Месец: м.г

• 

Денеска се одбележува светскиот ден на борба против ракот

Секој 4-ти февруари, Светскиот ден на борба против ракот го привлекува вниманието во светот кон ракот и неговата превенција, дијагностицирање и лекување, признавајќи ја посветеноста на организациите, заедниците и индивидуите за намалување на глобалното влијание на болеста.

Незаразните болести, меѓу кои е и ракот, се вбројува во 10-те најголеми закани за глобалното здравје на човешвото. Само во 2021 година околу 10 милиони луѓе ширум светот починале од рак. Но не е само предвремената смрт она што загрижува. Тука се изгубената продуктивност, здравствените трошоци, изгубените примања, намалениот квалитет на живот, попреченоста.

Затоа да дадеме сите придонес кон подигање на свеста дека голем процент (30 до 50%) на сите видови рак можат да се спречат доколку се преземат мерки навреме.

Можен е напредок!

Преку инвестирање, поголем пристап до информации, навремена дијагностика и лекување се зголемуваат шансите за преживување канцер.
Ние во Жан Митрев Клиник се приклучуваме кон иницијативата за информирање и навремена дијагностика по намалени цени. Во периодот од 7 февруари заклучно 31 март 20222 прегледите: ехо на дојка, 2Д, 3Д мамографија, компјутерска томографија на бели дробови и видеодермоскпското мапирње на кожата се на половина цена.

Не чекајте, закажете го вашиот преглед на 02/3091-484

• 

Скринингот за коскена густина, исто така наречен остеодензитометрија е напредна рендген технологија која се користи за мерење на густината на коскената маса и нејзино губење. DXA е актуелно воспоставен стандард за мерење на минералната густина на коските (BMD).

Овој преглед (скрининг) им помага на лекарите да дијагностицираат и лекуваат медицински состојби кои се поврзани со коскената густина. Пациентите при овој преглед се изложени на мала доза јонизирачко зрачење, со помош на кое се произведуваат слики од внатрешноста на телото. Рендгенските снимки се најстариот и најчесто користен начин за медицинско снимање.

DXA обично се прави на колковите и долниот дел на ‘рбетот. Кај некои возрасни и кај децата обично се испитува целото тело.

Кои се придобивките, а кои ризиците?

Придобивки:
– Остеодензитометрија (DXA) е едноставна, брза и неинвазивна процедура.
– Не е потребна анестезија и специјална претходна подготовка.
– Количината на зрачење што се користи е екстремно мала. Чисто за споредба ова зрачење е помало од една десетина од стандардната доза од направен рендген на градниот кош и помала од дневно изложување на природно зрачење.
– Скринингот на коскената густина DXA е моментално најдобриот стандардизиран метод достапен за дијагностицирање на остеопорозата и исто така се смета за точен проценувач на ризикот од фрактури.
– DXA се користи за да се донесе одлука за потребениот третман. Исто така може да се користи за следење на ефектите од третманот.
– По скринингот, нема никакво зрачење во вашето тело.

Ризици:
– Секогаш постои мала шанса да заболите од рак од изложување на зрачење. Сепак, со оглед на малата количина што се користи во медицинските слики, користа од точната дијагноза далеку го надминува поврзаниот ризик.
– Бремените жени задолжително треба да го известат лекарот или радиотехнологот за својата состојба.
– Понекогаш дозата на зрачење за овој процес може да варира.
– Не се очекуваат никакви компликации од процедурата DXA.

Резултатите од вашето испитување содржат две главни оценки:

Т-оценка: таа ја покажува вашата коскена густина во споредба со млада возрасна личност од ист пол со максимална коскена маса. Резултат поголем од -1 се смета за нормален. Резултатот помеѓу -1,1 и -2,4 е класифициран како остеопенија (ниска коскена маса). Оценката помала од -2,5 се дефинира како остеопороза. Т-оценката се користи за да се пресмета ризикот од развој на фрактура и, исто така, да се утврди дали е потребен третман.

Z-оценка: таа ја прикажува вашата коскена густина во споредба со другите лица во вашата возрасна група со иста висина, тежина и пол. Ако овој резултат е исклучително низок или висок, тоа може да укаже на потреба од дополнителни медицински испитувања.
Вообичаено може да се забележат мали промени помеѓу испитувањата поради разликите во позиционираност, но обично не се значајни.

Остеодензитометријата (DXA) како испитување е достапна во нашата клиника и на располагање се нашите радиолози и ортопеди кои се специјално обучени за снимање и толкување на овие резултати, и со својата професионалност и долгогодишно искуство ќе ви овозможуват соодветен и персонализиран третман.

Трендот на одбележување специјален ден, недела, или месец за подигање на свеста за најразлични заболувања и нивна превенција, во континуитет се засилува. Речиси секоја недела или месец е посветен на различна благородна кауза.

Американците се особено активни на оваа тема. Така почнувајќи од 2002 година тие го креираа ,,Денот на црвената облека,,. Секој прв петок во февруари, со носењето црвена облека всушност се искажува поддршката за подигање на свеста за срцеви заболувања.

Одбележувањето на овој ден на ваков начин има за цел да ги предупреди особено жените за нивната здравствена закана број еден – срцевите заболувања.

Срцевите заболувања се болести кои го зафаќаат срцето, крвните садови или и двете. Причините за срцеви заболувања се различни, но атеросклерозата или високиот притисок (хипертензијата) се најчестите. Дополнително, со стареењето доаѓа до голем број физиолошки и морфолошки промени кои ја менуваат кардиоваскуларната функција и доведуваат до последователен зголемен ризик од кардиоваскуларни болести, дури и кај здрави асимптоматски индивидуи.

Срцевите заболувања се водечка причина за смртност во светот. Од 1970 година со денеска, стапките на смртност од кардиоваскуларни болести се намалени во земјите со високи приходи, но во исто време, се зголемија драстично во земјите со низок и среден приход. Иако срцевите заболувања обично ги погодуваат постарите возрасни лица, првите знаци на кардиоваскуларните болести започнуваат порано во животот. Затоа, постои зголемен акцент на спречување на атеросклероза преку модифицирање или менаџирање на факторите на ризик, како што се здравата исхрана, вежбањето и откажувањето од цигари.

Облечете црвено денеска и потрудете се да живеете и да се храните поздраво, заштитете го здравјето на вашето срце.

Бремените жени не се заштитени од заразните болести за време на бременоста

Уште во IX век, научниците го сфатиле постоењето на поврзност меѓу бременоста и зголемената подложност на инфекции. До почетокот на XX век, оваа врска помеѓу бременоста и сериозните последици од заразните болести ги натерала лекарите да препорачуваат терапевтски абортус на трудниците со туберкулоза за да се намали ефектот на болеста врз мајката.

Иако оттогаш се развиени ефективни превентивни и терапевтски интервенции за лекување на туберкулоза, врската помеѓу бременоста и заразните болести останува и сè уште е проблем при други заразни болести. Истражувањата покажуваат дека кога е жената е бремена, нејзините адаптивните имунолошки реакции стануваат послаби, што се наведува како причина на намалениот вирусен клиренс забележан кај бремени жени.

Дополнително, доказите покажуваат дека вродениот имунолошки одговор на телото е зголемен за време на бременоста, за да одговори на намалениот адаптивен имунолошки одговор за заштита на бремената жена и нејзиниот фетус од последиците на инфекцијата.

Некои докази сугерираат дека бремените жени се поподложни на заразување со инфекции
Дополнително, неодамнешни студии навестуваат исто така дека бремените жени, исто така, може да бидат поподложни на заразување со заразни болести, како и да страдаат од потешки симптоми. Податоците покажуваат дека бремените жени може да бидат поподложни на заразување со ХИВ, листериоза и маларија, иако се потребни повеќе податоци за да се потврди оваа претпоставка.

Заразни болести кои можат да влијаат на фетусот

Заразувањето со сипаници за време на бременоста може да биде опасно и за мајката и за бебето. На жените кои се бремени им се советува да го контактираат својот матичен лекар веднаш доколку појават симптоми на сипаница или ако биле во контакт со некој што е заразен. Во многу земји, возрасните имаат имунитет на сипаници, меѓутоа дефинитивната потврда дали бремената жена е имуна или не се прави со тест на крвта.

Цитомегаловирусот (CMV) е вирус кој е дел од семејството на херпес. Тој е одговорен за предизвикување херпес, како и варичела. Иако инфекциите со овој вирус се чести кај децата, вирусот може да биде опасен доколку жената да се зарази за време на бременоста, а може да влијае на фетусот. Потврдено е дека бебињата родени од жени кои биле инфицирани со ЦМВ за време на бременоста може да страдаат од губење на слухот, слепило или оштетување на видот, епилепсија или тешкотии во учењето. Во случаи кога мајката не била заразена претходно и ја доживеала својата прва ЦМВ инфекција за време на бременоста, постои зголемен ризик за бебето. Здравствените работници советуваат да се преземат многу едноставни превентивни мерки за да се спречи пренесување на ЦМВ инфекции кај малите бебиња. Овие мерки вклучуваат редовно миење на рацете, избегнување бакнување на децата во лицето и не споделување прибор за јадење или чаши со деца.

Стрептокок од групата Б (GBS) ретко претставува опасност за бебето. Меѓутоа, во многу мал број случаи, инфекцијата може да помине од мајката на бебето и може да предизвика сериозни болести. На жените кои имале инфекција на уринарниот тракт со стрептокок од групата Б за време на бременоста, треба да им се понудат антибиотици за време на породувањето за да се спречи бебето да се зарази со вирусот за време на раѓањето. Одредени ситуации, исто така, може да доведат до поголема веројатност детето да се зарази со вирусот од мајката. Таков е случајот за време на предвремено породување, ако мајката имала треска за време на бременоста или ако водењакот ѝ пукне прерано.

Додека повеќето возрасни кои се инфицираат со хепатитис Б најчесто целосно закрепнуваат во рок од неколку месеци, бебињата кои се заразуваат од вирусот за време на бременоста се склони кон хронични инфекции, при што 90% од бебињата родени со инфекција развиваат хроничен хепатитис Б. На бремените мајки треба да им се понудат тестови на крвта за инфекција со хепатитис Б, така што на ризичните бебиња може да им се даде вакцина при раѓањето за да се избегне хронична инфекција и заболување на црниот дроб.

Слично на тоа, хепатитисот Ц може да се пренесе од мајка на бебе, а тестовите на крвта треба да се направат за време на бременоста за да се процени ризикот на детето. Иако пренесувањето на овој вирусот од мајка на бебе е помалку веројатно отколку кај хепатитис Б, во моментов не постојат методи за спречување на овој пренос.

Херпесот е уште еден вирус кој може да се пренесе од мајка на бебе, но сепак, тој може сосема да се спречи. Ако жената ја добие првата инфекција со херпес кон крајот на бременоста, најверојатно ќе се препорача царски рез како средство за спречување на пренесување на инфекцијата на детето.

Конечно, иако ХИВ инфекцијата веројатно нема да има значително влијание врз бремената мајка ако нема симптоми на инфекција, постои висок ризик таа да ја пренесе инфекцијата на своето бебе. За среќа, третманот за време на бременоста може да го намали овој ризик од 25% (без третмнан) на помалку од 1% со третман.

Генерално, важно е бремените жени да имаат пристап до ажурирани информации за влијанието на инфекциите врз нивното здравје и врз здравјето на нивното бебе. Иако многу инфекции можат да имаат негативно влијание и на мајката и на детето, постојат многу превентивни и терапевтски методи за заштита на здравјето на родителот и бебето за што можат да ве советуваат вашите лекари гинеколози.