Месец: м.г

Благодарение на д-р Митрев и тимот од „Филип Втори“ јас го живеам мојот трет живот

Јас сум м-р Александар Петровски, капетан, вработен во Министерството за одбрана како асистент на Воената академија и наскоро како млад докторант ќе го бранам својот докторат. И тоа ми се случува сега на почетокот на третиот живот. Првиот е дента кога се родив пред 34 години, вториот е 15 март во 2004 кога успеав да преживеам страотна сообраќајка и третиот ми започна на 3.10.2015 кога Академик д-р Жан Митрев со неговиот тим ја направија интервенцијата за спас на мојата аорта.

Вербата дека ќе преживеам и дека сум во сигурни раце не ме напушташе ни во дел од секундата. Во 2004 година имав тешка сообраќајна незгода на мисија во спасување на млад војник , завршив со политрауматски ефект и преживеан хеморагичен шок од многуте тешки повреди на телото. Самиот примарен процес на опоравување траеше околу 5 месеци, додека секундарниот период повеке од 15 месеци. Последиците од сообраќајката ги чувствував секојдневно до 2012 кога бев хоспитализиран за рутинска операција на камен во жолчката. На ренген снимката во 8-ми Септември лекарите забележаа нешто несекојдневно и направија компјутерска томографија. По што проблемот кој го открија со таа снимка беше примарен во однос на операцијата на жолчката. Ми предложија да дојдам на консултација кај д-р Жан Митрев бидејќи ми најдоа аневризма на аоратата на срцето на 1,5 см на местото каде се двојат аортата за рацете и главата во вид на задебелување на аортата пострауматско со должина од 7, 5 см . Кога дојдов тука врз основа на компјутерската томографија ме прими д-р Иван Милев кој заедно со Академик Митрев одлучија со терапија која ке го регулира крвниот притисок да ја следиме состојбта. Таа состојба ја следеа 3 години. Како поминуваше времето и најминималната активност која што ја имав ми стануваше ноќна мора. При секоја моја работа морав максимално да внимавам бидејќи имав темпирана бомба во организамот. На контролата во јуни 2015 година д-р Милев и д-р Митрев одлучија дека е подобро да се интервенира поради зголемувањето на дијаметарот на аневризмата која според димензиите веќе влегува во зоната на операбилна фаза.

Бидејки сум млад човек и моето секојдневие од мене бара голема енергија ми предложија да се интервенира со најновата метода ТЕVАR за да продолжам нормално со мојот живот. Интервенцијата беше договорена за брзо време , беше вклучен и д-р Звонко радиологот од „Филип Втори“ за кои можам да кажам врвни професионалци. Огромна благодарност до Фондот за пензиско и здраствено осигурување и до МО на АРМ и Воената академија кој помогнаа да се изврши овој оперативен зафат во „Филип Втори“.

Ако некој можеби денес започнува да го живее вториот живот ова за мене е почеток на третиот живот, го живеам благодарение на „Филип Втори“ и се разбира ги очекувам благодетите на животот кој го живеам со полни гради и без страв за моите секојдневни активности. Ви Благодарам од срце.

Операции покриени од Фондот за здравствено осигурување на Македонија

Специјалната болница по хируршки болести „Филип Втори“ веќе 15 години е првиот синоним за лекување на срце . Преку 18.000 кардиоваскуларни операции се показател за професионалноста и одговорноста на персоналот во борба за човечкиот живот. Средствата за операции на срце и крвните садови кои ги прават нашите врвни кардиохиурзи се покриени од страна на ФЗОМ. Во нив спаѓаат :

1. Операции на срце 2. Операции на крвни садови каротиди3. Операции на крвни садови на раце и нозе4. Операции на срце кај деца6. Интервенции на вродени срцеви маани7. Предоперативна коронарографија

Торакална ендоваскуларна аортна замена- ТЕВАР процедура- современ и безбеден начин на лекување на аортните аневризми

Постоењето на аневризми (проширувања) на градната аорта е медицинска состојба које се одликува со зголемен ризик за пациентот од нагла руптура (прскање ) на крвниот сад, која најчесто фатално завршува без можност за интервенција поради нагло крварење.

Од друга страна оперативните лекувања на аневризмите (проширувањата) на градната аорта се едни од најпредизвикувачките операции во секој модерен кардиоваскуларен центар, при што ризикот од компликации е голем, дури и во развиените центри со висок волумен (број) за вакви операции.Во светот десетина година при состојби како овие се применуваат ЕВАР процедури, кои се состојат во вградување на аортна протеза (цевка од синетски материјал) на местото на аневризмата. Оваа постапка е значајно побрза и помалку трауматична за пациентот. Истата е проследена со значително помалку постинтервентни компликации во однос на отворената класична аортна хирургија.

Во „Филип Втори“ продолжува светскиот тренд на модерно лекување на градната аорта по ендоваскуларен пат. Пред еден месец беше третиран пациентот Љ. Т со успешен епилог, кој има нормален постинтервентен тек и живот.На 02 и 03.10.2015 без извршени две комплицирани интервенции, ТЕВАР процедури.Пациентот П.Ф стар 65 години, со претходна итна операција од типот на замена на почетниот дел на аоратата и аортокоронарен бајпас, пристапи кон лекување на аневризмата на градната аорта. Интервенцијата траеше околу еден час, а пациентот е разбуден во ангиографска сала и преместен на оддделението за полуинтензивна нега без било какви компликации истиот ден по интервенцијата.

На ден 03.10.2015 година, беше лекуван П.А, стар 34 години, од посттрауматска аневризма на градната аорта, стекната неколку години како последица од тешка сообракајна несреќа. За помалку од еден час, со имплантација на една протеза, интервенцијата беше завршена. Тимот го предводеше Академик д-р Митрев. Сл 4Овие два случаеви само ја покажува важноста на применувањето на модерните медицински технологии, кои иако се поврзани со повисоки финансии од страна на ФЗО, даваат далеку подобри резултати кај пациентите.Со ова е започната нова ера во лекувањето на торакалните аневризми, и нова перспектива за пациентите со овие тешки и сериозни заболувања.

Нова студија : Аорто-коронарно бајпас премостување (АКБП) е подобро решение од повеќесадовни перкутани коронарни интервенции (ПКИ)

Аорто-коронарното премостување(АКБП) претставува оптимална терапија за повеќесадовна коронарна артериска болест и треба ентузијастички да се прифати од мултидисциплинарни тимови за срце како најдобра терапија базирана на докази. Ова го изјавуваат истражувачите на најновата студија која е објавена на 29. 09. 2015 во едно од најпрестижните кардиолошки списанија- Journal od the American College of Cardiology. Тие храбро заклучуваат дека хируршката стратегија за решавање на повеќесадовна коронарна болест резултира со намалување на смртноста кај овие пациенти и има помала потреба од повторни реваскуларизации споредено со ПКИ со обични (bare metal stents BMS) или стентови обложени со медикаменти (drug elluting stents DES).

Перкутани коронарни интервенции (ПКИ) со обични стентови, покажуваат помал процент на преживеани пациенти во споредба со пациенти кои биле третирани со аортокронарно бајпас премосување вклучувајќи ги и пациентите третирани само со еден бајпас графт.Споредувајќи ги пациентите со повеќе садовна коронарна болест, 86,3% од тие кои биле третирани со стентови обложени со медикаменти (ДЕС) биле живи по 5 години, споредено со 95,6% од тие кои биле третирани со бајпас премосување (АКБП). По 9 години 82,8% од ПКИ пациентите третирани со ДЕС биле живи наспроти 89,8% од тие кои имале хируршки третман. Во студијата биле вклучени 8402 пациенти со повеќесадовна коронарна болест кои биле подложени на примарна реваскуларизација, вклучувајќи 2207 пациенти третирани со БМС, 2381 со ДЕС, 2289 со АКБП со еден бајпас и 1525 со повеќесадовно АКБП.Според анализите повеќесдовно АКБП е супериорно и е поврзано со поголемо преживување на пациентите после 5 и 9 години, како и намалена потреба од реинтервенции.

Констриктивен перикардит, ретрка состојба со сериозни последици- приказ на случај

Констриктивниот перикардит претставува задебелување на срцевата обвивка на која се таложат калциумски соли- калцификати. Може да се појави после било кое перикардно заболување, а ризикот од прогресијата е посебно поврзан со етиологијата и најчест е после бактериските перикардити, ТБЦ и поретко при имунолошките состојби. Во последните години се опишува и почесто кај пациентите болни од ХИВ инфекција. Клинички се манифестира со пореметено полнење на срцето и коморите, а класично оди со знаци за десносрцева слабост, која е доминатна во почетокот на болеста. Пациентите се жалат на замор, периферни отоци, прекумерно потење, надуеност на стомакот, зголемување на црниот дроб и појава на течност во стомакот. Ж. С. стар години, за прв пат беше прегледан во Ф2 пред неколку недели. Претходните две годишни иследувања на разни институции и болници, не довеле до точна дијагноза. На прием беше со евидентен задуф, замор и надуен стомак, заради присуство на слободна течност во стомакот.
сл1.

Ехокардиографски се виде задебелен перикард и типични Доплер знаци за констриктивен перикардит. Сл 1( респираторни варијации на трансмитрален профил) сл.2 (изразеност на Е` бран на ткивен доплер)
сл2.

Направен беше КТ на срце со наод за перикардни калцификати сл2a ,

како и хемодинамско иследувања сл 3 сл 4

Пациентот следниот ден беше успешно хируршки третиран со перикардиектомија.
Ова е една од поретки клинички состојби во кардиологијата и кардиохирургијата, која доведува до сериозни нарушувања на здравјето. На неа секогаш треба да се мисли при клинички нејасни состојби и знаци, присутни кај младиот пациент.

Случај на нетретирана атријална фибрилација и аорто-илијачна оклузивна болест како компликација

Атријална фибрилација е водечка превентабилна причина за повторувачки мозочен удар за која рана детекција и третман се од огромно значење. Пароксизмална атријална фибрилација е често асимптоматска и сеуште, за жал e не соодветно третирана во однос на превенција на тромбемболизам (само 42% од пациентите со CHA2DS2-VASc >3 се на антикоагулантна терапија- Синтром).Тука презентираме случај на нетретирана атријална фибрилација и последователен емболизиран тромб кои ја оклудирал(запушил) инфериорната аорта. Седумдесет и осум годишен маж нагло почувствувал силна болка и загуба на осет во двете нозе додека работел на поле. Неговата медицинска историја вклучува покачен крвен притисок, поранешен мозочен удар и претходна аритмија(атријална фибрилација) за што не земал соодветни лекови. На преглед во ургентна амбуланта беше приметено дека двете нозе му се ладни и бледо пребоени како и забележано е отсуство на артериски пулсации од докторот. Беше направено доплер ултразвучно испитување кое откри отсуство на проток во периферните артерии на двете нозе. Понатаму, ехокардиографското иследување покажа зголемена димензија на левата предкомора со голем подвижен тромб прикрепен под постериорниот митрален куспис. Компјутерска томографија го потврди присуството на тромбот и откри оклузија на абдоминалната аорта точно пред бифуркацијата.

Пациентот ургентно беше пренесен во хируршка сала каде му беше извршен оперативен зафат- аорто-бифеморално бајпас премостување со протеза- Y Алографт 14/7mm.

Постоперативно пациентот беше поставен на антикоагулантна(Синтром) и антитромбоцитна (Клопидогрел) терапија. Континурирано ехокардиографско следење покажа комплетно исчезнување на тромбот по 5 месеци.

ИТНА ОПЕРАЦИЈА ЗА СПАСУВАЊЕ НА МОЗОК ПОСЛЕ КАРОТИДНО СТЕНТИРАЊЕ

Итно примена 62 годишна пациентка М.Д поради нагла појава на темнеење пред очи и неможност за нормално движење. Претходно во друга држава имплантиран стент на левата внатрешна каротидна артерија ( ACI lat sin ). Пациентката е со артериска хипертензија и хиперлипидемија.Во Специјалната болница по хируршки болести “ Филип Втори “ направениот ехографски преглед верифицира критична стеноза на имлантираниот стент на левата внатрешна каротидна артерија и сигнификантна стеноза на десната внатрешна каротидна артерија ( ACI lat dex ). Веднаш е направен 64 MSKT каротидографија, церебрална ангиографија со наод за 90% стеснување на стентот имплантиран на левата внатрешна кароитидна артерија и значајно стеснување на десната внатрешна каротидна артерија повеке од 70% .

МCKT СЛИКА ПРЕДОПЕРАТИВНО

Со оглед на симптомите и наодот од иследувањата индицирана е итна ( спасувачка ) операција на крвните садови на вратот заради спасување на функција на мозокот

Постоперативно пациентката е хемодинамски и ритмички стабилна без никаква невролошка симптоматологија.Направена е контролна постоперативна 64 MSKT каротидографија со наод за уреден проток низ левата внатрешна каротидна артерија.

МСКТ СЛИКА ПОСТОПЕРАТИВНО

Првиот постоперативен ден пациентот е самостојно мобилизиран без никакви невролошки симптоми. На контролниот преглед пациентката се чувствува одлично.
Изработил Д-р Е. Идоски

“Филип Втори” дел од Светскиот ден на срцето

„Избори за здраво срце за секого, секаде“ е мотото со кое оваа година се одбележува Светскиот ден на срцето. Овој датум, 29 септември ја потсетува планетата Земја за грижата кон сопственото здравје, првенствено грижата за здравјето на срцето. Специјалната болница „Филип Втори“ како и секоја година и оваа даде свој придонес кон подигањето на свеста за здравиот живот преку едукативни разговори, пораки, совети на манифестацијата која во организација на НВО „ Здрава иднина“ вчера се случуваше во гратскиот парк во Скопје. Во Македонија годишно во просек 11.000 луѓе умираат како последица на болести на срцето и крвните садови. Превенцијата секогаш е најдобриот лек, но стресот како еден од водечките ризик-фактори е состојба која тешко може да се превенира. Според последните истражувања кои се направени во САД нивото на стресот кое порано било карактеристично за средновечен човек денеска го имаат средношколците. Нездравата храна, користење на цигари, физичка неактивност и генот и понатаму се водечки причини за болести на срцето. Мажите се „поранливи“ кога се во прашање срцевите болести. Долната граница од година во година се поместува, најмладиот пациент кој доживеал срцев удар во Македонија имал само 18 години.

29-ти септември е само датум на кој масовно се вијае со различни кампањи за вредноста на нашиот живот за чување на нашето срце. Секојдневната грижа за сопственото здравје, здравиот начин на живот се само мал дел од денот кој треба да си го посветиме на себе, Во спртивно ќе страда и нашето срце, но и сите оние кои се во нашето најблиско опкружување.

Специјалната болница по хируршки болести „Филип Втори“ веќе 15 години е првиот синоним за лекување на срце . Преку 18.000 кардиоваскуларни операции се показател за својата професионалност и одговорност во борба за човечкиот живот. Сретствата за операции на срцето и крвните садови кои ги прават нашите врвни кардио хирурзи се покриени од страна на ФЗОМ. Во нив спаѓаат :1. Операции на крвни садови на раце и нозе2. Предоперативна коронарографија3. Операции на срце4 Операции на крвни садови каротиди6. Интервенции на вродени срцеви маани7. Операции на срце кај деца

Со Вашите секојдневни постапки изборете се за здраво срце и поквалитетен живот.