Месец: м.г

Атриовентрикуларен септален дефект- приказ на случај

Атриовентрикуларниот септален дефект (AVSD) e релативно честа вродена срцева маана. Исто познат и како атриовентрикуларен канал дефект, опфаќа околу 5% од сите вродени срцеви маани. Примарниот дефект е во нецелосното формирање на центарот на срцето од ембрионалните структури, познати како ендокардиjални “перници”. Овие ендокардиjални “перници” се одговорни за поделба на централните делови на срцето во близина на атриовентрикуларните валвули (трикуспидна и митрална валвула), кои што ги делат атриумите (преткоморите) од вентрикулите (коморите). Структурите што се создаваат од ендокардијални “перници” вклучуваат долен дел од атријалниот септум (ѕидот кој ги дели десен од лев атриум) и вентрикуларниот септум (ѕидот кој ги дели десен и лев вентрикул) непосредно под трикуспидната и митралната валвула. Ендокардијалните “перници”, исто така, ја комплетираат сепарацијата на митралната валвула и трикуспидната валвула. Атриовентрикуларниот септален дефект може да опфаќа малформација на било која од овие структури.Во СБХБ “Филип Втори”, кај 11- годишна пациентка ехокардиографски верифицирано е изразена митрална и трикуспидна регургитација, како и дефект на интраатријалниот септум. Со тоа се постави индикација за хируршка корекција на вродената срцева маана. На интраоперативното трансезофагеално ехо се детектира ASD тип примум, клефт на преден митрален куспис, дилатиран анулус со пропратна митрална регургитација од 3 степен. Дилатиран анулус на трикуспидна валвула со пропратна трикуспидна регургитација од трет степен. Двата кусписа, предниот митрален и септалниот куспис потекнуваат директно од септалниот дел. Кардиохируршката корекција се состоеше од сутура на клефт на преден залисток на митрална валвула и семициркуларна сутурна анулопластика на митралната валвула. Транссептален пристап. Затворање на атријалниот септален дефект со перикарден пач и реконструкција на трикуспидна валвула со семициркуларна сутурна анулопластика.Кај повеќето мали пациенти потребна е два до четири дена интензивна нега после комплетна корекција на атриовентрикуларниот дефект, и целосна хоспитализација пет до седум дена. Најновите резултати укажуваат дека ратата на преживување кај овој тип на операции е 97%.

Прв конгрес на медицински сестри и техничари на интензивна нега на Босна и Херцеговина

Од 21.11-.24.11.2014 во Фојница, Босна и Херцеговина се одржа Првиот конгрес на медицински сестри и техничари на интензивна нега на Босна и Херцеговина со меѓународно учество.На овој конгрес учествуваа околу 150 учесници од сите земји во регионот, Македонија, Турција, Словенија, Хрватска, Германија, Србија, Босна и Херцеговина, Кипар и Италија, а активно учество зедоа и пациенти кои ги поделија своите искуства стекнати за време на нивниот престој во единиците за интензивно лекување.Активно учество на овој конгрес од Специјалната Болница „Филип Втори“ земаа Жанета Богоевска Митева и Гордана Бошеска. Жанета Богоевска Митева, како гостин предавач, одржа предавање на тема: “Инвазивни процедури на интензивна нега во Филип Втори”, во кое беше истакната важноста од изведување на инвазивните процедури на „пациент место“, со што се бележи значително скратување на времето до добивање на третман и намалување на стресот кај пациентите. Употребата на најсовремените средства и техники за изведување на инвазивните процедури кои беа претставени преку кратки филмови снимени на нашата интензивна нега, предизвикаа голем интерес кај присутните. Во делот на дискусии, Гордана Бошеска го престави начинот на едукација во нашата установа, кој наиде на голем број пофалби и одобрувања од учесниците.Овој конгрес придонесе за промоција на нашата болницата и можност за разменување на искуства со останатите земји од регионот, како и основа за понатамошна меѓусебна соработка.

Курс АО Траума- Загреб, Р. Хрватска

Во периодот од 06 – 08.11.2014 година се одржа Курс AO Траума – Principles in Operative Fracture Treatment for ORP во Загреб, Р. Хрватска. Учество земаа повеќе земји меѓу кои и Хрватска, Романија, Бугарија и Р. Македонија.

Претставници од Специјалната болница по хируршки болести “Филип Втори” кои имаа активно учество беа инструментарките Блажевска Снежана и Исакоска Александра. Беа опфатени теми за фрактури и нивниот третман, надворешни фиксатори, како и “Principles of Intramedullarni nailing”, “Principles of Internal fixator using the Locking compresion plate (LCP)”.

VII конгрес на кардиоваскуларни хирурзи на Р. Србија

Од 27-29 ноември 2014 година во Нови Сад, Р. Србија, се одржа VII конгрес на кардиоваскуларни хирурзи на Србија со меѓународно учество. Со теми и предавања на сесиите на овој конгрес учествуваше и тим на лекари од Специјалната Болница „Филип Втори“ на чело со Академик Д-р Жан Митрев.

Од 27-29 ноември 2014 година во Нови Сад, Р. Србија, се одржа VII конгрес на кардиоваскуларни хирурзи на Србија со меѓународно учество. Со теми и предавања на сесиите на овој конгрес учествуваНа овој конгрес беа презентирани следните предавања:

Surgery for thoracoabdominal aortic aneurysm – Mitrev Z, Anguseva T, Hristov N, Stoicovski E, Idoski E, Milev I, Izdrizi S.

Reconstructive surgery of aortic valve and aortic root – Mitrev Z, Anguseva T, Stoicovski E, Hristov N, Idoski E, Matvejcuk A.

Intraoperative 3D transoesophageal valvular evaluation – Anguseva T, Manailova T, Aleksovski E, Stoicovski E, Milev I, Idrizi S, Mitrev Z.

Surgery for patients with diffuse atherosclerotic disease – Mitrev Z, Anguseva A, Hristov N, Lazovski N, Aleksovski E, Manailova T.

Surgical treatment for carotidal disease – Mitrev Z, Anguseva T, Hristov N, Lazovski N, Sterjo E, Manailova T, Gjorgon M.

Surgery for peripheral vascular disease – Hristov N, Anguseva T, Lazovski N, Sterjo E, Mitrev Z.

Interventional procedures for congenital heart disease – Milev I, Anguseva T, Idrizi S, Ampova V, Zimbakov Z, Mitrev Z.

The role of CRRT treatment in patients with renal insufficiency after cardiac surgery – Anguseva T, Stoicovski E, Popeski D, Neziri D, Vuchovska D, Ugurov P, Neshkoski I, Mitrev Z

Предавањата беа едни од најпосетуваните, теми кои побудија најголем интерес меѓу присутните, посебно во промоција на новите напредни кардиохируршки техники.

Ова беше уште една можност за промовирање на работата и достигнувањата на Специјалната Болница „Филип Втори“ како лидер во третманот на кардиоваскуларните заболувања во овој дел на Европа како и размена на досегашни искуства.

БЛАГОДАРНОСТ ОД СРЦЕ

Пациентот Рамиз Хуна, беше примен во Специјалната болница по хируршки болести “Филип Втори” на 10.10.2014 година во тешка општа состојба, со болки во грбот и стомакот. По спроведениот дијагностички преглед беше утврдена руптурирана инфраренална аневрезма, по што беше направена итна операција, замена на инфраренална абдоминална аневризма со Albograft Y протеза 20/10.

Постоперативниот тек на пациентот беше добар и по единаесет дневна хоспитализација, пациентот беше отпуштен дома во одлична здравствена состојба.

Задоволството на семејството за навремената дијагностика и направената успешна, итна операција беше неизмерно, поради што во знак на благодарност семејството и́ додели донација на болницата (две транспортни колички).