Автор: zmc_piksel_dev

Работиме континуирано за време на празниците , ехо интернистички и кардиоваскуларни, абдоменални и ортопедски прегледи и хирушки интервенции.

24 часови томографска дијагностика , биохемиска и микробиолошка лабараторија и трансфузиологија.

Информации 02/ 30 91 484

РЕАЛИЗИРАНА ВЕТЕНАТА ДОНАЦИЈА ОД АКАДЕМИК Д-Р ЖАН МИТРЕВ ЗА ЗАВОДОТ ЗА ЗАШТИТА И РЕХАБИЛИТАЦИЈА НА ХЕНДИКЕПИРАНИ ВО БАЊА БАНСКО, СТРУМИЦА

Академик д-р Жан Митрев донираше 5.000 евра на Заводот за заштита и рехабилитација на хендикепирани во Бања Банско, Струмица. Средствата се добиени од Фондацијата Рамковски како наградата за научник на годината во износ од 10.000 евра. Донацијата на д-р Жан Митрев на 19.11.2010 година се официјализираше со реновирањето на кујната во оваа институција. Донацијата беше спроведена по сугестија на Заводот дека во кујната не е инвестирано уште од 1978 година. ,,Многу сум среќен што средствата од наградата за наука „Крсте Петков Мисирков“ отидоа во вистински раце и се надевам дека ова ќе биде повод и за многу други Македонци да донираат, да помогнат и да создадат подобри услови во оваа или други вакви установи во Македонија“, изјави д-р Митрев.„Д-р Митрев изрази желба токму кај нас да донира дел од својата награда за наука „Крсте Петков Мисирков“ која оваа година му беше доделена од Фондацијата Рамковски“, изјави директорката на Заводот, Јустина Гноинска-Димитриева. „Сите сме возбудени, но и среќни, што сево ова стана реалност. Кога нешто навистина силно го посакувате, сакајќи да создадете подобри услови за своите штитеници, тогаш се јави д-р Жан Митрев и праша што ни е навистина најпотребно затоа што сака да донира во нашата установа, па дури тогаш знаете дека вреди да се посакува и да се верува дека сѐ уште има луѓе кои знаат да помогнат“- додаде директорката Гноинска-Димитриева. ,,Би сакал наградата да беше поголема за да можевме уште повеќе да направиме. Убаво е кога можете место да ги потрошите парите од наградата, да видите дека многу повеќе задоволство и насмевки ќе видите овде, со реновирањето на само една кујна, отколку нешто друго лично за себе. Мислам дека ова ќе биде доволен мотив и за многу други Македонци, да донираат, да помогнат и да создадат подобри услови во оваа или за други вакви установи во Македонија. Денот на дрвото, беше доволен повод десет садници да бидат посадени на просторот определен за ПЗУ „Филип Втори“ во дворот на Заводот. Заводот за заштита и рехабилитација Бања Банско- Струмица првпат е пуштен во употреба на 29 јуни 1974 година од страна на Sue Ryder од Англија, која и ја финансираше изградбата на објектот. Во проектот е предвидено корисниците да може да се школуваат во установата. За таа цел се примени наставници за изведување на настава за основно образование, па во рамките на Заводот до ден денес успешно функционира училиште. Бројот на корисниците постојано се зголемува, заради што во 2001 година почна да се гради и друг објект кој беше пуштен во употреба во 2004 година, со што се подобрија и условите за живот на корисниците. Капацитетот на Установата изнесува 65 легла. Моментално во нашата установа се сместени 62 корисници кои потекнуваат од сите краеви на Македонија и затоа е единствена установа која згрижува лица со тешка попреченост во физичкиот развој на ниво на целата држава.ЈУ Завод за заштита и рехабилитација – Бања Банско е државна институција и е под директна надлежност и заштита на Министерството за труд и социјална политика, кое и го сноси најголемиот дел од трошоците и финансирањето и Министерството за образование. Останатите средствата се донирани за реновирање на Домот за новороденчиња и деца во Битола.

СПЕЦИФИЧЕН ОПЕРАТИВЕН ТРЕТМАН НА ПАЦИЕНТ ВО ПЗУ „ФИЛИП ВТОРИ“ КОЈ СЕ ПРАВИ ВО МАЛ БРОЈ ЦЕНТРИ ВО СВЕТОТ

Пациентот В.Ѓ. на 42-годишна возраст, примен за оперативен третман и планирана операција при енормно дилатирана (аневризматски проширена) асцендентна аорта до 80 мм со попуштање и враќање на аортната валвула. Пациентот повремено имал замор и нелагодност во градниот кош. Тренирал фудбал и на спортско-медицинските прегледи секогаш му велеле дека има здраво срце кое брзо се заморува, но и брзо се одмора.По направениот 64-МСКТ преглед, пациентот е задржан за оперативно лекување, затоа што при ваква енормно проширена аорта може да дојде до нејзино брзо прскање. Направен е специфичен оперативен третман кој се врши во мал број центри во светот, при што се прави реконструкција на нативниот аортен корен, се заменува почетниот дел од аортата со графти и се прешиваат коронарните крвни садови. Послеоперативно пациентот беше сосема стабилен, рано одвоен од машината за дишење и мобилизиран. По оваа тешка операција пациентот беше пуштен на домашно послеоперативно закрепнување на десеттиот послеоперативен ден.

ОДРЖАНА ЕДНОДНЕВНА ИНТЕРНАЦИОНАЛНА РАБОТИЛНИЦА ЗА СПИРОЕРГОМЕТРИЈА ВО БЕЛГРАД 2010

На работилницата претставник од ПЗУ „Филип Втори“ беше д-р Јулијана Шорко – Андреевска која имаше можност да ги слушне предавањата на P.G. Agostoni, Milan, M.F. Piepoli, Piacenza од Италија, С. Дамјановиќ од Белград, М. Дејанин-Илиќ, Нишка Бања, С. Мазиќ, Белград и да ја проследи демонстрацијата на тестот во живо, со објаснувања на постапката за подготовка на тестот, изведувањето на самиот тест и толкувањето на резултатите.Овој тест има исклучително значење и примена при кардиоваскуларна процена на спортисти и во Република Србија е задолжителен за дозвола за натпреварувачко занимавање со спорт. Во Србија има 3 центри кои рутински го спроведуваат, a во Словенија и Хрватска има 10 центри каде што се изведува кардиопулмонален стрес-тест.

НЕНАВРЕМЕНА ДИЈАГНОЗА – ПОТЕШКО ПОСТОПЕРАТИВНО ЗАКРЕПНУВАЊЕ

Пациентката С.С., на 62-годишна возраст, беше лекувана во „Филип Втори“ од 18.06.2010 до 05.11.2010. Пациентката беше примена во витално загрозена и шокова состојба поради прскање на големиот крвен сад, т.е. аортата која ја носи крвта од срцето до сите органи до делот каде што аортата минува од градниот кош кон стомачната празнина. Претходно пациентката била третирана неколку дена во Градската општа болница со дијагноза на бубрежна болка. Кога лекарите забележале дека се намалува хемоглобинот, тогаш за првпат направиле компјутер и итно ја испратиле пациентката во ПЗУ „Филип Втори“ на понатамошен третман.Бидејќи пациентката е донесена во болницата „Филип Втори“ во витално загрозувачка состојба, кардиохируршкиот третман бара исклучителна способност на кардиоваскуларниот хирург кој за да може да го замени прснатиот дел од аортата, истовремено треба да ги отвори двете шуплини, т.е. градниот кош и абдоменалната (стомачната) шуплина. Кај пациентката, покрај тоа што се направи замена на прснатиот дел од аортата, беше извршена и реимплантација, т.е. поврзување на целијачното стебло и горната мезентеријална артерија – од кои се снабдуваат со крв сите стомачни органи.Поради тоа што пациентката беше донесена во „Филип Втори“ во крајно тежок стадиум пред операција, послеоперативниот ток траеше цели 5 месеци. Пациентката помина низ многу компликации (подолга вентилација, бавно будење, потреба од трахеостома, поради слабиот внос на храна доби и гастростома, раната бавно зараснуваше) поради ненавремената дијагноза. По 3 месеци пациентката за првпат застана на нозе. На 03.11.2010 година пациентката го прослави својот 62 роденден. Најголема желба ? беше здравје и да си оди побрзо дома.

НАВРЕМЕНАТА ДИЈАГНОЗА И ВРВНАТА СТРУЧНОСТ НА КАРДИОХИРУРГОТ ВО БОЛНИЦАТА „ФИЛИП ВТОРИ“ ГО ПРОДОЛЖУВА ЖИВОТОТ НА ПАЦИЕНТИТЕ

К.Б., пациентка на 24-годишна возраст. Од февруари се лекува од покачена телесна температура, поради што повремено земала антибиотици и таблети Аспирин. Една недела пред да биде згрижена во „Филип Втори“, на Клиниката за пулмологија ѝ е направена РТГ снимка на белите дробови при што е верифицирана зголемена срцева сенка на базата и било планирано дури и да ја пунктираат. Еден од колегите поставил сомневање дека има аневризма (проширување на дел од аортата) и итно ја пратил во „Филип Втори“.Пациентката беше прегледана на 3.10 2010 и беше итно упатена во „Филип Втори“ каде што по ехокардиографскиот преглед беше верифицирана голема аневризма на лакот на аортата, а според градбата се постави сомнение дека е миокатска аневризма. Пациентката беше примена на болничко лекување и се започна третман со антимиокотик. По една недела предоперативна подготовка беше направена опсежна операција, т.е. замена на лакот на аортата и реимплантација на големите крвни садови. Послеоперативниот тек се одвиваше уредно и се продолжи со антимиокотска терапија. Благодарение на врната стручност на кардиохирургот, на пациентката ѝ беше продолжен животот.

ДОНАЦИИ НА ПЗУ „ФИЛИП ВТОРИ“ ЗА ОКТОМВРИ И НОЕМВРИ 2010 ГОДИНА

Во октомври и ноември 2010 година, академик д-р Жан Митрев донираше средства на:

групата „Мизар“за реализација на концертот на 02.12.2010 година, во Колосеум. Концертот се одржува по повод промоцијата на новото ЦД и по повод 28-годишното творење на групата.
за печатење на брошурата за „Ванче Стојчев“ на Ангелина Маркус
Ања Ветерова – овогодишен претставник од Македонија на детскиот Евросонг кој се одржа во Минск од 14 до 24 ноември 2010 година
Донација за реализација на филмски проекти во Културниот центар Скрб и утеха-Тиха