Автор: zmc_piksel_dev

Денеска екипа составена од доктор Тања Анѓушева, доктор Наташа Чучкова Никчевска и сестра Жанета Богоевска-Митева во училиштето „QSI International School of Skopje“ одржаа курс за прва помош наменет за наставниците и останатите вработени во училиштето. На курсот се разработија неколку сценарија за тоа како да се постапи при давење, при струен удар, при повреда на одредено ткиво, изгореница, скршеница, пад, топлотен удар, смрзнување и слично. Посебно внимание беше посветено за специфичностите кога повредениот е дете.

– Овој курс за прва помош во основа е курс за базично одржување во живот на настрадани лица. Целта на овој курс е да им се помогне на професорите да ги усовршат своите вештини во оваа област, да добијат самодоверба и да им помогнат на настраданите луѓе во ситуации каде што престанува работата на срцето или запира дишењето, сè додека дојде екипата на брзата помош – потенцираше доктор Анѓушева.

Основни принципи беа дадени и за педијатриската возраст за што свое излагање имаше доктор Наташа Чучкова Никчевска.

– Наставниците тука, во ова училиште, се релативно добро запознаени со овие состојби и имаат некои предзнаења за прва помош при незгода, но, имаше многу прашања и практични вежби со нашиот „фантом“ – кукла за вежбање, на кои сите заедно вежбавме. Тоа им помогна многу да ги пробаат практично презентираните случаи а со тоа и да ги зголемат своите спасувачки вештини. Ова е многу битно, и поради тоа во западните држави, еве на пример со САД секој граѓанин треба да помине низ курс за давање прва помош што е битно за целата заедница. Научно е докажано дека доколку на повреден не се даде веднаш прва помош од близок, шансата за преживување е многу помала, а кај децата таа е уште помала оти мозочната смрт настанува многу побрзо отколку кај возрасните. Поради тоа мислам дека сите што работат со деца треба да ги знаат барем основните постапки за одржување во живот и реанимација – изјави доктор Чучкова Никчевска.

Директорот на „QSI – Skopje“, г-нот Џошуа Герет, истакна дека предавањата биле многу полезни и возбудливи со оглед на можноста дека се однесуваат на состојби што можат да се случат во реалниот живот, а информациите биле пренесени на начин кој е многу применлив за нивните предавања.

– Мислам дека добивањето можност да се поставуваат прашања и да се добијат одговори им помогна на луѓето кои не се медицински образувани да разјаснат некои работи, па бидејќи добивме можност да се движиме напред-назад низ темата со докторите беше многу ефикасно за нас – истакна Герет.

Тој додаде дека е многу важно што освен теоретски има и практични вежби бидејќи практичните вежби со „фантом“ даваат неопходна самодоверба потребна кога треба да се соочат со вистинска ситуација.

– Преку ова практично искуство, кое е голема придобивка за нас, наставниците стекнуваат самодоверба да дејствуваат во итни ситуации – нагласи првиот човек на „QSI – Skopje“.

Тој смета дека и учениците би имале полза од добивање на вакви информации бидејќи би можеле да помогнат кога наставниците не се во близина или кога нешто слично би се случило надвор од училиштето, и би можеле да помогнат на некое загрозено лице.

Zan Mitrev Clinic (ZMC) нуди интензивна напредна клиничка пракса насочена кон неодамна дипломираните млади лекари.

Едномесечниот интензивен курс е бесплатен и ги подготвува учесниците за интензивната клиничка пракса во нашата клиника. Моментално имаме запишани 36 млади лекари.

Раководството на ZMC го воспостави курсот за да ги надополни празнините во тековната наставна програма во државните медицински училишта кои не ги исполнуваат стандардите на Joint Commision International (JCI) за безбедност на пациентите, препораките на СЗО (WHO) за антибиотици и упатствата на МКХ за добра клиничка пракса (ICH Good Clinical Practice).

Тие имаат осмислено програма базирана на различни елементи на напредната клиничка пракса.

Курсот се фокусира на: 1) безбедност на пациентот, 2) спречување и контрола на интрахоспитални инфекции, 3) напредна дијагностика, 4) итна медицинска помош, 5) основни методологии за истражување/ медицинска статистика и 6) етика во медицината.

Предавачи се Медицински експерти/специјалисти од ZMC, медицински сестри, фармацевти, физиотерапевти, психолози и биомедицински научници.

Основниот принцип на курсот е „тимска работа“. Младите лекари се охрабруваат да ги идентификуваат и трансформираат нивните слабости во предности преку заедничка работа. Важно е, и се очекува од учесниците на курсот да покажат голем ентузијазам, истражувачки начин на размислување и силен афинитет кон медицината базирана на докази.

Време траењето на обуката е 4 недели и се завршува со усна презентација, писмен испит и практичен тест. На врвните кандидати им се нуди вработување и им се доделува ментор кој понатаму ќе го координира нивното континуирано образование.

Ние силно веруваме дека нашиот курс ќе им помогне на младите лекари да го постигнат својот целосен потенцијал.

Преку овој курс, ZMC се оддолжува на македонската заедница нудејќи им на младите талентирани локални клинички лекари можност да растат и да напредуваат без потреба да се преселат во странство.

Доколку имате дополнителни прашања, слободно контактирајте нè преку info@zmc.mk.

Викендов во Zan Mitrev Clinic се одржа првата и втората фаза (ниво) од кинезиотејпинг курсот, којшто го следеа физиотерапевтите од клиниката а е во организација на Македонското физиотерапевтско здружение, со техничка поддршка од нашата клиника.

Едукацијата на нашиот тим ќе продолжи и во март следната година каде што физиотерапевтите ќе го проследат третото ниво на курсот каде што ќе се учат некои поспецифични техники од оваа метода. Моментално двајца од физиотерапевтите коишто работат во Zan Mitrev Clinic се Кинезиотејпинг практичари и имаат лиценца за практикување на оваа техника а со курсот на пат се ваква лиценца да добија и останатите тројца од тимот. Едукацијата и стручната наобразба продолжува и се надоградува.

Едукацијата ја спроведува кинезиотејпинг инструкторот Драган Димитријевиќ од Белград, Србија, кој вели дека е фасциниран од нашата клиника од повеќе аспекти.

– Високо професионално, модерно, одлично организирано, сите впечатоци ми се максимално позитивни од Zan Mitrev Clinic. Тука кај вас се пратат па и предводат тие светски стандарди кои ги имам видено во многу врвни болници низ светот. Нивото на организација е супер. Кинезиотејпинг е специфична техника кој јапонскиот стручњак Д-р Кензо Касе го смислил и претставува еден вид револуција во третирањето на човечкиот организам во контекст на оној начин на кој го посматра западната медицина.

Западната медицина го посматра телото локално а ние овде го гледаме холистички, значи се третира целото тело и има специфична дијагностика која покажува на пример ако ве боли рамото не мора да значи дека причината за таа болка е во рамото. На пример, може да ве боли вратот а причината за тоа да биде некаде долу во стапалото.

Кинезиотејпингот е добар затоа што може да се применува во раната фаза на рехабилитација, во раната хируршка фаза и претставува едно неинвазивно средство коешто не користи никаква фармаколошки додатоци во себе и му овозможува на телото само да се излекува.

Практично, ние користиме ленти кои ако ги погледнете изгледаат како фластери, меѓутоа, овие ленти се еластични. Обичниот фластер не можете да го растегнете а овие ленти можете, и во зависност од тоа што сакаме да постигнеме лентата ја сечеме на различен начин и ја растегаме до различен степен на тензија според потребата. Лентата се обликува според тоа кој мускул на пример сакаме да го третираме со неа. Оваа метода е многу ефикасна ако некој има отоци, кај некој којшто има хематоми да го забрзаме решението на тој проблем и тогаш на телото да му овозможиме што поскоро да почне да функционира.

Сепак, во кинезиотејпинг постои специфична дијагностика што би значело дека не може секој да лепи кинезиотејпинг и токму поради тоа постојат курсеви каде што сертифицирани инструктори ги учат физиотерапевтите со цел точно да знаат каде треба да лепат и како треба да лепат со цел брзо и успешно заздравување – ни изјави кинезиотејпинг инструкторот Драган Димитријевиќ.

Науката го дефинира Kinesio Taping како техника на лепење на „Kinesio Tex“ ленти, кои се дизајнирани да го забрзаат процесот на природно лекување на организмот, обезбедувајќи поддршка и стабилност на мускулите и зглобовите, без нивно ограничување.

Кинезио тејпингот се темели на концептот на олеснување на мускулните и кожните движења, со цел да се постигне биомеханички, терапевтски ефект врз третираните зони.

Лентата со своите микро движења ги стимулира кожните и поткожните рецептори, стимулирајќи го нервниот систем кој го условува мускулниот рефлекс. Освен тоа, лентата со помош на кожната стимулација го редуцира лимфниот и крвниот застој, ја подобрува локалната микроциркулација и го олеснува намалувањето на отокот. Лентата всушност, преку набирање на кожата го зголемува интра клеточниот простор со што ја олеснува лимфната дренажа, т.е, со намалување на тензијата врз поткожните рецептори за болка се редуцира болката и се превенира околното ткиво од повреди, едеми и крвавења.

Основачот на оваа техника Д-р Кензо Касе ја посети нашата болница пред две години во рамки на неговата посета на Македонија по повод Вториот конгрес на физиотерапевти и имаше можност лично да ја разгледа болницата.

„Како една од членките на европската Федерација на асоцијации на сестри за интензивна нега редовно учествуваме на состаноците што се одржуваат со цел да бидеме во тек со новостите во сестринската нега или промена на стандардите во негата во Европа и пошироко“ – вели Жанета Богоевска Митева, главна сестра  на болничкиот дел на Zan Mitrev Clinic, воедно и претставник на Здружение на сестри за интензивна нега.

Таа појаснува дека тоа се состаноци на претставниците на земјите членки  на Федерацијата каде што секоја земја има свои делегати кои два пати годишно се состануваат со цел размена на информации, креирање нови проекти од научно – истражувачка дејност а сето тоа со главна цел сите овие земји членки да бидат вклучени и да дадат свој допринос во тие текови а и да ги следат и имплементираат позитивните промени и искуства кои со помош на овие научни проекти влијаат на промена на водичите и стандардите за сестринска нега.

Во склоп на активностите би спомнале неколку:

• MICU – Мултикултурализмот на интензивна нега, проект кој што беше спонзориран од ЕРАЗМУС Плус и кој со подршка на Европската федерација успешно заврши од истиот овој проект наскоро ќе произлезе и сестрински е- курс.

 

• DecubICUs – проект во кој што учество зедоа интензивни неги со над 11 000 пациенти. Нашата интензивна нега беше еден од учесниците од која што резултатите ќе допринесат кон менување или потврдување на стандардите за превенција и третман на декубит на интензивна нега.

 

• Како една од активностите на оваа федерација е и организирањето на конгреси. На осмиот конгрес кој што ќе се организира како наш претставник сестра Жанета Богоевска Митева која има два апстракти од кои едниот е на темата Како ние во Zan Mitrev Clinic, ги едуцираме нашите сестри во школата која ја организираме а вториот е за квалитетот и спецификите околу исхраната на нашите пациенти.

– Тоа се апстракти кои што треба да ги презентирам на конгресот кој што треба да се одржи во февруари следната година –  вели Богоевска Митева.

Сите овие наши активности допринесуваат за подобрување на квалитетот и негата за следење на европските текови и како дел во научно – истражувачката дејност заедно со сите партиципираме и делуваме на позитивни промени во унапредувањето на стандардите во овие области.

Од досегашното искуство можеме да констатираме дека нашите искуства се добредојдени и виско ценети и се прифаќаат и поради високото рангирање на клиниката од искуството од пацинетите по што ние се етаблиравме како рамноправен и ценет соработник.

 

Кај постарите жени кои повеќе не се сексуално активни, едноставна процедура за решавање на спадот на гениталните органи е вагинална операција т.н. колпоклеиза. Постапката е опишана од “Ле Форт” и вклучува отстранување на дел од предниот и задниот вагинален ѕид, со затворање (шиење) на краевите на предниот и задниот ѕид еден со друг.

Оваа постапка може да се спроведе без оглед дали е присутна матката, грлото на матката.

 

 

Пред пет години на младиот архитект од Москва, Алексеј Шестак, за кратко време многу му се влошила здравствената состојба. Со висока температура и речиси во бесознание бил однесен во една од московските болници каде одлежал десетина дена без при тоа да му се подобри состојбата.

– Имав континуирано дест дена многу висока температура. Имав проблеми до работата на срцето но и покрај упорноста на тамошните доктори за сето време додека лежев во болницата не ми беше прецизно дијагностицирана ниедна болест. Очигледно беше дека морам да барам спас на друго место. Се обратив до доктор Артур Дормитор кој пак за моја среќа долго време соработувал со доктор Жан Митрев, и тој веднаш ме препорача тука. Под итна постапка со авион бев испратен во тогашната болница на доктор Жан Митрев која се наоѓаше во Воената болница во Скопје. Речиси и да не бев свесен што ми се случува ја водев трката со времето, за спас на мојот живот – вака ја започнува својата животна приказна овој наш пациент од Русија кој по 5 години повторно е во нашата клиника, но сега само на контролен преглед инициран токму од доктор Жан Митрев.
Алексеј Шестак во нашата клиника престојувал два месеца, време за кое уште првите денови му била дијагностицирана почетна сепса и бактериски ендокритит. Нашите доктори веднаш почнале борба со инфекцијата за понатаму да се изврши операцијата на аортната валвула која била неопходна. Но, и тука не било се така едноставно. Инфекцијата била толку јака што не можела да се искорени за кратко време па се одлучило во услови на инфективен синдорм да се направи операцијата на валувалата. Со овој чин Алексеј Шестак бил првиот пациент на кој оваа операција му била направена во такви услови, со инфективен синдром. Замената на аортната валвула поминала успешно а борбата со инфекцијата продолжила. Врвната медицинска нега и постојаното следење на секој миг под будното око на нашите доктори донело до резултат после два месеца Алексеј да може да си замине дома.

– Јас речиси и да не бев свесен тие два месеца што се случуваше со мене. Потоа дознав дека за прв пат врз мене била употребена некоја нова метода на хемофилтрација, метода која после се употребувала успешно и кај други пациенти, што ми е посебо драго. Бескрајно му благодарам на доктор Жан Митрев и на целиот тим што пред 5 години ми го спасија животот и ми овозможија нормално да продолжам да живеам. Се занимавам и со спорт и немам никакви ограничувања. Сега после 5 години ја гледам новата болница и фасциниран сум од напредокот. Можам да кажам дека ваква болница немаме во Москва и дека сите вие треба да бидете благодарни што еден ваков здравствен капацитет го имате во вашава држава – задоволно раскажува Алексеј.

По разледувањето на Скопје и неколку места низ државава тој заминува дома продолжувајќи со својот живот во што му посакуваме успех и среќа.

Zan Mitrev Clinic отвора можност за младите доктори веднаш после завршување на студиите да се пријават за работа во Zan Mitrev Clinic и после 1 месец волонтирање и соодветна селекција, да добијат вработување со почетна плата од 800 евра. Кога ќе почнат со дежурства за викенди, истите дополнително се плаќаат.

На овој начин младите доктори добиваат можност за понатамошна едукација и усовршување во разни медицински техники и технологии.

После една година од вработувањето, доколку се докажат во работата, добиваат специјализација, која ја сакаат и која е потребна на клиниката, како кардиохирургија, васкуларна, торакална, абдоменална, уролошка хирургија, неврохирургија, пластична хирургија … односно сите хируршки гранки, или пак анестезиологија, интерна медицина, кардиологија, гастроентерологија, неврологија, педијатрија, итн… т.е. сите интернистички гранки.

За време на специјализацијата активно ќе бидат вклучени во работата на клиниката, со цел поголемо остручување во таа област и како специјализанти од втора година добиваат плата која ќе се движи околу 1500 евра во денарска противвредност

По завршување на специјализацијата добиваат договор за вработување на неопределено време со обврска да работат најмалку 8 години како специјалисти и почетна плата која ќе се движи околу 2500 евра во денарска противвредност со можност за покачување.

Со ова се овозможува во Zan Mitrev Clinic сите млади доктори да ја градат својата кариера и животен пат, без притоа да мора да размислуваат за заминување во странство, бидејќи светските стандарди се дел од нашата работа.

Во текот на целата едукација и работење, младите доктори се вклучени во разни клинички научни студии од интерен и меѓународен карактер, со што се стимулираат на учество на конгреси и семинари, при што клиниката целосно ги сноси трошоците за нивното учество.

Понатаму се нудат сите стимулативни мерки за доедукација за магистерски и докторски студии и добивање на официјални академски титули.

Моментално во Zan Mitrev Clinic се потребни најмалку 10 млади амбициозни доктори со завршени студии. Сите кои ги исполнуваат горенаведените услови може да се пријават на овој оглас.

Заинтересираните може да се пријават на следниот е-маил: vrabotuvanje@zmc.mk