Месец: м.г

Болеста на Осгуд Шлатер или остеохондроза претставува честа причина за појава на болки во предниот дел на коленото кај атлетски незрелата популација.

Клинички се манифестира како атрауматска, подмолна болка во предниот дел на коленото, со осетливост на местото на припојување на пателарната тетива кај тибијалниот туберозитет. Состојбата се јавува секундарно при репетитивни (повторувачки) стресни активности на механизмот на екстензорите на коленото, како што се скокање, спринт, при кошарка, одбојка, фудбал и сл.

Целокупното менаџирање и третман на оваа состојба вклучува третман со мраз, НСАИЛ (нестероидни антиинфламаторни лекови), модифицирани активности како и одмор од сите предиспонирачки фактори.

Етиологија

Ова заболување обично се развива во фазата на созревање на коските (10 – 12 години кај девојчињата и 12 – 14 години кај момчињата). Основната етиологија може да се препише на микротрауми на тетивите, фрактури, воспаленија и слично, кои потоа се манифестираат со оток, болка и осетливост. Како предиспонирачки фактори може да се наведат и слабост на квадрицепсите и тетивите.

Ризик фактори:

• Машки пол;
• Возраст: машки 12 – 15 години и девојчиња од 8 – 12 години;
• Ненадејно растење (во висина);
• Повторувачки активности како скокање, спринт и слично.

Клиничка манифестација

Најчесто се појавува болка која што е пропратена со оток која што се јавува непосредно по спроведување на активности од видот: трчање, возење велосипед, скокање, качување по скали, удирање со топка (максимална екстензија). Клиничката слика најчесто е локализирана на тибијалниот туберкулум.

Се карактеризира со:

• Болна палпација на тибијалниот туберкулум;
• Болка во истата регија која што се зголемува при одредени активности;
• Затегнатост (напнатост) во предел на натколеницата – квадрицепсите;
• Болка во натколеницата.

Третман

Најчесто при појава на симптомите се даваат НСАИЛ, мраз на место на болката, одмор и сл.

Физиотерапија

• Кинезиотејпинг апликација за намалување на едемот и стабилизација на коленото;
• Функционална магнетна стимулација;
• Криотерапија (локално);
• Истегнување во зглобот на коленото;
• Ограничени спортски активности 6 – 8 недели.

После соодветно спроведена дијагностика се прави индивидуален план за физиотерапија и се започнува со третманот. Не дозволувајте болките да ве ограничат во секојдневното функционирање.

Во Клиничката болница Жан Митрев една од водечките специјалности е ортопедијата. Нашиот тим е составен од искусни специјалисти: д-р Сашо Младеновски-ортопедски хирург; проф. д-р Константин Митев-специјалист по општа хирургија и супспецијалист трауматолог и проф. д-р Славчо Стојменски специјалист по општа хирургија, супспецијалист по трауматологија.

Едуцирани во врвни европски центри за најсовремен оперативен третман на оштетувањата на мускулно-скелетниот систем: минимална инвазивен третман на скршеници на коските, артроскопска хирургија, протетска замена на зглобови (колк, колено, рамо, лакт), третман на болести на рбетен столб, детска ортопедија, туморска патологија на коски и меки ткива како и регенеративна медицина со апликација на ПРП, матични клетки и хијалуронска киселина.

Што е ортопедија?

Ортопедијата е медицинска специјалност која се занимава со третман на коски и мускули. Ортопедската хирургија е гранка на медицината која се занимава со болести, повреди и состојби на мускулно-скелетниот систем кои се однесуваат на телесните мускули и скелет. Ова ги вклучува зглобовите, лигаментите, тетивите и нервите.

Кој лекува ортопедски состојби?

Доколку имате проблем со коските, зглобовите или мускулите потребно е да пристапите кон лекување на ортопедската состојба.
Вообичаено лекарот од примарна здравствена заштита може да ја дијагностицира болеста, по што треба да ве упати кај субспецијалист трауматолог или доктор ортопед.

Ортопедски хирург – трауматолог

Ортопедите и трауматолозите се едуцирани за лекување на патологија на мускулно-скелетниот систем. Тие можат да дијагностицираат состојби на коските, мускулите, зглобовите, тетивите или лигаментите. Тие, исто така, можат да лекуваат повреда, да обезбедат рехабилитација и да советуваат како да се спречи понатамошно оштетување на заболената област.

Нашиот тим ортопеди и трауматолози располага со мултидисциплинарно знаење од сите проблеми поврзани со мускулоскелетниот систем, а долгогодишното нивно искуството и примената на напредните дијагностички и оперативни процедури овозможуваат најсовремен третман на политрауматизирани пациенти на кои им е е загрозен животот.

За да закажете преглед може да се јавите во нашиот контакт центар на 02/3091-484.