без невролошки испади.

Започната беше постепена мобилизација веќе првата недела постоперативно. Пациентката беше отпуштена дома по 3 недели од приемот во добра општа состојба.

Приказ на тетралогија Фало со МСКТ ангиографија кај адултни пациенти

Тетралогија на Фало е вродена кардиоваскуларна аномалија каде се гледа:- голем вентикуларен септален дефект (ВСД) – хипертрофија на десна комора, – јавачка аорта, – пулмонална инфундибуларна стеноза пред пулмоналната валвула,Симптоми: цијаноза, диспнеа при хранење, спор растTретман: хируршки. Постојат полесни таканаречени пинк форми кои преживуваат подолго време и се решаваат оперативно во адултниот периодОваа аномалија е застапена 7 до 10 % од сите срцеви вродени аномалии и се јавува на секое 5-то од 10 000 бебињаМоже да биде пропратена и со десен аортен лак (25%),абнормална анатомија на коронарите артерии (5%),стеноза на гранките на пулмоналната артерија, прооден дуктус артериозус, комплетен АСД итн

Приказ на две адултни пациентки кои имаат полесна форма на тетралогија Фало:

Пациентка Ј. А. на 30 годишна возраст со Тетралогија Фало, лесна -пинк форма. ЕФ 60%. НИХА 3. МСКТ наод:

Присутна комуникација на аортата со левата пулмонална артерија.

Лева пулмонална артерија со сигнификантна стеноза проксимално.

Присутен ВСД – 23мм.

Kоронарните крвни садови се прикажаа уредни.

Индицирана хируршка корекција на срцева маана

Пациентка С. А. на 28годишна возраст со Тетралогија на Фало, хемодинамска гр 2. Умерена (50%) декстропозиција на аортата. Централна цијаноза. НИХА 3. РБББ.

МСКТ наод:

Аорта со декстропозиција, диjаметар на синус Валсалва 40мм,

Трункус пулмоналис: диjаметар на главно стебло 11мм, десна пулмонална артерија 11мм, диjаметар на лева пулмонална артерија 23мм.

Присутен ВСД – 13мм

Наголемени десно срцеви кавитети.

Коронарните крвни садови се прикажаа проодни , дилатирани, извијугани ,без знаци за обструктивни лезии.

Индицирана хируршка корекција на срцева маана

Иновациите од Филип Втори на страниците на Daily News од Евроското Здружение за Кардиоторакална Хирургија (European Association of Cardio -Thoracic Surgery)

Втора номинација за награда на академик др. Жан Митрев на техно колеџот организиран од страна на Европското Здружение за кардиоторакална хирургија. Иновацијата со наслов Suction – assisted bioglue application foe reinforcement of suture line – new haemostatic technique in aortic surgery е презентирана во дневниот весник (Daily News)на здружението, за време на овогодишниот, дваесетишести собир на EACTS, кој се одржа во Барцелона од 27-31 Октомври 2012 година. На состанокот како и секоја година учествуваат сите еминентни професори од областа на кардиоваскуларната хирургија и вообичаено се презентираат најновите достигнувања во оваа област. Техно колеџот е основан од страна на самото здружение со идеја да ги препознава и светски презентира практичните и корисни иновации, а воедно да направи заслужена афирмација на самите иноватори и потстрек за развој и настанување на нови кардиохируршки техники.

Овогодишната номинација на академик др. Жан Митрев е само потврда за неговото долгогодишното работење како кардиоваскуларен хирург и е реален доказ за неговата стручност и елквентност, а воедно е и значајна афирмација на болницата како референтен центар за кардиоваскуларна хирургија.

Перкутано затварање на вентрикуларен септален дефект- современа алтернатива на хируршкото лекување

Во рамките на континуираното лекување на пациенти со вродени срцеви маани во текот на последните неколку месеци во ПЗУ Филип Втори се извршија неколку перкутани затварања на вентрикуларни септални дефекти (ВСД). Оваа срцева маана во блиското минато беше незамисливо да се третира интервентно и беше резервирана само за кардиохируршките тимови на операција на отворено срце под вонтелесна циркулација.

На ден 30.09.2012 година, кај пациентот И.И роден 1980 година, се изврши затварање на ВСД, прв пат самостојно од страна на интервентните кардиолози на Филип Втори. Пациентот И.И. со дијагноза перимембранозен ВСД, без срцева слабост и пулмонална хипертензија, со ехографски веќе претходно верифициран ВСД, беше примен за перкутана интервенција.

Ехокардиографија на ВСД

Прв чекор беше обезбедување на артериски и венски пристап преку ногата на пациентот и реализација на лева вентрикулографија, за подобра визуелизација на ВСД.

ЛВ вентрикулографија

Потоа преку отворот на ВСД се помина со жица – водилка и истата беше фатена со ласо и извадена надвор од телото на пациентот низ венската страна т.е. отвор. Ова е една од посложените постапки, т.н. екстернализација на жицата, за да се обезбеди артерио-венска јамка со ВСД во средина.

Потоа преку венската страна беше воведен долгиот водич-катетер, низ ВСД-то во аортата.

Од како сето ова беше постигнато, преку венскиот дел се отвори прво едниот диск во аортата на пациентот, и се влечеше наназад се додека не се позицинираше во отворот на ВСД (од лево во десно)

Позиционирање на протезата

И на крај, после адекватна ехо-контрола, протезата беше откачена во меѓукоморната преграда и системот извлечен нанадвор.

Откачување на протезата

Перкутаното затварање на ВСД во интервентните кругови се смета за напредната интервенција, која е ограничена само кај поедини центри и поедини лекари. Истата бара подолготраен тренинг и солидно познавање на интервентните техники како и добра ехокардиографска контрола.Со бројот од 15 ВСД протези во досегашната работа, како и со разновидноста на процедурите кои тука се изведуваат, Филип Втори се вбројува во центар каде се изведуваат напреднати интервенции на вродени срцеви маани.

18-ти Ноември, Европски ден за рационална употреба на антибиотици

Антимикробните средства, познати и како антибиотици, се лекови кои ги убиваат бактериите или го спречуваат нивниот раст. Но, не сите антибиотици се ефикасни кон сите бактерии. Исто така, тие не се делотворни против вируси. Има повеќе од 15 различни групи на антибиотици кои се разликуваат по структурата и нивната антибактериска активност. Несоодветната и прекумерна употреба на антибиотици е главна причина за појава на резистентни соеви.Од нас зависи дали рационално ќе ги користиме антибиотиците или ќе преминеме во постантибиотска ера!Што е антибиотска резистенција?Бактериите имаат антибиотска резистенција кога специфичен антибиотик ја губи способноста да ги уништи или да го спречи растот на бактериите. Некои бактерии се природно резистентни на одредени антибиотици. Но, многу позагрижувачки проблем е кога бактериите кои се нормално осетливи на антибиотици, ќе постанат резистентни како резултат на генетски промени. Резистентните бактерии живеат во присуство на антибиотици и продолжуваат да се размножуваат предизвикувајќи болест и смрт. Зошто треба да се грижиме за антибиотската резистенција?Употребата на антибиотици има влијание не само на индивидуата туку и на целото општество. Антибиотиците се единствени „општествени“ лекови, бидејќи третманот на индивидуата може да го погоди целото семејство, заедницата и општеството. Колку сериозен проблем е антибиотската резистенција?Ситауцијата станува се посериозна со појавата на нови соеви на бактерии кои се резистентни на неколку антибиотици истовремено (MDR – Multidrug Resistant bacteria). Некои бактерии може да постанат резистентни на речиси сите антибиотици. Без антибиотици, ние ќе се вратиме во „пре-антибиотската ера“ , кога орган трансплантација, хемотерапија, интензивна нега и останатите медицински процедури нема да бидат возможни. Инфекциите ќе се шират, нема да можат да бидат успешно третирани, и ќе бидат неприкосновена причина за смрт.Која е најважната причина за антибиотска резистенција?Прекумерната и несоодветна употреба на антибиотици ја овозможува и забрзува појавата и ширењето на антибиотик – резистентните бактерии. Кога бактериите се изложуваaт на дејство на антибиотици, осетливите биваат убиени а, резистентните продолжуваат да растат и да се размножуваат. Овие резистентни бактерии може да се шират и да предизвикаат инфекции и кај луѓе кои предходно не земале антибиотици.Што можеме да направиме за да ги зачуваме антибиотиците ефикасни?Рационалната употреба на антибиотици може да помогне во спречување на појава на резистентни бактерии и да ги одржи ефикасни антибиотиците и за следните генерации. Затоа е важно сите да знаеме кога е потребно да земеме антибиотик и како?

Да ги зачуваме антибиотиците ефикасни е одговорност на секој поединец!

Манифестација “Ем умеам ем можам”- општина Карпош, десетти јубилеј

Во рамките на јубилејната 10-та манифестација “Ем умеам ем можам” која ја организираше општината Карпош на 01.11.2012 година, своето учество традиционално го зема и Специјалната Болница Филип Втори, како водечки здравствен бренд во Р.Македонија.

На соодветното место, одредено од општинатата, беше истакнат штанд на кој беа презентирани материјали од секојдневната работа и услугите кои ги врши Филип Втори спрема своите пациенти.

Исто така дел од тимот на болницата, директно на терен, спроведуваше здравствена едукација на граѓаните, делеше медицински совети како и консултативни прегледи од типот на физикален преглед, мерење на крвниот притисок, шекерот во крвта, ЕКГ и одредување на дишните капацитети на посетителите на штандот.

На овој начин беше остварен директен контакт со корисниците на здравствените услуги-граѓаните, кои непосредно можеа да се информираат за своите здравствени потреби и проблеми.

Акција на бесплатни консултативни прегледи за пац

На 14.11.2012 година во просториите на Поликлиника ФИЛИП ВТОРИ СТРУМИЦА се одржа акција на бесплатни консултативни прегледи за пациенти кои имаат дијабет 1 или дијабет 2. Акцијата на бесплатни консултативни прегледи се одржа по повод Светскиот ден на борбата против дијабетот или шеќерната болест и беше предводена од др.Јасмина Зафировска.За таа цел во Поликлиника ФИЛИП ВТОРИ СТРУМИЦА пациентите имаат можност да го направат испитувањето на гликоризираниот хемоглобин HbA1c кој претставува дијагностички тест кај пациентите со дијабет и кај пациентите кои што имаат висок ризик за добивање на дијабет.За подетални информации околу ова заболување можете да прочитате на следниот линк