Автор: zmc_piksel_dev

Доктор Емилија Горгијева специјалист невролог во Специјална болница по хируршки болести „Филип Втори“ активно учествуваше на 3-тата „Интернационална конференција за срце и мозок“ која се одржуваше во Париз, Франција од 25 до 27 февруари 2016 година, со постер презентација на тема:  “Електроенцефалографски наоди кај пациенти со Перзистентен форамен овале“.

Овој конгрес се одржува еднаш годишно, а д-р Горгијева беше единствен претставник од Македонија покрај многуте земји учеснички  од целиот свет. На конференцијата свои излагања имаа познати доктори и професори од САД, Израел, Полска, Франција, Германија, Шпанија од кои учесниците на конференцијата имаа можност преку едукација да слушнат за новитетите од областа на неврологијата и кардиологијата.

Претставници на реномираниот австриски производител на медицинска опрема Lochmann i Rauscher (L&R) на д-р Жан Митрев му предадоа донација во вредност од 10.000 евра. Истата се состои во материјали за третман на рани и апарат за вакум третман на рани кој ќе бидат користени во новата болница. Континуираната соработката помеѓу  специјалната болница „Филип Втори„ и  производителот L&R постои неколку години. Нашата болница уште од својот почеток, а и сега во новиот објект продолжува да ги користи најдобрите медицински материјали неопходни во лекувањето на пациентите со гангрена и хронични рани.

Не случајно избран датум,  не случајно избрано време  01.03.2016, 16.00 часот. Се отвори една од најмодерните болници во Европа, новиот објект во кој ќе работи д-р Жан Митрев со својот тим. Точно пред 16 години  кардиоваскуларниот хирург д-р Жан Митрев ја направи првата бајпас операција во Македонија. Честа со д-р Митрев да ја отвори болницата ја имаше првиот опериран пациент г-динот Коста Шапков. На свечениот чин присуствуваше државниот врв, видни личности од општествено-културниот и политичкиот живот во земјава, како и врвни лекари од многу земји од светот. Д-р Митрев на своите гости им ја претстави болницата преку прошетка низ катовите, разгледување на просториите и на се она што значи последен збор на медицината применет преку  највиски стандарди во работењето. Во продолжение следува фотогалерија од овој дел на отворањето.

Во новата болница во која од 1 март ќе работи д-р Жан Митрев со својот тим применети се најновите методи, технологии и материјали за добивање на енергетски ефикасен објект во делот на греење, ладење, климатизација и вентилација (ГЛКВ). Болницата работи 24 часа на ден, затоа потребите за одржување на температура, влага, потребен број на измени на воздух се константни.

Изворот на енергија за ладење и греење на болницата е прв од повеќето фактори кои влијае на вкупната потрошувачка на енергија за системите  за ГЛКВ. Од енергетскиот биланс на потребите на болницата за ладна и топла вода во преодните периоди се изедначуваат или се многу блиску. Затоа како главен извор на топлинска/ладилна енергија беа одбрани поливалентни топлински пумпи вода/вода, со висок коефициент на искористливост (СОР) производ на Rhoss. Поливалентните топлински пумпи можат симултано и независно да даваат топла и/или ладна вода, доколку објектот тоа го побарува. Ова значи дека во случај на истовремени и спротивни оптоварувања, степенот на тотална ефикасност (total efficiency ratio -TER) ќе се зголемува значително.

За дистрибуција на медиумот за ладење/греење се примени најнова генерација енергетски ефикасни фреквентно водени циркулациони пумпи тип TP, TPE и MAGNA 3,производ на Grundfos.

За регулација на медиумот за дистрибуција се поставија баланс вентили, производ на Herz со кои се овозможува прецизна контрола на количината на медиумот за ладење/греење и со ова заштеди преку помали трошоци за работа на пумпите и изворот на енергија.

Втор главен потрошувач на енергија во болниците преставува системот за дистрибуција на воздух. Кај оваа болница ова преставуваше уште поголем предизвик затоа што  нема прозорци кои се отвораат и целата измена на воздух треба да биде принудна. За оваа цел се избраа климакомори производ на Trox и Rhoss  со највисока енергетска класа А, со енергетски ефикасни компоненти и вентилатори , контролирани од фреквентни регулатори.

Со цел да се намали енергијата потребна за дистрибуција на воздух, која во болниците преставува значителен дел од потрошувачката на енергија, за деловите на администрацијата и болничките соби како главен извор за ладење, греење и уфрлање на свеж  воздух се одбраа и вградија за првпат во болница во Македонија активни индукциони дифузори (active chilled beams).

Системот за ладење и греење со индукциони дифузори овозможува одличен термален комфор, зачувување на енергијата и ефикасно користење на просторот благодарејќи на топлинскиот капацитет на водата користена како главен топлински медиум.

Во режим на ладење, воздухот се кондиционира и климатизира па со температура од 16ºС се носи во DID632 индукционен дифузор со иструјни отвори. Овој тип на дифузор е способен да рециркулира околу 7,5(m³/h) од внатрешниот воздух преку неговиот топлински изменувач за секој 1(m³/h) на примарниот воздух кој се носи од климакомората.

Воздухот од климакомората покрива 20-30 % од сензибилните добивки и 100% од латентните, додека 70-80 % ќе се обезбедат ќе се обезбедат со ладење на собниот воздух преку изменувачот од дифузорот.

Во периоди на редуцирани потреби на ладење, протокот на ладна вода низ изменувачот од индукциониот дифузор ќе биде пригушена додека каналскиот и тоталниот издув на воздух ќе останат константни.

Практично кажано, ова значи редукција на тоталната количина на воздух во климакомората од 25 до 50% во однос на комплетен воздушен систем, а како последица на тоа и намалување на вентилаторите и соодветно нивните капацитети.

За контрола на водената страна кај активните индукциони дифузори се применија шестокраки вентили, производ на Belimo,поврзани со соодветен термостат со кој се овозможи варијабилен проток на водена страна, кој пак овозможува дополнителна заштеда на енергија. За контрола пак на главните дистрибутивни гранки, се поставија баланс вентили производ на Herz за контрола на протокот во спрега со контролери на диференцијалниот притисок. Ова овозможува заштеда за работата на циркулационите пумпи.

За контрола на воздушната страна, се применија регулатори на проток, производ на Trox,  тип VFL,  кој независно од промената на притисокот во каналот, пропуштаат однапред определена количина на воздух. Ова значи прецизна контрола и намалени трошоци за работа на климакоморите.

За деловите од болницата(интензивна нега, операциони сали, стерилизација) каде се бараа посебни хигиeнски услови, се поставија вртложни дифузори со Хепа филтри и соодветни  VAV/CAV регулатори на проток ,тип TVR-Easy производи на  Trox. Оваа опрема со својот висок квалитет овозможи прецизна регулација и сигурност во работењето на овие витални делови од болницата.

Како 100 % резервен систем за греењето , се поставија кондензациони гасни котли,поврзани во каскада,вкупно 15 котли, секој со капацитет до 120(kW) со висок степен на полезно дејство од 108 %, тип VUH производ на Vaillant .

По повод отворањето на новата болница во Скопје во која ќе работи тимот на д-р Жан Мтрев, нашата поликлиниката во Битола во месец март има акција од 50% попуст за прегледи на ‘рбетен столб кај деца .

Оваа акција вчера беше најавена преку едукативни предавања кои ги одржа ортопед д-р Сузана Јанчевска вработена во поликлиниката „Филип Втори“ во Битола. Темата на истите беше „Деформитети на ‘рбетениот столб – сколиози и кифози“ , а се одржаа во три основни училишта, „Славко Лумбарковски“, „Елпида Караманди“ и „Коле Канински“. Предавањата беа едукативни, полни со информации и прилагодени на возраста на децата. Преку сликовити прикази на релани состојби , статистики,  како и совети за правилно држење на телото при секојдневните активности на ‘рбетниот столб.

„Од голема важност се средбите со учениците на возраст од 8-10 години пред почетокот на пубертетот затоа што во периодот на интензивен раст (пубертет) заради бурни хормонски промени, мускулоскелетниот систем, а посебно ‘рбетниот столб е вулнерабилен и подложен на деформитети. Ако на ова се надоврзе и современиот начин на живот (огромниот број на часови во седечка позиција на училиште, дома пред компјутер и ТВ, неодволнa  физичка активност кај голем дел од основците, носењето на преполни училишни чанти, проблеми со видот како и генетска предиспозиција ) ризикот за настанување на деформитети на ‘рбетниот столб е многу голем. Доколку и пред пубертетот кај детето постоел некаков деформитет на  ‘рбетниот столб, во периодот на интензивен раст деформитетот рапидно ќе се зголемува. Статистиките покажуваат дека 15% од школските деца имаат искривување на рбетниот столб и дека овој процент од година во година се зголемува. Околу 20% имаат неправилно држење на телото , 91% од учениците имаат неправилен седечки став, 80% од возрасните имаат искривен рбет (2/3 не ни знаат се до појавата на болки и други потешкотии), што укажува дека лошото држење на телото во детската возраст преминало во деформитети, 15-27% од децата кои имаат сколиоза  имаат родители кои го имале истиот проблем “ изјави д-р Јанчевска.

Затоа е повеќе од потребна едукацијата на децата а посебно внимание треба да се посвети на превенцијата. Детскиот ‘рбетен столб може да го зачуваме преку добра физичка активност, времето пред компјутер да се ограничи на 30 минути дневно, здрава и избалансирана храна, адаптација на училишните клупи според возраста на детето, училишните ранци да не се поминуваат 15% од телесната тежина на децата.

Тимот на д-р Жан Митрев  и понатаму ќе спроведува активности кој ќе водат кон  зачувување на здравјето кај најмладата популација.

Како што беше најавено и лани на официјалното потпишување на договорот помеѓу д-р Жан Митрев како директор на Специјалната болница „Филип Втори“ и Кирил Лазаров како заштитно лице на КМГ Спорт агенцијата, меѓусебната соработката продолжува и оваа година.

Средбата на ракометарот на Барселона Кирил Лазаров и д-р Жан Митрев се случи непосредно пред заминувањето на капитенот на македонската репрезентација кон исполнување на своите обврски во пролетниот дел од сезоната кон европскиот шампион Барселона.

„Еден од темелите на овој проект, многу важен за мене и мојот тим е секако и партнерството со болницата на д-р Жан Митрев, во сегментното на здрави животни навики како предуслов за создавање на здрава иднина и здрави спортисти. Самото учество на една врвна здравствена институција како што е „Филип Втори“ дава една посебна тежина на кампот каде што се создаваат идните македонски репрезентативци и пред се комплетни личности. Среќен сум што продолжува нашата заедничка соработка во градење вредности како што се подигање на здравствена култура на населението, со нагласок на младите генерации. .- потенцираше нашиот најдобар спортист Кирил Лазаров на средбата со д-р Жан Митрев.

Новата болница која се гради изминативе 3 години беше местото каде што се сретнаа двајцата асови.

„Драго ми е што ја продолжуваме соработката со најдобриот ракометен голгетер на планетава и што заедно работиме во името на здравјето и добрите нешта во животот, преку едукација на децата. Продолжувањето на овој договор го официјализираме овде во оваа нова болница која официјално ќе се отвори на 1 март со што Македонија ќе добие една од најмодерните болници во Европа. Со највисоката smart технологија применета во медицинските апарати, современа технологија на изградба на објектот, болница со сите европски стандарди на работа А тестирана, ЕКО зелена зграда. Оваа болница го има најмодерниот дијагностички центар , сали за ангиографија, компјутерска томографија, магнетна резонанца (со максимална безбедност на пациентите и најпрецизни резултати) како и оддели за интензивна и полуинтензивна нега . Располага со 6 модуларни операциони сали, покрај стандардните болнички легла нудиме можност и за DE LUX апартманско сместување на пациентите. Мојот тим и овој јуни ќе го даде максимумот од себе за здравјето на децата кои ќе бидат во кампот. Преку 24 часовниот здравствен мониторинг на децата, со 2 доктори, физиотерапевт и психолог. Децата пред заминување во Охрид исто како и минатата година ќе бидат комплетно прегледани од наша страна , за да бидеме сигурни во нивната здравствена состојба додека ги учат ракометните вештини од најдобриот ракометар.“ Изјави д-р Митрев .

Едукацијата за здравјето добрите животни навики во функција на спортот ќе бидат задолжителен дел и оваа година, а за нив е задолжен тимот на д-р Митрев, кој истите ќе ги спроведе преку работилници.

„Ракометниот камп Кирил Лазаров 7“, во 2016 година заради огромниот интерес од страна на децата ќе се одржи во 2 смени во периодот од 17-23 и 24-30 јуни.

Сперед организациониот план новата болница „Филип Втори“ која наскоро ќе биде отворена е поделена на 4 ката, плус покрив каде што е сместена целата машинерија за климатизација.

Болницата е изведена со 4 пристапи за комотна циркулација на сите кои влегуваат и излегуваат од неа. Преку главен влез, влез за лица со посебни потреби кој воедно е организиран и како влез на итни болни и директен пристап кон итната служба, службен влез и помошен страничен влез.

Преку посебен економски влез се обезбедува ефикасно функционирање на економскиот и комерцијален дел од објектот, управување со медицинскиот и комуналниот отпад, набавки, сервисирање итн. Овој сервисен влез во целост придонесува кон непречен проток на луѓе и возила и кружно сообраќајно движење.

Сутерен

Во сутеренот се сместени магацините за фармација, персоналните гардеробери, стерилизацијата, која е комплетно опремена од фирмата „Бланко“, со ултразвучни кади за перење на инструментите.

Во тој дел се сместени и пералната за алишта, како и посебна перална за болничките кревети. Остава за хранливи продукти, остава за медицинска апаратура . Овој дел е обезбеден со Хепа филтри кои даваат висока чистота на воздухот.

На овој простор  се наоѓа и делот за физикална терапија, со неопходната апаратура за кардио, ортопедска рехабилитација, архива, инжиниерија за логистика на целокупната апаратура во болницата , како и галенска лабораторија.

Приземје

Во приземјето од објектот е делот за дијагностика. Од главниот влез до главниот лифт лево е поставен  шалтер каде секој посетител може да ја добие неопходната информација.

На истата страна се наоѓа неинвазивниот дијагностички дел со постоечки амбуланти за кардиологија, интерна медицина, неврологија, коронарен стрес тест, неинвазивна дијагностика во кардиологијата, ултразвук дијагностика, невролошки иследувања како ЕЕГ, ЕМГ. Наспроти овој дел е сместен делот за инвазивна дијагностика обезбеден со специјални хепа филтри за чистота на воздух и овде на дневна основа се прават сите ендоскопии – од урологија,  цистоскопија, биопсии, гиниколошка ендоскопија, гастроскопија и колоноскопија, третман на хемероиди со биопсии, мала интервентна сала со можност за третман на рани. Овие простории се обезбедени со анестезиолошки апарати и ЕКГ мониторинг. Веднаш до нив е лабораторијата која е  модерно оперемена со можност за сите видови биохемиски анализи, имунологија, тумор маркери, трансфузија, како и микробиологија.

Во главниот хол има аптека за продажба на лекови, менувачница и мала кафетерија. Од десна страна на главниот влез е сместена целата рентген дијагностика – компјутерска томографија, рентген и ангиографија. Сите се последна генерација на „Филипс“, со минимално зрачна технологија за пациентите и за персоналот. Со максимално прецизни резултати и со најкраток временски период за добивање на истите.

Просториите се со специјална оловна заштита. Во овој дел е поставена и магнет дијагностиката, која исто така е од последна „Филипс“ технологија. Покрај ова болницата комплетно е опремена со Филипсови ултразвучни апарати. Целокупната Филипсова технологија е смарт технологија последна генерација и отворен систем каде секоја новина во однос на проекции  и пресеци континурано редовно се aпдејтира на рентген и магнет компјутерскиот систем.

Со вградивање на овие апарати болницата е веќе етаблирана како ФИЛИПСОВ РЕФЕРЕНТЕН ЦЕНТАР ЗА ДИЈАГНОСТИКА.

Во овој дел е сместена и итната служба со посебен влез и  една операциона сала обезбедена со 5 креветни места опремени со инвазивен мониторинг и респираторни машини. Операционата сала е монтажна, модуларен  блок систем од италијанско производство „СХД“ , а опремата оперативниот стол од марката „Трумф“ и операциони светла и ампели од познатиот „Дрегер“.

Балија Ресим (44) , Марко Барукчиев (41)  и Мирко Крстевски (46) најтешките денови од нивниот живот ги поминуваат заедно. Сега кога најлошото е зад нив, ни раскажаа за периодот  во кои  животот им висел на конец. Сите тие премрежја, погрешни дијагнози, неправилни лекувања  се тоа е минато. Во болничката соба број  1 на одделението на интензивна нега,  низ шега ги нарекуваме тројцата мускетари, заради мотото ( заедничката приказна)  „ СИТЕ ЗА ЕДЕН  –  ЕДЕН ЗА СИТЕ „ . Разговорот го започнавме со најмладиот од нив Марко , огорчен  заради состојбата  и сплетот на околности поврзани со неговото здравје  , но сепак среќен што е жив.

„ Првите симптоми ги почувствував некаде во октомври,  непријатно  пецкање во нозете околу глуждовите,  како инсекти да ме лазат и многу брзо се заморував. Не можев да изодам ни стотина метри. Заминав на лекар, ми посочија дека мора да се направат повеќе прегледи . Тоа бараше многу време и нерви. Една болница , втора,  трета , нефункционални  апарати , немање на одредени реагенси, сите овие работи ме трошеа, премногу.  Лежев на клиника , состојбата ми се влошуваше. Ежекционата фракција на срцето  ми беше на 20.  Отоците не ми сплавнуваа, очајна состојба. Сакав да најдам болница во која може сите испитувања да ги направам на едно место. Морав да потпишам дека излегувам по своја волја , само губев време , не знаев дека морало да лежам 35 дена па потоа да ми направат коронарографија. Заминав од таму, терапијата ја продолжив дома. , па повторно се вратив за снимањето на крвните садови на срцето. Снимката покажа големо оштетување.  Од клиника ме прашаа да одберам што сакам да ми направат бајпас или стентови…Зарем јас да одлучам ? Предната лева страна ми беше потполно неупотреблива, на само 41 година, придонес за оштата лоша состојба на организмот имаа и инфекциите кои ги фатив од болнички бактерии од претходните две операции на препоните, па морав и тие да ги лекувам , не знам колку таблети испив,  терапии разно разни..Шокантна вистина. Не можев повеќе да се измачувам, да талкам, се јавив кај д-р Енвер Идоски од болницата  „Филип Втори“, местото каде што завршија сите мои маки, болницата во која сите треба да се пофалат од хигиеничарка до директор, професионалци до бескрај. По испитувањта овде со соодветен третман и лекување ми ја подигнаа срцевата фракција и ме подготвија за операција. Добив 4 бајпаса и „ремонт“  на валвулата. ОВА МИ Е ВТОР ЖИВОТ, БЛАГОДАРАМ…, А МИСЛЕВ ДЕКА СУМ МНОГУ ЗДРАВ“ .

На вториот кревет лежи машинобраварот Мирко кој има заболување на срцето од 2008 година,  кога во една државна здравствена институција му дијагностицирале  запушување на аортата.

„ По направениот стрес тест, мораше да се снимат крвните садови на срцето  Резултатите не беа добри, ми поставија стент. После една година стентот се запуши. Верувале или не докторот ми посочи дека можам да живеам и со запушен стент, и дека терапијата ќе биде доволна да се одржувам во живот.  Без никакви поправки на стентот кој е вграден , кој е нефункционален. Така и направив , пиев апчиња и верував дека ќе биде добро. Но, се заморував многу брзо, силата која ја имав како да ми ја снема преку ноќ. Не можев скали на качам кои претходно ги прескокав . Не знаев што ми се случува,  толкав маж а не можев  да подигнам кофа од 5 кг. Од нефункционалнста на стентот ми се влоши состојбата , не можев да дишам,  па лежев на клиника во два наврати, погрешната терапија ме дотолчи, ми даваа таблети од кои само спиев и едни за разредување на крвта. Морав да пресечам да направам нешто , а не знаев што.  Дојдов во „Филип Втори“  ми беше направена коронарографија . Резултатите ме разочараа,  истовремено и ме налутија,  бев лут на себе што верував дека со лекарствата,  без замена  на стентот како што ми кажа лекарот од државна ќе можам да живеам, шест месеци имав неиздржливи болки. По направената снимка на крвните садови на срецто  се шокирав. Овдешните лекари  ме информираа дека  имам оштетување на валвулата и мора да се оперирам. На операцијата ми ја заменија и другата валвула и ми поставија еден  бајпас. Бев гневен, лут, бесен  да ми се заменеше стентот навреме немаше да дојдам до оваа состојба.  Ги поздравувам сите лекари од оваа болница кои  се посветија максимално на мојата здравствена состојба и го направија она вистинското да може да живеам, без потешкотии.

Третиот „цимер“  во оваа соба е ресенчанецот Ресим, најдбриот угостител во светот( така го именуваа неговите цимери). Татко на три дечиња . Косово е земјата во која две од нив се образуваат. Еден викенд заминал со соругата да си ги посети, нивното патоување можело да заврши кобно.

„ За викенд отидов во Косово таму ми е фамилијата ,  децата на училиште. Само што стигнав следниот ден имав грч во пределот на градите и веднаш знаев бидејки имам икуство  со татако ми кој  е опериран. Овде во „Филип Втори’ му ставија 4 бајаса знаев дека е срцето,  знаев кои се симптомите и како се манифестираат. Сопругата ме однесе во итна помош,  на ЕХО прегледот  видоа дека имам срцев удар и ме испратија за Приштина . Им реков нема шанси да одам во Приштина , само во Скопје . кај д-р Мтрев. Немаа возило за транспорт, па јас повикав еден приватен доктор да биде до мене додека ме возат кон болницата „Филип Втори “. Се јавив на моите во Македонија ,  татко ми ја повика д-р Вилма Ампова Соколов да ме пречека , кога пристигнав се беше организирано.

Штом дојдов овде ми направија коронарографија и востановија дека левата комора од срцето воопшто не функционира. Ми ставија пумпа и ме стабилизираа едно 4 дена пред да ми направат операција. Ми поставија  3 бајпаса и почнав конечно нормално да дишам..Сакам да потенцирам дека јас во меѓувреме овие 2 години се лекувам од болки во рбетниот столб , лани бев во Игало, преклани во бања Ковиљача места кои помагаат за рехабилитација на рбетниот столб, лекарот од  Кочани ми ја даде таа дијагноза. Бидејки 2 години имав болки во тој дел од телото. Најтешко  ми е што не можеа лекарите да установат што ми е, не се најде ниту еден доктор во Кочани да се посомнева на срцето, направив и рентген снимање и магнетна резонанца за да се види точната причината за болката.  Востановија  истрошеност на Л 4 и Л 5 пршлените  и ме лекуваа од тоа , правев вежби , залудно.  Во глава ми беше само тоа… ме лекуваат од рбетниот столб  а јас имав срцеви  проблеми. Сега се чуствувам феноменално и благодарам на оваа прекрасна екипа посебно на д-р Жан Митрев , на сите морам вака авно да кажам  дека  ГИ САКАМ НАЈВЕЌЕ.“

Препораката на тројцата цимери до сите нас а ососбено до помладите е да прават барем еднаш  годишно контрола  на срцето тоа е главниот мотор во телото. Да имаше нив кој да ги посоветува  се би било поинаку.