Автор: zmc_piksel_dev

Грижата за здравјето на сите, од било која возраст е приоритетна мисија на ZAN MITREV CLINIC.  Mens sana in corpore sano – во здраво тело здрав дух, како определба поттикнува  здрава исхрана и здрав начин на живот кој треба да се негува уште од најмала возраст. Во таа насока е и најновата соработка на ресторанот “Пулс“ кој функционира во Zan Mitrev Clinic со Интернационалната градинка Pikolini, како синоним за највисок стандард во сферата на згрижување и едукација на децата. Под мотото “За Здрави Деца со Здрава Исхрана“во тек е реализацијата на соработката за  воведување на здрава исхрана во градинкaта.

За најмладата популација тимот на професионални готвачи во болницата, согласно потребите и возраста на децата изработи т.н. скроени менија. Искусните готвачи од ресторанот “Пулс“ од ZAN MITREV CLINIC, секој ден, приготвуваат дневни оброци од одбрани и свежи продукти, а кои преку кетеринг услугата на ресторанот, навремено се  служат на децата од градинката.                                                                                                                                                                                 Избалансирана исхрана и стекнување здрави навики  од мали нозе е главната цел  на оваа заедничка соработка која треба да постигне и општествен импакт, да испровоцира вклученост и од други релеватни фактори. Затоа што проблемот со нездравата исхрана и дебелината кај децата е аларманта, светска тенденција која треба да се менува. Pikolini и Zan Mitrev Clinic отпочнаа да го спроведуваат тоа преку воведување на здрава исхрана и здрави животни навики во градинката, онаму каде децата поминуваат најмногу време од денот и каде ги стекнуваат своите навики и го градат погледот на светот.

Соработката е интердисциплинарна од едукативен и информативен карактер за најмалите. За нив ќе се организираат различни работилници и наменски настани, каде ќе треба да осознаат повеќе за нивната улога при водење на здрав живот преку исхраната и здравите животни навики.

СЕМАФОР НА ЗДРАВА ИСХРАНА
ГОТВИМЕ СО НАЈМАЛИТЕ “ШЕФОВИ“
ЗАПОЗНАЈТЕ ГО ЧОВЕКОВОТО ТЕЛО И ОРГАНИТЕ
ЦРТАМЕ ЗА ПАЦИЕНТИТЕ
КАМПАЊА- ДА СЕ ХРАНИМЕ ЗДРАВО

Ова се само дел од активностите кои треба да придонесат за здрава исхрана и правилен развој на децата и градење на свест за здрава исхрана.

“Во животот тежнееме кон среќа, но без здравје неа ја нема. Здравјето е основа на квалитетен живот“

д-р Жан Митрев, кардиоваскуларен хирург

“Односот кон храната е истовремено цивилизациски пристап на една личност. Храната е јадење, терапија, лек за организмот и убавина на едно дете. Наша животна мисија е заштита и одржување на здравје, негувани деца и нивен долг и здрав живот“

м-р. Марина Сивакова Тасков и проф. Бисерка Реџиќ Мухиќ.

ОГЛАС ЗА ВРАБОТУВАЊЕ

ОБЕЗБЕДУВАЊЕ

Потребни квалификации:

Лиценца за обезбедување на лица и имот
Возраст: до 30 години
Познавање на англиски јазик. Познавање на други јазици е предност.
Возачка дозвола Б категорија

Вештини и способности:

Одлични комуникациски способности
Одговорност и лојалност
Динамични, иницијативни и насочени кон резултати.

Доколку ги исполнувате горенаведените услови и квалификации, Ве молиме испратете го Вашето CV на следната е-маил адреса: info@filipvtori.com Ве молиме во предметот на пораката  задолжително наведете за која работна позиција аплицирате.

Само кандидатите кои ги исполнуваат условите ќе бидат повикани на интервју.

Сите пристигнати биографии ќе се третираат со максимална доверливост.

Огласот e објавен на 29.05.2017 година и ќе трае до 05.06.2017 година.

На 25 мај, 2017 на  отворањето на Филмскиот фестивал на Јуигоисточна Европа- SEE FILM FESTIVAL, д-р Жан Митрев ја прими престижната награда “SEE Personality 2017” или “Личност на ЈИЕ“ во доменот на европските интеграции на регионот.

Наградата која ја доби д-р Митрев претставува валоризација на неговата визија за обединета Европа. Ова беше потврдено и од организаторите на фестивалот кои му ја врачија наградата и искажаа благодарност за неговиот голем придонес за европеизација на Југоисточниот регион преку исклучителната професионалност и кариера.

На отворањето, пред елитната германска и европска публика, во присуство на сите амбасадори на земјите од регионот, беа доделени и наградите за животно дело:„Легенда на ЈИЕ“ на светски познатиот синеаст од Белград  Душан Макавејев, Гран при „Актер на ЈИЕ“ на Јон Карамитру од Букурешт, „Европа Прима“ на Аделеид Фајке – главниот уредник за Балканот на Дојче Веле.

Фестивалот се организира на две локации, Берлин и Париз, во чии рамки ќе се прикажуваат 15 филмови од исто толку земји од регионот, во Берлин 25-28 мај 2017, а од 31 мај-03 јуни, 2017 во Париз. Во официјалната конкуренција претставник на Р. Македонија е филмот „Златната петорка“ на режисерот Горан Тренчовски, за кого владее голем интерес кај берлинската публика.

Вечерва, на отворањето на Филмскиот фестивал на Јуигоисточна Европа- SEE FILM FESTIVAL, д-р Жан Митрев ќе ја прими престижната награда “SEE Personality 2017” во Берлин. Тој беше номиниран и избран за Личност на Југоисточна Европа за 2017 година, базирано на неговата исклучителна професионалност и кариера и големиот придонес при европеизација на Југоисточниот регион во Европа. Оваа награда преставува валоризација на визијата на д-р Жан Митрев за обединета Европа, потврдија од организаторите на Филмскиот Фестивал на Југоисточна Европа, каде претседател е Јордан Плевнеш.

Овој фестивал се организира на две локации, Берлин и Париз. Ова е 3-то издание на SEE FILM FESTIVAL во Берлин (25-28 мај 2017), во чии рамки ќе се прикажуваат долгометражни и кратки играни, документарни и анимирани филмови од ЈИЕ. Додека пак од 31 мај-03 јуни, 2017 со посебна програма ќе се случува 7-мо издание на овој фестивал во Париз. Во фестивалот се вклучени земјите од ЈИЕ, покрај Р.Македонија, Турција, Црна Гора, Хрватска, Косово, Романија, Словенија, Србија, Бугарија, Албанија, Грција, Босна и Херцеговина, Кирап, Унгарија и Молдавија, а е во организација на Универзитетот за аудиовизуелни уметности од Скопје, односно ЕСРА Париз-Скопје-Њујорк.

Пациентите имаат посебно место во животот на еден доктор. А кога некој искрено и со љубов го прави тоа, се грижи за нивното здравје дури и по заминување од болницата, тогаш се работи за исклучителност, инзворедност… За тоа нѝ зборуваа и потврдија нашите пријатели на кој го посветивме овој текст, а бевме почестени од нивната посебност, смиреност, енергија…

Сончевото утро навестуваше убав ден… Тргнавме кон охридско, кон манастирскиот комплекс во с. Лешани, единствениот во Македонија и Балканот посветен на Сите Светии.. Заминавме да ја посетиме мајка Илинка, како што ја нарекуваше персоналот од болницата, а која неодамна имаше операција на жолчката. Како што наближувавме до манастирот, водени по тесно алфалтирано патче низ густа шума, така енергијата која ветуваше смиреност и спокојство добиваше во интензитет. Влеговме во дрвената порта, која потсетуваше на византиско време, а камбанаријата која беше централно поставена од портата, тоа само го потврди… Ова беше стар манастир…Од 15 век, тоа ни го потврдија домаќините…Мајка Илинка и отец Вартоломеј, единствените во овој манастир…

“Добро ни дојдовте“, не пречека милозливиот глас… И додека се поздравуваме, дојде и отец Вартоломеј. Како што е редот заминавме на миропозамување во големата црква. Нѝ раскажа за историјата на црквата, за реставрацијата која се уште трае, но и за нивната посветеност кон одржување на овој комплекс кој изобилува со духовен мир и спокој. Големата црква воодушевува со богатиот фрескоживопис и чудотворната икона со Сите Светии. Ги забележавме и „Страшниот суд“ и „Второто Христово доаѓање“ во чија композиција се објаснети пеколот, рајот и соборот на сите светии – царството небесно. Посебно се задржа на изградбата на новата црква посветена на Покров на Пресвета Богородица и божјото чудо кое се појавило непосредно пред да почнат со градбата…  Се префрливме во манастирскиот конак каде ни понудија топол чај и локум за добредојде. Продолживме со разговорот, за состојбата на пациентката која неодамна беше оперирана од д-р Јован Мирчевски, абодоминален хирург, субспецијалист во ZAN MITREV CLINIC. Ни кажа дека се чувствува добро, дека има незначителни болки, но и дека ги следи упатстава на специјалистите. “Со д-р Жан Митрев се запознавме пред 2 години кога имав здравствени проблеми со срцето. Инсистирав да ми закажат преглед кај него, бидејќи само во него имав доверба. Откако ме прегледа ми кажа дека со срцето е се во ред… Но, ете требало пак да дојдам кај вас во болницата“, почна м.Илинка. Откако почувствувала болка во жолчката се јавиле во болницата и закажале преглед кај д-р Здравко Стојковски. Поради итноста на ситуацијата веднаш била направена операција од страна на д-р Јован Мирчевски.  “Прифатив без двоумење, за  се успешно и за кратко време да се заврши. Голема благодарност за целиот персонал кој плени со љубезност, но и од целокупната организација во болницата. Најголема благодарност за д-р Жан Митрев за неговата хуманост, тој е исклучителен професионален, но и прекрасен како човек, многу ведар и позитивен, “дополни Илинка.

“Пред да го запознаме д-р Жан Митрев, за него и неговите дела слушавме од наши пријатели, а тоа сега и лично го потврдивме. Воодушевени сме од неговата великодушност, добросрдечност, хуманост, човекољубивост и богољубивост. Ретки се такви умови, такви срца со толку високи и длабоки знаења и кои така искрено се посветуваат на човекот и на човештвото бидејќи во денешно време, повеќето гледаат низ призмата на користољубието“, започна отецот Вартоломеј.. Восхитен е и од болницата која пред да влезе ја замислувал како едно големо срце коешто зрачи со љубов. Тоа го почувствувал, како што ни потврди, не само од надворешноста, туку и во внатрешноста на објектот. “Од секој агол како да извира позитивна енергија и љубов, се чувствува енергијата која ја пренесува д-р Митрев насекаде, и во објектот и кај персоналот. Кај нив изобилува љубезноста, културата, како меѓусебно, така и со пациентите, воодушевени сме “, дополни отец Вартоломеј. На крај, сакаше да потенцираме дека д-р Митрев е голем божји дар не само за Р.Македонија, туку и за Европа. “Добрите дела и хуманоста на д-р Митрев ги претстави како круна на неговата работа.

Поминавме исклучителен ден во овој духовен храм, а не поканија да бидеме нивни гости на манастирската слава на празникот на Сите Светии, кој годинава е на 11 јуни. А, овде секој кој го почувствувал тој духовен мир и благодатта Божја, повторно би посакал да се врати.

Трета недела по ред, во рамките на Центарот за едукација- Жан Митрев Клиника, студентите од првата група кои се на тримесечна обука за средно медицински персонал ги следат предавањата и практичните вежби во болницата. Нивните едукатори, искусни и главни медицински сестри во болницата, од понеделник до петок низ теоретски предавања и практични вежби во секој од одделите,  ја водат групата од десет студенти. Сите се со заокружено формално образование за медицнски сестри или се студенти на Високата медицинска школа. Во согласност со програмата, на крајот на работната неделата полагаат устен, а во понеделник писмен дел од поминатиот материјал од таа седмица. За време на паузата, по завршувањето на вториот писмен испит, меѓусебно дискутираа и разменуваа мислење за тежината на последниот тест.

„Се подготвуваме многу за овој тест, прашањата беа од материјалот кој го изучувавме и сме задоволни од напишаното. Се надеваме дека и нашите едукаторки ќе бидат задоволни“, во еден глас зборуваа сите.

За нивните импресии, очекувања и постигнато до сега, ни споделија неколку размислувања… “ Концептот на изучување е на едно високо, светско ниво. Ова е повеќе од очекуваното и за мене е навистина привилегија што сум дел од оваа група на студенти. “Сакам да ја оправдам оваа можност која ни ја дадоа д-р Жан Митрев и менторките кои се навистина посветени кон нас, кои несебично и темелно се насочени кон едукацијата. Сето она што тие го собрале низ  годините, преку работата се трудат максимално да ни го пренесат“. “Ова е посебен вид на обука, која вклучува повеќе професионални методи. Условите се врвни и се надевам дека после завршувањето на едукацијата ќе бидам вработена во болницата“… “Голема благодарност до нашите едукаторки, сметам дека нивните очекувања се големи за нас, а ние со посветеноста кон едукацијата ќе се обидеме да ги оправдаме“…

Несебичната посветеност и професионален пристап кон пациентите кои се специфика за главните медицински сестри кои се ангажирани во Центарот за едукација се пресликуват и во односите кон идните колешки и колеги, секојдневно, низ предавањата и практичните вежби. “Нашата мисија е да ги воведеме  во работата, да им пренесеме сето она што сме го собрале како искуство низ долгогодишната работа. Да го извлечеме есенцијалното, суштинското и да им го пренесеме. Затоа што тоа треба да им биде стабилна база од каде ќе почнат ново вработените. Да ги сублимираме работите, да ги прилагодиме за нив, но и да оцениме колку од  нив се подготвени да се приклучат на нашиот тим. Иако тоа не е едноставно, сепак проверката на знаење на неделно ниво и евалуација на предавањата на дневно ниво, многу ќе помогне во крајниот избор. Сметам дека овој  концепт ќе им помогне како на ново вработените, така и на нас, да имаме слика за нивните капацитети и знаења“, изјави Александра Темелковска, главна сестра во клиниката и одговорна на Центарот за едукација.

За себе си вели дека е во групата на среќни пациенти… Затоа што, кога во 2001 година му се слошило, докторите кои го прифатиле во друга болница му давале уште 3 часа живот…  А тој, после операцијата со 7 бајпаса и 2 операции на каротиди, направени од д-р Жан Митрев, 16 години живее нормален живот…

„Јас сум 301-от пациент на д-р Жан Митрев. И ако животот знае да биде многу непредвидлив, да носи со себе добри и лоши денови, пријатни и непријатни ситуации, кај мене тасот навалувал повеќе кон непријатните, најтешките за еден родител“, го совладаа емоциите 75 годишниот Божин Божиновски.

Тој, заедно со својата фамилија беше дојден на редовна контрола. За него, докторите велат дека е дисциплиниран пациент. Од редовни контроли до терапии и континуирани консултации, што е позитивно и многу важно за еден пациент на кој му е извршена тешка и сложена операција. „Да не беше д-р Жан Митрев, Божин ќе го немаше. Од 3 часа кои му ги „даваа“ во друга клиника, нашиот доктор успеа да го врати во живот и благодарение на него сега е со нас. 7 часа траеше неизвесноста околу операцијата, но надежта не ме напушти во тие тешки моменти. И сега, 16 години потоа, неговото срце е добро, а Божин е витален и добро ги извршува редовните, секојдневни обврски“, се надополни неговата сопруга. Таа заедно со Божин беа на преглед во болницата, а откако го завршија се сретнаа и со „нивниот доктор“, како што го нарекуваат д-р Жан Митрев. Задоволни дека ќе споделат со него вести за нивната здравствена состојба неизбежно беше да продолжат со разговорот и за тоа како ги минуваат деновите во старост, со нивните внуци…