Автор: zmc_piksel_dev

• 

Светскиот ден на хигиена на раце е посветен на подигнување на свеста и потенцирање на важноста на миењето раце со вода и сапун како лесен, ефикасен и прифатлив начин на превенција од заболувања и со тоа спасување живот. Најчестиот начин на пренесување на микроорганизмите се рацете на човекот. Токму тој едноставен чекор – миење раце, е ефикасен за спречување на пренесување на стомачни болести, респираторни, кожни инфекции, инфекции на очи, како и цревни глисти.

И оваа година миењето раце ја добива вистинската вредност за сите нас. Пандемијата со коронавирусот потврди дека прва мерка во превенција на пренос на заразни болести е токму хигиената на рацете.

Статистиката кажува дека:

• секоја година 4 милиони деца до 5 годишна возраст умираат заради цревни заболувања или пневмонија во земјите во развој, што значи секои 15 секунди умира дете од овие болести
• пневмонијата е водечка причина за смртност во таа возраст, и со спроведување на соодветно миење раце инциденцата може да се намали за 25 %
• дијареални болести се втора водечка причина за смртност во таа возраст. Спроведување на адекватно и во вистинско време миење на раце со сапун и вода ја намалува инциденцата на стомачни болести на половина.

Миењето раце е секојдневна рутина, континуирана пракса и треба да се прави на соодветен начин, доволно долго и во вистинско време.

Кога е особено важно?

• Пред, за време на и по подготвување на храна
• Пред јадење
• По користење тоалет
• По кивање, кашлање или допирање на носот
• По контакт со животни или нивен измет
• По контакт со отпадоци
• По промена на памперс
• Пред и по контакт со болен или повреден човек
• Пред и по посета на болнички оддел

Во болничи услови иако хигиената на раце подразбира миење раце со вода и сапун и дезинфекција на раце, овие две постапки нетреба да се поистоветуваат. Инфекциите се сериозен проблем во здравствените установи:

• Секоја година 2 милиони пациенти добиваат болничка инфекција
• 90.000 од нив умираат од здобиената инфекција во болница

Ние точно знаеме кога е потребно користење вода и сапун, а кога од алкохолен дезинфициенс. Рутински практикувана е хигиена на раце со алкохолен дезинфициенс, но миењето со вода и сапун е незаменливо кога рацето се видливо нечисти или контаминирани (во случај кога сме дошле во контакт со телесни течности). Миењето раце е избор и кога се манипулира со пациенти кои имаат спорогени бактерии како што е случај со Clostridium difficile. Во останатите ситуации хигиена на раце со алкохолен дезинфициенс е оправдана по ефикасност, потребно време и достапност.

• 

Силното пролетно сонце не значи само добро расположение и најава за претстојното лето. Тоа значи дека треба да помислите и го подготвите вашето лице и тело за топлите денови кои доаѓаат, и секако да се заштитите од зрачењата кои ни ги испраќаат сончевите зраци.
Пред се, кога ќе се спомене зрачење од сонцето и заштита од него ова се однесува на кожата. Нашата кожа како бариера помеѓу нашето тело и надворешнната средина е прва која е под влијание кога се во прашање штетните сончеви зраци. Внимателност и заштита се задолжителни.

Што претставува УВ – зрачењето и кои се опасностите

Клетките од горниот слој на кожата меѓу другите функции кои ги имаат истовремено произведуваат и пигмент што се нарекува меланин. Токму тој пигмент и дава боја на нашата кожата, чија пак задача е да ги заштити клетките од апсорбирање на ултравиолетовото зрачење (УВ).

Кога ќе ја изложиме нашата кожа на УВ зрачење, производството на меланин се зголемува што резултира со менување на бојата на кожата т.е потемнување. Токму тој, меланинот, обезбедува ниво на заштита од сонцето еднаква на крема за сончање со заштитен фактор 2.

Многумина мислат дека тенот е позитивен знак кој говори за добро здравје, но, вистината е дека тенот е знак дека вашата кожа била изложена на премногу УВ зрачење по што настапило оштетување.

Сепак, треба да се знае дека УВ зрачењето не е поврзано само со летните високи температури, тоа може да продре и низ ретките облаци, така што изгореници од сонце може да се добијат и во студени, облачни денови. Доколку има високо УВ зрачење, изгореници од сонцето може да се појават за помалку од 15 минути. Кога ќе се случи тоа кожата поцрвенува за неколку часа од горењето. Сепак, оштетувањето не застанува тука, изгорениците од сонцето ќе продолжат да се развиваат во следните 1 до 3 дена по изложувањето на УВ зрачење. 

За сериозни изгореници од сонцето, кога имате појава на плускавци, треска, гадење, веднаш треба да се посети лекар. Во такви случаи препорачливо е да пиете многу течности бидејќи изгорениците од сонцето може да предизвикаат дехидратација. Сепак, избегнувајте ладни пијалаци коишто може да предизвикаат грозница.  Исто така може да помогне туширањето со млако – ладна, но не многу студена вода и да се ставаат ладни облоги. Се препорачува засолнување под сенка кога УВ нивоата се над 3. Тоа може да помогне за заштита на кожата од оштетување од сонцето. Сенката го намалува изложувањето на УВ зрачење и до 75 проценти. Исто така неизбежно е користење на други заштитни мерки, како на пример, облека, капи, очила за сонце и крема за сончање кои сите заедно ја зголемуваат заштитата.

Ризик и степен на УВ зрачење:

УВ 1, 2 – низок ризик

Можете да бидете изложени на сонце подолго од еден час без да добиете изгореници. Потребна е претпазливост за доенчиња и за луѓе со исклучително чувствителна кожа.

УВ 3, 4, 5 – умерен ризик

Во овој случај се препорачува да се носат очила за сонце, капа со широк обод и да се користат заштитни креми. Лицата со многу чувствителна кожа и малите деца во перидот од 12 до 16 часот треба да останат под сенка. Да се носи лесна облека со долги ракави, бидејќи можат да се добијат изгореници за само 20 минути изложеност на сонце.

УВ 6, 7 – висок ризик

Се препорачува престој под сенка во текот на денот, носење на очила за сонце, капа и задолжително користење на заштитни средства. Луѓе со чувствителна кожа и малите деца не треба да бидат изложени на сонце помеѓу 11 и 16 часот. Да се избегнува одење на плажа и прошетки, бидејќи многу лесно можат да се добијат изгореници.

УВ 8, 9, 10 – многу висок ризик

Се препорачува да се намали престојот на сонце помеѓу 11 и 16 часот. Мора да се носат очила за сонце, капи, облека со долги ракави и заштитни креми. Поединци со многу чувствителна кожа и децата можат да добијат изгореници за помалку од десет минути.

УВ 11 и повеќе – екстремна опасност

На сите им се препорачува, престој во затворени простории помеѓу 11 и 16 часот, како и користење на максимална заштита. Лица со чувствителна кожа и децата можат да добијат изгореници во помалку од пет минути.

Алергијата и интолеранцијата на храна можат да бидат поврзани со проблеми со прекумерната тежина. Истражувањата направени во последните години кажуваат дека: прекумерната тежина е поврзанa со воспалителните заболувања, а дека алергијата како и нетолеранцијата од одредена храна, предизвикаат воспалителен процес и го влошуваат одговорот на имуниолошкиот систем.

Механизмите што доведуваат до прекумерна тежина сеуште не се познати. Генетиката, седечкиот начин на живот, прекумерното јадење, особено прекумерното консумирање на храна со голема содржина на маснотии и јаглехидрати се ризик факторите кои влијаат на тежината на една индивидуа. Општо кажано, внесувањето на зголемен број на калории е токму тоа што влијае на зголемувањето на телесната тежина.

Поради различните метаболички промени, постојат голем број на воспалителни процеси кои влијаат на оваа состојба. Некои од овие процеси се директно поврзани со алергија предизвикана од храна и интолеранција на одредени типови на храна.

Интолеранција на храна

Интолеранција на лактоза или на глутен се најчестите примери на овој проблем кои предизвикуваат:

Гастроинтестинално нарушувања

Проблеми со кожата

Невролошки промени.

Мускулни и ревматски проблеми.

Прекумерна тежина.

Во овој случај не станува збор за одговор на имунолошкиот систем при соочување со одредени хранливи материи, но станува збор за проблем поврзан со метаболизмот на имунолошкиот систем.

Најдобар можен третман е да се избегннува консумирањето на таков вид на храна. Сепак, тоа не секогаш значи дека на тој начин ќе ја избегнете прекумерната тежина. Се смета дека постој еден различен вид на интолеранција на храна придружена со воспаление предизвикано од одредениот начин на исхрана, при што присуство на тие хранливи материи поттикнува воспалителни процеси.

Алергиите предизвикани од храна

Ако сте алергични на одредена храна, истата предизвикува сериозна имунолошка реакција која веднаш се манифестира со голем број на симтоми кои исто така можат да бидат сериозни: од уртикарија, воспаление на хранопроводот, и откажување на истите како последица на анафилактичен шок. Единствен начин да го избегнете овој проблем е да не внесувате храна на која сте алергични.

Сепак, и кога алергиската реакција е мнуго лесна, дури и кога е незабележлива, таа не се идентификува како таква бидејќи механизмите што предизвикуваат воспалителна реакција се активираат секогаш при внесување на храната, дури и при најмала количина. Како резултат на тоа, се блокират рецепторите на инсулин, и доволно е само минимална количина на шеќер во крвта за да се појави воспаление на клетките со што се надминува количината на калориите и шеќерот се претвора во маснотии кои се таложат во масните клетки и од таму не може да се елиминираат.

Овој вид на воспалителна реакција може да се мери или да се открие преку испитување на IgG антителата, генерирани од имунолошкиот систем како реакција на овие хранливи материи. Затоа, испитувањето на оваа област е насочена кон откривање на овие антитела при внесување на одредени видови на храна и елиминирање на истите.

Поставувањето на холтер е едноставна и безболна дијагностичка процедура со која се врши 24 часовно надгледување и истовремено регистрирање на крвниот притисок и работата на срцето на пациентот со помош на мониторинг уред така наречен холтер кој се поставува на телото.

Ова мерење се прави за време на секојдневниот, вобичаен начин на функционирање на пациентот во периодот додека се носи холтер апаратот т.е. при движење, одмор, спиење или физички напор.

За време на мерењата се добиваат актуелни вредности на крвиот притисок во текот на испитуваниот педиод.  Носењето на холтер за крвен притисок во педиод од едно деноноќие овозможува утврдување на фактот дали воопшто постои покачен артериски крвен притисок, т.е. хипертензија.

Најчесто носењето на 24 часовен холтер се спроведува како дијагностичка процедура при поставување на дијагнозата хипертензија (покачен артериски крвен притисок) или при непостојан, флуктуирачки крвен притисок.

Исто така лекарот може да побара поставување на холтер доколку пациентот има покачените вредности на крвниот притисок кои тешко се докажуваат со единечни мерења. Со холтер се врши и следење на ефектот од препишаната терапија врз намалување на хипертензијата.

Процедурата на поставување холетер е брза и едноставна. Малото апаратче, кое всушност е мерачот, се носи во мала торбичка околу појасот кој пак е поврзан со една обична манжетна прицврстена на подлактицата на пациентот. Оваа комбинација се носи 24 часа, време за кое на секој половина час се врши мерење на притисокот и пулсот.

По изминување на овие 24 часа холтерот се вади од докторот и се вчитуваат податоците кои ги измерил по што тие се обработуваат и анализираат. Резултатите од анализите јасно ќе ги покажат дневно-ноќните флуктуации на пулсот и средниот артериски крвен притисок.

Од резултатите може да се види и кога настануваат евентуалните промени во срцевата фреквенција и постоењето на екстрасистоли т.е. неправилни срцеви отчукувања или прескокнувања. Исто така може да се детектираат и евентуални срцеви блокови како паузи на срцето како и можност утврдување на промени кои укажуваат на срцева исхемија.

Највисока оценка за успешно реализираната прва фаза од евалуацијата за идентификација на инфективни микроорганизми од респираторен карактер.

Постојано стремејќи се кон усовршување на нашиот квалитет, Лабораторијата за Генетика и Персонализирана Медицина при Клиничката болница Жан Митрев, годинава се вклучи во програматата за надворешена контрола на квалитет при врвната организација за сертификација CAP (College of American Pathologists Колеџ на Американските патолози), при што учинокот беше 100%. Добивме највисока оценка при евалуацијата за идентификација на инфективни микроорганизми од респираторен карактер.

CAP условите ги исполнуваат само најдобрите дијагностички лаборатории во САД и пошироко, а ова е уште еден доказ дека во клиниката Жан Митрев се работи по највисоки американски стандарди.

Покрај детекција на коронавирусот SARS-CoV-2 во нашата лабораторијата се детектираат и десетици други инфективни вируси и бактерии.