Со особена гордост, денеска, Клиника Жан Митрев го одбележува својот роденден — 26 години постоење, посветени на животот, здравјето и иднината на пациентите.
Во изминатите децении, клиниката се изгради во столб на современиот здравствен систем на Република Македонија, поставувајќи нови стандарди во кардиохирургијата, а подоцна и во сите други гранки на медицината. Со континуирани инвестиции во технологија, знаење и кадар, нашата клиника остана рамо до рамо со најсовремената светска медицина, а често пати правејќи чекор понапред од сите други, се во полза и за доброто на пациентите.
Зад оваа успешна приказна стои визијата и лидерството на нејзиниот основач, доктор Жан Митрев, чија посветеност и реформаторски пристап ја позиционираа клиниката како лидер во регионот кога медицината е во прашање и врвните резултати. Неговата експертиза и храброст да воведува иновации ја трансформираа медицинската пракса и отворија нови хоризонти за пациентите.
За време на нашиот роденден Здружението за естетска медицина (ЗЕМ) денеска го организира Седмиот симпозиум за естетска медицина со меѓународно учество.
– Годинашниот симпозиум се одржува под мотото „Естетика во функција на севкупното здравје“, испраќајќи порака дека современата естетска медицина е интегрален дел од целокупното здравје за пациентот – информираше нашата докторка Анџелка Илиева, која е генерален секретар на здружението.
Во рамки на овој значаен стручен настан, Клиника Жан Митрев ги отвора своите врати за спроведување на практични работилници, на кои лекарите ќе ги надградат своите знаења — особено во областа на лекување на лузни и келоиди од изгореници, тема од исклучителна медицинска и хуманитарна важност.
Во симпозиумот активно учествуваат и тимовите од овој оддел на клиниката, со што установата ја проширува својата лепеза на услуги и во други медицински дејности. Паралелно, се воведуваат врвни брендови во естетската дерматологија, како и опрема која претставува последен крик на техника, технологија и знаење.
Благодарение на нашата неуморна работа и желба за прогрес, денес, клиниката е препознаена како:
- Најсовремена и реформаторска медицинска установа
- Центар на врвна експертиза и хирургија
- Партнер на глобалните медицински трендови
- Симбол на доверба за илјадници пациенти
Ветуваме и понатаму:
- Години на непоколеблива посветеност.
- Години на врвни резултати.
- Години на рамномерно чекорење со најсовремената светска медицина.
Клиника Жан Митрев — Каде иднината на медицината се случува денес.
