Новости

Во насока на промовирање на здравјето како приоритет Клиничка болница Жан Митрев и Црвен Крст на Град Скопје од 21-28 февруари, со низа активности ја одбележаа Неделата за борба против срцево-садови заболувања. Целта на заедничката активност беше во насока на подигнување на свеста за ризиците кои ги носат срцево садовите заболувања но и превенција која се стекнува преку здрави животни навики.

На почетокот на неделата на улица Македонија, во центарот на Скопје, организирно беше мерење на сатурација на кислород во крвта на граѓаните која наиде на одличен прием и заинтересираност.

Исто така во нашата клиника беа изведени бесплатни прегледи за пациенти кои имаа прележано ковид инфекција, а се од ранливите групи во општеството.

Претставник од Црвен крст на град Скопје заедно со психолог и медицинска сестра од нашата клиника, посетија и три семејства во кои нивен член има направено интервенција во нашата клиника со цел постоперативна поддршка како на пациентот така и на неговото семејството.

20 младинци, волонтери во Црвениот Крст, имаа можност од страна на нашите тимови составени од психолози, физиотерапевти, нутриционист и генетичар да добијат корисни совети, кои во иднина ќе им помогнат и во дејствувањето како волонтери и во насока на заштита на сопственото здравје и живот.

Настанот се одржа во простории на болницата се разбира со почитување на сите протоколи за зашита од ковид-инфекција

Во текот на викендов пак, или поточно во саботата, во скопската Зоолошка градина организирано беше и заедничко дружење на волонтерите од Црвен Крст со малите херои, дечиња со вродени срцеви аномалии кои во нашата клиника изминатиов период имаа успешна интервенција и сега се чувствуваат одлично.