Месец: м.г

На 13.06.2019 во просториите на Клиничка болница „Жан Митрев“ презентација на медицинска опрема одржа компанијата „УНИ-МЕДИКАЛ ПСТ“ од Скопје. Нејзина основна дејност е набавка, продажба и сервисирање на медицинска опрема. Таа поседува сертификат ISO 9001 во областа на: примена набавка, продажба и сервис на медицинска опрема, уреди и резервни делови.

Компанијата работи како директен и достоен ексклузивен претставник на повеќе реномирани светски имиња во производството на медицинска опрема како што се: ERBE Elektromedizin GmbH Germany (Електро-Медицина), Rudolf Riester GmbH Germany (Професионална Дијагностика), Fujifilm Japan (Флексибилна Ендоскопија), Dr. MACH Germany (Оперативни светла), Fukuda Denshi Japan (Ултразвучна Дијагностика, ЕКГ Апарати, Холтери…), Cardiatech International (АЕД Дефибрилатори), Neurosoft Russia (Невролошка опрема) итн. Дел од оваа медицинска опрема беше презентирана пред тимот на нашата клиника.

Во периодот од 31 Мај до 2 Јуни 2019 во просториите на Zan Mitrev Clinic по втор пат се одржа Кинезиотејпинг курс 1/2 ниво во организација на „Македонското физиотерапевтско здружение“ и „Фила Фарм“.

Курсевите кои се организираат во Македонија од страна на МФЗ се во директна соработка со „Kinesio University“ и „Фила Фарм“ со што на македонските физиотерапевти им овозможуваме да се едуцираат од основачите на оваа техника.

На овој настан всушност беше направена и официјална промоција на фармацевтската компанија „ФИЛА ФАРМ“ како дистрибутер на кинезио траките за државава. Гостите беа запознаени со локациите каде може да се набават оригинални кинезио производи и сите имаа можност да ја посетат „Фила аптеката“ која е во склоп на Жан Митрев Клиника. Учесниците на курсот имаа можност едукацијата да ја поминат со оригинални производи под водство на Сертифициран кинезиотејпинг инструктор ФТ.в Драган Димитријевиќ од Србија и како лаб.асистент Сертифициран кинезиотејпинг практичар Дипл. ФТ Блаже Арсов.

Во текот на три дена учесниците се стекнаа со знаење за правилно користење на кинезиотраките со цел постигнување на комплетна ефективност во третманот на пациентите со мускулно–скелетни заболувања. Во наредниот период, во ноември 2019 година ќе се одржи и третиот дел од овој курс, со што учесниците ќе можат да се стекнат со назив на сертифицирани кинезиотејпинг практичари (CKTP) од страна на Kinesio university од USA.

Регистрацијата за учество на КТ3 е веќе започната со што ги повикуваме сите физиотерапевти кои веќе ги имаат поминато КТ 1 и КТ 2 да се пријават во наредниот период на следниот е-маил president@mfz.mk за да си обезбедат свое место на курсот. Имајќи предвид дека за прв пат ќе се одржува ова ниво на кинезиотејпинг курсот КТ3 се очекува интересот да биде голем па затоа повикуваме навремено да се регистрираат за учество сите заинтересирани учесници.

Повеќе информации на веб страницата www.mfz.mk