Гордост и признание за нашата медицина!

септември 24, 2025

Д-р Синоличка Џамбазова, специјалист по ортопедија, на покана од Италијанската асоцијација за хирургија на рака и Научно-истражувачкиот центар ICLO во Верона, ја презентираше својата иновативна оперативна техника, која беше наградена со прво место на светско ниво.

Ова признание претставува голем успех не само за докторка Џамбазова, туку и за современата македонска хирургија која практично се применува во клиника Жан Митрев. Благодарение на иницијативата на проф. Franco Bassetto, воспоставена е нова рамка за соработка со Италијанската асоцијација за реконструктивна хирургија, со цел продлабочување на стручната и научната соработка, размена на знаења и искуства како и заедничко учество во сложени интервенции.

Ова партнерство отвора нови можности за развој на современи хируршки практики и унапредување на здравствените услуги на меѓународно ниво.

Нашата д-р Џамбазова – синоним за инспирација, иновација и посветеност за подобро здравје!