Muaj: Korrik 2022

Lidhur me sulmet dhe akuzat e mëparshme me të cilat po përballemi këto ditë, dëshirojmë të theksojmë si mëposhtë:
Në Spitalin klinik Zhan Mitrev Shkup nuk është kryer asnjë provë klinike dhe botimi i publikuar nuk është dhe nuk mund të përfaqësojë provë klinike. Në fakt, është një punim shkencor me rezultate të sublimuara laboratorike dhe përvoja të përdorimit të kësaj metode trajtimi.

Prova klinike e pajisjeve mjekësore nënkupton zbulim, domethënë konfirmim të sigurisë së pajisjeve mjekësore, dobisë së tyre dhe përputhshmërisë me kushtet e përgjithshme dhe të veçanta në përputhje me qëllimin e përcaktuar nga ana e prodhuesit, ndërsa sponsori i provës klinike ose personi përfaqësues i autorizuar i tij është i detyruar të raportojë ekzaminimin klinik në Malmed. Në këtë kontekst, Spitali klinik Zhan Mitrev Shkup as nuk ka bërë kontroll të sigurisë së pajisjes mjekësore për hemofiltrim (pasi që ky është obligim i prodhuesit të pajisjes mjekësore), as nuk është sponsor apo përfaqësues i autorizuar që të mund të raportojë, të kërkojë ose të marrë leje për kryerjen e provave klinike.

Përdorimi i pajisjejes mjekësore për hemofiltrim është një metodë trajtimi dhe çdo përdorim i pajisjejes mjekësore nuk është dhe nuk mund të përbëjë një provë klinike.

Para së gjithash, ne kemi trajtuar pacientë nga pasojat e shkaktuara nga virusi COVID-19 sipas të gjitha burimeve të lejuara, duke përfshirë edhe hemofiltrimin – metodë e çertifikuar ndërkombëtarisht.
Për përdorimin e kësaj pajisjeje mjekësore (filtrave), Spitali klinik Zhan Mitrev Shkup ka leje dhe aprovime përkatëse nga organet kompetente, të cilat i ka marrë si blerës në pajtim me marrëveshjen e lidhur për shitje dhe i ka përdorur si blerës – për mjekim, jo si sponsor.

Sipas kontratës për blerjen dhe shitjen e pajisjes mjekësore, Spitali klinik Zhan Mitrev Shkup nuk është caktuar si qendër kërkimore, për të cilën është e nevojshme që të ketë marrëveshje të veçantë me shitësin për provë klinike në përputhje me kërkesat përkatëse të Rregullores nga Ministria e Shëndetësisë dhe as nuk është parashtruese e autorizuar e kërkesës për ekzaminim klinik sipas rregulloreve ligjore.
Shitësi i pajisjes (aparatit) mjekësore i ka dorëzuar Spitalit klinik Zhan Mitrev Shkup Vendim me të cilin lejohet shitja dhe përdorimi i asaj pajisjeje, që nënkupton se shitësi/prodhuesi ka ofruar dokumentin e duhur për pajtueshmëri.

Prandaj, Spitali klinik Zhan Mitrev Shkup, si dhe institucionet e tjera shëndetësore që kanë blerë dhe përdorin një pajisje të tillë, nuk janë kompetente për të kryer asnjë ekzaminim të kësaj pajisjeje, përdorimi i së cilës tashmë është miratuar nga organi kompetent shtetëror.

Theksojmë se të dhënat e nxjerra nga faqet e internetit në shtete të tjera dhe sisteme të tjera shëndetësore nuk synohen si dëshmi se është kryer provë klinike sipas rregulloreve të provës klinike të RMV. Pavarësisht se si dikush dëshiron të interpretojë punimet tona profesionale të publikuara dhe përvojat e përbashkëta të trajtimit, përsëri theksojmë se nuk përbën një provë klinike sistematike.

Në lidhje me infeksionet intraspitalore, sqarojmë se Spitali klinik Zhan Mitrev Shkup i përmbush të gjitha obligimet e parashikuara për mbrojtjen e popullatës nga sëmundjet infektive në lidhje me infeksionet intraspitalore d.m.th.: ka marrë Vendim për emërimin e anëtarëve të Komisionit për Infeksione Intraspitalore. , ka miratuar programin e kontrollit dhe parandalimit të infeksioneve intraspitalore për vitet 2021 deri në 2023, kriteret për fillimin e hetimit të infeksioneve intraspitalore, kontrollin e higjienës, planin e kontrollit të infeksioneve intraspitalore, metodologjitë e monitorimit të infeksioneve intraspitalore, sistemin e mbikëqyrjes së infeksioneve intraspitalore, si dhe posedon të gjitha aktet e tjera individuale të përcaktuara sipas rregulloreve për mbrojtjen e popullatës nga sëmundjet infektive.

Spitali klinik Zhan Mitrev Shkup ka 22 vite që funksionon në përputhje me ligjet dhe rregulloret e këtij vendi dhe pokështu do të vazhdojë të funksionojë.

Prandaj jemi të tmerruar nga ky sulm publik i inskenuar, i cili shfrytëzon tragjedinë e disa familjeve, duke krijuar një pamje krejtësisht të deformuar për trajtimin e pacientëve me COVID-19, qasjen mjekësore dhe institucionet që u kujdesën për pacientët e sëmurë rëndë gjatë pandemisë.

Theksojmë se në ambientet tona shëndetësore janë trajtuar një numër i madh pacientësh nga COVID-19 dhe vetëm në disa prej tyre është përdorur hemofiltrim, sipas vlerësimit të mjekëve përgjegjës për çdo rast përkatësisht. Pacientëve të cilët nuk i janë nënshtruar hemofiltrimit u janë kthyer paratë e parashikuara për hemofiltrim, për të cilat ka dokumentacion të rregullt kontabiliteti. Vërtet nuk e kuptojmë pse nuk shkruhet për të gjithë ata pacientë të shëruar me sukses nga COVID-19 që u pranuan në spital me gjendje klinike të rëndë dhe pikërisht për shkak të trajtimit me hemofiltrim i’u është mundësuar shpëtimi i jetës.

Ne vazhdojmë të kryejmë aktivitetin shëndetësor në interes të pacientëve tanë në mënyrë jashtëzakonisht profesionale dhe të përgjegjshme. Inkurajojmë të gjitha autoritetet inspektuese, si shumë herë më parë, të kryejnë të gjitha kontrollet dhe mbikëqyrjet e nevojshme, të cilave do t’u dorëzohet i gjithë dokumentacioni që kemi në dispozicion, në mënyrë që autoritetet kompetente profesionale të hedhin poshtë të gjitha falsitetet dhe paqartësitë e publikuara.

Me respekt,
Spitali klinik Zhan Mitrev Shkup

Ju njoftojmë se gjatë ditëve të fundit personat përgjegjës nga Spitali klinik Zhan Mitrev kanë qenë në kontakt me shërbimet inspektuese nga MALMED, DSZI, si dhe me Prokurorinë Themelore Publike (OJO) dhe Ministrinë e Brendshme, me qëllim dorëzimin e dokumentacionit të kërkuar.
Sikurse edhe më parë, në interes të konstatimit të gjendjes faktike, mbetemi në dispozicion për bashkëpunim me të gjitha autoritetet zyrtare shtetërore.

U bëjmë thirrje mediave dhe të gjithë të interesuarve që të përmbahen nga konkluzione të parakohshme dhe spekulime të ndryshme.

Duke pasur parasysh se këto ditë në media janë publikuar informacione të rreme dhe fyese lidhur me punën e Spitalit klinik Zhan Mitrev dhe Akademik Dr. Zhan Mitrev, dëshirojmë të informojmë publikun, mediumet dhe të gjithë pacientët tanë si mëposhtë:
Spitali klinik Zhan Mitrev prej 22 vitesh punon me sukses në dobi të qytetarëve, duke u ofruar atyre shërbime të certifikuara sipas standardeve botërore, kujdes profesional që synon përmirësimin e shëndetit, gjë që është dëshmuar në raste të panumërta të suksesshme. Kjo qasje vazhdoi të zbatohej edhe gjatë pandemisë botërore të shkaktuar nga virusi COVID-19, gjatë së cilës klinika, me shumë mund dhe vullnet të pamasë nga punonjësit e saj, kontribuoi në shpëtimin e një numri të madh jetësh.

Jemi vërtet të tmerruar nga gjuha e urrejtjes tendencioze e përdorur kundër institucionit tonë, si dhe nga akuzat e pasakta, nga informacionet e fabrikuara që synojnë vetëm krijimin e një imazhi të rremë në publikun e gjerë për punën e Spitalit klinik Zhan Mitrev. Është e qartë se ky informacion i rremë është krijuar me qëllim për të deformuar faktet në lidhje me punën e suksesshme afatgjatë të Spitalit klinik Zhan Mitrev, ku punojnë më shumë se 400 ekspertë dhe profesionistë nën drejtimin e doktor Zhan Mitrev.

Kualifikimet e pavërteta të publikuara në media këto ditë kanë si synim dëmtimin e qëllimshëm të nderit dhe reputacionit të Spitalit klinik dhe nuk përputhen aspak me të vërtetën. Ato janë gjithashtu shqetësuese për pacientët tanë dhe të afërmit e tyre, të gjithë ekipin tonë që kanë punuar me përkushtim dhe ndershmëri gjatë gjithë këtyre viteve. Si institucion, ne praktikojmë ekskluzivisht mjekësinë e bazuar në dëshmi. Që nga fillimi, por edhe në të ardhmen, kemi qenë dhe do të mbetemi profesionistë në kryerjen e aktivitetit tonë dhe do të vazhdojmë të ndihmojmë me kujdes dhe me profesionalizëm pacientët tanë që të përmirësojnë plotësisht shëndetin e tyre.

Hapat tanë të ardhshëm do të jenë në drejtim të përdorimit të të gjitha mundësive ligjore në përputhje me ligjet, me qëllim parandalimin e këtyre dhe të gjitha sulmeve të tilla e të ngjashme të pabaza ndaj institucionit tonë.

Në periudhën nga 11 deri më 12 korrik në ambientet e klinikës sonë në bashkëpunim me punonjësit e Ambasadës Holandeze në Shkup është mbajtur kursi dyditor për dhënien e ndihmës së parë.
Gjatë kursit, pjesëmarrësit u njohën me parimet bazë të ndihmës së parë. Në të njëjtën kohë, ata morën njohje teorike dhe praktike në lidhje me procedurat e ofrimit të ndihmës së parë.

Gjatë ditës së parë u demostruan situata të tilla si: reanimim kardiopulmonar, përdorim i defibrilatorit automatik, mbytje, infarkt, shoku anafilaktik, sulm astmatik, atak epileptik, koma hipo dhe hiperglicemike. Gjatë ditës së dytë, përmes edukimit teorik dhe praktik, pjesëmarrësit fituan aftësitë e ndihmës së parë për fraktura, lëndime të indeve të buta, lëndime të shtyllës kurrizore, lëndime në kokë, goditja nga të nxehtit, goditja nga dielli, djegie, goditje elektrike, ngrirje, si dhe lëndime të syve.

Trajnerët tanë ishin Dr. Tanja Angjusheva dhe fizioterapisti Nikodin Veljanovski. Falenderojmë Ambasadën Holandeze në Shkup për besimin ndaj klinikës dhe stafit të klinikës tonë.

Më 7 dhe 8 korrik 2022, në ambientet e Spitalit klinik Zhan Mitrev u mbajt kursi i parë dyditor i rezonancës magnetike të zemrës i organizuar nga Shoqata e Kardiologjisë Maqedonase me mbështetjen e Shoqatës Evropiane për Imazhe Kardiovaskulare (EACVI).

Në këtë kurs more pjesë mjekë kardiologë dhe radiologë nga vendi ynë, dhe përmes një sërë leksionesh teorike dhe një sesioni praktik “hands-on” ata morën njohuri bazë për këtë mjet të fuqishëm diagnostikues dhe prognostik modern, joinvaziv, që po merr një vrull gjithnjë më të madh në përdorimin e tij në nivel botëror dhe dhe evropianë përsa i përket indikacioneve dhe rekomandimeve për praktikën e kardiologjisë moderne të bazuar në fakte.

Imazhi i rezonancës magnetike të zemrës është standardi i artë për vlerësimin joinvaziv të strukturës, funksionit dhe karakteristikave të indeve të strukturave kardiake. Një nga indikacionet bazë është miokarditi, kardiomiopatitë, insuficienca kardiake me etiologji të panjohur, defekte kongjenitale, sëmundje ishemike të zemrës, tumore të zemrës, sëmundje perikardiale.

Ligjëratat u mbajtën nga ekspertë të lartë botërorë në fushën e rezonancës magnetike kardiake si Robin Nijveldt (zëvendës president i EACVI-CMR section), Chiara Bucciarelli-Ducci (CEO of Society of cardiac magnetic resonance), Tomaz Podlesnikar, Bostijan Berlot, Saloua El Messaouidi dhe Jadranka Stojanovska.
Ligjërata të kombinuara në fushën e ekokardiografisë si metodë krahasuese u mbajtën nga ligjërues me përvojë në vendin tonë si Dr. Tanja Angjusheva, Prof. Dr. Ljubica Georgievska – Ismail, Prof. Dr. Elizabeta Srbinovska, Prof. Dr. Maria Vavloukis dhe ligjërata në fushën e rezonancës magnetike të zemrës mbajtur nga Dr. Pllaninka Zafirovska.

Pjesëmarrësit morën certifikatë për rezonancë magnetike të zemrës për përfunindimin e nivelit të parë (CMR Niveli I) mbështetur nga EACVI dhe akredituar nga Oda e Mjekëve të Maqedonisë.