Muaj: Mars 2022

Çfarë është kardiomiopatia dhe cilët janë shkaqet e shfaqjes së saj?

Posted on by zmc_piksel_dev

Kardiomiopatia është një sëmundje e muskulit të zemrës që e bën më të vështirë punën e zemrës ose pompimin e gjakut nëpër trup. Kardiomiopatia mund të çojë në dështim të zemrës.
Ekzistojnë disa lloje themelore të kardiomiopatisë: e zgjeruar, hipertrofike dhe kufizuese. Lloji i trajtimit që merrni varet nga lloji i kardiomiopatisë që keni dhe sa e rëndë është ajo dhe mund të përfshijë: mjekim, implante kirurgjikale, operacion në zemër ose, në raste të rënda, transplantim të zemrës.

Simptomat

Në fazat e hershme të kardiomiopatisë mund të mos ketë shenja apo simptoma. Megjithatë, me përparimin e gjendjes, zakonisht shfaqen simptomat e mëposhtme:

  • Humbje e frymëmarrjes gjatë aktivitetit fizik apo edhe kur pushoni
  • Ënjtje e këmbëve, kyçeve të këmbëve
  • Ënjtje/fryerje e barkut për shkak të akumulimit të lëngjeve
  • Kollitje gjatë shtrirjes
  • Vështirësi për të fjetur në pozicion horizontal
  • Lodhje
  • Rrahje zemre që ndjehet si një rrahje ose dridhje e shpejtë
  • Parehati ose presion në kraharor
  • Marramendje, dobësi dhe të fikët

Shenjat dhe simptomat priren të përkeqësohen nëse nuk trajtohen siç duhet. Tek disa persona, gjendja përkeqësohet shpejt; tek disa të tjerë, mund të kalojë një kohë e gjatë më pas të përkeqësohet.

Faktorët e rrezikut

Ka një sërë faktorësh që mund të rrisin rrezikun e kardiomiopatisë, këtu përfshihet:

  • Histori familjare e kardiomiopatisë, dështimit të zemrës ose sulmit të papritur në zemër
  • Presioni i lartë i gjakut apër një kohë të gjatë
  • Sëmundjet që prekin zemrën, si sulmet e mëparshme në zemër, sëmundjet e arterieve koronare ose infeksionet e zemrës (kardiomiopatia ishemike)
  • Obeziteti, i cili e bën zemrën të punojë në mënyrë të sforcuar
  • Konsumimi i tepërt i alkoolit për një kohë të gjatë
  • Drogat e paligjshme si kokaina, amfetaminat dhe steroidet anabolike
  • Ilaçe të caktuara përtrajtimin e kancerit me kimioterapi dhe rrezatim.

Ekzistojnë edhe disa sëmundje të cilat gjithashtu rrisin rrezikun e kardiomiopatisë, si p.sh.

  • Diabeti
  • Sëmundjet e gjëndrës tiroide
  • Akumulimi i tepërt i hekurit në trup (hemokromatoza)
  • Amiloidoza
  • Sarkoidoza
  • Çrregullime të indit lidhës

Komplikimet

Kardiomiopatia mund të çojë në komplikime serioze, të tilla si:

  • Dështimi i zemrës – kur zemra nuk mund të pompojë mjaftueshëm gjak për të plotësuar nevojat e trupit. Nëse nuk trajtohet, dështimi i zemrës mund të jetë kërcënues për jetën.
  • Mpiksja e gjakut. Nëse zemra nuk mund të pompojë në mënyrë efikase, ka më shumë gjasa të formohen mpiksje të të gjakut në zemër. Nëse mpiksjet hyjnë në qarkullimin e gjakut, ato mund të bllokojnë rrjedhjen e gjakut në organe të tjera, duke përfshirë zemrën dhe trurin.
  • Probleme me valvulat e zemrës. Për shkak se kardiomiopatia shkakton zmadhim të zemrës, valvulat mund të mos mbyllen siç duhet. Kjo mund të shkaktojë rrjedhje retrograde të gjakut në valvul.
  • Sulmi në zemër dhe vdekja e papritur. Kardiomiopatia mund të shkaktojë një ritëm jonormal të zemrës që shkakton humbje të vetëdijes ose ndonjëherë vdekje të papritur nëse zemra ndalon së rrahuri në mënyrë efektive.

Parandalimi

Në shumë raste, kardiomiopatia nuk mund të parandalohet. Informoni mjekun tuaj nëse keni një histori familjare të kësaj gjendje.
Për të zvogëluar rrezikun e kardiomiopatisë ose sëmundjeve të tjera të zemrës, është mirë të mbani një mënyrë jetese të shëndetshme dhe të krijoni zakone të tilla si:

  • Të shmangni konsumin e alkoolit ose kokainës
  • Të kryeni kontrolle të rregullta të presionit të lartë të gjakut, kolesterolit të lartë dhe diabetit
  • Të konsumoni një dietë të shëndetshme
  • Të kryeni ushtrime rregullisht
  • Të flini mjaftueshëm (të bëni gjumë të mirë)
  • Të kontrolloni apo shmnagni stresin.

Ekipi multidisiplinar që kujdeset dhe trajton në mënyrë profesionale të gjitha sëmundjet e zemrës në Spitalin klinik Zhan Mitrev përbëhet nga kardiologë, kardiologë pediatër, kardiologë intervenues, kardiokirurgë, si dhe anesteziologë dhe specialistë të kujdesit intensiv të cilët janë të specializuar për trajtimin e pacientëve me sëmundje të zemrës dhe sëbashku bisedojnë dhe vendosin për zgjidhjen më të mirë për shëndetin e çdo pacienti.

Dr. Irena Andonova: Histeroskopia – standard i artë në gjinekologji

Posted on by zmc_piksel_dev

Histeroskopia është një ndërhyrje gjinekologjike me të cilën nën vizualizimin e drejtpërdrejtë me kamerë në hapësirën e mitrës diagnostikojmë dhe zgjidhim shumë probleme që prekin gratë, dhe të cilat më parë mund të zgjidheshin vetëm me anë të kirurgjisë klasike.

Histeroskopi është një instrument i hollë, i ngjashëm me teleskopin, të cilin e vendosim përmes vaginës në miter dhe përveç aparatit fotografik histeroskopi ka edhe instrumente të holla, të krijuara posaçërisht për të kryer ndërhyrje të caktuara. Histeroskopia është sot standardi i artë për heqjen e polipeve në hapësirën e mitrës, fibroideve të cilat janë të dukshme brenda mitrës, djegien e mukozës së mitrës – procedura përdoret tek gratë që kanë përfunduar me procesin e riprodhimit dhe që kanë gjakderdhje të rëndë menstruale që çon në anemi dhe dobësi të përgjithshme.

Këto gjakderdhje të rënda e të parregullta të mitrës janë simptoma për të cilat ankohen 40% e grave që vijnë në ordinancat gjinekologjike. Disa prej tyre trajtohen me terapi hormonale, por tek shumë prej tyre ka një ndryshim në mitër, të cilin sot e zgjidhim në mënyrë mikroinvazive me anë të histeroskopit, si kirurgji njëditore, pothuajse pa dhimbje dhe me periudhë të shkurtër rikuperimi. Sot, shumica e grave janë në kërkim të modaliteteve të reja, alternative të kirurgjisë klasike për shkak të përgjegjësive profesionale të cilat kërkojnë kthim të shpejtë në punë.

Nuk përfundon këtu fushëveprimi i përdorimit të kirurgjisë histeroskopike. Nëse në të kaluarën ishte e nevojshme kirurgjia klasike te pacientet me anomali të mitrës, septa të mitrës, pacientet të cilat shpesh trajtojnë sterilitetin ose kanë aborte të përsëritura dhe lindje të parakohshme, sot e gjithë kjo është e mundur falë kësaj metode si operacion njëditor, me rikuperim të shpejtë postoperativ.

Në mbarë botën, me rritjen e numrit të lindjeve me prerje cezariane, u përballëm me një problem të ri, shfaqjen e një lloj hernie në murin e përparmë të mitrës, në të cilën akumulohet gjaku menstrual, kështu që tek këto paciente cikli menstrual zgjat 12- 14 ditë pas fillimit të ciklit gjatë të cilit gjaku rrjedh pak nga pak çdo ditë. Edhe për këtë gjendje terapia është histeroskopike ku pas vizualizimit me aparat zgjidhet hernia dhe kështu zgjidhet problemi që çrregullon përditshmërinë dhe jetën normale të pacienteve.

Sot, kirurgjia histeroskopike zë një vend të rëndësishëm në praktikën e përditshme gjinekologjike. Është kthyer në një metodë rutinë dhe të nevojshme që ka zëvendësuar shumë ndërhyrje dhe operacione në gjinekologji, duke dhënë një drejtim të ri mikroinvaziv në trajtimin e gjendjeve gjinekologjike.

Përparësitë e histeroskopisë, të cilat sigurisht janë thelbësore në epokën e sotme moderne janë:

  • Zgjidhje e shpejtë, e thjeshtë dhe efikase
  • Kirurgji njëditore
  • Rrezik i ulët i komplikimeve
  • Rehabilitim i shpejtë dhe mungesë minimale nga përgjegjësitë e përditshme.

Vëmendja e vogëlushëve na ngrohu zemrat

Posted on by zmc_piksel_dev

Vizitë nga fëmijët e kopshtit Kokiçe në qendrën tonë diagnostike në qytetin e Manastirit

Fëmijët e vegjël i gëzohen më shumë festave, veçanërisht 8 Marsit, festë kjo e lidhur ngushtë me nënat, mësueset, hallat, tezet dhe gjyshet e tyre. Dëshmi për këtë është vizita e djeshme e fëmijëve në qendrën tonë diagnostike në qytetin e Manastirit. Meqenëse kopshti gjendet pranë objektit tonë Zan Mitrev Diagnostic në Manastir, fëmijëve të kopshtit Kokiçe, me rastin e 8 Marsit i’u lindi idea që të krijojnë dhe të dhurojnë përshëndetjet e tyre në formë lulesh. Jo vetëm kaq, urimet e tyre i morëm edhe me anë të këngëve që kishin përgatitur me rastin e kësaj feste.

Jemi shumë mirënjohës për vëmendjen e tyre dhe për vizitën që na bënë, ky gjest nga ana e vogëlushëve na ngrohu zemrat të gjithëve.

Ju falenderojmë nga zemra vogëlushë, ju urojmë shumë shëndet dhe një fëmijëri të mbarë dhe të lumtur!

Vizitë edukative në Spitalin Medipol në Stamboll

Posted on by zmc_piksel_dev

Përmirësimi i përvojave dhe njohurive

Muajin e kaluar, ekipi i urologëve të Spitali klinik Zhan Mitrev i përbërë nga Dr. Goran Joviç, specializanti Dr. Viktor Grujevski dhe infermieria Aleksandra Ristovska-Tunev, bënë një vizitë edukative në spitalin Medipol në Stamboll. Qëllimi i kësaj vizite ishte pjesëmarrja në kryerjen e disa litotripsive – operacioneve të thyerjes së gurit në veshka me aparatin lazer Jeta. Gjatë operacioneve që ndoqi ekipi ynë, u kryen thyerje të gurëve në veshka dhe uretër, gjatë të cilave u ndanë përvoja dhe udhëzime specifike për mënyrën e kryerjes së këtyre procedurave. Në të njëjtën kohë, u zhvillua aplikimi i teknikave për heqjen e tumoreve të fshikëzës dhe prostatës.
Pas kësaj procedure edukative, ekipi ynë është i gatshëm ti kryejë këto operacione me aparatin lazer Jeta të cilin tashmë e disponojmë në spitalin tonë.

A keni dëgjuar ndonjëherë për litotripsinë?

Tingëllon e ndërlikuar dhe e panjohur për ju? Në fakt është një procedurë për thyerjen e gurëve (kalkulave) në zonat urogjenitale me ndihmën e një aparati lazer. Problemi i pranisë së depozitave të kalciumit, të cilat formojnë copëza guri të madhësive të ndryshme, është i zakonshëm dhe mund të jetë shumë i pakëndshëm dhe i dhimbshëm. Zakonisht, përveç dhimbjeve të forta në pjesën e poshtme të barkut, mund të manifestohet me praninë e gjakut dhe madje edhe me copa të vogla në urinë. Këta gurë gjithashtu mund të shkaktojnë infeksione që mund të çojnë në probleme të ndryshme të traktit urinar.

Prania e gurëve diagnostikohet me eko të uretrës, fshikëzës ose veshkave, pas së cilës mjeku do të rekomandojë hapat e mëposhtëm për zgjidhjen e këtij problemi. Në Spitalin klinik Zhan Mitrev, ne përdorim lazer për thyerjen e gurëve në traktin urogjenital, i cili është efektiv për trajtimin e të gjitha llojeve dhe përbërjeve kimike të gurëve dhe është një zgjidhje optimale edhe për ata gurë që janë veçanërisht të vështirë për t’u aksesuar/arritur. Procedura kryhet në spital nga mjek urolog i trajnuar posaçërisht.

Kjo qasje është një alternativë e shkëlqyer për litotripsinë tradicionale pasi përfshin një rrezik më të ulët të komplikimeve dhe një shkallë më të lartë efikasiteti dhe sigurie, pavarësisht nga lloji i gurëve që do të trajtohen. Krahasuar me procedurat e tjera kirurgjikale, kjo procedurë ka avantazhin e pamohueshëm të minimizimit të gjakderdhjes dhe lëvizjes së gurëve (retropulsionit) gjatë operacionit.

Përfitimet për pacientët nga kjo procedurë janë të shumta, disa prej tyre janë:

  • Metodë minimale invazive
  • Simptomat zhduken menjëherë
  • Kohë shumë e shkurtër rikuperimi dhe rikthimi në aktivitetet e përditshme
  • Efekte anësore minimale

Aktivitetet me të cilat shënuam Javën e luftës kundër sëmundjeve kardiovaskulare

Posted on by zmc_piksel_dev

Ndajmë përsëri me ju disa nga aktivitetet me të cilat shënuam Javën e luftës kundër sëmundjeve kardiovaskulare, organizuar nga ekipi i psikologëve të klinikës tonë. Ligjeratat dhe seminaret për vullnetarët e Kryqit të Kuq të qytetit të Shkupit /City Red Cross of Skopje, u mbajtën nga psikoterapistja e licencuar Asst. Dr. Kristina Egumenovska, psikologia e licencuar dhe specialiste për psikoterapi Marija Axhioska, fizioterapisti Nikodin Veljanoski, specializantja në kardiokirurgji Dr. Simona Patçeva dhe Dr. Zvonko Atanasov specialist në radiodiagnostikë.

Intervistë me prof. Dr. Vasil Iliev – Kanceri i qafës së mitrës është kanceri i katërt më i zakonshëm tek gratë

Posted on by zmc_piksel_dev

Prof. Iliev, kanceri i qafës së mitrës është kanceri i katërt më i zakonshëm tek gratë, i cili ka një statistikë shkatërruese në mbarë botën, duke marrë një viktimë çdo dy minuta. Nevoja për ndërgjegjësimin për këtë sëmundje malinje është mëse e nevojshme dhe në këtë kontekst do t’ju lutem të na shpjegoni se çfarë është në të vërtetë kjo sëmundje dhe cila është arsyeja e shfaqjes së saj?

Kanceri i qafës së mitrës është një sëmundje që zakonisht nuk ka simptoma, dhe është një ind tumoral i ri me tipare malinje që ka aftësinë të përhapet në mënyrë invazive në strukturat përreth, organet, limfat dhe enët e gjakut. Kanceri i qafës së mitrës është një tumor malinj epitelial që mund të lokalizohet në vetë qafën e mitrës ose në kanalin e qafës së mitrës (endocerviks). Popullata më e prekur janë femrat nga mosha 35 deri në 49 vjeç. Prandaj është thelbësore që të bëhen kontrolle të rregullta, të paktën një herë në vit, pasi zbulimi i hershëm dhe monitorimi i ndryshimeve mund të shpëtojë jetë.

Cilët janë faktorët e rrezikut për shfaqjen e kancerit të mitrës? A mund të parandalohet kanceri i qafës së mitrës?

Faktori më i lartë i rrezikut për zhvillimin e kancerit të qafës së mitrës është infeksioni me disa lloje të human papilloma virus i njohur si HPV. Ky virus bën pjesë në grupin e sëmundjeve seksualisht të transmetueshme dhe ka më shumë se 100 lloje të HPV. Nëntë prej tyre kanë provuar se kanë një potencial të lartë për të shkaktuar ndryshime në qafën e mitrës dhe për t’u shndërruar në kancer të qafës së mitrës. Prej tyre, HPV 16 dhe 18 kanë potencialin më të madh malinj (onkogjen). Shumica e grave të infektuara me virusin HPV janë asimptomatike dhe shërohen brenda 6 deri në 24 muaj. Megjithatë, kur sistemi imunitar nuk arrin të shpëtojë nga virusi dhe gruaja nuk është e vetëdijshme se është e infektuar dhe nuk kryen kontroll në kohë, rreziku për t’u prekur nga kanceri i qafës së mitrës rritet.

Nga këtu imponohet mënyra më e mirë dhe më e sigurt për parandalimin e saj, kjo mënyrë janë sigurisht ekzaminimet e rregullta gjinekologjike me bris (tampon) të rregullt citologjik (PAP test) dhe nëse është e nevojshme, shumë shpesh edhe marrja e tamponit për PCR. Në thelb kjo do të thotë se në rastet e konstatimit pozitiv (prezencës së HPV) duhet bërë tipizimi, pra përcaktimi i llojit të HPV-së.

Kanceri i hershëm i qafës së mitrës është asimptomatik në shumë raste. Cilat janë simptomat në rastin e përparimit të sëmundjes?

Kanceri i qafës së mitrës shfaqet pa simptoma. Nuk ka dhimbje, kruajtje, shqetësim dhe qelizat mund të ndryshojnë. Zhvillimi i kancerit të qafës së mitrës është zakonisht gradual dhe kalon nëpër disa faza. Fillimisht fillon me fazën prekanceroze, pikërisht atëherë kur diagnostikohet dhe trajtohet më së miri. Kjo pasohet nga një fazë e quajtur “statim nulta”, kur ende nuk ka invazim (përhapje). Nëse zbulohet në këtë fazë, trajtimi jep rezultate të shkëlqyera. Zhvillimi i mëtejshëm është progresiv dhe nga pikëpamja klinike ndahet në disa faza, përkatësisht në katër faza të invazimit.

Fazat përcaktohen në varësi të shkallës së pushtimit të strukturave, organeve përreth dhe janë shumë të rëndësishme për të vendosur për qasjen parësore në trajtimin e kancerit të qafës së mitrës. Në çdo fazë ka nën-faza që përcaktohen në bazë të gjetjeve klinike dhe analizave paraklinike nga të cilat më pas varet vendimi për aplikimin e intervenimeve të mëposhtme, përkatësisht përzgjedhjen e rasteve që janë për trajtim operativ primar dhe atyre në të cilat trajtimi parësor operativ do të ishte joadekuat (i pamundur, i dëmshëm).

Për fat të mirë, ndryshimet prekanceroze në qafën e mitrës rriten dhe zhvillohen në kancer shumë ngadalë, duke lënë një dritare të gjerë kohe për diagnostikim dhe terapi.

Në Qendrën për Shëndetin e Gruas në Spitalin klinik Zhan Mitrev, me qëllim për të kontribuar në rritjen e vetëdijes për zbulimin e hershëm të kësaj sëmundje, kemi krijuar një paketë ofertë në të cilën çdo grua që do të bëjë PAP test, do të marrë ekzaminim gjinekologjik me çmim të reduktuar prej -50%. Kjo zbritje është e vlevshme nga data 1 mars 2022 dhe do të zgjasë deri në fund të muajit mars.

SIMPTOMAT
Kanceri i qafës së mitrës zakonisht nuk ka simptoma, por ndonjëherë mund të përfshijë:

  • Gjakderdhje pas marrëdhënies seksuale
  • Shkarkim i përgjakshëm
  • Cikël të çrregullt menstual
  • Dhimbje – e cila është një simptomë e vonë

DIAGNOZA

  • PAP test
  • Kolposkopia
  • Biopsi
  • Kiretazh dhe konizim eksplorues me gjetje histopatologjike

Diagnostikime shtesë:

  • Ekografi gjinekologjike
  • Ekografi (eko) e barkut
  • Skaner (CT)
  • Rezonancë magnetike
  • Kolonoskopi
  • Cistoskopi
  • X-ray (RTG) e mushkërive dhe kockave
  • Analiza laboratorike shtesë.

Të përfshira edhe 2 shërbime të tjera në grupin e ekzaminimeve parandaluese me zbritje prej -50%

Posted on by zmc_piksel_dev

Në kuadër të aktiviteteve që kanë të bëjnë me ndërgjegjësimin për ekzaminime të rregullta parandaluese në luftën kundër kancerit, Spitali klinik Zhan Mitrev ka shtuar dy shërbime të tjera të cilat do të jenë me gjysmë çmimi. Përkatësisht, nga data 1 mars, ekzaminimi i tiroides me eko është me gjysmë çmimi. Gjithashtu kemi bërë një paketë oferte për të gjithë ata që do të bëjnë PAP test, kontrolli gjinekologjik do të jetë me 50% zbritje. Natyrisht, vazhdojmë me uljet tashmë aktive të çmimeve të: ekos së gjirit, mamografisë 2D dhe 3D, CT (tomografi e kompjuterizuar) e mushkërive dhe ekzaminimi i plotë i lëkurës dhe nishaneve me Fotofinder. Të gjitha ekzaminimet kryhen nga mjekët tanë me përvojë me ndihmën e aparaturave moderne. Për të rezervuar terminin që ju përshtatet, telefononi në numrin 02/3091-484.

Sot ne festojmë 22 vjet të përsosmërisë në kujdesin shëndetësor të pacientëve

Posted on by zmc_piksel_dev

SOT SPITALI KLINIK ZHAN MITREV FESTON 22 VJETORIN E HAPJES

Prej më shumë se dy dekadash pacientët në vend marrin shërbime mjekësore të nivelit të lartë në përputhje me standardet më të larta botërore.
Klinika ka një qasje unike me operacione papagesë për pacientët me probleme të zemrës dhe enëve të gjakut për më shumë se 20 vjet. Bashkëpunimi i suksesshëm me Fondin Shtetëror të Shëndetësisë për Kardiokirurgjinë u mundëson pacientëve t’i marrin këto shërbime të nivelit më të lartë papagesë.

Shërbime të nivelit më të lartë të mjekësisë moderne, rezultate të bazuara në diagnostikimin e shpejtë dhe të saktë, parandalimin e sëmundjeve, kryerjen e operacioneve komplekse – ky është misioni ynë për të cilin jemi gjithmonë të fokusuar në punën e rritjes dhe zgjerimit të klubit të pacientëve të kënaqur.
Në vitin 2000, në një pjesë të marrë me qira të Spitalit Ushtarak në Shkup, u vendosën konturet e spitalit special për sëmundje kirurgjikale “Filip Vtori / Filipi i Dytë” u shënua me operacionin e parë bypass në Republikën e Maqedonisë, operacion i udhëhequr nga Akademiku Dr. Zhan Mitrev.

Spitali klinik Zhan Mitrev sot ka një arsye të madhe për të festuar – shënimin e 22 vjetorit të ekzistencës së tij. Ky është një shembull i vërtetë i arritjes së një vizioni: të ofrojë shërbim të lartë mjekësor në përputhje me standardet më të larta në botë.

Që në fillim spitali vendosi standarde të larta dhe hapi horizonte të reja në kirurgjinë kardiovaskulare maqedonase. Salla e operacionit me të cilin filloi dhe 12 shtretër spitalor, është shndërruar në një qendër mjekësore moderne me procedura të plota diagnostikuese në shumicën e degëve të mjekësisë, e mbështetur nga shërbimet e kirurgjisë moderne, anestezisë dhe terapisë intensive.
Spitali klinik Zhan Mitrev ndodhet në një objekt të ri, ultramodern, një investim prej 40 milionë eurosh, në të cilin misioni kryesor është fokusimi në zhvillimin e spitalit dhe arritjen e cilësisë sa më të lartë të shërbimeve. Klinika ka një sipërfaqe prej 17,000 m2, disponon disa salla operacioni, njësi të kujdesit intensiv dhe njësi të kujdesit gjysmë intensiv. Është planifikuar, sipas qëllimit dhe plotëson standardet më të larta mjedisore pa gjurmë CO2. Është tërësisht i dixhitalizuar, letra pothuajse nuk përdoret në punën e përditshme.

Klinika ndjek në vazhdimësi trendet dhe standardet më të fundit në drejtim të përmirësimit të proceseve të punës dhe sigurisë së pacientëve nga keqpërdorimet mjekësore dhe infeksionet spitalore.
Konfirmim i suksesit është fakti që në vitin 2020, edhe në kohë pandemie, për herë të dytë spitali morri akreditimin me vulën e artë nga “Joint Commission International”. Në vijim të teknologjisë së re në mjekësi, klinika disponon aparaturat më të fundit mjekësore, si laser urologjik për litotripsi, aparatura diagnostike moderne për imazhe me rezonancë magnetike, tomografi kompjuterike dhe mamografi 3D për tomosintezë.

Gjatë periudhës së kaluar është shfaqur nevoja për prani rajonale. Për këtë arsye vitin e kaluar u hapën dy qendra të mëdha diagnostikuese nën markën Zhan Mitrev Diagnostik, fillimisht në Strumicë, e më pas në qytetin e Manastirit. Përkatësisht, poliklinikat e mëparshme ekzistuese ishin tërësisht të rinovuara, të ribrenduara dhe me kapacitete dhe numër të zgjeruar të aktiviteteve. Ato janë të pajisura me aparaturat më të avancuara teknologjikisht CT, MR, RTG, EHO. Në laboratorin biokimik kryhen analizat e detajuara të gjakut. Këto qendra disponojnë spital ditor për kujdesin e pacientëve dhe auto-ambulanca. Qëllimi i hapjes së qendrave të tilla është të garantojmë nivelin dhe cilësinë e shërbimeve tona në nivel lokal dhe sigurisht t’i ndihmojmë pacientët të ndihen më mirë, më të sigurt dhe më të lumtur.

Jemi krenarë edhe për investimin tonë të ri – Qendrën për Dermatologji Estetike, e cila është një departament gjithëpërfshirës mjekësor dhe kozmetiko-dermatologjik që ofron një gamë të plotë të kujdesit mjekësor dhe kirurgjik, si dhe përmirësim estetik”, tha kreu i Klinikës, akademik Dr. Zhan Mitrev.

Spitali klinik Zhan Mitrev vazhdimisht investon në përmirësimin dhe edukimin e vazhdueshëm të punonjësve të tij, duke krijuar staf të lartë të gatshëm për të përballuar të gjitha sfidat.
“Duke ndjekur teknologjinë e re në mjekësi dhe duke punuar me aparaturat më të moderne mjekësore, ne po krijojmë staf këtu, i cili është një investim shumë afatgjatë mbi të cilin realisht bazohen rezultatet tona të shkëlqyera. “Realisht kemi mjekë shumë më të përgatitur dhe me performancë shumë më të lartë profesionale se shumë mjekë nga Gjermania”, tha akademiku Dr. Zhan Mitrev.

Ndër të parët në Evropë, Spitali klinik Zhan Mitrev formoi laboratorin gjenetik dhe bashkoi teste të ndryshme gjenetike në praktikën rutinë të përditshme. Laboratori teston 33 bakteret dhe viruset patogjene më të zakonshme kur pacientët shtrohen në spital, përfshirë SARS – CoV-2. Kombinimi i një qasjeje individuale me farmakogjenetikën d.m.th. toleranca/intoleranca ndaj barnave të caktuara ishte fillimi i aplikimit të mjekësisë së personalizuar specifike për çdo pacient, duke parandaluar kështu pasojat e mundshme fatale për pacientët. Spitali klinik Zhan Mitrev ishte i pari që filloi me aplikimin e pastrimit të gjakut apo të ashtuquajturin hemofiltrim i cili tani zbatohet tek pacientët që luftojnë me pasoja të rënda të shkaktuara nga koronavirusi.

AJO ÇFARË E BËN TË VEÇANTË KËTË KLINIKE ËSHTË QASJA UNIKE ME KIRURGJI PAPAGESË PËR PACIENTËT ME SËMUNDJE TË ZEMRËS DHE VENAVE TË GJAKUT PËR MË SHUMË SE 20 VJET. BASHKËPUNIMI I SUKSESSHËM ME FONDIN SHTETËROR PËR KARDIOKIRURGJINË IU MUNDËSËSON PACIENTËVE KËTO SHËRBIME SHËNDETËSOR TI MARRIN PAPAGESË.

“Mendoj se edhe pas kaq shumë vitesh, njerëzit dinë pak se çfarë kemi në të vërtetë këtu për sa i përket kushteve dhe standardeve shëndetësore. Kam krijuar një punë dhe trajtim të përditshëm për pacientët e sëmurë rëndë me standardet më të larta të aplikuara. Kam arritur që ato shërbime të mbulohen nga Fondi i Sigurimeve Shëndetësore, pacientët të trajtohen pa pasur nevojë të paguajnë shtesë. Edhe pse vetëm në kardiokirurgji, ky është sërish shembull, dmth. tregon potencialin për zhvillimin e kujdesit shëndetësor, nëse ndryshojnë kushtet e funksionimit”, shpjegon akademik Dr. Mitrev.

Spitali klinik Zhan Mitrev është një shembull klasik i arritjes së një vizioni, një koncept që është realizuar me shumë mundim dhe është shembull për shumë të rinj që gjëra të mëdha mund të bëhen këtu, në shtëpi, në vendin tonë. Në fakt, është krijuar një lidhje unike mes mjekësisë dhe biznesit. Nga njëra anë, të ofrojë shërbim mjekësor të lartë në përputhje me standardet më të larta të vendosura në botë, për ta bërë atë të aksesueshme për çdo pacient dhe në të njëjtën kohë për të siguruar përfitim ekonomik.