Подетален преглед и се состои од проверка на преден сегмент, како и определување на диоптрија (нова диоптрија, промена на диоптрија, проверка на скриен диоптер) и проверка на заден сегмент на окото (очно дно и очен нерв).

Овој преглед се препорачува кај лица кои не биле до сега на очен преглед, како и кај лица кои подолг период не направиле преглед, а имаат очигледни промени во видот.

Преглед кој се практикува кај деца кои никогаш немаат направено претходно очен преглед.

За време на прегледот се прави проверка на координацијата на очните движења, поставеноста на очното јаболко, можност за акомодација при гледање на близу, испитување на бинокуларен вид, стерео и колорен вид.

Преглед со кој освен останатите испитувања, се проверува и состојбата на ретината на пациентот. Со помош на ОЦТ испитувањето (оптичка кохерентна томографија) се снима структурата на макулата и очниот нерв за да се открие дали има одредени недостатоци на таа структура, кои се невидливи при преглед со лупа како и состојбата на крвните садови во задниот сегмент на окото.

Овој преглед најчесто се практикува кај дијабетичари или пациенти со веќе дијагностицирани ретинални проблеми (дијабетична ретинопатија, макуларна дегенерација, макуларен едем…)

Преглед за пациенти кои имаат недијагностицирани симптоми или проблеми со макулата. Овој преглед може да се практикува и кај пациенти со дијагностицирани проблеми со ретината или очниот нерв.

За време на овој преглед, се прават испитувања (ехо/биометрија, IOL master) кои се потребни пред да се направи операција на катаракта.

Овој преглед се практикува кај пациенти на кои им била веќе дијагностицирана катаракта во минатото а сега сакаат да направат операција да ја отстранат истата.

Овој преглед се извршува кај пациенти со покачен очен притисок или кај пациенти на кои им бил дијагностициран глауком во минатото и потребно е да се одреди дали е настанато оштетување и неговата прогресија. По испитувањата, офталмолог  ќе одреди дали/кои мерки е препорачливо да се преземат.