Хидроколон терапија – кога и зошто да се примени?

мај 05,2024

Прочистувањето на дебелото црево со вода било познато уште во Стариот Египет кога фараоните го практикувале како метода за долготраен живот и благосостојба на телото. Во денешно време, хидротерапијата на дебелото црево е најсовршениот и најефикасен начин за чистење на дебелото црево од насобраниот остаток од храна, гасови, слуз и токсини.
Може да се употребува за клинички состојби, во профилактички цели и како подготовка за дијагностички тестови.
Чистењето на дебелото црево обично се користи како подготовка за медицински процедури како што е колоноскопијата. Сепак, некои лекари предлагаат чистење на дебелото црево за други цели, како што е детоксикација.
Овој метод помага да се одржи здравјето, младоста и убавината.

Најчесто се препорачува примена во следните состојби:

• Опстипација од различна етиологија,
• Дијареа,
• Појавата на автоинтоксикација со последици како главоболки, замор, депресија, намалена ефикасност, непријатен мирис од телото,
• Нарушена функција на имунолошкиот систем со чести респираторни заболувања или дерматитис со нејасна етиологија,
• Пред почеток на диететски режим,
• Мрзливо дебело црево,
• Паразитски инфекции,
• Подготовка за преглед на дебелото црево,
• Подготовка за хируршка интервенција,
• Хемороиди (благи до умерени),
• Простатитис и аденом на простата,
• Вагинитис, ерозија на грлото на матката,
• Детоксикација по интоксикација со алкохол и дрога или труење со хемикалии.

Постапката се состои од инсуфлација на млазови млака вода и прочистување на содржината од дебелото црево, без миризба и неред, во целосно затворен систем, во неколку наврати. Целата постапка трае околу 30 минути.

За да се информирате или закажете термин јавете се во нашиот контакт центар на 02/3091-484