Автор: zmc_piksel_dev

12 –ти Kонгрес на International Federation of Infection Control (IFIC)

Oд 10 до 13 октомври во Загреб се одржа 12-тиот конгрес на Интернационалната Федерација за Контрола на Инфекции на кој зеде активно учество и тимот од микробиолошката лабораторија, Др. Снежана Туфекчиевска Ѓуроска и Др. Катерина Јанковска, кои се воедно и Тим за контрола на болнички инфекции во Специјалната болница по хируршки болести Филип Втори. Нашата болница активно учествуваше со постер презентација на тема: „Pseudomonas aeruginosa resistance according to EUCAST standards during year 2011/2012 in patients of Special Hospital for Surgical Diseases Filip Vtori, Skopje – Republic of Macedonia“Клучни теми беа: Антимикробен ефект на бакарот; Тимско анализирање на секоја инфекција; Подобрување на праксата; Болничка хигиена; Едукација како важна мерка во контролата на инфекции; Индивидуално и колективно однесување; Примена на антимикробни средства – од теорија до пракса; Превенција на развој на резистенција кон антибиотици и средства за дезинфекција; Концепт на нулта толеранција и други научни и практични предавања.Потреба која се наметнува во секој сегмент на контролата на инфекции е надзорот над истите.

Зошто токму надзор?„ Ако нешто не можеш да измериш, не можеш ни да го подобриш“Lord Kelvin, 1824-1907

VI Македонски конгрес на радиолошки технолози

Во периодот од 28-ти до 30-ти септември 2012 се одржа VI Македонски конгрес на радиолошки технолози со меѓународно присуство во Охрид.На овој конгрес беа презентирани теми од областа на магнетната резонанца, компјутерската томографија, нуклеарната медицина, радиотерапијата, како и други делови на радиологијата. Исто така беа спроведени и работилници за истражување, практика базирана на докази.На конгресот беа презентирани орални стручни предавања од страна на поканетите предавачи, меѓу кои беа и преставници од Специјалната Болница,, Филип Втори’’ и тоа:- Михајло Маноилов со презентација на тема: ЕКГ Контролирана 64-МСКТ ангиографија -Дијагностицирање на акутна аортна дисекција- Дарко Стојановски со презентација на тема: ,, МСКТ на крвни садови на глава и врат’’ Двете презентации предизивикаа огромен интерес и позитивни коментари од страна на слушателите, и беа пофалени за најдобри презентации.Конгресот преставува одлична можност да се сподели искуството и работата помеѓу колегите од балканот.

Први кардиохируршки операции на деца во Македонија

На 10.09.2012 започна нова ера во развојот на детската кардиохирургија. Долгогодишната соработка со Фондот за Здравствено Осигурување даде позитивни резултати формирајки посебна ДРГ група која ке ги покрива оперативните трошкови за корекција на вродените срцеви мани кај деца постари од 9 месеци.Академик Жан Митрев направи корекција на вродени срцеви мани кај три деца на возраст од 6, 10 и 15 годишна возраст, чиишто трошкови беа комплетно рефундирани според новоформирана ДРГ група. На официјалната посета од страна на директорите на ФЗОМ м-р Маја Парнарчиева Змејкова и Џемали Мехази, академик Жан Митрев им ги претстави децата, кои се во одлична здравствена состојба со сосема уреден постоперативен тек.

Get the Flash Player to see this player.

Во своето 12-годишно постоење Филип Втори направи комплетна подготовка на високо едуциран кадар,и најсовремена техничка опрема за дијагностика и третман на вродените срцеви мани. До сега третирани се 638 пациенти со вродени срцеви мани,од кои 375 со хируршки интервенции и 263 со интервентни процедури

Целта е детската популација да добие побрза здравствена услуга, да ја добие дома, семејствата да ги избегнат трошоците поврзани со патувањата за лекување во странство и постоперативно да ја следат нивната здравствена состојба во ПЗУ Филип Втори.

Здружението за кардиоваскуларна хирургија го одржа второто годишно собрание

„Основањето и активната работа на Здружението за кардиоваскуларна хирургија покажува дека и во Македонија може да се организира и спроведе врвна медицина. Веќе не станува збор за учење туку за размена на знаења и достигнувања. И понатамошната работа на Здружението треба да придонесува кон стимулирање токму на овој напредок во постојаната надградба. Фактот што тука се присутни доктори од земјава и странство, од јавните и од приватни установи, универзитети и болнички центри покажува дека сите сме единствени во намерата, максимално да одговориме на потребите на пациентот, кој секогаш е и треба да биде на прво место“, изјави претседателот на Здружението д-р Жан Митрев.

(Скопје, 5.10.2012) – Македонското здружение за кардиоваскуларна хирургија на Р. Македонија во хотелот Александар Палас го одржа второто годишно собрание со цел размена на знаења, теории и искуства за полесен пристап до проблемите на пациентите.

Покрај македонските експерти на еднодневниот собир гости и предавачи беа еминетни имиња од европската докторска фела од областа на кардиологијата и кардиохирургијата. Професорите од клиниката за кардиологија и кардиохирургија од Бад Нојштад и универзитетската болница Гисен, проф. Др. Кербер, доц. Др. Денеке и проф. Др. Мосдорф, кои беа прогласени за почесни членови на здружението.

Во тек на работниот дел на собирот беа презентирани најновите достигнувања од областа на кардиологијата поточно ритмологијата, проф.Денеке ги изнесе најновите ставови за третман на атријалната фибрилација од аспект на кардиологијата и кардиохирургијата, проф. Кебер даде осврт на улогата на тимот за срце во третманот на кардијалните болни. Познатиот кардиохирург Моздорф зборуваше за новините во семиинвзивните техники за третман на аортната стеноза.Академикот др Митрев даде осврт на 12-годишното постоење и постигнати резултати на полето на кардиохиургијата во Македонија. На крај состанокот беше завршен со краток осврт кон последните медицински водичи за кардиохируршки третман од областа на бајпас и валвуларната хирургија.

Присутни беа гости од домашните, приватни и јавни здравствени установи.

Соработката со Самарскиот медицински факултет од Русија продолжува и годинава

Специјалната болница „Филип Втори“ повторно беше домаќин на студенти од Русија. Веќе неколку години по ред, Специјалната Болница „Филип Втори“ и Универзитетот „Гоце Делчев“ од Штип ја организираат научно-наставната пракса за студенти од Русија, од Самарскиот медицински факултет. Во периодот од 10.08.2012 до 24.08.2012 година, шест студенти престојуваа во болницата.Во рамките на предвидената научно-наставна пракса, студентите се запознаа со работата на болницата, начинот на организација, комплетната дијагностика на пациентите, како и со оперативните техники при извршување на кардиоваскуларни и други типови операции.“За мене ова е втор пат како сум на летна пракса во Филип Втори. Бев и минатата година со друга група на студенти. До сега болницата ги има исполнето сите мои очекувања. Секојдневно се запознавам со нови работи кои се од неизмерно значење за нас како млади лекари студенти. Се работи на високо професионално ниво, по светски препораки и стандарди за работа. Лекарите несебично ни го пренесуваат нивното знаење“, изјави студент од Самарскиот медицински факултет.

Млад лекар од Мелбурн, Австралија, во посета и летна пракса во “Филип Втори“

За прв пат ова лето во “Филип Втори“, млад лекар од универзитетот DEKIN во Мелбурн, Австралија посетуваше летна пракса. Австралиецот со македонско потекло, Горан Митрески, лекар кој своите медицински студии ги заврши годинава, во периодот од 16-ти јули до 24-ти август ја спроведуваше својата едномесечна задолжителна пракса. Желбата да се биде во родната земја, а сепак достојно да се одговори на работната обврска, овој млад човек го донесе толку во “Филип Втори“.Накратко, Горан ни го пренесе својот впечаток, од она што го виде во болницата.1. Како дозна за Филип Втори?

Од роднини и пријатели, но и од истажување по Интернет.

2. Сигурно дојде со некои очекувања. Дали Филип Втори ги задоволи твоите очекувања?

Да, потполно и на секое ниво. Најголем впечаток ми остави отвореноста на персоналот. Едноставно, воодушевен сум од односот и од тоа како ме прифатија. Желбата да те запознаат, остава простор за учење.

3. Дали научи нешто ново?

Се потсетив и го повторив она што сум го заборавил по анатомија и се разбира, видов нови техники во хирургијата, особено во делот на кардиохирургија кои ќе ми бидат од помош дома. Сега се враќам и имам ротација на оддел за кардиохирургија.

4. Како работи Филип Втори, дали на ист принципи како и болниците од овој тип во Австралија?

Се работи по протоколи и гајдлајнси кои се слични, па речиси и исти како и таму.

5. Каков е твојот општ впечаток и искуство?

Поминав одлично време, добив искуство на интензивна нега и во оперативна сала околу различни болести, следење и мониторирање на пациенти.

6. Како го гледаш македонското здравство?

Приватните клиники се одлични, со тоа што можеби се потребни некои мали измени во протоколите за работа. Лекарите и техниката со кои располагаат се одлични. Соработката на перосналот е на високо ниво. За државното здравство нема што да се каже!

7. Што е твојот план за во идинина, конкретно во кој дел од медицината се гледаш?

Би сакал да бидам хирург ортопед или абдоминален хирург.

8. И за крај, дали можеби се гледаш себе си како лекар во Македонија еден ден? Дали би работел во земјава?

ДА!

Корекција на варус деформитет на коленото и потколеницата со дворамнинска висока остеотомија на тибија со отворање и спонгиопластика

25-годишен пациент И.Р. од Скопје бил повреден пред 3 години при злофат од ловџиска пушка во пределот на десната потколеница при што се здобил со отворена огнострелна скршеница на проксималната тибија. Лекуван бил со надворешен фиксатор па со аголна Г – кондиларна плочка и спонгиопластика. Постоперативно пациентот се жали на деформитет на потколеницата, силни болки во десното колено, ограничување на движењата во истото и скратување на ногата за 2.5 цм.

Прегледот и рентгенските слики покажаа дека се работи за лошо санирана скршеница во варус положба на десното колено и потколеница, скратување на ногата за 2.5 цм и коскен дефект на горниот крај од десната тибија. Се постави индикација за оперативна интервенција а со цел корекција на биомеханичката оска на ногата, постигнување на нормална должина на ногата и воспоставување на нормални движења во цел обем во коленото и скочниот зглоб како и превенција од појава на ран остеоартритис на истите.

За прв пат во нашата болница се направи сложен хируршки зафат во еден акт при што се отстрани вградениот остеосинтетски материјал, се направи дворамнинска висока тибијална остеотомија со отворање на коленицата со која се корегира биомеханичката оска и се постигна издолжување на ногата, се направи автогена коскена трансплантација со коскен графт од самиот пациент и се постави најсовремен титаниумски Tomofix Synthes, систем за фиксација и стабилизација на коската. Пациентот престојуваше 2 дена на болничкиот оддел и беше вертикализиран со дозволено оптоварување од 50% и беше пуштен на домашно боледување. По 6 недели му беше дозволено целосно оптоварување без употреба на патерици, пациентот беше со потполно изедначување на должината на ногата, без болки и со целосни и безболни движења во коленото и скоковиот зглоб како и со целосно заздравување на нивото на коскените остеотомии и враснување на коскениот графт. Дворамнинската висока тибијална остеотомија со отворање и коскена трансплантација е високо софистицирана хируршка процедура и рутински се применува во нашата установа пред сè кај помлади луѓе а со цел корекција на искривувања кај колената било поради болест или повреди. Исто така и при рана појава на остеоартритис, со цел воспоставување на нормалната механичка оска и должина на ногата а со тоа и спречување на комплетното пропагање на ‘рскавицата на коленото, обезболување и постигнување на максимален обем на движење во зглобот.

Слика 1: РТГ на десно колено со потколеница пред операција

Слика 2: РТГ на десно колено со потколеница 6 недели по операција со враснат графт и зарасната остеотомија и корегирана оска на ногата