Klinika Zhan Mitrev mori pjesë në Kongresin e 65-të Ndërkombëtar Mjekësor të Neuropsikiatrisë “Mind and Brain”
Prof. Dr. Vladimir Rendevski, specialist në neurokirurgji nga Spitali Klinik Zhan Mitrev, mbajti ligjëratën hyrëse në Kongresin e 65-të Ndërkombëtar Mjekësor të Neuropsikiatrisë “Mind and Brain”, i cili këtë vit u mbajt nga 21 deri më 24 maj në Pula të Kroacisë.
Ligjërata iu kushtua fushës së neuro-onkologjisë, ku prof. Rendevski prezantoi rezultatet e trajtimit kirurgjikal të tumoreve në bazën e kafkës, në rajonin e kreshtës sfenoidale. Në kuadër të prezantimit u paraqitën vlerësimet para dhe pas operacionit të pacientëve, si dhe materiale video të përpunuara nga mikroskopia intraoperative, e përdorur gjatë trajtimit të këtyre rasteve komplekse.
Me rëndësi të veçantë për Spitalin Klinik Zhan Mitrev është fakti se në këtë kongres prestigjioz u prezantua rrjedha operative dhe rezultatet pas operacionit të një pacienteje që ishte operuar me sukses rreth tre muaj më parë për një tumor kompleks në bazën e kafkës. Ndërhyrja kirurgjikale u krye nga prof. Rendevski dhe Dr. Mihail Taushanov, specialist në fushën e neurokirurgjisë.
Doc. Dr. Zhan Mitrev është një nga dhjetë studiuesit më të cituar në fushën e shkencave mjekësore. Kjo mirënjohje vjen nga hulumtimi i realizuar në kuadër të projektit ARBU – Renditja Akademike e Universiteteve të Ballkanit, për të cilën atij i është ndarë edhe një certifikatë.
Në ceremoninë e sotme të ndarjes së certifikatave ishin të pranishëm Prof. Dr. Milka Klinçeva dhe Dr. Emil Stoicovski, i cili në emër të Doc.Dr. Zhan Mitrev pranoi mirënjohjen, përkatësisht certifikatën.
Sipas listës së publikuar nga ARBU për profesorët dhe studiuesit në kategorinë Medical Sciences, Doc. Dr. Zhan Mitrev renditet në vendin e 8-të në Maqedoninë e Veriut, në konkurrencë me 100 studiues të renditur sipas kontributit të tyre akademik.
Përveç kësaj mirënjohjeje, Doc. Dr. Mitrev bën pjesë edhe në grupin e 25 studiuesve më të cituar në Maqedoni, gjë që përbën një konfirmim të rëndësishëm të kontributit të tij shkencor dhe hulumtues, të dukshmërisë së punës së tij dhe të ndikimit që ai ka në shkencën mjekësore.
ARBU është një projekt i dedikuar komunitetit akademik, studiuesve dhe studentëve, me qëllim ofrimin e informacioneve dhe indikatorëve relevantë për performancën akademike të universiteteve dhe studiuesve në rajon. Platforma përfshin të dhëna për vendet e Ballkanit, ndër të cilat Maqedonia e Veriut, Serbia, Kosova, Mali i Zi, Bosnja dhe Hercegovina, Kroacia, Sllovenia dhe Shqipëria, dhe paraqet një burim shtesë informacioni për institucionet që nuk janë të përfshira në renditjet më me ndikim në botë, si QS, Times Higher Education dhe Shanghai Ranking.
Kjo mirënjohje është një tjetër dëshmi e përkushtimit të vazhdueshëm të Doc. Dr. Zhan Mitrev ndaj zhvillimit të mjekësisë, veprimtarisë shkencore dhe hulumtuese, si dhe avancimit të praktikave shëndetësore përmes dijes, përvojës dhe kontributit të tij të njohur ndërkombëtarisht.
Përfshirja ndër studiuesit më të cituar përbën një nxitje të rëndësishme për investime të mëtejshme në shkencë, kërkim shkencor dhe publikime, si dhe për promovimin e studiuesve maqedonas në kontekstin akademik rajonal dhe ndërkombëtar.
Klinika Klinika Zhan Mitrev ishte pjesë e EADV Spring Symposium 2026, i cili u mbajt në Athinë, Greqi, një nga ngjarjet më të rëndësishme shkencore evropiane në fushën e dermatologjisë.
Në kuadër të simpoziumit, Dr. Anxhelka Ilieva prezantoi një punim shkencor kushtuar melanomës dhe qasjeve moderne imunoterapeutike, duke hulumtuar se si ndryshime të caktuara gjenetike mund të ndikojnë në përgjigjen ndaj trajtimit.
Punimi është rezultat i bashkëpunimit ndërmjet Laboratorit Gjenetik pranë Klinikës Zhan Mitrev, Marija Gjorgjievska, Xhansel Bukovec dhe Dr. Goran Kungullovski, si dhe Prof. Dr. Aimilios Lalas, profesor i dermatologjisë në Aristotle University of Thessaloniki dhe president i International Dermoscopy Society.
Pjesëmarrja në kongrese dhe simpoziume të tilla ndërkombëtare përfaqëson një pjesë të rëndësishme të përkushtimit tonë për edukim të vazhdueshëm, zhvillim shkencor dhe ndjekje të arritjeve më moderne mjekësore, me një qëllim të vetëm – kujdes më të mirë për pacientët.
Në Kongresin e parë ballkanik për kardiologji pediatrike dhe kardiokirurgji në Prishtinë, Dr. Zhan Mitrev mori pjesë si folës në një panel të veçantë të dedikuar trajtimit të sëmundjeve të lindura të zemrës, ku prezantoi përvojën, zhvillimin dhe rezultatet e klinikës sonë në fushën e kirurgjisë kardiovaskulare.
Duke folur për përvojën e klinikës në trajtimin e sëmundjeve të lindura të zemrës, ai theksoi se deri tani janë trajtuar me sukses rreth 1.570 raste, ndërsa klinika realizon rreth 1.000 operacione dhe rreth 800 procedura vaskulare në vit.
Në vështrim të zhvillimit të vazhdueshëm të trajtimit kardiovaskular, ai theksoi se që nga viti 2007 klinika ka avancuar ndjeshëm në diagnostikë përmes përdorimit të CT skanerit. Ai shtoi se ekipi ynë mjekësor sot është shumë i specializuar në diagnostikimin e sëmundjeve kardiovaskulare dhe përdor teknologji 3D të zemrës për trajtime më komplekse.
Në fund të prezantimit, Dr. Mitrev ndau dy raste të veçanta të foshnjave nga Kosova, të cilat ishin trajtuar me sukses nga sëmundje të rralla të zemrës, duke dëshmuar jo vetëm ekspertizën, por edhe ndikimin human të këtij profesioni.
Dita e Hapur dhe e Karrierës 2026 nën organizimin e UGD edhe një herë tregoi sa e rëndësishme është lidhja midis të rinjve, sektorit akademik dhe atij të biznesit. Ngjarja bashkoi mijëra studentë dhe nxënës të shkollave të mesme, si dhe mbi 50 kompani, duke krijuar hapësirë për komunikim të drejtpërdrejtë dhe mundësi të reja.
Klinika “Zhan Mitrev” ishte pjesë e këtij eventi të rëndësishëm me stendën e saj, e cila tërhoqi vëmendje dhe vizitueshmëri të madhe. Një numër i madh studentësh treguan interes serioz, duke drejtuar pyetje lidhur me mundësitë për praktikë dhe punësim në të ardhmen, gjë që edhe një herë konfirmon atraktivitetin e sektorit shëndetësor dhe besimin në punën tonë.
Veçanërisht na gëzoi fakti që stenda jonë u vizitua edhe nga pacientë të mëparshëm, të cilët ndanë përvoja pozitive dhe lavdërime, duke i dhënë vlerë shtesë gjithë ngjarjes.
Vazhdojmë të investojmë tek të rinjtë dhe të ndërtojmë të ardhmen së bashku.
Klinika “Zhan Mitrev” mori pjesë në panel-diskutimin “Dhurimi i organeve në Maqedoni”, i organizuar nga Organizata Studentore Mjekësore SOMA, në bashkëpunim me organodaritelstvo.mk, i cili u mbajt më 27 mars 2026 në Qendrën Multimediale të Fakultetit Ekonomik pranë Universitetit “Goce Dellçev” – Shtip.
Në këtë ngjarje morën pjesë Dr. Zhan Mitrev dhe Dr. Nikola Hristov, të cilët ndanë përvoja nga praktika e tyre e përditshme klinike dhe folën për procedurat moderne mjekësore që kontribuojnë në shpëtimin e jetëve njerëzore.
Në kuadër të diskutimit u hapën çështje të rëndësishme për dhurimin e organeve dhe transplantimin, jo vetëm nga aspekti mjekësor, por edhe nga ai etik dhe shoqëror.
Dhurimi i organeve nuk është vetëm një procedurë mjekësore, por një vendim që mund të nënkuptojë një shans të ri për jetë.
Biseda të tilla janë thelbësore për rritjen e ndërgjegjësimit dhe për ndërtimin e një qasjeje më të informuar dhe më të sigurt ndaj kësaj teme.
Menopauza nuk nënkupton vetëm ndërprerjen dhe mungesën e ciklit menstrual, por një ndryshim të rëndësishëm metabolik, ku estrogjeni si pika kryesore hormonale kontrolluese në organizmin e gruas zvogëlohet, duke shkaktuar një sërë ndryshimesh në shëndetin e përgjithshëm, përfshirë edhe sistemin kockor. Në kockën normale dhe të shëndetshme zhvillohen në mënyrë të alternuar dy cikle: procesi i ndërtimit (osteoblastet) dhe procesi i shpërbërjes së indit kockor (osteoklastet). Estrogjeni vepron veçanërisht në zbutjen e procesit të shpërbërjes së kockës, duke ndikuar te osteoklastet, kështu që për sa kohë që ai është në sasi të mjaftueshme në organizëm, shpërbërja e kockës mbahet nën kontroll, duke çuar në stabilizimin e masës kockore.
Me fillimin e menopauzës, sasia e estrogjenit në qarkullim fillon të ulet gradualisht dhe ndikimi i tij mbi qelizat e shpërbërjes së kockës (osteoklastet) zvogëlohet, kështu që kocka fillon të shpërbëhet më shumë sesa të ndërtohet. Ky proces është më intensiv në 5 deri në 7 vitet e para pas fillimit të menopauzës, ku mund të humbet deri në 20% e masës kockore.
Me hyrjen në menopauzë, niveli i estrogjenit bie ndjeshëm. Kjo çon në:
Rritje të presionit të gjakut
Rritje të kolesterolit
Prirje më të madhe për zhvillimin e aterosklerozës
Si rezultat, rreziku për sëmundje kardiovaskulare te gratë pas menopauzës rritet ndjeshëm dhe gradualisht barazohet me atë të burrave.
Si ndikon estrogjeni në zemër?
Estrogjeni ka efekt mbrojtës ndaj sistemit kardiovaskular, veçanërisht te gratë në periudhën riprodhuese.
Përmirëson cilësinë e enëve të gjakut, duke i bërë më elastike
Ndihmon në rregullimin e nivelit të kolesterolit (ul “të keqin” LDL dhe rrit “të mirin” HDL)
Zvogëlon inflamacionin në enët e gjakut
Ka efekt të favorshëm në presionin e gjakut
Për shkak të këtyre efekteve, gratë para menopauzës kanë rrezik më të ulët për sëmundje të zemrës krahasuar me burrat e së njëjtës moshë.
Ulja e indit kockor në fillim çon në një gjendje të quajtur osteopeni; nëse kjo gjendje vazhdon për një periudhë të gjatë pa diagnostikim dhe suplementim të duhur, pason osteoporoza, e cila është një fazë e avancuar e uljes së densitetit kockor dhe shoqërohet me rrezik të shtuar për fraktura. Osteoporoza është pa dhimbje dhe shpesh gratë nuk janë të vetëdijshme se kockat e tyre janë dobësuar derisa të ndodhë një dëmtim apo frakturë. Prandaj diagnostikimi i kësaj sëmundjeje duhet të jetë në kohë.
Standardi i artë për diagnostikimin e osteoporozës është osteodensitometria (DEXA skan), e cila përcakton densitetin e kockave, më shpesh në ije/ këllçe dhe shtyllën kurrizore. Vlerësimi bëhet përmes T-score, duke krahasuar densitetin e kockave të pacientit me atë të popullatës së shëndetshme. Vlera nga -1 deri në -2.5 tregon fazën e parë (osteopeni), ndërsa mbi -2.5 është kriter për osteoporozë.
Si plotësim i osteodensitometrisë, përdoren edhe analiza laboratorike si osteokalcina, beta cross laps, kalciumi, fosfori dhe vitamina D.
Rekomandimet janë që çdo grua mbi 65 vjeç të bëjë skrining për osteoporozë.
Për gratë më të reja se 65 vjeç, ky skrining rekomandohet vetëm nëse ekziston ndonjë faktor shtesë rreziku, si peshë shumë e ulët trupore (indeksi i masës trupore nën 19 kg/m²), përdorim afatgjatë i kortikosteroideve, menopauzë e hershme (para moshës 45 vjeç) etj.
Estrogjeni është një nga hormonet kryesore seksuale femërore dhe ka rol shumë të rëndësishëm në organizëm – jo vetëm në sistemin riprodhues, por edhe në ruajtjen e shëndetit të zemrës dhe enëve të gjakut.
A ndihmon terapia hormonale?
Terapia zëvendësuese hormonale (terapia me estrogjen) mund të ketë efekte pozitive te disa gra, por nuk rekomandohet për të gjitha. Ajo mund të:
Lehtësojë simptomat e menopauzës
Ndikojë pjesërisht në rrezikun kardiovaskular
Megjithatë, mund të sjellë edhe rreziqe (si tromboza ose disa lloje kanceri), prandaj vendimi për terapi duhet të merret gjithmonë individualisht, në konsultim me mjekun.
Çfarë mund të bëni për një zemër të shëndetshme?
Pavarësisht nivelit të estrogjenit, një mënyrë jetese e shëndetshme është kyçe:
Ushqim i balancuar (i pasur me fruta, perime dhe drithëra integrale)
Aktivitet fizik i rregullt
Kontroll i peshës trupore
Matje e rregullt e presionit të gjakut
Kontroll i rregullt i nivelit të kolesterolit dhe glukozës në gjak
Ndërprerje e duhanit
Estrogjeni luan një rol të rëndësishëm mbrojtës për zemrën, por me uljen/reduktimin e tij gjatë menopauzës, rreziku për sëmundje kardiovaskulare rritet. Prandaj është e rëndësishme që gratë të kujdesen me kohë për shëndetin e tyre kardiovaskular dhe të bëjnë kontrolle të rregullta.
Në kuadër të mbrojtjes së shëndetit të grave, në Klinikën Zhan Mitrev janë aktuale çmime promocionale dhe paketa për disa nga shërbimet. Këto paketa ofrojnë përfitime për të gjitha gratë që dëshirojnë të bëjnë panel hormonal për menopauzë, DEXA, konsultë për menopauzë si dhe vlerësim kardiovaskular.
Fytyra është gjëja e parë që njerëzit vënë re tek ne. Në të janë të shkruara vitet, përvojat, gëzimet dhe sfidat që kemi kaluar. Çdo buzëqeshje dhe çdo shikim lënë gjurmën e tyre.
Por me kalimin e kohës, procesi natyror i plakjes gradualisht ndryshon strukturën e fytyrës – lëkura humbet elasticitetin, indi dhjamor zhvendoset, ndërsa vija e nofullës dhe e qafës bëhen më pak të theksuara.
Shumë njerëz fillojnë të vërejnë një fytyrë në pasqyrë që duket më e lodhur sesa ndihen në të vërtetë. Pikërisht këtu kirurgjia estetike moderne ofron një zgjidhje – liftingu i fytyrës (facelift). Është një procedurë që nuk e ndryshon identitetin, por rikthen freskinë natyrale dhe harmoninë e fytyrës.
Çfarë është liftingu i fytyrës?
Liftingu i fytyrës është një procedurë kirurgjikale që ka për qëllim ngritjen dhe shtrëngimin e indeve të fytyrës, heqjen e lëkurës së tepërt dhe rikthimin e kontureve në pozicionin e tyre natyral.
Në vend që të krijojë një “fytyrë të re”, kjo ndërhyrje synon të krijojë një version tuajin më të ri, më të freskët dhe më të çlodhur.
Përse plaket fytyra?
Plakja e fytyrës nuk është rezultat vetëm i varjes së lëkurës. Me kalimin e viteve ndodhin disa ndryshime të rëndësishme:
zvogëlim i kolagjenit dhe elasticitetit të lëkurës
zhvendosje dhe humbje e indit dhjamor
dobësim i muskujve dhe strukturave fasciale
ndikimi i diellit, stresit dhe stilit të jetesës
Si rezultat i këtyre ndryshimeve shfaqen:
faqe të varura
linja nazolabiale të theksuara
“jowls” përgjatë vijës së nofullës
lëkurë e varur në qafë
Liftingu modern i fytyrës nuk fokusohet vetëm në lëkurë, por edhe në strukturat më të thella anatomike, gjë që mundëson rezultate natyrale dhe afatgjata.
Llojet e liftingut të fytyrës
Në varësi të nevojave të pacientit dhe shkallës së plakjes, ekzistojnë disa lloje:
– Mini lifting i fytyrës
Procedurë më pak invazive, e destinuar për pacientë me shenja fillestare të plakjes. Fokusohet në pjesën e poshtme të fytyrës dhe vijën e nofullës. Rikuperimi është më i shpejtë dhe rezultatet janë subtile dhe natyrale.
– Lifting klasik i fytyrës
Procedura më e zakonshme që trajton pjesën e mesme dhe të poshtme të fytyrës, si dhe qafën. Ripozicionohen indet më të thella dhe hiqet lëkura e tepërt, duke sjellë një rinovim të dukshëm.
– SMAS lifting
Teknikë që trajton shtresën më të thellë të fytyrës (SMAS). Me shtrëngimin e saj arrihen rezultate shumë natyrale dhe afatgjata.
– Deep plane lifting
Teknikë e avancuar që liron dhe ripozicionon strukturat më të thella pa shtrëngim të tepruar të lëkurës. Është veçanërisht efektive te shenjat më të theksuara të plakjes.
– Lifting i qafës (neck lift)
Shpesh kombinohet me liftingun e fytyrës për një konturim më të mirë të qafës dhe vijës së nofullës. Hiqet lëkura e tepërt dhe shtrëngohen muskujt.
Si duket procedura?
Liftingu i fytyrës zakonisht kryhet nën anestezi të përgjithshme ose anestezi lokale me sedacion. Ndërhyrja zgjat nga 2 deri në 4 orë, në varësi të kompleksitetit dhe procedurave të kombinuara.
Prerjet vendosen me kujdes:
përgjatë vijës së flokëve
rreth veshëve
pas veshit
Pas shërimit, ato bëhen pothuajse të padukshme.
Gjatë operacionit:
ripozicionohen indet më të thella
shtrëngohet shtresa muskulare-fasciale
hiqet lëkura e tepërt
përcaktohet vija e nofullës dhe qafës
Qëllimi është një pamje natyrale pa shtrëngim të tepruar.
Rikuperimi pas operacionit
Pas ndërhyrjes, pacientët qëndrojnë për një kohë të shkurtër nën mbikëqyrje mjekësore. Në ditët e para është normale të ketë ënjtje dhe mavijosje.
Ecuria e zakonshme e rikuperimit:
2–3 ditë pushim
ulje e ënjtjes dhe mavijosjeve brenda 1–2 javësh
heqja e qepjeve pas 7–10 ditësh
kthim në aktivitetet e përditshme pas rreth 2 javësh
Rezultatet përfundimtare bëhen të dukshme gradualisht pas disa javësh, kur indet stabilizohen.
Është shumë e rëndësishme të ndiqen me përpikëri rekomandimet e kirurgut:
shmangia e aktivitetit fizik
mbrojtja nga dielli
kontrolle të rregullta
Rezultatet – freski natyrale dhe vetëbesim
Liftingu më i suksesshëm i fytyrës është ai që nuk duket si operacion. Njerëzit përreth mund të mos e dinë saktësisht çfarë ka ndryshuar, por do të vërejnë se dukeni më të çlodhur, më të freskët dhe më energjikë.
Rezultatet mund të zgjasin me vite. Fytyra vazhdon të plaket natyrshëm, por nga një pikënisje “e rinovuar”.
Liftingu i fytyrës nuk është një përpjekje për të ndalur kohën – por një mënyrë për të rikthyer harmoninë mes asaj që ndiejmë dhe asaj që shohim në pasqyrë.
Ndonjëherë, ndjesia më e bukur është ta njohësh sërish fytyrën tënde – me të njëjtën buzëqeshje, por me një freski dhe vetëbesim të ri.
