Muaj: Qershor 2025

Edhe këtë herë, me frymën e solidaritetit dhe humanizmit, Klinika Zhan Mitrev, së bashku me Blood bank TENK, Institutin e Mjekësisë së Transfuzionit dhe vullnetarë nga Kryqi i Kuq, realizuan me sukses aksionin tradicionale të dhurimit të gjakut. Këtë vit, nën sloganin: “Dhuro gjak, jep shpresë”, kjo fushatë shënoi edhe Ditën Ndërkombëtare të dhurimit të gjakut, në të cilën morën pjesë të gjithë punonjësit, si mjekësorë ashtu edhe ata administrativë.

Me një qëllim të përbashkët – të ndihmojmë aty ku është më e nevojshme, ne kemi treguar edhe një herë se dhurimi i gjakut është shprehja më e pastër e humanizmit dhe kujdesit për personat e tjerë.

Ky veprim përfaqëson kontributin tonë të vazhdueshëm në sistemin e kujdesit shëndetësor dhe ndihmën e drejtpërdrejtë për pacientët që kanë nevojë për gjak. Me çdo dozë të dhuruar, shpëtohen jetë – dhe kjo është një vlerë që ne e vlerësojmë çdo ditë në institucionin tonë.
Dhuroni gjak – dhuroni jetë!
Së bashku jemi më të fortë, së bashku ndihmojmë.

Më 8 qershor, ishim pjesë e Turit të jashtëzakonshëm të ҫiklizmit MTB Mavrovo 2025, së bashku me markën premium Ortomol dhe mbi njëqind çiklistë terreni malorë!
💪 Mbështetja e sporteve dhe një stili jetese të shëndetshëm është pjesë e misionit tonë. Përveç hendbollit, futbollit dhe basketbollit, tani ne mbështesim me gjithë zemër ngjitjet, zbritjet dhe aventurat e ҫiklizmit.
📍 Itinerari/rruga: Leunovo – Liqeni i Mavrovës – Galiçnik – Parku Kombëtar i Mavrovës.
Natyra, energjia dhe fryma sportive në një vend! 🌄
🎯 Si klinikë, ne besojmë në një të ardhme ku të rinjtë janë aktivë, të shëndetshëm dhe të motivuar. Kjo është arsyeja pse ne investojmë, mbështesim dhe inkurajojmë – bëni sport, jetoni shëndetshëm, lëvizni me ne!

Klinika Zhan Mitrev vazhdon të mbështesë sportin, veçanërisht kur bëhet fjalë për të rinjtë. Duke siguruar një ekip mjekësor, në fillim të qershorit, morëm pjesë në kupën e futbollit për fëmijë të organizuar nga Akademia e Futbollit Alexandro. Mikpritësit mirëpritën mbi 60 ekipe nga rajoni dhe siguruan frymën sportive dhe lojën e drejtë dhe të duhur. Ekipi ynë garantoi siguri dhe mbrojtje të shëndetit gjatë të gjitha 4 ditëve ndërsa mbahej kupa.

I urojmë futbollistëve të rinj shumë fitore, dhe mbi të gjitha, kultivimin e lojës “fair play”, miqësisë së sinqertë dhe frymës së ekipore!

Oda e Mjekëve, me shënimin e 33-vjetorit të ekzistencës së saj si një organizatë profesionale e pavarur e mjekëve në vendin tonë, ndau ҫertifikata mirënjohje për të gjithë ata mjekë që treguan ekspertizë, sakrificë dhe humanizëm të jashtëzakonshëm dhe u përfshinë në shpëtimin dhe trajtimin e të lënduarve në zjarrin në diskotekën e qytetit të Koçanit.

Ekipi i klinikës sonë, i udhëhequr nga Dr. Zhan Mitrev, mori gjithashtu ҫertifikata mirënjohje për përkushtimin e tyre të jashtëzakonshëm në trajtimin e viktimave që u trajtuan në klinikën tonë.

“Mjekët nuk janë vetëm mjekë, ata janë studiues, inovatorë, edukatorë, janë bartës të shpresës dhe mbështetjes për çdo pacient. Përkushtimi i tyre ndaj jetës dhe shëndetit të ҫdo individi është themeli i shëndetit publik dhe stabilitetit shoqëror. Mjekët janë nxitësit e progresit mjekësor, duke kërkuar vazhdimisht zgjidhje dhe terapi të reja për të përmirësuar cilësinë e jetës. Përmirësimi i statusit të tyre me ofrimin e kushteve më të mira të punës, arsimimit të vazhdueshëm dhe fuqizimit ekonomik, nuk ka të bëj vetëm me trajtimin e tyre, por edhe me investimin në të ardhmen e të gjithë shoqërisë” – tha Presidentja e LKM, Prof. Dr. Kalina Grivҫeva-Stardelova, gjatë dorëzimit të ҫertifikatave të mirënjohjes.

Ky është një gjest i vogël për këtë vepër të madhe, është një akt i sinqertë mirënjohje për përkushtimin e tyre pa rezerva ndaj jetës dhe shëndetit të njerëzve.

Oda e Mjekëve u themelua më 5 qershor 1992, me iniciativën e disa mjekëve nga Shoqata Mjekësore e Maqedonisë. Seanca e parë konstituive e Kuvendit të Odës u mbajt në ambientet e Spitalit Ushtarak. Dhjetë vjet më vonë, Oda mori autorizim publik për të lëshuar licenca pune, për të organizuar provime profesionale dhe për të akredituar ngjarje të arsimit të vazhdueshëm mjekësor, duke krijuar kështu një sistem shumë të rëndësishëm për rregullimin e profesionit mjekësor që na afron drejtpërdrejt me standardet evropiane.

Më 4 qershor 2025, në Klinikën Zhan Mitrev erdhën në jetë tre foshnja të lindura parakohe – Melis, Mira dhe Malahat – nga një shtatzëni e trefishtë e konceptuar natyrshëm, që jo shepsh ndodh në mjekësinë moderne. Të lindura me prerje cezariane 9 javë para datës së pritur, në javën e 31-të të shtatzënisë, foshnjat janë aktualisht në gjendje të qëndrueshme dhe po marrin kujdesin e duhur në Qendrën për nënën dhe foshnjën nën mbikëqyrjen e neonatologëve. Momentalisht janë në mbështetje respiratore jo-invazive (CPAP). Parametrat vitale janë të qëndrueshme dhe ekipi mjekësor është duke i monitoruar nga afër me shpresën për rikuperim dhe kthim të shpejtë në shtëpi.
Me këtë lindje, fillon zyrtarisht funksionimin Njësia e Kujdesit Intensiv Neonatal (NICU) në Klinikën Zhan Mitrev.

Foshnja e parë, Melis, peshon 1390 gramë dhe është 42 cm. Foshnja e dytë, Mira, peshon 1270 gramë dhe është 36 cm. Foshnja e tretë, Malahat, peshon 1340 gramë dhe është 40 cm. Shtatzënia u zhvillua natyrshëm, pa fekondim të asistuar mjekësor, nga tre vezë qelizore. I gjithë procesi i monitorimit, menaxhimit dhe lindjes u krye nga një ekip multidisiplinar i përbërë nga obstetër-gjinekologë, neonatologë, mami dhe infermierë, duke përdorur pajisjet dhe protokollet më moderne.

Kujdesi prenatal filloi në javën e 11-të të shtatzënisë dhe u drejtua nga Dr. Ljupço Petrovski, Dr. Jelena Goluboviq Simjanovski dhe Dr. Nenad Lazarov. Gjatë shtrimit në spital, pacientja u monitorua nga Dr. Vladimir Kizheski. Lindja me prerje cezariane u krye nga ekipi i udhëhequr nga Dr. Mendu Jegeni, në bashkëpunim me Dr. Kizheski, Dr. Sasha Jovcevski, Dr. Goluboviq Simjanovski dhe anesteziologët Dr. Marko Gjorgon dhe Dr. Sanja Marinkoviq. Foshnjat u morën menjëherë nga tre ekipe pediatrike të udhëhequra nga Dr. Renata Dimitroska – subspecialiste në neonatologji, së bashku me pediatrit Dr. Vesna Delovska, Dr. Maja Angjeleska Viktorijoski, Dr. Katerina Dimovska dhe Dr. Milena Spirkovska.

“Ardhja e tyre në botë na solli një gëzim të jashtëzakonshëm, por edhe një konfirmim se kur dija, përvoja dhe teknologjia moderne bashkohen, ne mund të kapërcejmë edhe sfidat më të mëdha. Melis, Mira dhe Malahat janë heroinat tona të vogla”, u shpreh ekipi i Qendrës për Nënën dhe Foshnjën.

Në tre dekadat e fundit, shkalla e shtatzënive të shumëfishta është rritur me 70%, dhe shtatzënitë natyrale me trinjakë – si kjo – janë një gjë e rrallë. Kjo lindje përfaqëson jo vetëm një sukses mjekësor, por edhe një simbol shprese, jete dhe humanizmi. I urojmë nënës znj. Mubexhel Bekteshova dhe trenjakëve tona, rikuperim të shpejtë dhe një jetë të mbushur me dashuri, shëndet dhe forcë.

Këtë verë, le të bëhemi heronj të shëndetit tonë 😎☀️
Parandalimi është thelbësor, prandaj kemi përgatitur çmime speciale që do të jenë të vlefshme gjatë gjithë verës ⛱️ deri më 31.08.2025.
Për të rezervuar terminin tuaj, telefononi në qendrën tonë të kontaktit 📞02/3091-4 ose rezervoni on-line duke klikuar në linkun e secilit ekzaminim.

• Ekzaminim stomatologjik/dentar 1000 denarë.
• Ekzaminim i plotë oftalmologjik 2520 denarë.
• Paketa kardio 4500 denarë.
• Stres test 4000 denarë.
• Ergospirometri 3500 denarë.
• EKO e gjendrës tiroide 2000 denarë.
• Ekzaminim neurologjik 2500 denarë.
• Ekzaminim nefrologjik 2500 denarë.
• Ekzaminim neurokirurgjik 2000 denarë.
• Ekzaminim ORL 2500 denarë.
• Ekzaminim pediatrik 2000 denarë.
• Ekzaminim gjinekologjik/obstetrik me ultratinguj 2500 denarë.
• PRISKA 1- 3500 denarë.
• Ekzaminim dermatologjik 2000 denarë.
• FotoFinder (skanim nishanesh) 5000 denarë.
• Trajtim Hydrafacial Signature 6650 denarë dhe Deluxe 7700 denarë.
• Ekzaminim specialistik për kirurgji plastike 2500 denarë.
• EKO e gjirit 2000 denarë.
• Mamografi 2D 4000 denarë.
• Mamografi 3D 5000 denarë.
• Osteodensitometri (Dexascan) 2000 denarë.
• Kolonoskopi virtuale CT 12000 denarë.
• Rezonancë magnetike pa kontrast 13000 denarë.
• Rezonancë magnetike me kontrast 17500 denarë.
• Rezonancë magnetike në të gjithë shtyllën kurrizore 21000 denarë.
• Zbulimi i HPV – nga urina e parë e mëngjesit ose nga mostra e strishës/tamponit – 2500 denarë.
• Test për sëmundjet seksualisht të transmetueshme – 14 mikroorganizma – nga urina e parë e mëngjesit ose nga mostra e strishës/tamponit (me metodën PCR) – 2500 denarë.
• Test për sëmundjet seksualisht të transmetueshme 3 njëkohësisht (Chlamydia trachomatis, Trichomonas vaginalis dhe Neisseria gonorrhoeae) nga urina e parë e mëngjesit (me metodën PCR) 1800 denarë.
• FMS për inkontinencë – 1 trajtim 1500 denarë.
• Dhomë hiperbarike – paketë me 10 trajtime 31500 denarë.

Klinika Zhan Mitrev dhe Federata e Basketbollit e Republikës së Maqedonisë nënshkruan një marrëveshje për bashkëpunim zyrtar mjekësor për sezonin 2025–2026, duke e bërë Klinikën partnerin zyrtar mjekësor të ekipeve kombëtare të basketbollit të Maqedonisë.

“Misioni ynë ka qenë gjithmonë të investojmë në shëndetin dhe cilësinë e jetës. Mbështetja e sporteve, veçanërisht basketbollit, i cili bashkon dhe frymëzon breza, është një zgjatje natyrale e këtij misioni. Kjo mbështetje pasqyron besimin tonë tek të rinjtë, në potencialin e tyre dhe në nevojën për udhëheqës të ardhshëm të fortë, të shëndetshëm dhe të motivuar. Jemi të bindur se përmes këtij partneriteti do të kontribuojmë në avancimin e arritjeve sportive dhe ajo që është më e rëndësishme, në afirmimin e tyre midis të rinjve, duke e bërë  ekspertizën tonë pjesë të suksesit të ekipeve kombëtare. Shëndeti i sportistëve duhet të jetë një përparësi, dhe ne jemi këtu për ta garantuar këtë”, tha Dr. Zhan Mitrev, themelues i Klinikës Zhan Mitrev.

Ky bashkëpunim përfaqëson një hap të rëndësishëm përpara për KFSM-në, duke ofruar kujdes mjekësor sistematik, cilësor dhe në kohë për të gjitha kategoritë e basketbollistëve që performojnë nën flamurin kombëtar.

“Mjekësia profesionale sportive është një faktor kyç për rezultate të larta. Falë këtij partneriteti me Klinikën Zhan Mitrev, anëtarët e ekipit tonë kombëtar marrin mbështetje shëndetësore të nivelit të lartë, diagnostikim, konsulta dhe kujdes të vazhdueshëm. Ne besojmë se ky është një model bashkëpunimi që do ta rris kujdesin për sportistët në një nivel të ri evropian”, tha Tome Glavçev, President i KFSM-së.

Me këtë marrëveshje, Klinika Zhan Mitrev jo vetëm që bëhet partner mjekësor, por edhe simbol i mbështetjes për sportin maqedonas, duke ndërtuar një urë lidhëse ndërmjet mjekësisë së nivelit më të lartë dhe përpjekjeve më të larta sportive.