Месец: м.г

Еден ден на интензивна нега

Секојдневието помеѓу животот и смрта ја прави интензивната нега место за почит од страна на секој човек. Успешноста на оваа единица многу зависи од високо професионалната инсталирана апаратура т.н. р high tech технологија. Таа се однесува на поставените респиратори и монитори, хемодинамски централен мониторинг систем, примената на континуирана вено-венска ултрафилтрација,разни асист дивајси за срцева слабост како што е интраортната балон пумпа, можност за современа и софистицирана 3Д ултразвучна дијагностика.

Но, сето тоа е само апаратура која без врвно едуциран персонал кој континуирано ги следи последните новини во медицината сама за себе нема значење. Тимската работа , испреплетена со знаењата и искуствата стекнати низ многу врвни медицински едукациски настани ширум светот, го даваат резултатот и квалитетот на работата на интензивната нега во болницата „ Филип Втори“. Пациентите имаат 24-часовен мониторинг и соработка од повеке тимови кои заедно прават една компактнацелина: Тимот лекари, Среден медицински персонал, Физиотерапевти, Психолози,Болничари

Интервентните процедури како што се перкутано поставување на дренови во торакална и абдоменална шуплина за целна евакуација на изливи, цистостома се рутинска работа на овој едуциран персонал.Долголежечките пациенти кои се зависни од механичката вентилација, трахеостома ја добиваат на време, што е многу битно за нивното закрепнување. Концептот на исхрана за навремено и рано вклучување на ентерална исхрана е база на оваа установа. Пациентите кои не се во состојба да голтаат или пак внесуваат мала количина на храна добиваат перкутана гастростома.

Единицата има и одлична ендоскопска дијагностика- почнувајки од бронхоскопија и гастроскопија.На одделот за интензивна нега сместени се пациенти кои имаат сериозни здравствени проблеми, медицината и знаењето на персоналот помагаат во борбата за нивните животи , многу слаби и кревки луѓе на различна возраст да застаната на нозе, да живеат.

Бројките и статистиката се релевантниот показател за успешноста во работењето, но секој еден пациент кој престојувал на одделот за интензивна нега , не е само бројка. Секој од нив остава планина од спомени за персоналот, бидејќи во оваа единица се работи со многу љубов и луѓето овде не се машини туку луѓе со силни емоции.Стапката на смртност на целокупно лекувани пациенти во оваа единица изнесува 1,2% . Од вкупниот број на пациенти 75% се со слабо срце и висок ризик за смртност.

Статистиките говрат многу бидејќи на одделот за интензивна нега не се лекуваат само пациенти кои во болницата биле оперирани од срце, каротиди, периферни крвни садови, абдоменална, ортопедска хирургија, урологија , туку овде доаѓаат и екстремно тешки пациенти. Критични пациенти со терминален стадиум на срцева слабост, белодробна емболија, сепса, многумина од нив и во коматозна состјба. Горди сме што останале живи и се вратиле во своите домови кај своите најблиски, годри на својот труд и посветеност за да се направи се што е во рамките на човечките понекогаш и надчовечките напори.

Тука е приказната за 14 годишно момче во септична кома ,во која западна после повреда на дванаесетпалачно црево добиена во тек на скијање, приказна која заврши со среќен крај.

Момчето сега живее нормално, без последици од сите операции кои му се направија, но неколку месеци од неговиот живот ги помина на одделот за интензивна нега.
Приказната за тетка Слободанка која е лекувана од болка во левиот бубрег, и кај нас е донесена во шокова состојба со прсната аорта на ниво на дијафрагмата.

По четири месечно лекување ја испративме со роденденска торта. Приказната за малиот Иван кој имаше операцијата на тешка вродената срцева мана и неговиот 3-ти роденден го дочека на интензивна нега за среќа на неговите детски очи му организиравме роденденска прослава и големо изненадување.

И да не должиме тука се уште многу, понекогаш ни се чини недоброј приказни,сите со различни имиња но се една желба за оздрават. Продолжувањето на нивните животи нас персоналот од интензивната нега не прави горди на она што сме, сите тие се поттик да продолжиме да работиме како тим никогаш да не ги штедиме својата љубов и емоции за оние на кои им се најпотребни.

Роденденската торта од д-р Жан Митрев ќе ја помнам доживотно

Роден и израснат пред точно 30 години некаде помеѓу македонско-косовската граница, Артан Виља своето 30-то лето го наполни во болничката соба бр. 1 на Одделот за интензивна нега во болницата „Филип Втори“ . Немал никакви симптоми во овие изминати 3 децении кои ќе укажат на проблем со срцето, ниту една поинаква болка, ниту нешто што му било непознато до тогаш, поточно до овој јануари. Од почетокот на годинава почувствувал поразличен ритам на срцето од вообичаеното оттчукување, мислел ќе мине. Биењата биле толку силни што не можел никако да лежи на левата страна. Кога видел дека ситуацијата добива на интензитет решил да побара помош. Неговите пријатели од Косово му посочиле ако бара лекар за срце тогаш да оди само кај д-р Митрев , тој е најдобар. Така и направил:„ Дојдов во Вашата болница „Филип Втори“ ме прегледа д-р Шпенд Идризи. По направените испитувања , ми открија вродена срцева мана. Ми препишаа терапија со 3 видови на апчиња, морав да ја земам за да не дојде до моментот операција. Но, таа сепак не ми помогна, операцијата беше неизбежна. Немав избор морав да го решам проблемот оперативно ако сакам да живеам, а сакам имам само 30 години и толку не реализирани соништа. Се сеќавам пред оперативно со мене зборуваа неколку анестезиолози , колку нивната енергија и позитивна мисла можат да опуштата, колку е тоа битно во тие моменти. Не знам колку долго ме оперираа, знам вечерта кога се освестив се чувствував немоќен, но следното утро веќе застанав на нозе. Ме оперираше најдобриот д-р Жан Митрев. Тоа беше последниот ден во мојата 29-та година. Утредента ми беше роденден , последното нешто кое можев да го замислам е дека роденденот ќе го дочекам во болница. Д-р Митрев и неговиот тим ми приредија изненадување. Не очекував , но премногу се израдував. Лежев во болничкиот кревет чекајќи да дојде 16.00 часот и да ги видам моите родители на посета. Одеднаш на вратата се појави д-р Митрев со роденденска торта на која имаше свеќи со бројот на годините кои ги полнам. Дел од персоналот кој беше на смена ми ја испеа роденденската песна. Ја исеков тортата и си замислив желба. По се ова што го поминав посакувам сите болни да оздрават, ете тоа е мојата желба за полни 30 години.“

Вродената срцева мана кај Артан оперативно е решена успешно. Ден за паметење, години за живеење, како што кажа и Артан има уште многу планови кои го чекаат да ги оствари. Меѓу кои и довршувањето на факултетот, му останале уште две години. Информатиката и компјутерите се во зенитот на неговиот интерес.

Пасија му е фудбалот, како помлад тренирал но најверојатно поради проблемот со срцето не можел да одигра две плувремиња, како што вели добар е и во напад и во одбрана но центарот е неговто вистинско место. Имал сила само за 45 минути на терен. Барселона е неговиот сон , Меси идол. Врува и се надева дека сега од како е надминат проблемот со вродената срцева мана ќе може нормално да продолжи да живее, благодарноста за новиот живот и спасено срце доживотно му ја препишува на д-р Митрев , а овој роденден ќе го помни засекогаш.

Амбулантски анестезии

Амбулантските анестезии се користат за краткотрајни хируршки или дијагностички процедури кои можат да бидат непријатни или болни за пациентот. Анестезијата предизвикува краткотрајна состојба на вештачки сон и обезболување, за време на кој безбедно, брзо и безболно можат да се извршат соодветните процедури или зафати. Како и пред секоја друга анестезија, соодветно пред самата интервенција се зема кратка анамнеза од пациентот, ризик фактори, заболувања и се одбира соодветниот анестетик. Се поставува на неинвазивен мониторинг, ЕКГ, неинвазивно мерење на притисок и периферна сатурација. На пациентот му се дава да дише кислород на маска неколку минути пред самиот почеток на анестезијата, таканаречена преоксигенација. Покрај другото анестезијата предизвикува и антероградна амнезија, односно пациентот не се сеќава на ништо за време на процедурата. Се даваат и хипнотици, лекови кои предизвикуваат вештачки сон и на крај аналгетици, лекови против болка. Кога пациентот е безбеден во состојба на сон и обезболен може да се почне со соодветната интервенција.
Овој вид на анестезија може да се користи при:

едноскопски процедури (гастроскопија, колоноскопија, цистоскопија)

обработка и преврска на хируршки и хронични рани

дијагностички процедури (трансезофагеално ехо)

Пациентите после завршување на процедурите се будат за кратко време и се задржуваат уште два до три часа на опсервација, односно додека целосно не помине дејството на анестетиците.

Др. Тања Грамосли

Др. Марко Ѓоргон

Превенција и контрола на болнички инфекции

Инфекциите кои се поврзани со престој во болничка установа се нарекуваат болнички, интрахоспитални или нозокомијални инфекции, а нивната честота го одразува квалитетот на работа на секоја болница. Од таа причина Специјалната болница по хируршки болести “Филип Втори” има делотворна програма за превенција и контрола на болнички инфекции. Постојат тела за превенција и следење на ИХИ: Тим за контрола на инфекции составен од лекар и сестра и Комисија за ИХИ составена од повеќе клучни и инволвирани субјекти.Постои годишна програма за контрола на инфекции со јасно дефинирани цели, како и пишани протоколи и препораки за контрола на инфекции (протоколи за чистење, дезинфекција и стерилизација, за изолација, сместување и постапка со болниот, за начин на постапување со медицински отпад и друго).Се спроведува едукација на сите профили заради насоки во контролата на инфекции во процесот на пракса и дејствување.Многу е важно раното откривање, изолација и лекување на лица заболени од интрахоспитална инфекција. Се спроведува стратегија за контрола на болнички инфекции во смисол на контрола или елиминација на инфективен агенс, контрола на пренос на инфекција и контрола на резервоар. Се врши следење на инфекции заради откривање на епидемија и евалуирање на податоци кои би ја промениле праксата во процесот на превенција на болнички инфекции, како и контрола на бактериската резистенција кон антимикробни средства.Микробиолошка и епидемиолошка обработка на болниот се врши според клинички индикации.Тимот за контрола на инфекции е достапен за советување на персоналот 24 часа.Установата има обезбедено хигиенски сигурно опкружување за да се избегнат изворите и преносот на инфекции.Микробиолошката служба врши редовна контрола на неживата средина, како и контрола на бактерионосителство кај персоналот и посетителите.Вработените се должни да се придржуваат на сите пропишани протоколи кои се однесуваат на превенција на интрахоспитални инфекции.Здравствените работници кои ја имаат крајната одговорност за постапување со болните се должни да известуваат за сите нуспојави и состојби и подлежат на континуирана едукација.