Клиничката болница Жан Митрев особено внимание посветува на создавањето млади и стручни кадри во областа на медицината.
Како научно-наставна база, на студентите по општа медицина при ‘Goce Delcev’ University – Stip (Универзитет „Гоце Делчев“ – Штип) слушатели на 7 семестар, им беше оджана теоретско практична настава. Доц. д-р Тања Анѓушева за време на вежбите на студентите им ја презентираше клиничката страна на базичниот електокарсиограм (ЕКГ) и третманот на заболувањата опфатени во предметот интерна медицина. Ваквиот сериозен пристап на постепено осознавање на начинот на работа во клинички услови има за цел да креира соодветно остручен медицински кадар.
Автор: zmc_piksel_dev
Ноември – месец на машкото здравје
Пуштете мустаќи и погрижете се за своето здравје
Во ноември, се спроведува една од најважните кампањи насочена кон машката популација. Станува збор за месецот на машко здравје промовиран и етаблиран како Movember. Ова движење има цел да ја подигне свеста за важноста на машкото здравје и како такво во последните години изврши огромно влијание од општествен аспект.
Но, што е Movember?
Станува збор за доброволна кампања која има за цел да даде поголема видливост, свесност и во крајна линија да го подобри машкото здравје.
Оваа иницијатива започнува со растење на мустаќи. Целта на овој гест е да ги потсети мажите за важноста да се грижат за себе и да одат на редовни контроли за превенција и борба против болести како што се ракот на простата, ракот на тестисите, но и нивното менталното здравје.
Ракот на простата е најчест тумор кај машката популација. Од друга страна, ракот на тестисите е тумор кој главно ги погодува младите меѓу 20 и 35 години.
Раното откривање на двата вида на рак е од суштинско значење за да може да се започне со соодветниот третман што е можно поскоро и да се зголемат шансите за излекување.
Симптоми на рак на простата
Ракот на простата е еден од најчестите видови рак кој ги погодува мажите. Симптомите генерално се отсутни во раните фази. Меѓутоа, ако тие се појават, најчесто се:
- Зголемена фреквенција на мокрење
- Уринарна итност придружена со болка и пецкање
- Чувство на нецелосно празнење на мочниот меур
- Појава на крв во урината и спермата
- Болка или печење при мокрење
- Непријатност или болка при седење, предизвикани од зголемена простата.
Уринарните симптоми може да бидат и резултат на инфекција на мочниот меур или други состојби. Ако сте загрижени за какви било промени што сте ги доживеале, задолжително разговарајте со вашиот лекар.
Симптоми на рак на тестисите
Овој тип на рак исто така не покажува симптоми во почетната фаза. Но, препорачливо е да посетите лекар ако забележите некој од следниве предупредувачки знаци:
- Присуство на грутка во тестисот
- Промена на големината или обликот на тестисот
- Често чувство на полн мочен меур
- Присуство на крв при мокрење
- Појава на болка во долниот дел на стомакот или препоните
За да се намали ризикот од заболување од овој тип на рак, а да се поттикне нивно рано откривање и превентивно делување, а воедно и да се намали бројот на смртни случаи препорачуваме преземање мерки како што: се водење здрав живот и секако посета на уролог еднаш во годината. Консумирањето здрава храна, вежбањето /физичката активност, избегнувањето алкохол, цигари и стресни ситуаци се од особено значење. Секако пегледите се клучни за да се открие било каква болест во рана фаза уште пред појавата на првите симптоми.
Клиничката болница Жан Митрев има специјална понуда од која можете да одберете.
Превентивните пегледи спасуваат живот. Закажете термин на 02/3091-484
- Магнет на простата 12 000ден
- Тумормаркер ПСА 600 ден
- Сексуално преносливи болести 3 истовремено (Chlamydia trachomatis, Trichomonas vaginalis и Neisseria gonorrhoeae) од прва утринска урина (со PCR метода), уретрален брис или течни цитолошки примероци 1800 ден
- Абдоминаленхируршки преглед (ректални проблеми и хемороиди) 2000 ден
- Колоноскопија со анестезија 18 000 ден
- Гасторскопија со анестезија 18 000 ден
Доколку се направат двете во еден акт пакет цена 25 000 ден - Дијабетолошки преглед во пакет со утврдување гликоза и скриен шеќер гликохемоглобин 2500 ден
- ОРЛ преглед 2200 ден
- Нефролошки преглед 2000 ден
- Уролошки преглед + HPV 4250 ден
- Уролошки преглед + Chlamydia trachomatis, Trichomonas vaginalis и Neisseria gonorrhoeae (со PCR метода) 3550 ден
- Детекција на ХПВ од уретрален брис 2500 ден
- Детекција на канцер кај хематурија (се користи за мочен меур) 19 000 ден
- Општ панел за наследен рак – 94 гени и 284 полиморфизми со NGS секвенционирање 60 000 ден
Во Жан Митрев клиниката никогаш не се правело клиничко испитување, очекуваме надлежните органи да го потврдат истото
Сакаме да ја информираме јавноста, дека решението на МАЛМЕД за прекршочна пријава е поништено од страна на Државната комисија за одлучување од втор степен во областа на инспекцискиот надзор и прекршочна постапка. (Документ во прилог)
И покрај тоа што процесот продолжува до конечна одлука, во текот на вчерашниот ден без никаква официјална најава во просториите на Клиничката болница Жан Митрев се појавија инспектори од МАЛМЕД со цел да извршат вонреден инспекциски надзор.
Постапувајќи спротивно на насоките на Државната комисија, односно имајќи предвид дека првото решение е поништено и се чека второстепена одлука, инспекторите од МАЛМЕД спротивно на таквите насоки (Документ во прилог), тенденциозно настапија во присуство на овластените лица од клиниката со став и тврдење дека станува збор за клиничко испитување и дека клиниката треба да достави докази за истите.
Ваквото однесување е во спротивност со сите стандарди и правила на совесно и професионално постапување, односно инспекторите дојдоа со предубедување дека во клиниката е вршено клиничко испитување без воопшто да се обидат да прибават докази со кои ќе ги потврдат таквите факти.
Ваквото постапување на инспекторите од МАЛМЕД е невидено досега во професионалната кариера на присутните овластени лица (адвокати) и спротивно на основните начела на инспекциската постапка.
Клиниката како и до сега останува отворена за соработка со сите институции се со цел транспарентно да се утврди вистината.
Жан Митрев: Ниту денар не е земено повеќе од пациентите за време на пандемијата дури ниту поради погрешна финансиска пресметка; срам да им е на сите кои ме обвинуваат за профитерство
Клиника Жан Митрев ниту денар нема земено повеќе од пациентите за време на пандемијата, дури ниту поради погрешна финансиска пресметка. И Управата за јавни приходи како и независни вештаци утврдија дека секој депозит што е земен а не бил искористен, до денар е вратен на пациентите.
Стотици странски државјани дојдоа за време на Ковид и за нивното лекување платија реномирани меѓународни осигурителни компании од Англија, Германија, Италија, Швајцарија, ова е показател за ревносното финансиско работење на Клиниката, а успешноста на лекувањето воопшто не било ниту тема за разговор.
„Во 2020 година на нашите пациенти им вративме над 2 милиони евра, во 2021 година вративме 3 милиони и 200 илјади евра од аванси. За какво профитерство се зборува овде, доколку сме сакале да направиме нешто зар ќе вратевме на пациентите 5 милиони и 200 илјади евра во време на Ковид. Срам да им е на сите кои нè обвинуваат за профитерство“, нагласува д-р Жан Митрев.
Во текот на лекувањето на пациентите ништо не е направено вон насоките и процедурите. Со процесот на хемофилтрацијата се спасени човечки животи. Тоа се потврдува и со смртноста којашто во клиниката е ниска во време на КОВИД. Според деталните болнички извештаи во Жан Митрев клиника биле хоспитализирани вкупно 1738 третирани пациенти, од кои 1296 преживеале, со што стапката на успех во третманот на пациентите со компликации од Ковид-19 во Жан Митрев клиника изнесува 74,6%.
Од пациентите кои се третирале од Ковид-19 во Клиника Жан Митрев, 294 пациенти или 47% претходно биле хоспитализирани во други болнички установи.
Бактериските инфекции во време на КОВИД беа поради имунодефицитна состојба на пациентите како последица на прекумерно користење антибиотици и кортикостероиди. Во Жан Митрев клиника никој не криел интрахоспитални инфекции, во КОВИД пандемијата најголем број од инфекциите пациентите веќе ги имаа со себе и беа третирани соодветно.
„Горд сум што успеав да воспоставам нови стандарди во приватниот здравствен сектор со подигнување на нивото на квалитет на услугите. Среќен сум што зад мене има тим на врвни професионалци кои секојдневно се борат за човечки животи. И навистина ми паѓа тешко кога некој нè обвинува дека сме заработувале на нечија туѓа несреќа. Ова се фактите и бројките што говорат за тоа како се одвиваше лекувањето и третманот на пациентите во Жан Митрев клиника. Со овие бројки располагаат и институциите и тие ќе ја докажат вистината“, потенцира д-р Митрев.
Што е ДВТ или длабока венска тромбоза?
ДВТ е абнормално згрутчување на крвта кое што се развива во длабоките вени, обично оние на ногата или карлицата и е се почеста појава, како кај помладата така и кај постарата популација.
Големите згрутчувања (ДВТ) може да се движат од вените на ногата или карлицата и да поминат низ венскиот систем патувајќи кон срцето, а потоа и кон белите дробови. Тие може да предизвикаат сериозни кардиоваскуларни проблеми, а во случај кога се засегнати белите дробови тогаш станува збор за белодробна емболија која е исклучително сериозна медицинска состојба која може да биде дури и фатална.
Повеќето ДВТ згрутчувања се мали, безопасни и се решаваат со релативно едноставен третман. Често пати, при недијагностицирана состојба, пациентите болката ја опишуваат како „истегнати мускули“ или други болки во нозете. Ова состојба може да се дијагностицира навремено со флеболошки/ васкуларен преглед на венски системи од страна на доктор специјалист.
Можните симптоми на ДВТ – длабока венска тромбоза може да се манифестираат со:
- Ненадејна болка во ногата без очигледна причина која е лоцирана над коленото, под коленото или и во двете точки
- Оток само на глуждот, глуждот и листот на ногата, потколеницата или надколеницата или целата нога
- Силна болка во ногата – особено при стоење или одење
- Топлина во областа на отокот
- Понекогаш кожата може да биде малку поцрвена, но тоа е поретко
ДВТ обично влијае на едната нога, но понекогаш може да ги зафати и двете.
Кај најголем дел од пациентите, нема никакви симптоми или знаци на предупредување. ДВТ се дијагностицира само доколку се појави компликација.
Кога треба да побарате стручна медицинаска помош?
Доколку не сте сигурни дали страдате од ДВТ или која било друга венска состојба, од витално значење е да посетите доктор специјалист кој преку одредени лабораториски анализии кои најчесто ги вклучуваат и вредностите на Д-димерите и преку извршен преглед со доплер на вени и артерии на екстремитетите, може да ја воспостави точната дијагноза и да ви понуди персонализиран медикаментозен третман или хируршки третман во потешките случаи.
Доколку ДВТ се дијагностицира и третира веднаш/ навреме, во повеќето случаи згрутчувањето ќе се раствори и вената ќе се врати во нормала. Доколку има доцнење во дијагнозата и третманот, или доколку има повторливи ДВТ на истата нога, длабоките вени може да се оштетат и да престанат да функцијонираат правилно. Ова предизвикува посттромботичен синдром (ПТС) кој може да предизвика хронична болка и отекување на ногата, со промена на бојата и често чиреви на нозете.
Исто така многу е важно да се знае на што се должи згрутчувањето. Може да се појави како резултат на проширени вени, компресија во вените, промени во крвта (како резултат на дехидрација, пушење и примање на одредени лекови), но може да се појави и како знак на друга болест. Долгите патувања и неподвижноста се исто така фактори кои придонесуваат за појава на оваа состојба.
Во Клиничката болница Жан Митрев, на располагање ви стои стручен тим од трансфузијолози и васкуларни хирурзи кои ви нудат решение за сите ваши проблеми од оваа област.
Цената на прегледот е 2500 денари.
Закажете го вашиот преглед на 02 3091 484
Естетска дерматологија, што е тоа и за што служи
Убавината е индивидуална и иако за вкусовите не се дискутира, генерално убавината е секогаш актуелна тема
Потрагата по убавина датира со векови, а денес со цел одржување на истата се применуваат бројни третмани и медицински зафати. Истовременото истакнување на убавината на било која личност и потрагата по вечен младешки изглед е токму она со што денес се занимава естетската медицина. Таа всушност е гранка која ги третира естетските проблеми односно надворешниот изглед на лицето и телото воопшто.Естетската медицина ги опфаќа сите медицински процедури кои се насочени кон подобрување на физичкиот изглед и задоволството на пациентит, користејќи неинвазивни до минимално инвазивни медицински козметички процедури.
Постојат повеќе сфери во кои докторите од оваа гранка – естетските дерматолози можат да делуваат.
Естетска дерматологија
Естетската дерматологија е медицинска гранка чија специјалност опфаќа третмани за нега на кожата. Без разлика дали станува збор за лице или тело, естетската дерматологија се обидува да го подобри надворешниот изглед на кожата преку најиновативните методи на лекување. Дермоабразија, ласерски третмани, апликација на колаген, аминокиселини, хијалуронска киселина, пептиди…, се само дел од најпознатите и најупотребувани техники.
Позната и како козметичка дерматологија, естетската дерматологија главно се занимава со отстранување и ублажување на лузните на кожата, подобрување на нејзиниот изглед, намалување на брчките кои настануваат со процесот на стареење и намалување на различните кожни недостатоци, без разлика дали се предизвикани од сонцето, возраста или претходни повреди како што се акни, на пример. Ова е можно благодарение на современите третмани и процедури кои се на располагање.
Кои техники ги користи естетската дерматологија?
Во однос на ревитализација и подмладување на кожата и третман на флеки, меѓу другото најкористени техники се: пилинг, микродермоабразија, мезотерапија и третмани со ласери или други енергетски уреди.
Што се однесува до брзото подмладување, најефективните третмани се оние направени од ботулински токсин (познат и како БОТОКС), дермални филери со хијалуронска киселина и плазма богата на тромбицити (ПРП).
Ова се минимално инвазивни методи кои се изведуваст со вбризгување на активни супстанци (витамини, минерали, амино киселини) во дермот и хиподермот на лицето, вратот, деколтето, дланките како и мезотерапија на телото;
Еден од најефикасните третмани со помагала уреди засновани на енергија е Ultherapy – како неинвазивна постапка за лифтинг-подигање и затегање на кожата на лицето, вратот и деколтето, единствената метода за нехируршки лифтинг која е одобрена од страна на FDA (Американската Федерална Агенција за лекови и храна).
Естетската дерматологија, исто така опфаќа и естетика на телото. Освен постоечките ласерски уреди и Ултера, еден од најбараните третмани за подобрување на тонусот на мускулатурата на телото е функционалната магнетна стимулација. Овој третман може да се користи за создавање или за оформување на мускулната маса во зоната на стомакот, рацете, бутовите, задникот и нозете, давајќи им подобар тонус и дефиниција на мускулите.
Бидејќи кожата е најголемиот орган на телото, нејзината нега и заштита се од витално значење. Затоа естетската дерматологија е наш голем сојузник во потрагата по младешки изглед и убавина.
Дознајте повеќе за нашите третмани во естетската дерматологија на 02 3104 910.
Специјалист по дерматовенерологија
Практичната едукација на студентите по медицина во Клиниката Жан Митрев
Практичната едукација е клучна во образованието на секој студент по медицина. Како и многу пати до сега, проф. д-р Константин Митев хирург трауматолог – вонреден професор на ‘Goce Delcev’ University – Stip (Универзитет „Гоце Делчев“ – Штип) им пренесе дел од своето знаење на студентите по медицина. Тој денеска во просториите на клиничката болница Жан Митрев како дел од предметот хирургија 1 и 2 им одржа практични вежби при што на студентите им објасни детално за основните хируршки методи и постапките поврзани со антисепса, сепса, третман на рани и преврски.
Срцеви заболувања кај жените, симптоми и ризик фактори
Во месецот посветен на женско здравје, потребно е да обрнеме соодветно внимание на превенцијата и ризиците кои придонесуваат за појава на срцеви заболувања.
Иако за срцевите заболувања често се мисли дека се проблем на мажите, статистиката покажува дека годишно повеќе жени од мажи умираат од срцеви заболувања. Кај жените, веројатноста за смрт поврзана со срецеви проблеми е 6 пати поголема од смртноста предизвикана од рак на дојка. Срцевите заболувања убиваат повеќе жени над 65 години отколку сите карциноми заедно.
Симптомите на срцевите заболувања кај жените се разликуваат од симптомите кои се појавуваат кај мажите. За среќа, жените можат да преземат соодветни чекори кон нивно разбирање и да почнат да го сузбиваат ризик од истото.
Кои се симптомите на срцев удар кај жената?
И кај жените, како и кај мажите, најчестиот симптом на срцев удар е болката, притисок или нелагодност во градите. Но, болката најчесто не е толку силна и затоа не се зема за типичен симптом кај жените. Жените исто така, почесто од мажите, пројавуваат знаци и симптоми не поврзани со градна болка. Такви се:
- дискомфорт во вратот, рамениците, стомакот;
- глад за воздух;
- гадење или повраќање;
- отекување на екстремитетите;
- вртоглавици и темнење;
- невообичаен замор.
Многу жени поради фактот дека нивните симптоми не биле типични за срцев удар, во брза помош се јавуваат дури откако ќе се случи поголемо оштетување на срцето.
Она што е важно да запаметите е: Доколку доживувате некој од погоре наброените симптоми или мислите дека имате срцев удар, веднаш побарајте помош! Не возете сами кон болницата!
Кои се ризик факторите за срцеви заболувања кај жената?
Иако традиционалните ризик фактори за коронарни заболувања, како што се: висок холестерол, висок крвен притисок и обезност ги опфаќаат и мажите и жените, има и други фактори кои може да играат поголема улога во развојот на срцевите заболувања кај жените. На пример:
-метаболен синдром – натрупување на масно ткиво на стомакот, висок крвен притисок, висока гликоза во крвта и високи триглицериди. Овие ризик фактори се покарактеристични за жените отколку за мажите.
-ментален стрес и депресија, повеќе влијаат на женското срце.
-пушењето е поголем ризик фактор кај жените отколку кај мажите;
-ниските нивоа на естроген по менопауза се значаен ризик фактор за развој на кардиоваскуларни заболувања на малите крвни садови.
Која е критична возраст за срцеви заболувања кај жените? Дали само постарите жени треба да бидат загрижени?
Сите жени од сите возрасти треба сериозно да ги сфатат срцевите заболувања. Светските статистики потврдуваат дека срцевите заболувања се водечка причина за смрт кај жени на возраст над 65 години. Но, факт е и дека тие се трета водечка причина за смрт кај жените на возраст од 25 до 44 години и втора причина за смрт на жените од 45 до 64 години. Жените пак, кои се на возраст под 65 години, а имаат фамилијарна историја на срцеви заболувања, треба посебно да обрнат внимание на ризик факторите одговорни за срцеви заболувања.
Дали депресијата е уникатен ризик фактор за срцевите заболувања кај жените?
Депресијата е два пати почеста кај жените за разлика од мажите и го зголемува ризикот од срцеви заболувања за два до три пати. Депресијата оневозможува одржување на здрав начин на живот. Затоа доколку се соочувате со депресивни симптоми како што се: губиток на интерест за секојдневните активности, чувство на безнадежност или необјаснети промени во тежината, задолжително разговарајте со својот доктор.
Што може секоја жена да прави за да го редуцира ризикот од срцеви заболувања?
Има неколку промени во животниот стил кои може да ги направите. Едноставни се, а ќе ви помогнат да го намалите ризикот од срцеви заболувања:
- вежбајте најмалку 30 минути дневно;
- одржувајте здрава телесна тежина;
- престанете со пушење;
- јадете храна која има мала количина заситени масти, холестерол и сол.
Земајте ги редовно препишаните лекови како што се лековите за регулирање на крвниот притисок, лековите за маснотии во крвта и аспирин. Исто така треба да обрнете внимание на другите состојби кои се ризик фактори за срцевите заболувања како што се високиот крвен притисок, висок холестерол и дијабет. Некои жени кои се под висок ризик за срцеви заболувања може да имаат корист од некои додатоци во исхраната како на пример омега 3 масните киселини.
Кој тип на вежби треба да го правите за да го редуцирате ризикот од срцеви заболувања?
Треба да правите умерени вежби, како пешачење, 30-60 минути во повеќето денови од неделата. Ако не можете сите вежби да ги комплетирате наеднаш во една сесија, добро е да ги поделите вежбите во неколку физички активности од 10-15 минути сесија.
Има мали промени кои можете да ги направите за да ја зголемите вашата физичка активност преку денот. Може да ги користите скалите наместо лифтот. Пешачете или користете го велосипедот за прошетки. Правете мали вежби за циркулација додека гледате телевизија.
Што е здрава телесна тежина?
Она што се смета за здрава телесна тежина е индивидуална за секој човек. Но, одржувањето нормален body mass index (BMI) е корисно. Оваа мерка (BMI) ви кажува дали имате здрав или нездрав процент на маснотии во организмот. BMI од 25 или повеќе може да биде поврзан со зголемен ризик од срцеви заболувања. Губејќи само неколку килограми, можете да го намалите крвниот притисок и да се заштитите од појава на дијабет, двата ризик фактори за срцеви заболувања.
Дали третманот на срцевите заболувања се разликува кај жените?
Кај некои жени плаките (наслагите) се формираат подеднакво по целата должина на ѕидовите на крвните садови, што значи дека не може да се третираат користејќи процедури како што се ангиопластика и стентирање. Така што кај нив третманот со лекарства ќе даде подобри резултати отколку ангиопластика или стентирање.
Одредени лекови за срце како што се тромболитици се поефективни кај жени отколку кај мажи. Аспиринот е корисен и кај мажите и кај жените, но има разлики во примената на терапијата кај едните и кај другите. Кај жените терапијата со аспирин делува подобро во редуцирање на ризикот од мозочен удар, додека кај мажи делува подобро во редуцирање на ризикот од срцев удар.
Дали жените треба да земаат аспирин за превенција од срцеви заболувања?
Препораките од Американската Асоцијација за срцеви заболувања ги поттикнуваат жените да бидат поагресивни во намалување на ризик факторите од срцев и мозочен удар. Препораките укажуваат дека жените треба да се консултираат со својот лекар за земањето на аспирин, земајки ги во предвид индивидуалните ризик фактори за срцев и мозочен удар. Колку е повисок ризикот толку се подобри ефектите од земањето на аспиринот, но и поголем е ризикот од крварења.
За да добиете соодветен третман согласно вашите индивидуални потреби, советуваме навреме да се косултирате со некој од нашите кардиолози.
Закажете го вашиот преглед на 02 3091 484
