Месец: м.г

Стручниот текст за овој случај и по 14 години е еден од најчитаните и најцитираните во светот на кардиохирургијата

„ Д-р Митрев беше единствениот кој се нафати да ме оперира и да ја извади кучешката тенија од моето срце, не само што ми го спаси животот туку ми понуди и работа во неговата болницата, благодарение на него денеска сум и жив и вработен“.Со оваа реченица нашиот колега Кире Илиоски одговорен на болничарите во „Филип Втори“, раскажува за едно големо премрежје во неговиот живот. Ретко се случува Ехинококовата циста (кучешка тенија) да се „вгнезди“ во човечкото срце. Кире немал никакви симптоми кои укажувале , предупредувале дека нешто не е во ред . На рутинска контрола за време на отслужување на воениот рок , лекарите виделе дека нешто не е во ред. На ехо преглед ја откриле кучешката тенија .Според нивна претпоставка таа живеела во неговото срце околу 5 години.

„Тоа беше шок и за мене и за моите блиски, бев момче имав само 20 години , сите бевме збунети, живеев со тој паразит во моето срце а не чувствував ништо, максимално физички активен, мислев дека сум здрав, не не било така. Ја прифатив вистината, се соочив со тоа и знаев дека мора час поскоро да се ослободам од тоа. Имав неколку испитувања, лежев во воена болница , бев три пати и во Германија но никој не се нафаќаше да го отвори моето срце и да ја извади Ехинококовата циста . Ризикот беше голем а исчекувањето ја зголемуваше неизвесноста. Стапивме во контакт со д-р Жан Митрев, тој тогаш се уште работеше во Германија, советот од него беше да не се оперира додека не си оформи капсула околу неа, заради тоа земав лекови. Терапијата ја примав околу година ипол, како што ми рече д-р Митрев ,веќе беше ппдготвена за де се отстрани без последици по моето здравје. По отворањето на специјалната болница „Филип Втори“ се договоривме за операција , моето срце бешево рацете на д-р Митрев. Во разговорите со него добив верба дека операцијата ќе има добар крај не се плашев, со душа чекав да дојде денот 27 март 2001 година, ден на операцијата.

Состојбата на Кире ја објаснува д-р Тања Анѓушева медицински директор на „Филип Втори“ која се грижела и го лекувала Кире постоперативно како одговорен лекар во одделот на интензивна нега:„Ехинококовата циста се наоѓаше во мускулот на предниот ѕид од левата комора и притискаше врз левата предна десцедентна артерија, тоа е артерија која што го храни предниот ѕид со крв, со што го пореметуваше хранењето на истата . Бидејќи цистата беше многу голема, шуплината на левата комора кај Кире беше толку мала што тој континуирано страдаше од недоволно снабдување на крв на сите органи во неговиот организам. Значи интраоперативно се извади Ехинококовата циста, операцијата беше правена во присуство на специјален хипертоничен раствор ,тоа е раствор со голема концентрација на шеќер за да сите оние живи клетки од Ехинококовата циста кои што постојат, да се уништат за да се спречи ново растења на нова таква циста. Самата операција бара голема вичност на операторот а исто така и одлично знаење на луѓето кои се со него и во постоперативната нега и водење на пациентот.

Опасноста беше огромна бидејќи при вадење на цистата можеше да се пресече главната артерија што го храни левиот мускул и да се предизвика вештачки инфаркт и срцева слабост, кое би значело смрт за пациентот. И затоа многу од центрите го одбиле за оперативно лекување . Операцијата беше неминовна , бидејќи цистата се наоѓаше во близина на самата крвна артерија. Со растењето на цистата може да врасне во крвниот сад на срцевиот мускул и да се прошири нис целиот организам и да предизвика сепса и шокова состојба и пациентот да почине. Правилното и професионално следењето е од многу голема корист затоа што тој временски период ја верифицира успешноста на техниката на неговото лекување. Како што гледате и 14 години потоа Кире е здрав, живее нормално и ние сме горди што го имаме како дел од тимот на „Филип Втори“, изјави д-р Анѓушева.

Кире денеска има 37 години , татко е на две малолетни деца миомче и девојче на возраст од 5 и 3 години, среќен во кругот на најмилите, поддршката од сопругата ја има постојано. Секој слободен ден го поминуваат во заеднички часови, на места кои им даваат моменти за релаксација и одмор. Спомените секогаш го навраќаат во неговото родно Кривогаштани кое го посетува многу ретко. На работа е почитуван колега, одговорен на болничарите . Повеќе од 13 години Кире се грижи за болните во „Филип Втори“ исто онака како што за него во 2001 се грижеше медицинскиот персонал на оваа болница.Стручниот текст за овој случај е даден со елоквентен приказ на техничката постапка и презервацијата (односно заштита на мускулното ткиво) така што секој кардиохирург кој што се бави со таа проблематика може да го види и да го примени во пракса на пациент кој што би му се јавил во секојдневието .Стручниот текст за случајот на Кире и денска после толку години е еден од најчитаните во светот на кардиохиургијата. Ова го покажуваат статистиките на светските стручни здруженија. Горди сме што овој случај на нашиот Кире е еден од најцитираните текстови.Текстот со стручниот приказ можеде да го видите на следниот линк

http://biomedupdater.com/urlu8c?srk=0fcf799d2c194705ca83ab0da571affcc1c76a141188944c
http://biomedupdater.com/urlu8c?srk=a242170f61759ef4f873f6fb05f399a241ca0009e02011b5
http://biomedupdater.com/urlu8c?srk=9878821efb959aefc71728071cf1eaa46c5b58e007555a15
http://biomedupdater.com/urlu8c?srk=a21e694b2ec03abcfff979079c2150d724f2542517495183

http://biomedupdater.com/?&kwr=+2006/6:2015/12[publicationdate]+[[Note:+you+can+edit+the+PublicationDate+and+resubmit+this+query.]]+e8fhef75fd052e2dd722dec4514326e5e09babf41c727f0cb7edac9912595e1ee4dfaf8539e911e7828e6d437edaa6bb781df011a86ed376bfab11a45027e0a059d1d9b5947866b1b3e513e3f41e6cbd6ef527c36812042cc9f9882e79c669bf2a5a5e8de7177ce3c9beda8ebd78e0edfa490130e7a4c82d539c0f6b808cd594c27ca0bd4849552a6c724543451b4e6b44bccc4c01a48668244f451870d2455dc389c490a2g45c&cmpgp1026Uet1027Ul=ICD51026TET685999042&fwpmd=301&dt02=&sbr=13751188300028371964124128340558c9ea3e6115b28afc783268e34b4cb691454&ndpct=820663469a0bcce605bc512eb95be22e0dfe8bbe3c5b11d3112e64cafcb2a944&lttl=List+1:+Top+Articles,+Since+2006+(publication+date+of+the+domain+article),+in+the+Domain+of+Article+16318934+and+Keyword+’cardiosurgery’

Специјалната болница „Филип Втори“ добитник на национално признание за проектот „ТУКА КОГА СМЕ НАЈПОТРЕБНИ“

Во организација на Министерството за економија на РМ по осми пат беа доделени награди и признанија за најдобрите општестевено одговорни практити на македонските претпријатија . На конкурсот беа пријавени 34 мали и големи фирми, со 50 проекти поделени во 5 категории. Специјалната болница по хируршки болести „Филип Втори“ учествтваше со проектот „ТУКА КОГА СМЕ НАЈПОТРЕБНИ“ во категоријата вложување во заедницата во рамките на големи претпријатија. За истиот беше награден со признание кое беше врачено од страна на претседателот на Координативнто тело за општествена одговорност на претпријатијата г-динот Александар Николов.

Проектот се одвиваше континуирано преку помош во храна и лекови на социјално загрозените лица како и бесплатни здравствени услуги прегледи, операции, интервенции. Исто така едуктивна и здравствена помош преку различен пристап на поедини целни групи за подигање на свеста за значењето на здравјето и промоција на здравиот живот. Организрање на седумдневен камп на родители и деца наши пациенти со вродени срцеви мани, кој традиционално е во соработка со Црвениот крст и се реализира во Струга. Советувања за болни и работилници за пензионери и млади. Сите овие активности се спроведуваа од страна на тимот лекари на „Филип Втори“ по иницијатива на Академик д-р Жан Митрев. Ова признание доделено од државата е поттик за понатамошни успеси и општествена одговорност во заедницата.

Честитки, за Филип Втори и ваквата акција

Воедно ,сакам да им порачам на граѓаните, да се пријаваат,за нивно добро.
Иако акцијата е бесплатна, прегледите се од страна на врвните стручњаци, лекари специјалисти и хумани, ќе добиете таков преглед и совет, каде никаде на друго место во Македонија, нема да го добиете.Ова го пишувам од лично искуство.Точно пред две години во Струмица бев, на таков бесплатен преглед кај д- р Енвер Идоски и не само што сум задоволна,туку и восхитена,од стручноста, пристапот , примена со насмевка од самиот доктор.Едноставно , немам зборови.Голема благодарност до д-р Енвер Идоски.Благодарение на “Филип Втори „ јас сега сум жива , а и насмевката и среќата на моите две малолетни деца се врати.Ако не беше Филип Втори , денес можеби јас немаше ова да го пишувам,а моите деца ке беа сираци.Цели пет години шетав по државна, интернисти, кардиолози, невролози, прво во Струмица, а потоа во Скопје и само ме клука со лекарства и ми кажуваа приказни , демек сум здрава, само си замислувам.Најлошото, беше што од ден на ден , здравјето ми се влошуваше, понекогаш ми беше толку лошо,што моите деца исплашено плачејќи ме прашуваа МАМО КЕ УМРЕШ ЛИ?На крај се решив и не слушав никој и летото отидов во „Филип Втори“.За само 4800 денари ,ми открија вродена срцева мана ,и со партиципација од само 6 000 денари,( зафатот го покрива фондот) ми го спасија животот.
Катерина Чонева

ЕМОЦИОНАЛНАТА РЕГУЛАЦИЈА И ДОБРИОТ МЕНАЏМЕНТ НА СТРЕСОТ ГО ПОДОБРУВААТ ИМУНОЛОШКИОТ СИСТЕМ

Ова време од годината е време во кое вирозите и настинките се дел од нашето секојдневие. Постојано низ разните медиуми до нас стигнуваат многу реклами за тоа како со помош на одредени медикаменти да го подобриме нашето здравје и да се заштитиме, праксата ни покажува дека сепак се разболуваме. Еден факт кој многу често е занемарен а е од големо значење за нашиот имунолошки систем е дека и покрај тоа што нашиот ум и нашето размислување не можат да се борат со одредени вируси и бактерии, сепак можат да го поттикнат и зајакнат нашиот имунолошки систем или истиот да го ослабат.

Од психолошка перспектива, клучниот фактор во зачувување и јакнење на нашиот имунолошки систем се наоѓа во делот на тоа како се справуваме со стресот. Секојдневниот стрес може да потекнува од промени во нашите навики, почнувањето на ново работно место, прекин на интимна релација, обврзување кон работна задача која е преголема за нашите капацитети и можности. Сето ова води до бројни промени во нашите емоции, анксиозност, промени во спиењето што понатаму се одразува и врз нашиот имунолошки систем. Првиот чекор кон емоционална регулација е препознавање на ситуациите во кои сме под стрес, потоа препознавање на емоциите кои ни се јавуваат и превземање соодветни мерки за справување со нив. Како може ова да го постигнеме? Редовното вежбање, практикувањето на медитација и јога, прошетките во природа и водење грижа за храната која ја внесуваме се првиоте чекори. Понатаму, многу е значајно да работиме на креирање здрави релации со другите кои ќе ни бидат поддршка и учење на стратегии за соодветно менаџирање на стресот. Во овој дел поддршката од психолог или психотерапевт е добредојдена во учењето на нов начин на живот и личен раст и развој. За крај она што е многу значајно е да не заборавиме секојдневно да уживаме и да одвојуваме време за работите кои не исполнуваат. Велат “Во здраво тело, здрав дух”, но може и поинаку “Здрав дух, за здраво тело”.

Абдула Љатифи првиот пациент со торакална ендоваскуларна аортна замена- ТЕВАР процедура

19 јули 2015 е датумот кој професорот по географија Абдула Љатифи ќе го помни до крајот на животот . И не само тој, туку и неговото семејство. И ако некој некогаш во аналите на медицината во Македонија го пронајде неговото име ќе прочита дека Љатифи е првиот пациент врз кого е извршена Торакална ендоваскуларна аортна замена така наречена ТЕВАР процедура . Безмалку 4 месеци после првата интервенцијата имавме средба со нашиот пациент и со неговата ќерка Њомза во нивното родно Куманово.

Разговорот го започнавме со Њомза која е медицинска сестра во кумановската болница, голем борец за животот на сопствениот татко кој пред оваа интервенција, во 2011 година во „Филип Втори“ беше опериран при што му беа направени 4 бајаси. „Прво да се заблагодарам на целиот тим на „Филип Втори“ најголема благодарност до д-р Митрев. Јас како медицинско лице прв пат преку случајот на татко ми слушнав и научив што значи ТЕВАР . Татко ми 2 дена беше со големи болки , на 31 мај на денот кога јас сум родена, на клиника му беше напрвена и првата компјутерска снимка. Тоа беше мојот најтежок роденден , го земав татко го однесов таму за да се консултирам со докторите. Ситуацијата беше страшна , на клиника ми кажаа дека шансите за операција на татко ми се многу мали , невозможно е да се оперира . Потоа , јас лично барав да се сретнам со д-р Митрев, тој рече дека во Македонија до сега не е направена таква интервенција и дека максимално ќе даде се од себе за да помогне на татко ми, да му се постави стент. Се обратив до Фондот од таму беше испратено официјално барање до кардиологија и во рок од 4-5 дена фала на Господа добив одговор дека Фондот ќе го покрие трошоците за интервенцијата , ТЕВАРОТ на татко ми.

Морам да Ви кажам дека ова е прва интервенција во Македонија која во светот е позната како ТЕВАР. Истата беше со голем ризик по здравјето на татко ми. За тоа бев уредно информирана од тимот на „Филип Втори“ , бидејќи морав да потпишам документ за согласност , но и за сознание за можните последици. Благодарност на екипата на д-р Митрев , на д-р Анѓушева, на д-р Милев, тие луѓе цело време беа моја поддршка , како мојот татко да е и нивни. Интервенцијата беше на 19 јули , ЦД-то од интервенцијата на татко ми беше испратено во Виена и во Минхен, да побарам мислење и од таму. Првата интервенција во Македонија е направена кај татко ми. Кога видовме слика од компјутерот ден после интервенцијата се гледаа 2 стента направени на перфектен начин . Втората компјутерска снимка беше направена 2 месеци подоцна,резултатите беа одлични. На татко ми и со авион му дозволија да патува, тој се чувствува феноменално, јас немам други зборови, можам да ви кажам дека сум премногу среќна што д-р Мтрев прв во Македонија ја направи оваа интервенција. Благодарана сум што ФЗОМ дозволи сретствата за истата, не само заради татко ми, среќна сум што со ова и другите ќе имаат можност да ја имаат интервенцијата.

Кога ја информирав докторката Анѓушева дека Фондот позитивно одговорил на моето барање, таа ми напиша вака: „ БЛАГОДАРАМ ЊОМИ, ТОЛКУ КОЛКУ ШТО СУМ СРЕЌНА ДЕКА ТАТКО ТИ ЌЕ СЕ СПАСИ, СРЕЌНА СУМ И ЗАРАДИ 36 ГОДИШЕНИОТ ПАЦИЕНТ КОЈ ОД СООБРАЌАЈНАТА НЕСРЕЌА ИМА ПОВРЕДА НА АОРТАТА , СЕГА КЕ МОЖЕ И НЕГО ДА ГО СПАСИМЕ“. Сретнав толку добри, толку хумани луѓе кои ми помогнаа и имам најдобро мислење за клиниката на д-р Митрев. Хуманоста и човечноста на д-р Митрев ќе ја потврдам со уште едне факт. Димензиите за стентот кој требаше да се направи по мерка се испратија во странство. Од нивното испраќање до готовиот стент најверојатно требаше да поминат неколку денови.И не се знаеше уште колку време татко ми треба да остане во „Филип Втори “. Разговарав со д-р Митрев и му кажав дека морам да си го земам татко дома додека да дојде стентот бидејќи престојот во болницата како приватна установа не е бесплатен . Во тој момент д- р Жан Митрев ја викна неговата организаторка и тие негови зборови ме оставија без коментар , вака и кажа : „ Пациентот од утре нема ништо да плаќа, ќе биде мој гостин додека да стигне стентот и додека да се направи интервенцијата. “ Така и се случи . Дасакалот по географија среќен заради неговото добро здравје при оваа една наша средба ни изјави:„ Мене ми е драго што пак Ве гледам, се чувствувам феноменално, интервенцијата траеше околу час и 40 минути. Следниот ден се чувствував толку добро , што мислев дека можам до Куманово да тргнам пеш. И денеска после неколку месеци моето здравје е одлично , од првиот ден почнав со работа, многу сум му благодарен на д-р Жан Митрев“Во специјалната болница по хируршки болести „Филип Втори “ од 19 јули кога е направен првиот стент на торакална аорта (т.н ТЕВАР процедура) до денеска уште кај петмина наши пациенти на различна возраст им беше извршена оваа интервенција..

Get the Flash Player to see this player.

Одржан Светскиот конгрес за стерилизација и дезинфекција

Во периодот од 7 – 10 Октомври во Lelle-Франција, се одржа 16 Светски конгрес за стерилизација и дезинфекција. Како и на сите планетарни конгреси така и на овој, активно учество зема и Специјалната болница „Филип Втори“ преку својот претставник, инструментарката Катерина Ристовска Јанев. Таа пред присутните имаше излагање на E-Poster,на тема: ”Хируршки третман на хронични рани во комбинација со корсет пластика и вакум преврска“.

Дијагностика на абдоминална аневризма на аорта со компјутеризирана томографија

Абдоминална аневризма на аорта ( познато како тројно ААА) претставува фокална дилатација на абдоминалната аорта повеќе од 50% од нормалниот дијаметар на аортата и е најчеста форма на аневризми на аорта . 91-95% се лоцирани инфраренално , 66-70% се со екстензија на илијачните артерии.Најчесто оваа состојба е кај пациенти на возраст меѓу 65 -75 год, почесто мажи.Абдоминална аневризма на аорта може да бид асимптоматска и спорорастечка или при растот да даваат пулсирачко чувство во близина на папокот , длабока константна болка во стомак или долен дел од грбот .Голема компликација е руптура на аневризмата, состојба која е животно загрозувачка со морталитет 59-83% .Според симптомите на пациентот и резултатите од останатите анализи , кардиоваскуларен хирург носи одлука за оперативен третман.Дијагностиката започнува со ултразвук преглед како скрининг и при позитивен наод се препорачува МСКТ преглед.МСКТ е прецизна метода – златен стандард , која овозможува егзактен приказ на целата аорта со нејзините гранки и нејзината патологија, што е потребно за предоперативно планирање. Од особена помош е оваа метода со нејзината брзина при руптури на аневризмата на аортата.

Случај 1. 64 МСКТ преглед на аорта со наод за аневризма на абдоминална инфраранелна аорта (слика1, 2, 3) со пречник 90

Случај 2 64 МСКТ преглед на аорта со наод за руптурирана аневризма ( слика 1, 2, 3 ) на инфраренална аорта со пречник 90мм и интраабдоминална хеморагијаПрисутна аневризма и на лева заедничка илијачна артерија 30мм .

Средба на Академик Жан Митрев и светскиот шампион Димитар Ѓорѓиев

По иницијатива на Академик д-р Жан Митрев , Специјалната болница по хируршки болести „Филип Втори“ од денеска е медицински партнер кој ќе се грижи за здравјето на двократниот Светски шампион во кик-бокс неготинчанецот Димитар Ѓорѓиев . Под мотото „ЗА ПОДОБРО ЗДРАВЈЕ НА ШАМПИОНИТЕ – „ФИЛИП ВТОРИ“, со својот професионален пристап и стручен кадар ќе ја следи здравствената состојба на спортистите ставајќи ги на располагање сите свои технички и човечки ресурси за подобро здравје, а со тоа и подобри резултати на нашите шампиони. Ѓорѓиев е еден од нив , тој е двократен шампион на светот( 2011 и 2013 година) во кик бокс во категоријата до 74 кг, а за неколку дена заминува на светското првенство во Белград, во поход и по третото планетарно одличје.

„Огромна благодарност до д-р Жан Митрев и тимот лекари на „Филип Втори“ што јас сум еден од спортистите кои го избраа како дел од оваа програма и што размисмислуваат и дејствуваат во правец за подобро здравје на спортистите воопшто. Драго ми е што ќе се грижат за моето здравје и одржувањето на мојата психофизичката кондиција. Убаво е чувството кога некој го препознава значењето на спортот и навистина понира фактот што токму кај нас најдобрите лекари ќе им помагаат на спортистите.“, изјави светскиот шампион по средбата со Академик Митрев.

Поддршката на Академик Митрев доаѓа како продолжение на промовирањето на здравиот начин на живот, спортувањето и правилно балансираната исхрана , како предуслови за подобро здравје и подигнување на свеста, посебно кај младите за придобивките од овој начин на живеење.„Специјалната болница „Филип Втори“ и во иднина ќе биде помагател на спортистите , оние најдобрите, но и на оние кои допрва треба да го изодат патот до врвот. Оваа иницијатива ја почнавме летово преку грижата за здравјето на децата кои беа дел од „Ракометниот камп Кирил Лазаров 7“, деца кои се иднината на македонскиот ракомет “ , посочи Академик Митрев најавувајќи дека веќе следната недела ќе има средба со уште еден наш шампион.