Автор: zmc_piksel_dev

Интервентен третман (балонвалвулопластика) на тешка пулмонална стеноза кај новородено (30 дена старост)

Вовед: Пулмоналната стеноза е вродена срцева аномалија и опфака околу 7% од вродените срцеви аномалии. Може да биде како изолирано заболување или во комбинација со друга вродена аномалија (пр. Атриален септален дефект – (АСД)). Пулмонална стеноза може да се манифестира како валвуларна (најчеста), надвалвуларна, подвалвуларна и стеноза на периферните гранки на пулмоналната артерија. Кај полесните случаи може да нема никакви симптоми и да се открие случајно. Кај тешките случаи се јавува диспнеа (отежнато дишење), периферна цијаноза (модрило на нозе, раце и усни). Пациентите со критична стеноза брзо развиваат и десно срцева слабост.

Дијагнозата се поставува со аускултација, ехокардиографија и со десно срцева катетеризација. Тежината на пулмоналната стеноза се градира според стенотичниот градиент добијен со Ехо Доплер или директно со катетеризација. Постојат 4 степени: I степен незначителна < 25mmHg; II степен (лесна) 25 – 49mmHg; III степен (умерена) 50 -79mmHg; IV степен (тешка) > 80mmHg.

Лекувањето е конзервативно кај пациентите со I и II степен (асимптоматска) со задолжителна ендокардитис профилакса, додека кај пациентите со III и IV степен третманот е со балон валвулопластика или оперативно. Балон валвулопластиката е третман на избор кај деца и новородени со тешка пулмонална стеноза со добивање на добар резултат.

Приказ на случај: Кај женско доенче на 1 месечна возраст со шум на срце верифициран по породувањето, ехокардиографски е дијагностицирана тешка пулмонална стеноза со градиент на валвулата 120mmHg, и индицирана е балон валвулопластика. Фамилијарна анамнеза негативна за ваков тип заболувања. Интервентен третман и резултат: Интервенцијата се изврши во услови на општа анестезија. Со MP дијагностички катетер се направи директно мерење на градиентот на пулмоналната валвула (120mmHg), пред интервенцијата. Потоа со балон катетер Tyshak II – 8/20 mm на 4 atm се направи балон дилататција на пулмоналната валвула. По интервенцијата се доби одличен резултат, градиент 30mmHg, што значи повеќе од 50% намалување на градиентот на пулмоналната валвула. По интервенцијата новороденчето беше мониторирано во тек на 48 часа. Отпуштено е во одлична здравствена состојба без терапија. На првата контрола по 1 седмица и втората контрола по 1 месец градиентот на пулмоналната валвула е 30mmHg.

Перкутано затварање на перзистентен артериски канал со помош на коил емболизација- ефикасен и брз начин-ретроградно затварање преку торакалната аорта

Ductus arteriosus persistens (DAP) е честа аномалија со 9%- 15% од сите адулти со вродени срцеви маани (VSM) и во 25% кај други. Новородени со комплексни ВСМ може да имаат ДАП зависна циркулација (прекинат аортен ла, пулм. артрезија без вентрикуларен септален дефект). Протокот зависи од ширината на ДАП и пулмоналната васкуларна резистенција. Постоење на ДАП е непожелно поради можност од артеритис, пулмонална хипертензија, срцева слабоста, Eissenmenger Sy. Лекувањето може да биде хируршко или пeкутано. Морфолошки, според Криченко класификацијата се дели на: тип A (цилиндар, триаголник, конус), C (тубуларна форма) и аортопулмонален прозор, и од тука зависи изборот на протезата за (device’s ili coili). Во суштина постојат два типа на затварање: антеградно (преку белодробна артерија) или ретроградно (преку аорта). Затворањето на дуктусот зависи од формирање на тромб- пред да се извлече катетрот за имплантација. Во различни студии комплетно затворање има кај 95% од пациентите.Прикажуваме случај на младо женско доенче (С.А) на возраст од 5 месеци, со преходно ехографски верифициран ДАП.После адекватна подготовка, во општа анестезија е направена аортографија со приказ на дуктусот. Од овој ангиографски приказ зависи методот на затварање (антеграден или ретрограден). Во суштина, кога може ДАП да се затвори ретроградно, се избегнува антеградното затварање и пункција на феморалната вена, т.е се пунктира само феморалната артерија.

Сл. 1 ангиографски приказ со пигтејл катетер, 4F- аортографија

Потоа следен чекор беше канулација и поминување на ДАП со десен коронарен катетер (JR 4F).

Сл. 2 канулација на ДАП, JR 4F

Преку JR 4F катерот потоа беше имплантиран еден Cook coil 5/3.

Сл. 3 имплантација на Cook coil 5/3

Контролната ангиографија покажа комплетно затварање на дуктусот и отсуство на резидуален шант низ него.

Сл.4 ангиографија после затварање

Во добро организирани услови, со веќе претходен волумен од повеќе од 60-тина пациенти со ДАП третирани во Филип Втори (првиот во 2004-та година), оваа процедура трае помалку од 30 минути.Кај малата С.А. фектите од затварањето се очекувано долготрајни и постигнато е целосно излекување без оперативен зафат. Следниот ден доенчето беше пуштено дома во добра општа состојба.

ИТНА ОПЕРАЦИЈА ЗА СПАСУВАЊЕ НА МОЗОК И ЛЕВА РАКА

Кај 54 годишен пациент се појавила нагла вртоглавица, ладна и нарушена функција на лева рака и загуба на свест, додека управувал со моторно возило. Пациентот бил пушач, со артериска хипертензија и хиперлипидемија.По приемот во Филип Втори направен е ехографски преглед на кој е верифицирано 100% запушување со флатирачки мек плак во левата заедничка каротидна артерија (ACC lat sin) и левата внатрешна каротидна артерија (ACI lat sin) како и отсуство на доплер сигнал на левата артерија субклавија и слаб опструктивен доплер сигнал на лева аксиларна артерија. Од направената 64 MSKT каротидографија и церебрална ангиографија потврден е наодот за 100% запушување на левата заедничка и внатрешна каротидна артерија како и левата подклучна артерија.

МСКТ СЛИКА ПРЕДОПЕРАТИВНО

Во консултација со кардиоваскуларен хирург индицирана е итна операција на крвните садови на вратот. Постоперативно пациентот е хемодинамски и ритмички стабилен без никаква невролошка симптоматологија, со топла и комплетно сочувана функција на левата рака. Направена е контролна постоперативна 64 MSKT каротидографија, церебрална ангиографија и визуелизација на горните екстремитети со наод за проодно каротидо-каротидно премостување од десно-кон лево со васкуларна протеза и каротидо-субклавио премостување лево со васкуларна протеза.

МСКТ СЛИКА ПОСТОПЕРАТИВНО

Првиот постоперативен ден пациентот е самостојно мобилизиран без никакви невролошки симптоми, и истиот ден е отпуштен дома.

Психолошки третман на болка и развивање персона на здрава личност

Пациентот А.Б. на возраст од 32 години хоспитализиран во СПХБ Филип Втори во два наврати со вкупен престој од два месеца. Лекарите се сомневаа на т.н. Bürger-ов синдром – прогресивно заболување кое ги зафаќа периферните крвни садови. За медицинскиот дел од третманот во целост се грижеа лекарите. Но, и од психолошки аспект овој пациент беше интересен.

Во првата фаза од психолошкиот третман комплетиравме проценка за личносните тенденции на пациентот да ја провоцира и/или одржува болката присутна, со психодијагностичкиот инструмент MMPI (Minnesota Multiphasic Personality Inventory). Скорови нe упатуваа на психогена болка заради што третманот беше насочен кон намалување на акутните болки на пациентот. Главно преку дефокусирање низ автогениот тренинг и масажната фотеља со шијацу масажа што овозможи мускулно опуштање и растоварување на кумулираната тензија што ги намали промените во афективитетот (напнатост, депресивно расположение, лутина, страв, анагажирани отпори).

Во претпоследната фаза (по извршената ампутација) кај пациентот се јави феноменот познат во медицината како фантомската болка. Имено, пациентот чувствуваше болка и во делот од ногата кој беше ампутиран. Наша задача беше преку континуирана психотераписка работа пациентот да се идентификува со проектираната болка во ампутираниот дел од ногата, да ја зголеми свесноста за природата на фантомската болка.Низ гешталт психотерапија пациентот експериментираше со прифаќање на една нова персона (Personality function) – од личност која не се грижела за себе, да прерасне во личност која се грижи за своето здравје; од личност која секогаш ги ставала потребите на другите како приоритет, да се промени и развие во личност која како најважен приоритет ќе го стави сопственото здравје и живот. Ова значеше и понатамошна соработка низ психотерапија со него за која тој беше подготвен.

Паравалвуларни расцепи – помеѓу кардиохирургијата и интервентната кардиологија

Паравалвуларнoтo (пропуштањe) leak (ПВЛ), е постоперативен расцеп кој настанува окoлу имплантираните залистоци (валвули) на срцето на митрална или аортната позиција. Нивното постоење е значајно по тоа што доведуваат до волуменско оптоварување на срцето и застој на циркулацијата во белите дробови (митралниот ПВЛ) или левата комора (аортниот паравалвуларен расцеп). Во суштината на етиологијата е дефект на ткивото околу протезата на срцето. Во минатото овие постоперативни наоди, се лекувале исклучително по хируршки пат, доколку предизвикувале клинички проблеми кај пациентите.

Слика бр. 1 Слика бр.2

Приказ на случај: пациентот А.Д е роден 1985 година и е опериран во 2012 година, со двоен механички валвуларен репласман. Редовно ехографски контролиран, при што во текот на последните неколку месеци се верифицира за прв пат поголем и хемодинамски значаен митрален ПВЛ (слика 1, 2Д) кој доведуваше до клиничко влошување (замор, гушење, кашлица) и волуменско оптоварување на срцето. Истиот тој ПВЛ одлично е прикажан на 3Д ТЕЕ ехо записот (слика 2, 3Д).

Слика бр. 3 Слика бр.4

Беше донесено решение за негово затварање по неоперативен пат, со помош на катетер. При затварање на ПВЛ со катетер, прв чекор е мерењето на ширината и дожината на расцепот (слика 3, ТЕЕ 2Д), како и одредување на неговата точна локализација (слика 4, 3Д). Следен чекор е пробивање на преградата на срцето со посебна игла и катетер, чиј врв треба да помине централно низ расцепот. Преку посебен систем, катетерот се заменува со поширок, низ кој потоа се вградува посебна жичана протеза чија задача е да обезбеди целосно затварање на расцепот (сликa 5, 3Д). Постинтервентната контрола покажа отсуство на било какво митрално пропуштање (слика 6, 2Д). Клиничките и ехографските контроли покажаа уредна хемодинамика на срцето.На овој начин настана комплетно излекување без повторна операција на срцето.Пациентот е отпуштен дома по 24 часа во добра општа состојба.

Слика бр. 5 Слика бр. 6

ИТНА ОПЕРАЦИЈА ЗА СПАСУВАЊЕ НА МОЗОК И ЛЕВА РАКА

Кај 54 годишен пациент се појавила нагла вртоглавица, ладна и нарушена функција на лева рака и загуба на свест, додека управувал со моторно возило. Пациентот бил пушач, со артериска хипертензија и хиперлипидемија.По приемот во Филип Втори направен е ехографски преглед на кој е верифицирано 100% запушување со флатирачки мек плак во левата заедничка каротидна артерија (ACC lat sin) и левата внатрешна каротидна артерија (ACI lat sin) како и отсуство на доплер сигнал на левата артерија субклавија и слаб опструктивен доплер сигнал на лева аксиларна артерија. Од направената 64 MSKT каротидографија и церебрална ангиографија потврден е наодот за 100% запушување на левата заедничка и внатрешна каротидна артерија како и левата подклучна артерија.

МСКТ СЛИКА ПРЕДОПЕРАТИВНО

Во консултација со кардиоваскуларен хирург индицирана е итна операција на крвните садови на вратот. Постоперативно пациентот е хемодинамски и ритмички стабилен без никаква невролошка симптоматологија, со топла и комплетно сочувана функција на левата рака. Направена е контролна постоперативна 64 MSKT каротидографија, церебрална ангиографија и визуелизација на горните екстремитети со наод за проодно каротидо-каротидно премостување од десно-кон лево со васкуларна протеза и каротидо-субклавио премостување лево со васкуларна протеза.

МСКТ СЛИКА ПОСТОПЕРАТИВНО

Првиот постоперативен ден пациентот е самостојно мобилизиран без никакви невролошки симптоми, и истиот ден е отпуштен дома.

ОДДРЖАН 14-тиот НАУЧЕН КЛУБ

На 10.07.2013 година во просториите на СБХБ Филип Втори се оддржа 14-тиот состанок на научниот клуб. Гости на клубот беа претставници од Hemofarm кои направија презентација на нивната палета на медикаменти.

Активно со предавања беа вклучени:д-р Драгица Вучкова со тема “Водич за менаџирање на пациенти со анемија и трансфузија на крв и крвни деривати кај критично болни возрасни пациенти” и Илија Дојчиновски – психолог, со тема “Антидепресивна терапија кај пациенти подвргнати на ACBP – MOTIV – CABG Trial”. На крајот беше направена анализа на целокупната научно истражувачка работа на СБХБ Филип Втори при што беа презентирани резултатите од тековните студии.