00389 2 3091 484
00389 2 3091 484
Të nderuar,
Ju informojmë se pranimi dhe marrja e mostrave për shqyrtimin e analizave për COVID-19 kryhet vetëm me anë të rezervimit të mëparshëm të terminit.
Rekomandohet që të gjitha rezervimet të kryhen nëpërmjet postës elektronike: infosalter@zmc
Në rast se nuk keni mundësi të kryeni rezervimin tuaj nëpërmjet postës elektronike, ju lutemi që të na kontaktoni në numrin e telefonit 00389 2 3091 484 çdo ditë nga ora 07:00deri në orën 19:00.
Me respekt,
Zan Mitrev Clinic
Të nderuar qytetarë,
Ditët e fundit ne të gjithë jemi të kërcënuar nga virusi COVID-19 dhe jemi të frikësuar nga pasojat që ai shkakton.
Si një kompani me përgjegjësi shoqërore, klinika jonë i ka ofruar të gjitha burimet e saj shtetit, në interes të një administrimi më të shpejtë, më të suksesshëm të viruseve, si dhe për unifikimin e shëndetit publik dhe privat, dhe unifikimin në sistemin shëndetësor. Tashmë dihet që testet për diagnostikimin e koronavirusit bëhen në Spitalin klinik Zan Mitrev, i cili kontribuon në zbulimin e hershëm të tij.
Përveç koronavirusit, ne jemi të vetëdijshëm se qytetarët kanë probleme të tjera shëndetësore në lidhje me sëmundjet kardiovaskulare, sëmundje të tjera kronike dhe malinje. Ndër to, ekzistojnë edhe sëmundje vonesa e të cilëve mund të çojë në një gjendje të rrezikshme për jetën.
Prandaj, të gjithë pacientët që kanë nevojë për kujdes shëndetësor, duke përfshirë këtu edhe operacionet dhe intervenimet, mund të telefonojnë në klinikën tonë me qëllim për të vlerësuar urgjencën e shëndetit të tyre. Nëse nevojitet trajtim kirurgjik apo intervenim, klinika do ta testojë pacientin për COVID-19 falas dhe nëse rezultati është negativ, pacientit do të ofrohet trajtimi spitalor.
Për informacione më të detajuara ju lutemi të na kontaktoni në numrin e telefonit +389 – (0)2- 30 91 484 ose në adresën e email-it: info@zmc.mk
Të nderuar,
Ju informojmë se në Spitalin Klinik Zhan Mitrev bëhen teste për të dijagnostikimin e koronavirusit të ri SARS-CoV-2 (i cili shkakton Covid-19).
Për informacion dhe për rezervimin e terminit për kryerjen e testit na kontaktoni në +389 2 3104 921 nga ora 14:00 deri në orën 16:00.
Në rast se keni simptoma dhe në të njejtën kohë nuk arrini të bëni kontakt në numrin tonë të telefonit, ju lutemi të na kontaktoni nëpërmjet adresës së emailit genetskalab@zmc.mk duke shpjeguar simptomat tuaja, si dhe të dhënat epidemiologjike (nëse, ku dhe kur keni udhëtuar, kur jeni kthyer, kur ju kanë filluar simptomat tuaja dhe çfarë simptomash keni, si dhe nëse keni qenë në kontakt me ndonjë person të sëmurë).
Mostrat dorëzohen vetëm në datën e konfirmuar me anë të telefonit ose email-it pasi për zvatimin e tesitit ekziston protokoll i veçantë.
Në klinikën tonë realizohen rreth njëqind teste të tilla. Pacientët të cilët nuk kanë bërë rezervim të terminit nuk do të pranohen për testim.
Rekomandohet që testi të kryhet vetëm nga ata persona që kanë simptoma dhe vijnë nga vendet me rrezik të lartë dhe të mesëm.
Mostrat e testit Kovid -19 merren në një pikë të veçantë e cila ndahet nga pjesa tjetër e spitalit për siguri dhe mbrojtje maksimale.
Deri më tani nuk ka asnjë pacient apo punonjës të stafit tonë me rezultat pozitiv të Kovid-19 në klinikën tonë.
Rastet pozitive të konfirmuara me Kovid-19 në klinikën tonë janë nga mostrat e marra nga persona të tretë të cilët i kanë dërguar në pikën tonë speciale për diagnostikimin e këtij virusi.
Merren dhe respektohen të gjitha masat në përputhje me rekomandimet e Ministrisë së Shëndetësisë.
Sot, një numër minimal informacioni është i disponueshem në lidhje me koronavirusin (Kovid-19) dhe shtatzëninë. Në dy studime të vogla, në të cilat përfshihen gjithsej 18 gra shtatzëna të konfirmuara me pneumoni Kovid-19, nuk ka asnjë provë laboratorike për transmetimin e infeksionit intrauterine tek foshnja. Megjithatë, dy raste neonatale të infeksionit janë të dokumentuara. Një tek një foshnjë 17-ditëshe, ku infeksioni me Kovid-19 i atribuohet kontaktit të ngushtë me të rriturit e infektuar; burimi dhe koha e transferimit në rastin tjetër janë të paqarta.
Parandalimi, vlerësimi, diagnostikimi dhe trajtimi i grave shtatzëna që dyshohet se kanë Kovid-19 duhet të jetë i njëjtë, madje edhe më rigoroz në krahasim me individët të cilët nuk bëjnë pjesë në këtë kategori, pasi mendohet se gratë shtatzëna janë më të ndjeshme ndaj zhvillimit të Kovid-19 dhe pasojat tek to janë më të rënda.
Dr. Irena Andonova
Specialiste në gjinekologji dhe obstetrikë
Të nderuar,
Lidhur me situatën e shfaqur kohët e fundit me pandeminë e virusit Kovid-19, dëshirojmë të informojmë publikun se Zan Mitrev Clinic javën e kaluar ofroi të gjitha kapacitetet e tij për qytetarët e vendit. Ne i kemi dërguar Ministrisë së Shëndetësisë të dhëna për të gjitha kapacitetet tona, si nga ana e stafit mjekësor ashtu edhe nga pajisjet teknike-teknologjike, në mënyrë që të përdoren për nevojat e shtetit dhe sipas një plani dhe programi që do të përcaktohet ose kërkohet nga ministria përkatëse.
Në këtë drejtim, theksojmë edhe një herë që kemi ofruar 40 respiratorë për të rritur, 6 për fëmijë dhe 2 inkubatorë transporti.
Klinika jonë zbaton masat më rigoroze të mbrojtjes ndaj virusit në të gjithë objektin e klinikës për të siguruar në nivel maksimal shëndetin e të gjithë pacientëve, vizitorëve dhe punonjësve tanë.
Bëjmë apel për të gjithë qytetarët të respektojnë masat e rekomanduara nga ministria e shëndetësisë për tu mbrojtur dhe për të parandaluar virusin Kovid 19.
Ne jemi këtu për ju me kapacitet të plotë.
Zan Mitrev Clinic kujdeset për shëndetin tuaj!
Mosmbajtja e urinës e njohur ndryshe si stres-inkontinenca zakonisht ndodh gjatë aktiviteteve të tilla si kollitja, teshtitja,të qeshurat, stërvitja ose në rastet më të rënda gjatë marrëdhënieve seksuale duke u manifestuar me lëshimin e një sasie të vogël të urinës nga uretra – kanali urinar.
Stres-inkontinenca është një nga gjendjet më të zakonshme tek gratë, veçanërisht tek më të moshuarit. Shumë më e madhe është mundësia e shfaqjes së kësaj gjendje edhe tek gratë të cilat kanë pasur një apo më shumë lindje.
Për shkak të stres-inkontinencës, gjatë kollitjeve, teshtitjeve dhe ngritjeve të peshave të rënda shkaktohet presion më i madh në abdomen, presion i cili ndikon drejtpërdrejtë në uretër, duke shkaktuar kështu lëshimin e pakontrolluar të një sasie të caktuar të urinës. Një numër i madh shkaqesh të ndryshme mund të çojnë në shfaqje të stres-inkontinencës. Për shembull, kjo mund të shfaqet si rezultat i dobësimit të muskulit në zonën e pelvisit ose dobësim i muskulit të sfinkterit në qafën e fshikëzës së urinës. Problemi me mënyrën e në të cilin muskuli i sfinkterit hapet dhe mbyllet, gjithashtu mund të rezultojë në shfaqje të stres-inkontinencës. Kolla kronike, konsumi i duhanit dhe mbipesha trupore ndikojnë në shfaqjen e kësaj gjendje.
Në rastet e mosmbajtjes së urinës, muskujt e pelvisit (legenit) mund të dobësohen. Kjo mund të bëjë që fshikëza të zbresë në pozicion në të cilin ndalon mbylljen e plotë të uretrës, gjë e cila rezulton me urinim të pavullnetshëm.
Simptoma kryesore e stres-inkontinencës është urinimi i pavullnetshëm gjatë ecjes dhe aktiviteteve fizike. Ky urinim i pavullnetshëm mund të shfaqet në sasi më të vogla ose më të mëdha në varësi të arsyes që e shkakton atë.
Ekzistojnë disa mënyra për trajtimin e stres-inkontinencës:
– Ushtrime të Kegelit, të njohura ndryshe si ushtrime të pjesës së pelvisit të cilat ndihmojnë në forcimin e muskujve të cilët ndihmojnë në mbajtjen e fshikëzës së urinës, mitrës dhe zorrëve. Me forcimin e këtyre muskujve, mund të reduktoni problemin e lëshimit të pavullnetshëm të urinës.
-Reduktimi i peshës trupore: Stres-inkontinenca është e lidhur me mbipeshën.
Kirurgjia: Kur metodat e tjera të trajtimit të stres-inkontinencës nuk funksionojnë, operacioni mund të jetë një zgjidhje. Kirurgjia tani është minimale invazive dhe kryhet në mënyrë ambulatore në shumicën e rasteve. Ekzistojnë disa lloje të operacioneve të kanë për qëllim përmirësimin e funksionit të sfinkterit të fshikëzës dhe trajtimin e mosmbajtjes së urinës.
– Ndërhyrje minimale invazive: Në këtë procedurë, kirurgu bën 8 deri në 9 mm. Prerje në pjesën e përparme të murit të vaginës dhe me ndihmën e disa mjeteve të veçanta për ndërhyrje bëhet vendosja e një aksesori polipropilen i cili është i qëndrueshëm dhe merr funksionin e sfinkterit në fshikëzën e urinës. Ky konsiderohet si një standard i artë për trajtimin e stres-inkontinencës i cili është mbi 95% i suksesshëm me ndjekje deri në 5 vjet.
Sfinktere artificiale: Zakonisht aplikohen tek meshkujt, por gjithashtu mund të jenë të përshtatshme edhe për gratë.
Menopauza, e njohur ndryshe edhe si klimaterium ose si puberteti i dytë, shënon fundin e ciklit menstrual tek gratë pas moshës 50 vjeçare, po kështu edhe fundin e periudhës së riprodhimit tek gratë. Menopauza përcaktohet si gjendje e mungesës së menstruacioneve gjatë 12 muajve të njëpasnjëshëm.
Përfundimi i periudhës riprodhuese është rezultat i zvogëlimit të sekretimit të hormoneve femërore (estrogjenit dhe progesteronit) tek vezoret. Kalimi i gjendjes së riprodhimit në infertilet tek gratë ndodh gradualisht gjatë disa viteve dhe është pasojë e plakjes biologjike. Përfundimisht, vezoret nuk prodhojnë më vezë dhe gruaja nuk mund të mbetet shtatzënë, por gjithësesi ajo vazhdon të jetë e shëndetshme, vitale dhe të ketë jetë seksuale aktive, shprehet Prof. Dr. Vasil Iliev, specialist në gjinekologji dhe obstetrikë.
Fillimi i menopauzës është individual. Zakonisht shfaqet ndërmjet moshës 45 dhe 55 vjeç, ka gra që hyjnë në menopauzë në vitet 30 ose 60. Mosha mesatare në të cilën gratë hyjnë në menopauzë konsiderohet të jetë 51 vjeçare.
Gjatë periudhës se menopauzës vezoret prodhojnë estrogjen, por ka mungesë të progesteronit – hormon i cili rregullon ciklin menstrual dhe fertilitetin. Gjatë kësaj periudhe rreziku i shfaqjes së osteoporozës rritet, sikurse edhe rreziku i shfaqjes së sëmundjeve kardiovaskulare dhe rënies konjitive. Edhe pse 70 – 80 përqind e grave gjatë periudhës së menopauzës përjetojnë valë nxehtësie dhe djersitje gjatë natës (simptoma vazomotorike), ndjesi kalimtare të nxehtësisë, djersitje, nervozizëm ose ndjesi të ftohti që zgjasin nga 1 deri në 5 minuta (ose ndonjë kombinim i tyre), vetëm 25% e grave kërkojnë ndihmë mjekësore gjatë periudhës së menopauzës.
Në vijim disa nga simptomat të cilat tregojnë fillimin e menopauzës:
1.Çrregullim i ciklit menstrual
Çrregullimi i ciklit menstrual është simptoma e parë dhe më e zakonshme e menopauzës. Eshtë rezultat i paqëndrueshmërisë së hormoneve në trupin tuaj që funksionojnë deri në fund të riprodhimit tuaj.
Valët e nxehta dhe nganjëherë të ftohta ndodhin papritmas dhe shkaktojnë skuqje në fytyrë. Kjo ndodh për shkak të rënies së estrogjenit.
Gratë të cilat tashmël kanë hyrë në periudhën e menpopauzës mund të vuajnë nga pagjumësia, shpesh ato nuk mund të flenë për shkak të valëve të nxehtësisë. Përveç reduktimit të furnizimit të trupit me estrogjen, gjithashtu reduktohet edhe furnizimi i trupit me progesteron gjatë periudhës së menopauzës.
Për shkak të zvogëlimit të prodhimit të estrogjenit, i cili është përgjegjës për ruajtjen e lagështirës vaginale, indet fillojnë të thahen dhe bëhen më pak elastike.
5.Nervozizëm dhe depresion
Stresi, zemërimi dhe depresioni mund të jenë të pranishëm tek gratë të cilat kanë hyrë në periudhën e menopauzës. Ankthi dhe humbja e stabilitetit emocional janë simptoma të zakonshme, siç janë momentet e panikut dhe simptomat fizike, si rrahjet e shpejtuara të zemrës dhe vështirësitë në frymëmarrje.
Për shkak të çekuilibrit hormonal, gjymtyrët ngadalë fillojnë të ënjten dhe të shfaqin dhimbje. Sidoqoftë, nëse dhimbja bëhet më e shpeshtë dhe e padurueshme, duhet patjetër të konsultoheni me mjekun tuaj.
Një simptomë e zakonshme e menopauzës është prania e disbalancimit hormonal gjë e cila reflektohet edhe në shfaqjen e ndryshimit në rritjen e flokëve. Për shkak të reduktimit të prodhimit të estrogjenit, mund të ndodhë edhe humbja e flokëve.
Simptomat e vazomotorit, janë të zakonshme tek gratë perimenopausal dhe menopausal, shoqërohen me cilësi të dobët të gjumit, vështirësi në përqendrim, nervozizëm, ulje të cilësisë së jetës, gjendje të dobët shëndetësore dhe humbje të eshtrave.
Menopauza gjithashtu mund të shoqërohet me një rrezik të shtuar të sëmundjeve kardiovaskulare dhe ndryshimeve konjitive.
Sindroma gjenitourinare e menopauzës, me ndryshime në fshikëz, vulvë dhe vaginë, është e pranishme tek pothuajse 50% e grave pas menopauzës. Simptomat përfshijnë thatësira vaginale, ethe, acarim, thatësi, dhimbje gjatë marrëdhënieve seksuale, urinim të shpeshtë dhe infeksione të përsëritura të traktit urinar. Kjo ndikon shumë në marrëdhëniet intime dhe cilësinë e jetës në përgjithësi.
Terapia me anë të hormonit menopausal siguron lehtësimin e simptomatologjisë vazomotore (valët e nxehtësisë, djersitjet gjatë natës, gjumi i jo i qetë, etj.), redukton osteoporozën dhe rrezikun e frakturave dhe shmang sindromën gjenitourinare të menopauzës.
është shumë e rëndësishme dhe e veçanërisht e dobishme për gratë që të informohen saktësisht rreth menopauzës, si dhe opsionet e ndryshme të cilat mund t’iu ofrohen në rast se kanë nevojë për ndihmë dhe për ti përballuar më lehtë simptomat dhe pasojat e mundshme.
Dhe këtë vit nën moton “MUAJI I DASHURISË NË EMËR TË TË GJITHË HEROJVE TANË TË VEGJËL”
“Ndryshimet e vogla mund të bëjnë dallime të madha”. Në muajin shkurt, janë realizuar disa aktivitete me anë të të cilave i jemi bashkuar përpjekjeve për të rritur ndërgjegjësimin e çdo individi për kujdesin që të gjithë duhet t’i kushtojmë shëndetit të zemrës dhe kujdesit ndaj rreziqeve të shfaqjes së anomalive të caktuara të cilat mund të ndikojnë në funksionin e zemrës.
Muaji Shkurt është shënuar si muaji i shëndetit të zemrës në Amerikë dhe për më tepër muaji që përqëndrohet në ndërgjegjësimin e defekteve të lindura të zemrës. Me anë të promovimit të mënyrës së shëndetshme të jetesës dhe ekzaminimeve në kohë, ekipi i ZAN MITREV CLINIC bëri përpjekje për të përcjellë mesazhin tek të rinjtë të cilët duhet të jenë promovues të këtyre ndryshimeve dhe të vazhdojnë punën e tyre me përgjegjësi shoqërore.
Si pjesë e aktiviteteve, në ambjetet e Zan Mitrev Clinic u organizuan disa seminare për vullnetarët e Kryqit të Kuq të Qytetit të Shkupit dhe u drejtuan nga ekipi i ekspertëve të klinikës tonë. Është mbajtur seminar nëpërmjet të cilit psikologët tanë kishin si qëllim kryesor reflektimin tek të rinjtë në lidhje me atë çfarë mund të bëjmë për shëndetin tonë mendor duke mbështetur kështu edhe shëndetin e zemrës, fizioterapistët folën për rëndësinë e aktivitetit fizik ndërsa nutricionistët për mënyrën se si ushqimi kontribuon në shëndetin e duhur dhe energjinë e nevojshme.
Në kuadër të këtyre aktiviteteve gjithashtu janë realizuar edhe ekzaminime falas kardiologjike dhe pediatrike për fëmijët e kampeve të refugjatëve të vendosura në Maqedoni.
Ne besojmë se aktivitete të tilla do të kontribuojnë në promovimin e shëndetit të zemrave tona, dhe nëpërmjet të cilave i respektojmë të gjithë herojtë tanë të cilët kanë kryer intervenime dhe operacione në klinikën tonë.
