Autor: zmc_piksel_dev

Farmacistët luajnë një rol të rëndësishëm në sigurimin e kujdesit efektiv të pacientit. Ata kanë njohuri dhe aftësi për të mundësuar menaxhimin e ilaçeve, këshillat shëndetësore dhe parandalimin e sëmundjeve, si dhe kujdesin shëndetësor primar.

Dita Botërore e Farmacistëve festohet në të gjithë botën sot, më 25 shtator! Kjo ditë u zgjodh nga Federata Ndërkombëtare e Farmaceutikës – IFF (International Pharmaceutical Federation – FIP) në 2009, dhe në fakt shënon ditën e formimit të federatës në vitin 1912.

IFF përfaqëson tre milion farmacistë dhe shkencëtarë farmaceutikë në mënyrë që të informojë shoqërinë për rolin e rëndësishëm të farmacistëve dhe shkencëtarëve farmaceutikë si një pjesë integrale e ekipeve shëndetësore.

Në këtë ditë, organizohen aktivitete për të promovuar rolin e farmacistit në përmirësimin e shëndetit në të gjithë botën.

Federata Ndërkombëtare Farmaceutike zgjedh çdo vit një fushë me përparësi si temë për Ditën Botërore të Farmacistëve. Motoja për vitin 2020 ndërkohë që përballemi me sfidat ndaj COVID-19 është: Transformimi i shëndetit global.

Kjo ka për qëllim ndërgjegjësimin e opinionit publik në lidhje me kontributin që japin farmacistët në të gjithë botën nga i cili të gjithë ne kemi benefit, siç është qasja e ilaçeve të sigurta dhe efektive, teknologjitë mjekësore dhe ofrimi i kujdesit farmaceutik. prandaj, roli i farmacistëve është tepër i RËNDËSISHËM!

Kjo do të jetë Dita e 10-të Botërore e Farmacistëve dhe do të përdoret nga anëtarët e Federatës Ndërkombëtare Farmaceutike në të gjithë botën për të nxjerrë në pah ndikimin dhe vlerën e farmacisë si profesion, si dhe rolin e farmacistit në përmirësimin e shëndetit.

Kanceri i gjirit është kanceri më i shpeshtë (i dyti në rradhë) i diagnostikuar tek gratë, pas kancerit të lëkurës dhe është shkaku i dytë më i zakonshëm i vdekjes nga kanceri, pas kancerit të mushkërive.

Statistikat tregojnë se incidenca e sëmundjes në nivel global është rritur në 30 vitet e fundit dhe kjo rritje është 3.1% në vit, ndërsa mortaliteti është i variueshëm.

Studimet tregojnë se kanceri i gjirit shfaqet mesatarisht tek 1 nga 8 gra gjatë jetës së tyre. Rreth dy të tretat e grave janë mbi 55 vjeç, dhe pjesa tjetër janë ndërmjet 35 dhe 54.

Gratë pas menopauzës janë dy herë më shumë të rrezikuara ndaj zhvillimit të kancerit të gjirit në rast se kanë probleme me mbipeshën.

ÇFARË ËSHTË KANCERI I GJIRIT

Shkaku i drejtpërdrejtë i ndryshimit nga një qelizë normale në qelizë malinje ende nuk është i qartë plotësisht, por gjenet e përfshira në zhvillimin, rritjen dhe vdekjen e qelizave janë përgjegjëse për shfaqjen e këtij ndryshimi. Në qelizë ekziston një ekuilibër ndërmjet rritjes dhe shkatërrimit (zhdukjes) së saj. Me humbjen e kontrollit të këtij ekuilibri, ndodh përhapja e pakontrolluar e qelizave të ndryshuara biologjikisht. Nëse këto qeliza lëvizin në vende në të cilat nuk gjenden zakonisht, atëherë kemi të bëjmë me kancer metastatik.

Kanceri i gjirit zakonisht fillon në një zonë të kufizuar në gjëndrat prodhuese të qumështit (karcinoma lobulare) ose në kanalet (karcinoma duktale) që çojnë qumështin në thithin e gjirit. Mund të rritet në gji dhe të përhapet pranë nyjeve limfatike ose përmes qarkullimit të gjakut të përhapet edhe në organet e tjera.

Gjithashtu, edhe tek meshkujt mund të shfaqet kanceri i gjirit, por bëhet fjalë vetëm për  1% të të gjitha rasteve të kancerit të këtij lloji.

Simptomat

Cilat janë simptomat e hershme të kancerit të gjirit?

• Shfaqja e ndryshimeve në thithën e gjirit
• Dhimbja e gjinjve, veçanërisht pas ciklit menstrual
• Shfaqja e gjendrës e cila nuk zhduket pas ciklit menstrual
• Sekretimi në ngjyrë të kuqe ose kafe nga thitha e gjirit
• Skuqje, ënjtje, pezmatim i lëkurës, kruajtje ose skuqje në lëkurën e gjirit
• Ënjtje ose gjendër rreth sqetullave ose në fund të gjirit

Faktoret e rrezikut

Ekzistojnë disa faktorë që rrisin rrezikun e kësaj sëmundjeje. Fatkeqësisht, nuk mund të ndikojmë tek më të rëndësishëm

Grupmosha – sa më e vjetër të jetë gruaja, aq më i madh është rreziku

Historia familjare – gratë tek të cilat anëtaret më të afërta të familjes kanë apo kanë pasur një sëmundje të tillë (nëna,motra ose vajza)

Faktori trashëgues – rreth 5 deri në 10% të të gjitha sëmundjeve të gjirit shkaktohen nga faktori trashëgues

Menstruacionet para moshës 12 vjeçare të cilat zgjasin edhe pas moshës 55 vjeçare

Gratë të cilat nuk kanë lindur fëmijë, ose kanë lindur pas moshës 30 vjeçare

Terapia hormonale

Konsumi i tepërt i alkoolit

Mbipesha

Parandalimi

Konsumoni më tepër ushqime të shëndetshme dhe të larmishme

Kryeni me shpesh lëvizje apo aktivitete fizike

Shmangni preparatet hormonale

Zbulimi i hershëm i sëmundjes

Vetëkontrolli

Kryerja e mamografisë tek pacientet pas moshës 40 vjeçare ose më herët – sipas rekomandimit të mjekut specialist kardiolog

Ekotomografia e gjirit

Imazhe rezonancë magnetike të gjirit

Ekotomografia e gjirit

Rezonanca magnetike e gjirit

Laboratori i mjekësisë gjenetike dhe të personalizuar brenda Spitalit klinik “Zan Mitrev” ka zhvilluar test të shpejtë për zbulimin e koronavirusit

Laboratori ynë, përveç qasjeve të tij diagnostike, është i vetmi laborator privat që kryen veprimtari kërkimore shkencore. Si pjesë e këtij aktiviteti, laboratori ka zhvilluar një test të shpejtë të zbulimit të koronavirusit duke përdorur përforcimin izotermik të ndërmjetësuar nga cikli i kundërt (RT-LAMP).

Testi është i vërtetuar në mënyrë interne nga mostrat e vlevshme të PCR tek 503 pacientë dhe ka ndjeshmëri dhe specifikë të shkëlqyeshme. Në mënyrë të ngjashme me PCR dhe RT-LAMP mundëson zbulimin e drejtpërdrejtë të virusit në mostër.

Nëpërmjet këtij testi është e mundur të merren rezultatet fillestare për 12-60 minuta, në varësi të përqendrimit të virusit tek pacienti. Laboratori është në kontakt me institucionet e autorizuara në lidhje me marrjen e licencës për të punuar me këtë test unik.

 

Laboratori gjithashtu kryen një test të shpejtë RT-PCR të aprovuar nga OBSH dhe listën e urgjencave të FDA. Përmes këtij testi, rezultatet merren për 30-45 minuta nga marrja e materialit në laborator.

Laboratori ynë është i pari në vend që ka bërë sekuencionimin e gjenomit të koronavirusit të ri (SARS-CoV-2) tek pacientët maqedonas dhe ka zbuluar se “lloji i virusit në maqedoni” transmetohet më lehtë në krahasim me “llojin e virusit në Wuhan”.

 

Për të gjithë ata që duan të humbasin peshë shpejtë dhe në mënyrë të shëndetshme, por që nuk kanë kohë për të përgatitur ushqim në shtëpi.

Paketë për terapi dietore dhe ushqim të gatuar për 30 ditë, me shërbim “delivery”.

Numri i vakteve në ditë: 3

Shërbim delivery: çdo ditë (përfshirë fundjavat dhe festat)

Çfarë duhet të bëni për të filluar terapinë tuaj dietore:

• Bëni rezervimin e terminit tuaj për konsultë nutritive me dietologun tonë dhe do të merrni një plan diete të personalizuar të krijuar posaçërisht për të arritur qëllimet tuaja

Terapia dietore e synuar:

• Terapisë dietore reduktuese për humbje efektive të peshës trupore
• Ushqim vegan
• Program detox 30-ditor për pastrimin dhe lehtësimin e problemeve nga sëmundjet e lëkurës
• Dietë ketogjenike reduktuese për humbje peshe efektive ose pastrim të shtresave të yndyrës
• Dietë për mbështetje dhe realizim të suksesshëm sportiv
• Dietë e ekuilibruar për personat me diabet, sëmundje kardiovaskulare.
• Ushqim për fëmijë

Çmimi i paketës për terapi dietore + 30 ditë ushqim + shërbim delivery = 22,000 denarë

Me datë 8 shtator shënohet Dita Botërore të Fizioterapistëve. Në këtë ditë, në organizatën e Shoqatës Maqedonase të Fizioterapistëve kryhen rregullisht aktivitete organizative të shumta nga ana e fizioterapistëve.

Këtë vit, Dita Botërore e Fizioterapistëve shënohet nën moton “Rehabilitimi dhe COVID-19”. Kjo ditë ka si fokus rehabilitimin e pacientëve pas infektimit me COVID-19 dhe rolin e fizioterapistëve në trajtimin dhe menaxhimin e personave të infektuar nga ky virus.

Fushata është përqendruar tek mesazhet në vijim:

• Ushtrimet luajnë një rol shumë të rëndësishëm në shërimin e personave me Covid -19
• Si ekspertë të lëvizjes, fizioterapistët mund t’i udhëzojnë pacientët se si stërvitja (ushtrimet) mund të ndihmojë në përmirësimin e tyre;
• Personat të cilët kanë probleme serioze të shkaktuara nga Covid-19 kanë nevojë për rehabilitim dhe fizioterapi për t’u rikuperuar nga efektet e trajtimit të sëmundjes;
• Aplikimi i konsultimeve online mund të sigurojë për pacientët qasje më të lehtë me fizioterapistët me qëllim për t’iu ardhur në ndihmë lidhur me trajtimin e gjendjes së tyre nga ndikimi i Covid – 19;
• Konsultimet online mund të jenë po aq efektive sa metodat konvencionale të kujdesit shëndetësor në përmirësimin e funksionit fizik.

Duke pasur parasysh se e gjithë bota është nën ndikimin e pandemisë, World Physiotherapy dhe OBSH rekomandojnë që të mos mbahen ngjarje me grupe të mëdha njerëzish për shkak të rrezikut të transmetimit të virusit SarsCov2, prandaj janë dhënë disa rekomandime edhe për kremtimin e duhur të kësaj dite.

Dita Botërore e Fizioterapistëve festohet çdo vit me datë 8 Shtator, ditën kur është themeluar Konfederata Botërore e Terapisë Fizikale në vitin 1951 e cila në vitin 2020 është riemëruar dhe ka marë emrin Fizioterapia Botërore (World Physiotherapy). Pikërisht, në këtë ditë fizioterapistët promovojnë profesionin e tyre që ka për qëllim:

– demonstrimin e rëndësisë së këtij profesioni në shëndetin dhe mirëqenien e popullatës globale

– realizimin e fushatave në emër të profesionit dhe pacientëve të cilat mbërrijnë deri tek qeveritë dhe krijuesit e politikave

– rritjen e nivelit të profilit të këtij profesioni.

Kjo ditë shënon unitetin dhe solidaritetin e komunitetit të fizioterapisë në të gjithë botën. Është një mundësi për të bërë të njohur punën që bëjnë fizioterapistët për pacientët e tyre dhe komunitetin.

Fizioterapia Botërore (World Physiotherapy) ka për qëllim  të mbështesë organizatat-anëtare të saja dhe  fizioterapistët individualisht në përpjekjet e tyre për të promovuar profesionin dhe për të përmirësuar shëndetin global, nëpërmjet Ditës Botërore të Fizioterapistëve.

Për herë të parë këtë vit, materiali promovues për shënimin e Ditës Botërore të Fizioterapistëve nga ana e menaxhmentit të Shoqatës Maqedonase të Fizioterapisë, në bashkëpunim me World Physiotherapy, është përkthyer në Maqedonisht për qasje më të lehtë për të gjithë kolegët në vend si dhe për pacientët, botuar në faqen e tyre zyrtare https://world.physio/wptday/toolkit