Месец: м.г

Спортувањето – вистински избор за здрав и правилен развој

Нашата болница со континуирана поддршка на спортот

По пауза од 14 години најдобрите кик боксери своите вештини ќе ги покажат пред публиката во Штип. Организатор на државното првенство е штипскиот боречки клуб „Гладијатор“ кој се формираше и работи со максимална поддршка на Специјалната болница по хирушки болести „Филип Втори“. Од своето постоење до денес клубот ниже успеси како во државата така и надвор од неа . Од година во година бројот на освоените трофеи се зголемува. Успехот на клубот е причина за зголемен интерес на младите да бидат дел од него. Избирајќи го спортот тие го избираат вистинскиот пат за здрав и правилен развој. Првенството ќе се одржи во СЦ „Јордан Мијалков“ со почеток во 12.00 часот, влезот е слободен.

Ново срце – најголем подарок за неговиот трети роденден

Нашето искуство од 15 години кардиохирургија има опфатено третман на 793 деца, тоа се пациенти за кои кај лекарите се буди и непостоечкото шесто сетило. Еден од нив е малечкиот Т.С кој со неполни три години беше примен во нашата болница со една од почестите вродени срцеви мани од типот на вентрикуларен септален дефект која доведува до мешање на крвта во двете комори. По соодветна предоперативна подготовка , кај детенцето е направена хирушка корекција од типот на затворање на вентрикуларниот септален дефект со перикарден пач пластика и реконструкција на аортна валвула со анулопластика.Односно, комуникацијата е прекриена со парче од перикардиумот со што е оневозможено понатамошно мешање на крвта. Прстенот на аортниот залисток хирушки е намален, со што валвулата може да се затвора нормално и да нема враќање на крвта. Овој тип на операции секогаш се проверуваат со трансезофаегеална ехокардиографија чија анализа покажа уредна корекција на вродениот дефект кај пациентот.Датумот на роденденот на нашиот мал-голем јунак се совпадна со неговиот престој во болницата. Персоналот кој се грижеше за него му приреди иненадување со роденденска торта и подарок. Најголемиот подарок за неговиот трети и сите следни родендени е неговото „ново“ срце.Неговата детската насмевка беше одговор на се. Насмевка за живот.

Интраоперативно направено е трансезофагеална ехотомографија (ТЕЕ) при што е верифицирано постоење на ВСД (вентрикуларен септален дефект). Хемодинамиски и ритмички стабилен по излегување од сала со ниско дозирани катехоламини кои набрзо се исклучени. Екстубиран после 3 часа. Кристалоидно супституиран според хемодинамиските параметри. Електролитно супституиран според ацидобазниот статус. Вклучена антибиотска терапија. Задоволителна артериска оксигенација, уредни вредности на гасните анализи во крвта. Спроведена интензивна респираторна терапија и започнати постепени мобилизациски постапки кои уредно ги толерира. Во неколку наврати земени материјали за комплет лабораториски анализи, како и материјали за комплет микробиолошка дијагностика. Лабораториски параметри во граници на референтните вредности. Микробиолошки не се изолирани патогени бактерии. Вториот постоперативен ден, тимот на Филип Втори на малиот Борче му приреди изненадување со роденденска торта и мал подарок за неговиот трети роденден. Насмевката на неговото лице беше најголемата благодарност за нас. Немерливо е задоволството да се работи со деца, да се слушне нивниот плач, да се почувствува нивната топлина. Седмиот постоперативен ден се испишува на домашно лекување во добра општа состојба со препорака за редовни контроли.

Улогата на микробиолошката лабораторија во контролата на болничките инфекции

Микробиолошката лабораторија на Специјалната болница по хирушки болести „Филип Втори“ и во 2104 година го потврди квалитетот на своето работење. Признанието е добиено преку надворешна контрола од страна на експерти од Холандија, Данска, Велика Британија и други европски држави во рамките на CAESAR (Central Asian and Eastern European Surveillance of Antimicrobial Resistance).Нулта толеранција поточно ниту еден случај на болничка инфекција!Ова е основното начело на работата на микробиолошката служба и тимот за интрахоспитални инфекции, за континуирано одржување на здравјето на нашите пациенти. Со големи напори од страна на сите профили на здравствени работници се обезбедува систем на работа кој поддржува сигурна пракса. Микробиолошката лабораторија со својот потенцијал постојано работи на спречување на појава на инфекција кај пациентите кои престојуваат во болницата, користејќи брзи, прецизни и стандардизирани техники. Редовната епидемиолошка контрола во болницата и успешната соработка со клиничките тимови придонесува да се држи под контрола настанувањето на резистенција на микроорганизмите кон антимикробните средства. Во светски рамки поразителен е податокот кој укажува дека годишно болничките инфекции се причина за смртност на поголем број луѓе во споредба со бројката на лица кои животот го губат во сообраќајни несреќи,пожари и поплави.

Дисекантна аневризма- приказ на случај

Пациент на 37- годишна возраст, префрлен во Специјална болница за хируршки болести “Филип Втори” како итен слчучај од Косово. Субјективно се жали на болки во градите, кои датираат од пред неколку дена, кашлање, кое е поизразено кога е во хоризонтална положба, мачнина и глад за воздух. Направен е МСКТ на торакална празнина и абдомен. КТ наод- Се прати аневризма на аорта асценденс (синус Валсалва со максимален пречник околу 55мм), со Stanford A (De Bakey тип 2) дисекција на аортата, супракоронарно, при што дисекцијата не ги зафаќа tr.brachiоceph. и ACC sin., а према дистално продолжува до аркусот на аортата и завршува на ниво под излезиштето на a. subclavia sin. која што проксимално е зафатена од дисекцијата со видлив флеп. Коронарните крвни садови излегуваат од вистинскиот лумен. Десцендентната торакална и абдоменална аорта се КТ уредни, без знаци за дисекција или други патолошки промени. Белите дробови се со застојни пневмонични консолидации билатерално. Плевралните простори се со плеврален излив билатерално дорзобазално, лево до 16мм, десно нешто поизразен до 25мм. Медијастинално и хиларно билатерално не се забележуваат патолошки наголемени лимфогландули.

1. Скен на торакална аорта по кардио протокол – наод за дисекантна аневризма

После соодветна подготовка, направено е итна операција. Реконструкција на аортниот корен и аортната валвула со пликација на некоронарниот и десниот синус со перикарден пач. Суспензија на некоронарниот залисток и десниот залисток со Gorotex 5-0. Супракоронарна замена на асцендентната аорта со васкуларна протеза Albograft 24 mm и замена на асцендентна аорта со хемилак со васкуларна протеза Albograft 20mm. Канилација на десна субклавијална артерија.Интраоперативно ТЕЕ: Дилатиран аортен анулус дисекција Станфорд А која почнува на висина на левиот коронарен остиум. Ао рег +3 Постоперативно пациентот е хемодинамски и ритмично стабилен, екстубиран после 46 часа. Медикаментозно супституиран според хемодинамските параметри и ацидобазниот стаус. Вклучена е антикоагулантна терапија, емпириска антибиотска терапија, хепатопротективна и церебропротективна терапија. Спроведена е интензивна респираторна терапија. Пациентот е мобилизиран во тек вториот постоперативен ден. Во неколку наврати се земени материјали за комплет лабараториски анализи, како и материјали за комплет микробиолошки анализи. Лабораториските наоди се уредни во тек на целиот постоперативен период. Микробиолошки не се изолирани патогени бактерии. Постоперативен тек уреден во наредните денови. Четвртиот постоперативен ден направено е контролен МСКТ на торакс со наод – Се прати состојба после замена на аорта асценденс со Албографт протеза заради аневризма на аорта асценденс со Stanford A (De Bakey тип 2) дисекција на аортата. Видлив мал резидуантен флеп на аркусот на аортата.Белите дробови се со помали плеврални изливи билатерално дорзоабазално, со придружни компресивни ателектази на белодробниот паренхим. Медијастинално и хиларно билатерално не се забележуваат патолошки наголемени лимфогландули.

2. Состојба после замена на аорта асценденс со Албографт протеза заради аневризма на аорта асценденс

Деветтиот постоперативен ден пациентот се испишува на домашно лекување во добра општа состојба со препорака за редовно консумирање на соодветната медикаментозна терапија и редовни контроли.