Закажете преглед

Закажи преглед

00389 2 3091 484

Дневна доза здравје

Назад до Дневна доза здравје

12.04.2016

Транспорт, дијагностика, операција во еден ден – „Филип Втори“ потпиша договор со авионскиот оператор „Ер-Панонија“


Специјалната болница  „ Филип Втори “  ја проширува листата на услуги . Во еден ден на пациентите  ќе им овозможи авио транспорт , дијагностика и операција.  Пациентите ќе ги превезува авио операторот „Ер  – Панонија“  од Хрватска кој во својата флота има 11 авиони, специјализирани за медицински транспорт на пациенти.

Оваа  соработка ќе биде уште еден  исчекор во медицинскиот туризам и извоз на македонска медицина во светот. Соработката беше најавена со потпишување на договор помеѓу  д-р Жан Митрев и г-ѓица Зринка Влашиќ, менаџер на авио компанијата. 

На оваа средба се најави и соработката со Специјализираната болница  „Св. Катарина“ од Хрватска.  Значењето на една болница како што е „Филип Втори“  за државата но и пошироко го потенцираше проф. д-р спец  Драган Приморац , кој е редовен професор на ПЕН Универзитетот во САД. Тој истакна дека државата не може да изгради ваква болница и токму затоа треба да биде горда што ја има ,  бидејќи постоењето на „Филип Втори“ е голем чекор  за приватниот здравствен  систем во целиот регион. 

Почесен гостин на  овој настан беше  и нејзината  Екселенција г-ѓа Данијела Баришиќ амбасадор на Р. Хрватска во Р.Македонија.