Автор: zmc_piksel_dev

Со Др. Митрев се знаеме уште од времето на неговиот престој во Универзитетската Болница во Франфурт каде што јас бев медицинска сестра за критични случаи во кардиохируршката болница (ICU). Уште тогаш тој беше еден извонреден, многу брз хирург со харизматична личност. Започнувајќи дури од ноември 2002-та год., секоја година поминувам по два-три месеца во “Филип Втори”. Мојата работа тука е теоретска и практична едукација на медицинскиот персонал за нега, имплементирање на актуелните европсски стандарди и подобрување на организацијата на тековното рботење. Не само што Др. Митрев претставуа пионер во кардиохирургијата во Македонија, туку и “Филип Втори”исто така поставува нови стандарди во дијагностицирањето, негата и болничкиот менаџмент. Медицинските сестри поминаа долг пат, започнувајќи од недостаток на систематска едукација, за да стигнат до ниво на професионализам кој ние сега го имаме. Она што ме прави ентузијаст во однос на “Филип Втори”,дури и по скоро пет години, не е само неговиот медицински, организациски и економски професионализам, туку исто така и посветеноста на неговиот персонал на институцијата, фамилијарните меѓучовечки односи кои допринесуваат за извонредна работна атмосфера и интердисциплинарната соработка. Неговата отвореност за промена, креативност и иновација, пристапот на можам -сѐ е возможно, и секоја добра идеја може да биде веднаш реализирана. Би сакала тоа да биде случај и во германското здравство. Др. Митрев и неговиот персонал го изградија “Филип Втори” започнувајќи од нула. Тие поминаа долг пат и сеуште постојано напредуваат. Благодарна сум за задачите и можностите кои ми беа дадени во оваа извонредна институција. Се здобив со многу пријатели и сигурно ќе продолжам да доаѓам тука.

Светскиот ден на крводарителите 14 Јуни, чија кампања оваа година е фокусирана на младите крводарители под мотото “Нова Крв за светот”, е одбележан и во болницата Филип Втори. По тој повод во просториите на одделението за трансфузиологија, група млади луѓе од Велес ја покажаа својата хуманост и даруваа крв.

Четврти конгрес на кардиолозите на Македонија

Македонија е меѓу земјите со најголем ризик од кардиоваскуларни болест. Кардиоваскуларните заболувања се одговорни за една третина од вкупната смртност во светот. Од срцеви заболувања во Македонија годишно умираат над 10 000 луѓе, а во светот 18 000 милиони.

Повеќе од триесет лекари-специјалисти и друг медицински персонал од ПЗУ „Филип Втори“ зедоа активно учество на Конгресот кој од 2 до 5 јуни се одржа во Охрид и на кој беа организирани и пленарни предавања , симпозиуми, тркалезни маси, усни и постер презентации од областа на современата кардиоваскуларна медицина.Беа презентирани искуствата од секојдневната пракса на работењето на болницата. Се одржаа предавања на тема: трансрадијален пристап на амбулантски третман кај перкутани интервенции , PCI vs. CABS во третман на повеќесадовна коронарна артериска болест , инвазивни и неинвазивни резултати на перкутана балон валвулопластика на пулмоналната валвула, срцева силуета по митрален валвуларен репласман , трикуспидна анулопластика и биатриопластика , средни резултати од следењето на редукционата асцендентна аортопластика конвенционален кардиоплегичен арест наспроти операција на пулсирачко срце со тешко оштетена лева комора, замена на десцендентна аорта преку предна стернотомија , прием на пациенти со акутна аортна дисекција , долготрајна проодност на имплантирани аорто-коронарни бајпас графтови дистално од коронарни стентови: 64-мултислајсна коронарографска студија, хипотиреозни состојби кај кардиохируршки болни scimitar синдром –приказ на случај scimitar синдром-Case Report, spontaneous recanalization of occluded saphenous vein graft following femoro-popliteal bypass, successful treatment of ruptured popliteal artery aneurysm , preoperative pulmonary function test in patiens for ACBP, dual left anterior descending artery distribution, cardiac silhouette following a mitral valve replacement , tricuspid annuloplasty and atrioplasty of both atria ,aorto –bilateral –femoral-bilateral-bypass for leriche syndrome with occlusion of both superficial femoral arteries…На Конгресот, свои презентации од областа на новите техники во кардиохирургијата имаа и врвните кардиоторакални хирурзи : академик д-р Жан Митрев – директор на ПЗУ „Филип Втори“, проф. д-р Турина – Универзитетски професор од Цирих, проф. д-р А. Мориц – директор на одделот за тораковаскуларна хирургија – Франкфурт , проф.д-р С.Прапас – директор на одделот за кардиохирургија во болницата „Хенри Дунант“ од Атина , проф.д-р Б.Биочина – директор на одделот за кардиохирургија на клиниката „Ребро“ од Загреб, д-р Јорк Бабин Ебел од Клиниката за кардиоваскуларна хирургија од Бад Ноиштад, Германија.На Конгресот учествуваа околу 800 кардиолози од Македонија, Словенија, Хрватска, Србија, Бугарија, Косово, Турција, Израел, Германија, Австрија, Чешка, Грција, Полска…

Болницата “Филип Втори” беше домаќин на педесет студенти од студентската програма за дипломирани медицински техничари од Универзитетот “Гоце Делчев” од Штип . Студентите се запознаа со условите за работа во болницата, како и со медицинските процедури што се применуваат.

Менаџерот за среден медицински персонал, Тања Пампел, на присутните им одржа презентација за најновите сознанија во кардиопулмоналната реанимација според Европскиот совет за реанимација (European Resuscitation Council).

Откако студентите ја поминаа практичната обука за реанимација, им беа доделени сертификати.

Еуро Бизнис центарот во соработка со Централниот регистар на Република Македонија и соподдршка на Министерството за економија оваа година изврши рангирање на македонскитефирми врз основа на финансиските податоци за 2009 година.

Во листата на најголеми и најуспешни фирми во Република Македонија во изминатата година, ПЗУ „Филип Втори“ се наоѓа на 111. место на листата на 200-те најголеми фирми и на 26. место на листата на најуспешни.

ПРЕС-КОНФЕРЕНЦИЈА – МЕДИКОС 2010

Во рамките на саемот за медицинска опрема Медикос -2010 во Приштина, се одржа прес-конференција за медиумите на која зборуваа доктор Шпенд Идризи, интервентен кардиолог и професор д-р Горѓе Зафировски, ортопедски хирург. На средбата со новинарите беа презентирани десетгодишните резултати од работењето на болницата „Филип Втори“ , како и најновите дијагностички процедури кои се работат.Заради големиот интерес за работата на „Филип Втори“ , др.Идризи се задржа во разговор со новинарите и одговараше на нивните прашања.