Автор: zmc_piksel_dev

7. Балкански конгрес на микробиолози

Од 25. до 29. октомври во Белград, Р. Србија, се одржа 7. Балкански конгрес на микробиолози, Microbiologija balkanica 2011, на кој зеде учество и тимот на микробиолошката лабораторија од Специјалната болница по хируршки болести „Филип Втори“.И овојпат се потврди стравувањето од бактериските мутации кои се јавуваат поради нерационалната употреба на антибиотици. Грција е на прво место во поглед на бактериската резистенција кон антимикробни средства, а по неа следи Турција. Во тој поглед, Словенија покажува најразвиена свест за доследно спроведување на антимикробна политика и не заостанува многу зад северноевропските земји. За жал, за Македонија немаше достапни податоци.Појавата на некои болести кои ги пренесуваат инсекти, како и новопројавените паразити на Балканот, претставуваат предупредување за микробиолошките служби да бидат во тек со сите актуелни случувања.Во најскоро време, сите микробиолошки лаборатории треба да се приклучат кон европските стандарди за тестирање на антимикробна осетливост, а нашата лабораторија овие стандарди ги применува веќе една година.

ХУМАНОСТ НА ДЕЛО

На 08.10.2011, 29.10.2011 и 05.11.2011 во просториите на Одделението за трансфузиологија, крводарителите од ОКТА и ЈСП даруваа крв за пациентите во ПЗУ ”Филип Втори”. Овој хуман гест достоен за почит за крводарителите од ОКТА кои веќе петти пат организирано даруваат во нашата болница, преминува во традиција. Таква соработка во иднина очекуваме и со крводарителите од ЈСП.

Академик д-р Жан Митрев е претседател на првоформираното ЗДРУЖЕНИЕ ЗА КАРДИОВАСКУЛАРНА ХИРУРГИЈА НА РЕПУБЛИКА МАКЕДОНИЈА- Скопје .,,Целите и задачите на Здружението, вели д-р Митрев воглавно се заштитата и унапредувањето на здравјето на населението и превенција на ризикот од кардиоваскуларните заболувања и унапредување на медицинксата пракса воопшто. Активни членови можат да бидат сите лекари кои работат на Кардиохирургија, Кардиологија, Тораковаскуларна хирургија, специјалисти и субспецијалисти. Додека Почесни членови ќе бидат оние кои се од базично значење за функцијата на ова здружение”.

Здружението за кардиоваскуларна хирургија на Р.Македонија, организира меѓународен собир кој ќе се оддржи на 25 Јуни , 2011 во Хотелот Александар Палас, а предавачи ќе бидат еминентни кардиохирурзи од цела Европа.

Македонските кардиохирурзи формираа Здружение чиј прв состанок ќе се одржи на 25.06.2011 сабота. Идејата на Здружението е македонските доктори да се доближат светските стандарди со збогатување на своето знаење во оваа област, а и значително подбра соработката меѓу кардиоваскуларните хирурзи во Македонија.

„После 11 години кардиохирургија во Македонија се создадоа услови за организирање на Здружение. Секој од нас треба да работи во интерес на професијата без разлика каде ја врши својата дејност, дали во приватна или јавна установа. Ова Здружение треба да е чекор напред во поглед на поставувањето на стандарди и комуникацијата меѓу нас докторите. Се е во интерес на напредок, на надградба со нови знаења, што би значело и примена во Македонија на пософистицирани методи за лечење на кардиоваскуларните заболувања. И на крај сето ова се прави за да можеме максимално да одговориме на потребите на пациентот, кој секогаш е и треба да биде на прво место„, изјави претседателот на Здружението д-р Жан Митрев.

На средбата што ќе се одржи во хотелот Александар Палас, покрај македонските доктори присутни ќе бидат врвни имиња од полето на кардиохирургијата во Европа кои ќе имаат свои излагања и предавања. На состанокот свое предавање ќе има и генералниот секретар на Европската асоцијација на кардиохирурзи, познати професори од Грција и Германија. Од регионот присуство потврдија и директорот на одделот за кардиовасуларна хирургија од Клиничко болничкиот центар од Хрватска и Црна Гора.