Месец: м.г

„Разочарана од сопствената судбина престанав да пишувам поезија за деца“

Велат дека водата ги добива својствата од пределот низ кој поминува а луѓето од поднебјето во кое се родени…Штип останува еден од најдаскалските градови во Македонија и некогаш и сега. На тој учителски свет роден во Штип му припаѓа и тетка Анка. Професорката од болничката соба број 5.

Нашето внимание го привлече со прашањето до д-р Митрев при неговите редовни визити кон сите пациенти. Му се обрати со зборовите „Докторе дали може да ви изрецитирам една моја песна посветена на браќата Кирил и Методиј. Зарем можеше одговорот на толку несекојдневно прашање на биде „не“. Се насмевна професорката и почна:

ШТОМ ФРЛИМЕ ПОГЛЕД НА МИНАТИ ВЕКОЈПОМИНАТИ ВО РОБСТВО ВО НАЈКОБЕН МРАКЌЕ ИЗГРЕАТ ВЕДНАШ ДВА ПРЕСВЕТЛИ ЛИКАОД КОЈ БЛЕСНА ПРВИОТ НА ЗЕМЈАТА ЗРАК
НЕ БИ МОГЛЕ ВЕКОЈ ДА ИЗБРИШАТ ТОА ШТО КИРИЛ И МЕТОДИЈ ГО СОЗДАДОА В МИГИЗМИНАТИ ВЕКОЈ НА НИВНАТА СЛАВАЗА ГРАМ ВО ПРОСТОР УСИЛУВАН БИЛ
НИВНИОТ ОБРАЗ НЕ ГАСНЕ НЕ ГОРИПО ЦЕЛО СЛОВЕНСТВО Е НИВНИОТ ПАТОД ВЛАДИВОСТОК ДО ЕГЕЈОТ СИННИВНИОТ ОБРАЗ НЕ ГАСНЕ НЕ ГОРИПО ЦЕЛО СЛОВЕНСТВО КО НЕКАКОВ ФАР

Следуваше аплауз за старицата која ја троши својата 85 пролет иако како што вели во душата и е доцна есен, и заради датумот на раѓање но и заради сите ветришта и дождови кој и ги донеле годините зад неа. Судбина која ја остарела пред време, тагата по чедата…Ги загубила и двете ќерки во најубавите години:
„Ми се родија на 7 години разлика , на седум години разлика и загинаа. Прво постарата па помладата и двете во сообраќајни несреќи .Едната на 27, другата на 23 години. Од тогаш до денес ми се чини живеам без душава. Но ете Господ уште не ме сака. Пред 2 години ми почина и сопругот и сега сум сама на веков. Доживувам длабока старост и покрај сите болки умот се уште ми слугува. Ако почнам да ви раскажувам за животот роман ќе напишам. Сакав да бидам актерка колку сакав, за ништо друго не размислував кога бев средношколка . Имав можност да глумам во штипскиот тетар. Тогаш немаше многу артисти и дојде еден директор , се поставуваше драма и не одбра 4 девојчиња не праша дали сакаме да глумиме се согласивме и тоа беше првото мое актерско искуство и толку. Потоа сакав да одам на белградската академија за глума но татко ми не ме пушти ми викаше има тука школи немам пари да студираш на страна. Се запишав на филолошки факултет отсек компаративна книжевност со македонски јазик. Професор ми беше Академик Поленаковиќ, секогаш ми викаше Анке тебе академик ќе те правиме , но се омажив останав бремена и ништо од тоа. Моето прво вработување беше во гимназијата „Раде Јовчевски Корчагин“ овде во Скопје, таму и се пензионирав. Бев првата професорка по македонки јазик во училиштето. Многу сакав да пишувам посебно песни за деца но се разочарав од сопствената судбина и не можев да продолжам со тоа. Пишував и проза и поезија за своја душа. Среќна сум што и денес после толку години моите ученици ме поздравуваат и ме почитуваат, не ме заборавиле. Но години минале, многу генерации, што се онесува до моето здравје се чувам внимавам на себе колку можам но ете со оваа повреда ми се отежна секојдневието. Фала на д-р Митрев за грижата кон мене, не дека е од Штип ама е најдобар “.

Тетка Анка кај нас е донесена после неколку месечни неуспешни обиди во други здравствени установи да и се помогне полесно да ги преброди болките како последица на скршеница на долниот дел од бутна коска.. Операцијата е ризична заради здравствената состојба и староста, но животот мора да се одживее.

Електромиографија во дијагноза на болка во Тунел карпал синдром

Тегобите кои се јавуваат во дланката проследени со болка и трпнење по прстите, како и намалено чувство на фин допир, топло и ладно често пати ја отежнуваат функционалноста на моториката на прстите и дланката. Истите најчесто се резултат на т.н. Тунел карпал синдром.Причините за манифестација на овој болен синдром на дланката се многубројни. Секоја промена која предизвикува стеснување на каналот од рачјето доведува до комресија на медијалниот нерв . Денес Тунел карпалниот синдром се вбројува во професионални заболувања поради зачестена работа на компјутер со неприлагодена ергономија и поставеност на дланките врз работната површина. Тунел карпалниот синдром почесто се јавува при состојби со хормонален дисбаланс (бременост, менопауза), кај дијабетичари, кај пациенти со дисфункционалности на штитната жлезда и проблеми со бубрезите, при воспалителни реакции во рачјето или како посттравматска компликација кај фрактури на рачен зглоб.Клиничката манифестација во поголем број на случаи започнува со чувство на боцкање во јагодиците од прстите , најчесто на средниот прст, за подоцна да се прошири како трпнење или чувство на жаречки болки во првите три прсти од дланката со губење на силата за стисок и најчесто неволно испаѓање на предмети од дланаката. Болката која е локална во пределот на рачјето често пати може да иритира и да зрачи кон подлактицата па дури и до вратната регија. При подолготрајна афекција на нервот доаѓа до губење на мускулната сила на палецот и дланката со што се редуцира квалитетот на живеење и се оневозможени и вообичаените основни дневни активности (сечење на леб, користење на мобилен телефон, отворање на конзерва и сл.) Дијагностиката освен со невролошки преглед се потврдува и со електромиографија (ЕМГ) и електронеурографија (ЕНГ ) за прецизирање на спроводливоста на медијалниот нерв во карпалниот тунел .Терапијата во почеток се состои во ординирање на аналгетска и витамино терапија, спроведување на физијатриски процедури за подобрување на трофиката на афектираниот нерв и аплицирање на ортоза, која оневозможува превиткување на дланката во рачниот зглоб при секојдневни активности.При акутни болки кои не се смируваат со таблетарна терапија се аплицира локална кортико терапија која има за цел да го редуцира притисокот во каналниот простор на рачјето.Крајно решение за ослободување од овие болни синдроми е оперативен зафат. Во последно време се пирменува и ендоскопска метода со што пациентите побргу се враќаат во секојдневните ангажмани .

Приказ на случај
Жена В. С. на 47 годишна возраст, работи во сметководствено биро на компјутер, од пред две години има болки во вратот, долж рамето и десна дланка со трпнење на јагодиците од првите три прста. Невролошки преглед – паравертебрална мускулатура со спазам на вратот, хипотрофија на тенорот на дланката со намалена груба моторна снага при флексија на првите три прсти на дланката. МР на цервикален рбет со полидископатија од Ц4 до Ц7 градус 3, со најизразен дискус хернија на Ц5-6 дорзомедијален на десно, со антериорна компресија на медула спиналис. Спиналниот канал сведен на 7 мм, а во медула спиналис се забележуваат почетни миелопатски промени.Хернијата на Ц5-6 и Ц6-7 е од помал степен. Електромиографскиот наод на испитуваните мускули покажува лесно редуциран инервациски примерок со присуство на АМП со висока амплитуда и пролонгирано времетраење со поголем процент на полифазни потенцијали , кое оди во прилог на радикулопатија од хроничен карактер на ниво на Ц5-Ц6 од средно тежок степен . Електроневрографија ( ЕНГ ) со испитување на сензорната и моторна брзина на спроведување и дисталната латенца на улнарниот нерв се во граници на нормала, за разлика од медијалниот нерв на десна страна, кој е со скоро немерлива сензорна брзина на спроведување и дистална латенца, како и моторна брзина на спроведување на долна граница од 57,5 м/сек ( нормално 60-70 м/сек) и изразено продолжена дистална латенца во рачниот зглоб од 8,00 мс ( нормално 2.0 +- 0,3 мс).

Заклучок : Електромиографијата и електронеурографијата , со која се испитува спроводливоста на нервите, во конкретниот случај упатува не само за постоење на радикулоптија на ниво од Ц5-Ц6, туку и за Тунел карпал синдром од потежок степен, каде се компимирани особено сензитивните влакна на медијалниот нерв во каналниот простор на рачјето.

Пациентот е момче на возраст од 15 години

Во периодот од 05–06 јуни во Барселона Шпанија, се одржа “THROMBOSIS MANAGEMENT – PUTTING THE PATIENT FIRST” подржано од BAYER HEALTHCARE. На него беа презентирани пленарни предавања и одржани работилиници од областите атријална фибрилација, венски тромбемболизам, акутен коронарен синдром и нови антикоагулантни лекови. Посебен акцент беше ставен на индивидуланиот пристап на антикоагулантна терапија за секој пациент посебно, што е денес тренд во областа на антикоагулацијата, како и соодветно менаџирање на крварењето како најсериозна несакана компликација од оваа терапија. На ова светско случување учество земаа 900 лекари, меѓу нив како дел од тимот на Македонија беше и д-р Елена Амбаркова Виларова од Специјалната болница по хируршки болести”Филип Втори”.

Пациентот е момче на возраст од 15 години

Орхиектомија(Orchiectomia) – е оперативен зафат со кој се отстарнува еден или двата тестиси кај мажите. Индикациите за оваа операција се многубројни и за жал се почесто ја опфаќаат младата популација. Најчести причини се: • Карцином на простата – трендот на јавување на оваа болест е кај мажи над 55 – 60 години, а отстранувањето на тестисите е еден вид терапевтска метода со која се супримира хормоналното дејство врз простата. • Торзија на тестис – состојба на увртување на тестисот. Оваа состојба има тренд на јавување кај млади момчиња, акутна е и многу сериозна. Доколку истата на време не се препознае, доведува до исхемични промени на тестикуларното ткиво кои завршуваат со некроза на истото и потреба од отстранување на тестисот. • Карцином на тестис – малигна болест на тестисите која почесто се јавува кај млади мажи, но не се исклучува и појава во понапредната возраст. Најчесто карциномот е со висок степен на малигнитет и бара итно интервенирање со радикално отстранување на тестикуларното ткиво. • Абсцес на тестис со некроза на тестикуларното ткиво – различни видови на воспаленија на тестисот, скротумот и епидидимот можат да се интензивираат до тој степен да предизвикаат формирање на абсцесна шуплина со развој на некротични жаришта. Било која од наведените причини како терапевтска метода бара вградување на тестикуларна протеза. Овој оперативен зафат е едноставен и брз, но сам по себе остава трага врз психолошкото здравје на пациентот. Сознанието на едно младо момче во периодот на развој и репродукција дека има еден тестис помалку, може во голема мера да ја наруши психичката стабилност на личноста, неговата самодоверба, социјализација и во краен случај и идејата за формирање на семејство.

Во Специјалната болница по хируршки болести „Филип Втори“, на одделот за Урологија, од страна на Д-р Горан Јовиќ, беше направено имплантирање на тестикуларна протеза кај младо момче на возраст од 15 години. Момчето беше донесено во нашата установа со болки во тетсисот кои датираат од пред 1 месец. По направените дијагностички процедури констатирано е присуство на торзија на тестисот и е донесена индикација за оперативен третман. Интраоперативно потврдено е присуство на некроза на тестисот. Истиот е изваден и заменет со тетсикуларна протеза.

Пациентот е пуштен на домашно лекување 24 часа после оперативниот зафат.
Операцијата ја изврши д-р Горан Јовиќ уролог , заедно со неговиот тим

Прво што слушнав од лекарите беше : „ВАШИОТ БРАТ Е СПАСЕН„

„Никогаш не сум верувал во Господ , по она што ми се случи, за мене постои само еден чија слика како икона ја чувам закачена на ѕидот во мојот дом , сликата на д-р Жан Митрев “ . Со овие зброви 59 годишниот Рамиз Селим ја започнува својата приказна за преживеаното, со неверување дека се уште е жив.

Го сретнавме во чекланата на „Филип Втори“ заедно со неговиот постар брат Хуна, дојден на редовна контрола . И додека Рамиз зборува , неговит Хуна не престанува да плаче. Секој збор му ги враќа сликите кои и не биле така одамна , слики помеѓу надеж за нов ден и молитва тој нов ден да не е последен . Разделени се веќе 43 години, од како Хуна заминал во Швајцарија. Иако со години живеат на различни страни сепак крвта вода не бива, останале силно поврзани до денеска. Сиромаштијата на Рамиз ја олеснува Хуна, за братот и животот би го дал. Низ солзи се присетува како реаграл кога му се јавиле од Македонија дека состојбата на брат му е многу тешка бидејќи има прскање на аортата во стомачниот дел.: „ Избезумен , исплашен, скршен ,така се чуствував кога ја слушнав лошата вест за здравјето на мојот Рамиз. Се обидував да бидам присебен но тешко ми одеше во тие моменти. Си велев имав двајца браќа едниот ми почина, само Рамиз да остане жив. Не знаев што да направам, помислував да беше до мене можам многу, но пуста далечина тежи и кога се радувам и кога тагувам. Само им реков носете го во најдобрата болница кај најдобриот лекар. Со првиот авион од Цирих во најкусо можно време стигнав во Скопје. Првите зборови кои ги слушнав кога дојдов во делот на интензивна нега во болницата „Филип Втори“ беа – „ВАШИОТ БРАТ Е СПАСЕН“ . Зборови кои секојдневно ми се повторуваат и ме потсетуваат на една силна вистина. Не постои начин,збор,дело да ја искажам мојата благодарност кон д-р Жан Митрев и целиот негов тим на беспрекорниот ангажман на сите тие доктори и сестри, кои неуморно се борат се грижат за секој пациент, без оглед од каде е и на кој Бог се моли, на кој јазик зборува. Никогаш не можам да се оддолжам на тој човек кој е национално богатство на Македонија, за животот на мојот брат. Д-р Митрев е чудо од лекар-генијалец“ Од операцијата на Рамиз поминати се 6 месеци а тој вели :„ Не сакам да се сеќавам на ништо , беше , помина и нека остане таму како што велеше баба ми-нека оди во пуста гора. Се уште не можам да се начудам дека тоа ми се случи мене, јас кој во животот на лекар немам отидено, здравствената книшка ми е празна, немам ни еден наод, ни еден потпис од медицинско лице, никогаш не сум имал потреба од лекарска грижа, помош . Се до тој 10 октомври 2014 година кога овде во „Филип Втори“ ми дадоа нов живот, фала им од срце“. Постои една стара народна која вели „Брат брата не рани , тешко оному кој го нема“ . Потврда за оваа изрека се браќата Рамиз.

Радиолошки-технолози од „Филип Втори“ со меѓународно признаени сертификати

Во периодот од 18 до 22 мај 2015 година во Прага се одржа регионалниот тренинг курс за радиолошки технолози за ЉА/ЉЦ (контрола на квалитет) во дијагностичка радиологија, во организација на Меѓународната Агенција за Атомска Енергија (ИАЕА). На оваголемо европско случување присуствуваа и двајца радиолошки технолози од Специјалната болница „Филип Втори“, Михајло Маноилов и Данијела Манев . На тренинг курсот беа претставени новите меѓународни основни стандарди за безбедност во дијагностичката радиологија, како и улогите и одговорностите на радиолошкиот технолог. При тоа, посебен осврт беше направен кон радијационата заштита на пациентите и персоналот при изведување на одредени дијагностички процедури кај компјутерската томографија, интервентна радиологија, класичната рентгенграфија, мамографија и магнетна резонанца. Овие тренинзи се драгоцени за размена на искуства и мислење на исти профили од различни земји на ргионот и Европа.Курсот е успешно совладан при што нашите радиолошки- технолози се здобија со меѓународно признаени сертификати.

Уште една награда за болницата „Филип Втори“

Во периодот од 22-24 мај 2015 се одржа Европски конгрес на здружението на радиолошки техничари и техничари на нуклеарна медицина во Врњачка Бања – Србија.На овој конгрес беа презентирани теми од областа на магнетната резонанца, компјутерската томографија, нуклеарната медицина, радиотерапијата, како и други делови на радиологијата. Исто така беа спроведени и работилници за истражување, практика базирана на докази, како и едукација на кој начин треба да се пишува за публикации.На конгресот беа презентирани орални стручни предавања од страна на поканетите говорници, меѓу кои и Специјалната Болница,, Филип Втори’’.Нашето предавање беше на тема: “ПРТ водена под Компјутерска Томографија” чии предавач беше радиолошкиот технолог Дарко Стојановски.Темата беше прифатена од страна на колегите со голем интерес бидејќи оваа метода единствено се работи во нашата болница и се уште не се применува во другите медицински центри низ целиот Балкан. Ова беше одлична можност да се согледа работата и сподели искуството на радиолочките технолози од европските, пред се од балканските држави.Радува фактот што на овој конгрес на нашиот радиолошки технолог Стојановски му беше доделена награда т.е. плакета за најдобра стручна презентација.

„Филип Втори“ одржа час по здрава исхрана во Интернационалното училиште QSI

Специјалната болница по хируршки болести „Филип Втори“ на покана на Интернационалното училиште QSI од Скопје организираше едукативна презентација за здрав режим на исхрана. Ученицте на возраст од 08-18 години имаа можност да го слушнат излагањето на М-р Тина Коцова дипломиран инженер по прехранбена технологија , која во болницата „Филип Втори“ е задолжена за организација на болничка кујна и систем за безбедностана храна. Главната цел на предавањето беше претставување на навиките за здрава исхрана кај луѓето , која е фундамент за добро здравје а како навика треба да се стекне од најрана возраст. Воедно преку дискусија со учениците се направи анализа на нивната секојдневна исхрана, содржината и редовноста,како и можни промени на истата . Во таа интеракција се дадоа насоки кои треба да се следат за балансирана исхрана и здрав начин на живот. Во дискусиите учествуваа и професорите од училиштето кои го изнесоа своето искуство поврзано со оваа тема.

Дополнително се даде и краток осврт на видовите нутриенти, нивната функција, изворите на нутриенти и различните групи на прехрамбени производи и нивната полезност. Како мотивација на учениците да конзумираат што повеќе овошје и зеленчук , „Филип Втори“ подготви специјални кошници со свежи овошја и зленчуци за ужинка. Еден индикатор за успешноста на презентацијата беше и желбата на учениците веднаш да ги конзумираат плодовите, иако досега според нивните раскажувања многумина од нив имаат навика да јадат свежо овошје и зеленчук. Специјалната болнца „Филип Втори“ постојано е дел од едукативни работилници,предавања на различни реципиенти, бидејќи нашето мото е „Подобро, здравје“.