Autor: zmc_piksel_dev

Alergjia, intoleranca ndaj ushqimit dhe mbipesha

Posted on by zmc_piksel_dev

Alergjitë dhe intoleranca ushqimore mund të lidhen me problemet e mbipeshës. Hulumtimet e bëra gjatë viteve të fundit tregojnë se: mbipesha shoqërohet me sëmundje inflamatore dhe se alergjitë si dhe intoleranca ndaj ushqimeve të caktuara, shkaktojnë një proces inflamator dhe përkeqësojnë përgjigjen e sistemit imunitar. Mekanizmat që shkaktojnë mbipeshë ende nuk dihen ende.

Gjenetika, jetesa në mënyrë të ulur për një kohë të gjatë, ngrënia e tepërt, veçanërisht konsumimi i tepërt i ushqimeve me shumë yndyrë dhe karbohidrate janë faktorë rreziku që ndikojnë në rritjen e peshës së individit. Në përgjithësi, konsumimi i një numri të madh të kalorive është pikërisht ajo që ndikon në shtimin e peshës.

Për shkak të ndryshimeve të ndryshme metabolike, ekziston një numër i madh procesesh inflamatore që ndikojnë në këtë gjendje. Disa nga këto procese lidhen drejtpërdrejt me alergjinë ndaj ushqimit dhe intolerancën ndaj llojeve të caktuara të ushqimit.

Intoleranca ushqimore

Intoleranca ndaj laktozës ose glutenit janë shembujt më të zakonshëm të këtij problemi dhe mund të shkaktojnë:

• Çrregullime gastrointestinale

• Probleme të lëkurës

• Ndryshime neurologjike

• Probleme të muskujve dhe reumatizmës

• Mbipeshë

Në këtë rast nuk bëhet fjalë për një përgjigje të sistemit imunitar ndaj disa lëndëve të caktuara ushqyese, por bëhet fjalë për një problem që lidhet me metabolizmin e sistemit imunitar.

Trajtimi më i mirë i mundshëm është të shmangni konsumimin e këtyre ushqimeve. Sidoqoftë, kjo jo gjithmonë do të thotë se do të mund të shmangni mbipeshën. Besohet se ekziston një lloj tjetër i intolerancës ushqimore i shoqëruar nga inflamacion i shkaktuar nga ushqime të caktuara, dhe prania e këtyre lëndëve ushqyese stimulon proceset inflamatore.

Alergjitë e shkaktuara nga ushqimi

Nëse jeni alergjik ndaj një ushqimi të caktuar, ai shkakton një reagim serioz imunitar që manifestohet menjëherë me një numër simptomash të cilat gjithashtu mund të jenë serioze: nga urtikaria, pezmatimi i ezofagut dhe dështimi i tyre si rezultat i shokut anafilaktik. Mënyra e vetme për të shmangur këtë problem është të shmangni ushqimet ndaj të cilave jeni alergjik.

Sidoqoftë, edhe kur reaksioni alergjik është shumë i butë, madje edhe kur është i pavërejtshëm, nuk identifikohet si i tillë sepse mekanizmat që shkaktojnë reaksionin inflamator aktivizohen gjithmonë gjatë marrjes së ushqimeve ndaj të cilave jeni alergjikë, madje edhe gjatë marrjes së sasisë më të vogël të këtyre ushqimeve. Si rezultat i kësaj, receptorët e insulinës bllokohen, dhe vetëm një sasi minimale e sheqerit në gjak është e mjaftueshme për të shkaktuar inflamacion të qelizave, e cila tejkalon sasinë e marrjes së kalorive dhe sheqeri shndërrohet në yndyrë e cila më pas akumulohet në qelizat yndyrore dhe nga aty nuk mund të eliminohet.

Ky lloj i reaksionit inflamator mund të matet ose zbulohet me anë të testit për antitrupa IgG, të gjeneruara nga sistemi imunitar si një përgjigje e këtyre lëndëve ushqyese. Prandaj, ky shqyrtim ka për qëllim zbulimin e këtyre antitrupave gjatë marrjes së ushqimeve të caktuara si dhe eliminimin e tyre.

Holter – Kur dhe përse duhet të vendoset?

Posted on by zmc_piksel_dev

Vendosja e holterit është një procedurë diagnostikuese e thjeshtë dhe pa dhimbje me anë të së cilës kryet monitorimi 24 orë dhe regjistrimi i njëkohshëm i presionit të gjakut dhe rrahjeve të zemrës së pacientit.

Kjo matje bëhet gjatë funksionimit normal të pacientit dmth. kur lëviz, pushon, fle, kryen aktivitete fizike…

Gjatë matjes së presionit të gjakut, merren vlerat aktuale të presionit të gjakut gjatë periudhës së ekzaminimit. Vendosja e holterit të presionit të gjakut për një periudhë prej një dite ju lejon të përcaktoni nëse ka ndonjë rritje të presionit arterial, dmth. hipertension.

Vendosja e holterit 24 orësh zakonisht përdoret si një procedurë diagnostike e cila shërben për diagnostikimin e hipertensionit (presionin e lartë të gjakut) ose për të matur luhatjen permanente të presionit të gjakut.

Mjeku gjithashtu mund të kërkojë vendosjen e holterit nëse pacienti ka vlera të larta të presionit të gjakut të cilat është e vështirë të identifikohen vetëm me anë të matjes. Holteri gjithashtu monitoron efektin e terapisë së përshkruar përsa i përket uljes së presionit të gjakut (rënien e hipertensionit).

Procedura për vendosjen e holterit është e shpejtë dhe e thjeshtë. Pajisja e vogël, e cila në të vërtetë është matësi, bartet në një qese të vogël rreth belit, e cila nga ana tjetër është e ngjitur në parakrahun e pacientit. Ky aparat mbahet veshur për 24 orë, gjatë së cilës presioni dhe pulsi maten çdo gjysmë ore.

Pas këtyre 24 orëve, holteri hiqet nga ana e mjekut dhe bëhet leximi i të dhënave të matura, më pas përpunohen dhe analizohen. Rezultatet e analizës do të tregojnë qartë luhatjet gjatë ditës-natës të pulsit dhe presionin arterial mesatar.

Nga rezultatet mund të shihet kur ndodhin ndryshimet e mundshme të rrahjeve të zemrës dhe ekzistencën e ekstrasistoleve, dmth. rrahje zemre të parregullta ose kapërcim. Gjithashtu mund të vërehen edhe ndërprerje të mundshme të rrahjeve të zemrës di dhe mund të zbulohet mundësia e përcaktimit të ndryshimeve që tregojnë ishemi të zemrës.

Një tjetër konfirmim i cilësisë së shërbimeve tona laboratorike

Posted on by zmc_piksel_dev

Vlerësimi më e lartë për fazën e parë të evaluimit të përfunduar me sukses për identifikimin e mikroorganizmave infektive të karakterit respirativ.

Duke u përpjekur vazhdimisht për të përmirësuar cilësinë tonë, Laboratori i Gjenetikës dhe Mjekësisë së Personalizuar në Spitalin klinik Zhan Mitrev, këtë vit u bashkua me programin për kontrollin e jashtëm të cilësisë në organizatën e lartë të certifikimit CAP (Kolegji i Patologëve Amerikanë), ku performanca ishte 100%. Ne morëm vlerësimin më të lartë në evaluimin për identifikimin e mikroorganizmave infektive me karakter respirativ.

Kërkesat e CAP plotësohen vetëm nga laboratorët më të mirë diagnostikues në Shtetet e Bashkuara të Amerikës dhe më gjerë, dhe kjo është një tjetër dëshmi se Spitali klinik Zhan Mitrev punon sipas standardeve më të larta Amerikane.

Përveç zbulimit të koronavirusit SARS-CoV-2, në laboratorin tonë zbulohen dhjetëra viruse dhe baktere të tjera infektive.

Ritmi i qetë i zemrës me anë të studimit elektrofiziologjik

Posted on by zmc_piksel_dev

Elektrofiziologjia është shkenca që studion vetitë elektrike të qelizave dhe indeve në një organizëm.

Çfarë është studimi elektrofiziologjik?

Studimi elektrofiziologjik është një ekzaminim invaziv që përdoret për të vlerësuar, diagnostikuar dhe trajtuar ritmet jonormale të zemrës tek pacientët.

Gjatë këtij ekzaminimi, mjeku ekzaminon sistemin elektrik të zemrës me ndihmën e disa telave të veçantë, të quajtur katetera të elektrodave, të vendosura në zemër, përmes të cilave regjistrohet elektrokardiogrami intrakardiak. Këto katetra të elektrodave vendosen përmes tubave të vendosura në venat e këmbës (në zonën e bikinit), krahë, shpatull ose qafë.

Katetrat e elektrodave përdoren për të matur sinjalet elektrike që gjeneron dhe përçon zemra gjatë funksionimit të saj. Në të njëjtën kohë, sinjalet elektrike dërgohen përmes të njëjtave tela në zemër me qëllim për të riprodhuar ritmin jonormal të zemrës.

Përse kryhet studimi elektrofiziologjik?

Këto teknika themelore ekzaminojnë një numër çrregullimesh të ritmit të zemrës dhe përdoren për të vlerësuar efektivitetin e trajtimit të ilaçeve në disa gjendje të aritmisë.

Konkretisht:

– Studimi i EF zakonisht bëhet për të trajtuar takikardinë tashmë të konfirmuar si dhe për të gjetur burimin e ritmit të parregullt të zemrës tek pacienti.

– Studimi i EF rekomandohet gjithashtu për të vlerësuar efektivitetin e ilaçeve të përshkruara në trajtimin e ritmit të parregullt të zemrës, si dhe për të vlerësuar shkaqet e humbjes së vetëdijes, palpitimeve…

– Studimi i EF rekomandohet gjithashtu për përcaktimin e shkaqeve të tjera që shkaktojnë funksionim jonormal të zemrës dhe që nuk mund të përcaktohen nga metoda të tjera jo-invazive

Roli i testit IgG SARS-CoV2 spike protein për antitrupa

Posted on by zmc_piksel_dev

Laboratoria biokimike në Spitalin klinik Zhan Mitrev mundëson testin e ri sasior IgG SARS – CoV-2 me anë të marrjes së mostrës së gjakut.

Testi IgG për zbulimin e antitrupave mund të na ndihmojë:

  1. Për përcaktimin dhe monitorimin e përgjigjes imune ndaj vaksinës, përfshirë edhe hulumtimet për përcaktimin e zgjatjes së përgjigjjes imune;
  2. Për vlerësimin e nivelit të antitrupave nëse është rezultat i përgjigjes natyrore ndaj virusit apo është rezultat i përgjigjes ndaj vaksinës;
  3. Për vlerësimin e nivelit të antitrupave në përcaktimin e potencialit për dhurimin e plazmës rikuperuese.

Më saktësisht,  me anë të këtij testi zbulohen antitrupat IgG, duke përfshirë  edhe antitrupat neutralizues në pjesën e receptorit lidhës (RBD) S1 mbi njësinë “spike” të proteinës së SARS-CoV-2, si dhe bëhet matja e përqendrimit të ashtuquajturve antitrupa IgG neutralizues ndaj COVID -19 nga prodhuesi Abbott – si gjenerata më e re e këtij lloj testi.

Testi është i çertifikuar nga CE, i aprovuar nga FDA. Ka ndjeshmëri dhe specifikë jashtëzakonisht të lartë klinike.

Testi IgG SARS-CoV2 spike protein kushton 1200 denarë dhe është i disponueshëm pa rezervim të terminit

Krenarë për arritjen tonë pas transplantimit të suksesshëm të zemrës

Posted on by zmc_piksel_dev

Ne kujdesemi për të gjithë pacientët!

Sot vizituam djalin 22-vjeçar të cilit dje iu dha një shans i ri për jetën. Ai është në gjendje të shkëlqyer, këtë e dëshmon dhe buzëqeshja e mjekëve. Ne jemi krenar për atë që kemi arritur, pas transplantimit të suksesshëm, ju FALENDEROJMË të gjithë për mbështetjen dhe fjalët tuaja pozitive!

Transplantimi i dytë i zemrës në vendin tonë tek pacienti 22 vjeçar

Posted on by zmc_piksel_dev

 

Një shans i ri për jetën e djalit 22-vjeçar

Mbrëmë u krye transplantimi i dytë i zemrës në vendin tonë. Profesionistë të lartë të shëndetit publik dhe privat kanë bashkuar forcat për herë të dytë për një qëllim më të lartë – shpëtimin e jetës njerëzore. Mbrëmë ata kryen operacionin që zgjati për katër orë në ambientet e Kardiokirurgjisë shtetërore, gjatë së cilës u bë transplantimi i suksesshëm i zemrës tek djali 22-vjeçar. Ekipi që kreu operacionin u drejtua nga Akademiku Dr. Zhan Mitrev së bashku me Dr. Nikola Hristov dhe prof. Dr. Sashko Jovev nga kardiokirurgjia shtetërore. Shumë falënderime për anëtarët e tjerë të ekipit të Spitalit klinik Zhan Mitrev të cilët morën pjesë: Dr. Tanja Angjusheva, Aleksandra Temelkovska, Katerina Ristovska-Janev dhe Aleksandra Ristovska-Tunev. Sigurisht një falenderim tepër i madh edhe për
Ministrinë e Shëndetësisë dhe  Ministrin Venko Filipçe.

Spitali klinik Zhan Mitrev filloi bashkëpunimin me Shoqatën Ndërkombëtare për Kujdesin Mjekësor të pacientëve të sëmurë në gjendje kritike

Posted on by zmc_piksel_dev

Në përputhje me angazhimin për të ofruar shërbime të larta për pacientët e sëmurë në gjendje kritike, Spitali klinik Zhan Mitrev është bërë pjesë e regjistrit global të virusit COVID-19 të drejtuar nga Shoqata Ndërkombëtare për kujdesin mjekësor të pacientëve të sëmurë në gjendje kritike, me bazë në SH.B.A. Të dhënat e përpunuara nga kjo organizatë do të përdoren për kryerjen e një analize gjithëpërfshirëse të trajtimit dhe rezultateve të pacientëve me virusin COVID-19 në të gjithë botën.

Qëllimi kryesor është të bëhet vlerësimi në kohë reale për sigurinë dhe efikasitetin e trajtimeve të COVID-19 përmes këtij regjistri.

Studimi universal i infeksioneve virale dhe sëmundjeve të frymëmarrjes, si një studim vëzhgues, përdor të dhëna nga të gjithë pacientët e rritur dhe të mitur të shtruar në spital. Nuk ka të dhëna identifikuese të pacientit. Për kryerjen e kësaj analize përdoren vetëm të dhëna anonime, pa gjeneralë, pra vetëm me numra identifikues.

Më konkretisht, regjistri global COVID-19 ndjek matricat intensive të trajtimit në spital pothuajse në mënyrë të drejtpërdrejtë.

Bashkëpunimi që do të realizohet së shpejti, është në thelb ndarja e të dhënave të paracaktuara në lidhje me COVID-19, e cila është thelbësore për zhvillimin e mëtejshëm të rekomandimeve dhe protokolleve në trajtimin e pacientëve të sëmurë në gjendje të rëndë.

Organizata  Society of Critical Care Medеcine është themeluar në vitin 1970 në Shtetet e Bashkuara dhe ka më shumë se 100 vende anëtare. Është një shoqatë e pavarur ndërkombëtare, arsimore dhe shkencore me seli në Shtetet e Bashkuara e cila këtë vit feston 50 vjetorin e saj.

Anëtarët e kësaj shoqate janë entitete shëndetësore që ofrojnë kujdes për pacientët e sëmurë rëndë ose të dëmtuar dhe është organizata e vetme që përfaqëson të gjithë përbërësit që janë pjesë e këtij lloji të kujdesit.

Kjo shoqatë mbështet kërkimin dhe edukimin për problemet që lidhen me kujdesin mjekësor të pacientëve të sëmurë në gjendje kritike. Shoqata publikon tre botime: mjekësia për kujdesin e pacientëve me sëmundje kritike, kujdes pediatrik për sëmundjet kritike dhe hulumtime për me sëmundje kritike, dhe janë të përfshirë në mënyrë aktive në zhvillimin e udhëzimeve dhe rekomandimeve me: Gazeta Kanadeze e Anestezisë, Akademia Amerikane e Pediatrisë dhe Raportet Kombëtare të Kongresit Amerikan.