Месец: м.г

Родум од делчевското село Град , 76 годишниот Драган Стоичов му инаети и на времето и на болеста. Работниот век го поиминал во туѓина , работел се и сешто , од таа прекумерна и напорна работа ги „истрошил“ и колената. Д-р Сашо Младеновски, ортопедски хирург ја направи операцијата , при што му постави протези и сега чичко Драган е подготвен да им се врати на планините.
„ Многу сум благодарен , морав да направам операција за да можам да се вратам на секојдневните активности. Иако сум длабоко навлезен во 7-мата деценија од животот имам уште сила во мене, не се предавам . Планинарам секој ден тоа ме одржува , ми ја враќа енергијата. Работев во странство во неколку земји : Германија, Данска, Швајцарија , Франција и Белгија можев и таму да се оперирам, но се одлучив за оваа болница. Сум имал можност да видам како е во болниците на запад, овде е дури и подобро. Луѓето си ја знаат работата и се функционира беспрекорно. Не жалам за парите кои ги дадов за операцијата , пари се печалат, но здравјето никогаш. Лани ми го оперираа левото колено, сега и десното, знам дека ми се потребни само дваесетина дена и пак да биде се како порано. Како што ми кажа д-р Младеновски оваа моја болест со колената од 100 луѓе еден ја добива, к’сметот ми бил таков, јас да сум тој едниот. Имам голема доверба во тимот на д-р Митрев, пред 4 години кога никој не можеше да и помогне на мојата сопруга и кога и даваа само уште една година живот, ја донесов овде д-р Митрев ни кажа дека ќе треба да се направат 2 операции и дека се ќе биде во ред. Така и се случи, сега е во ред, жива, здрава си уживаме во наше село Град. Со душа чекам да ми заздрави коленото и пак да ги освојувам планините во моето родно место, мојата милина, убавина рајска градина. “ Ова е накусо раскажувањето и впечатоците на чичко Драган, кој е воодушевен од новата болница, како што кажа модерна, современа како да е од следниот 22-ри век .

Славчо Јакимоски 48 годинишен прилепчанец имал многу проблеми но и добиени битки со своето здравје. Роден со сериозен проблем кој се провлекувал во текот на целиот живот, но вербата и вољата прават чуда. „ Здравјето е единственото нешто кое што човек треба да го чува, тоа го води низ животот. Ако мене ме прашувате најпрофесионално за здравјето може да се погрижат во „ Филип Втори“ , бидејќи темелно ги земаат работите во раце.Тоа го прават преку научни испитувања, максимална обработката на анализите, така што вистинскиот резултат е неизбежен. Тоа е она што е најважно за пациентот, спас за случаите како мене. Овде ми го најдоа лекот , досега во „Филиоп Втори’ ми имаат направено 5 операции. Првите се кардиолошки имав проблеми со валвулите, и ете после толку години јас сум жив. Болката ми е од дамнина , уште како дете имам постојана остеопороза тоа ми е најголемиот проблем . Кардиолошките операции ми се правени пред 12 години , се чуствувам супер, но мојот организам со болеста што ја имам ги напаѓа валвулите. Со тимот на д-р Митрев заедно се бориме против неа и еве гледате добро е“.

Неправилно направената операција на десната нога на Славчо во далечната 1986 е причина што тој повторно е хоспитализиран во „Филип Втори“ . „ Коските на десната нога ми беа лошо сраснати од операцијата како дете во 1986, ногата ми е оперирана, но неуспешно. Како резултат на тоа почна да ми се намалува, и доведен бев до ситуација да не можам да одам, знаете тоа е состојба во која имам нога а неможам да одам , толку години се движев со патерици. Дојдов овде кај најдобрите за да се интервенира и двете нозе да ми се изедначат во должина за да можам да се движам самостојно. И после толку години мојот проблем конечно се реши. Во спротивно не знам како понатаму ќе функционирав. До сега не се осмелив данаправам реоперација после толку години бидејќи моите дома се плашеа да не се искомплицира нешто дополнително. Но пред 2 недели се лизнав и паднав по скали, ногата ми се скрши сакале или не мораше да се среди и ете благодарение на овие доктори сега се е во ред. Д-р Младеновски ме оперираше , но ниту еден доктор не може операцијата да ја изврши сам поединечно, ова е тимска работа во која поединецот сам е немоќен, и токму заради тоа оваа болница е совршено функционална организација. Им благодарам на сите, а мојот оптимизам и покрај лошото здравје никогаш нема да ме напушти.”

Единаесети ден од почетокот на „Ракометниот камп Кирил Лазаров 7“ , лекарскиот тим на д-р Жан Митрев ги покрива сите здравствени проблеми кои ги имаат учесниците на ова големо ракометно дружење. Д-р Гоце Тошески лекарот на првата смена од кампот го изјави следното:
„ Работата со деца е прилилично одговорна и непредвидлива но секогаш интересна. Во текот на престојот во кампот нашиот тим се сретна со претежно очекувани спортски повреди од бенигнен карактер на кои одговоривме навремено. Беа третирани околу 60 деца главно поради мускулно тетивни истегнувања, набиеници кожни изгребаници поради пад при тренирање, сончаници следени со лесни главоболки.
3 деца развија температура поради горнореспираторни инфекции за кои беа покриени со терапија и текот на нивната состојба одеше лесно така што сите продолжија со редовните тренинзи по 24 часовно мирување и следење.“ Спортските повреди се најчести , но во многу помал број кога ќе се направи споредба со минатогодишниот камп. Просторијата која е адаптирана како импровизирана амбуланта, најисполнета е после вечерата. Тогаш децата доаѓаат за потребните физеотерапевтски третмани кои им помагаат во ублажувањето на проблемите кои ги здобиле во текот на тренинзите или некој застарени повреди.
Затоа што добар дел од учесниците на кампот се активни спортисти кои секојдневно имаат тренинзи во своите матични клубови. Освен спортските повреди медицинскиот тим е тука и за сите останати здравствени нарушувања. За време на тренинзите тимот е присутен на трите игралишта за да може што побрзо да реагира доколку има потреба. На кратка посета на кампот беше и медицинскиот директор на болницата д-р Тања Анѓушева со неколку свои колеги од болницата. Впечатокот на сите е ист , кампот е одлично организиран мислено е на секој детаљ.
Во текот на денот иако се одржуваат по 2 тренинзи , децата имаат доволно време и за слободни активности, друшење и забава. Со оглед на податокот дека се работи за голема бројка на деца, дисциплината е на високо ниво , за што најмногу влијае присуството на Лазаров и на тренерите бидејќи децата во нив гледаат ликови кои им служат за пример во спортот но и воопшто во животот. Комплексот на хотелот „Аквалина“ кој се наоѓа на брегот на Охридското езеро на сите учесници на кампот им нуди одлични услови за престој.

Центарот за интервентна кардиологија во Охрид вчера одбележа 10 години од првите интервенции. Д-р Тања Анѓушева медицински директор на Специјалната болница по хируршки болести „Филип Втори“ вчера во Охрид го предводеше тимот на д-р Жан Митрев кој беше дел од прославата.
Поканата беше упатена од страна на основачот и иницијаторот за изградба на Центарот д-р Никола Бакрачески. Овој Центар е единствениот кој ги работи интервентните кардиолошки процедури надвор од Скопје, со што го покрива тој регион. Одличната соработка помеѓу „Филип Втори“ како болница со огромно искуство во интервентната кардиологија и Центарот за интервентна кардиологија во Охрид постои од неговото отворање се до денес.
Кооперативноста на двете институции продолжува и во иднина преку вземната координација за помош на пациентите кои имаат кардиоваскуларни заболувања. Вработените од болницата „ Филип Втори “ им го честитаат јубилејот на охриѓани и им посакуваат многу успешни интервенции, спасени животи и воведување на нови постапки, методи и процедури кои го следат светскиот развој.

Втора година по ред тимот на д-р Жан Митрев се грижи за добрата здравствена состојба на децата кои се дел од кампот на најдобриот македонски ракометар на сите времиња Кирил Лазаров. На овој камп кој година ва се одржува во две смени му претходеа медицински контроли на кои беа прегледани 250 деца во болницата во Скопје и поликлиниките на „Филип Втори“ во Струмица и Битола. Првата смена започна од 17 јуни , а во неа како медицински тим присутни се д- р Гоце Тошески, физеотерапевт Анета Манасиева и медицинска сестра Јасмина Хаџи-Поповска . Тие со 24 часовен здравствен мониторинг го покриваат кампот и 120 деца колку што ги има во оваа смена. Во периодот кој помина нема некој посериозни повреди на децата, освен лесни истегнувања и мускулни грчеви. Максимално опремени според потребите за овој вид на медицинска логистика, тимот е подготвен да одговори на сите несакани повреди кои би можеле да мастанат кај децата за време на тренинзите, како и за нарушувања на здравствената состојба кои не се поврзани со физичката активност на децата.

Тимот на ортопедските хирурзи од „Филип Втори“ изврши операција на 54 годишна жителка на Сирија. Според зборовите на доцент д-р Костантин Митев хирург- трауматолог, пациентката е примена со скршеница на скочниот зглоб која довела до изместување на зглобните површини. Направено е отворање, репозиција и остеосинтеза на коските на скочниот зглоб. Потоа ногата е исправена и поставена во ортоза. Пациентката по операцијата се опоравува успешно и веќе е вратена во кампот. Пред доаѓањето во нашата болница скршеницата на пациентката била третирана со гипс 2 недели, но состојбата не и се променила.
Хасна Салех е дел од мирантите која од февруари е сместени во транзитниот центар во Гевгелија. Таму од страна на Црвениот Крст има 24 часовно присуство на екипи за логистичка поддршка и медицинска заштита. По повредата пациентката од нивна страна била однесена во гевгелиската болница , според препораката на тамошните лекарите требало да се направи медицинска интервенција на повисоко ниво. За таа цел била транспортирана во една јавна здравствена установа во Скопје каде и по 5 часовен обид да биде примена и да се изврши потребната операција, пациентката не е прифатена.
Потоа пациентката е донесена во Специјалната болница „Филип Втори“ каде што веднаш е примена и оперирана. Црвениот Крст има долгогодишна соработка со тимот на д-р Жан Митрев и ова не е прв пациент на кој му е помогнато.

Новата болница во која работи тимот на д-р Жан Митрев е една од најмодерно опремените болници во светот. Освен врвната медицинска услуга која се спроведува според највисоките стандарди во сите делови од болницата, таа им нуди на пациентите и можност за избор на апартманско сместување. Со него е овозможен ВИП третман за време на нивниот болнички престој. Болница со услови како во хотел од висока категорија, тоа се најчестите коментари на пациентите кој пресојувале во овие апартмани. Со тоа е постигната целта , пациентот од кај нас да се чуствува пријатно, опуштено и да замине дома , не само излекуван, туку задоволен и среќен.

ВИП апартманите нудат комплетно изолиран простор, со загарантирана приватност и техничка поддршка за целосна интензивна нега. Во пријатен амбиент, на пациентите им е овозможено присуство на нивните најблиски со засебен дел во апартманот направен токму за нив. Пациентите имаат 24 часовен интернет, ТВ , храна од „ А-ла карт“ мени и 24 часовна услуга од медицинскиот и сервисниот персонал на болницата. Користењето на интернет и ТВ е овозможено според највисоките технички но и медицински стандарди, со апарати кои се мобилни и флексибилни за покомотен пристап на пациентот до нив.
Осветлувањето во апартманите е уникатно за овие простори и нуди софистицирана хромо терапија која помага во релаксацијата и подоброто заздравување на пациентите. Тие имаат можност сами да изберат боја во која сакаат да биде светлината во апартманот како и силината на истата.
ВИП апартманот ДЕ ЛУКС за разлика од останатите ВИП апартмани е со поголема површина како за пациентот така и за престој на неговите посетители. Сите апартмани располагаат со комплетно опремени пространи тоалети, специјално проектирани и изведени за потребите на пациентите.

Опременоста и услугите кои ги нудиме во апартманите обезбедуваат комодитет не само за пациентите и за нивните најблиски. На располагање ги имаат сите видови ресторански услуги, перална и ВИП третман од страна на персоналот.
Сместувањето на пациентите во ВИП апартманите е овозможено и на пациенти кои не се на болничко лекување туку имаат потреба за одредени испитувања при дијагностицирање на некои заболувања.

„ Не се изморив од ѕидање, нити животот ме потроши за овие 88 години, можам уште и ќе работам само да си заминам дома, додека има доктори како овдешниве за светот ќе има век “ Низ насмевка ни раскажува дедо Јусуф Саитоски најстариот жител на Лабуништа роден на 1.12.1928 година. Цел живот работел како мајстор, среќен што можел во 1963 да помага во обновата на разурнатото Скопје, со својот ѕидарски занет изѕидал многу објекти на местото на оние кои земјотресот ги урнал.
“ По заминувањето од Скопје највеќе од веков го поарчив во Тетово таму многу ѕидав, и фала на Бога не сум бил болежлив за моиве скоро 90 години. Ама ете се случи во последно време да не можам да си ја терам работата како што си знам и умеам, тоа ми пречеше и дојдов на лекар. И добро е што дојдов, овде веднаш ми кажаа што е и како ама не запамтив многу , најважно е дека ме оперираа и сега сум како нов . Кога ми ги правеа испитувањата докторите тука ми рекоа 99% Ви гараантираме дека Вашиот проблем ќе се реши, па така и треба 1% резерва има во секоја работа а не па во оваа нивнава докторскава. Овде е многу убаво иако е болница не личи на болница, храна е вкусна како дома, ама многу ни даваат не сум копал цел ден за волку да можам да изедам. Што и да побараш овде ќе најдеш , жал ми е само едно д-р Митрев неколку пати е дојден овде да не види, знете што ми е криво што од срам една рака не му пуштив така машки да го поздравам да му кажам фала за се шо ми направи.Сакав мои молитви да му дадам, за среќа дел од мојата среќа за него, Бог да му даде здравје и живот со фамилијата. Оваа болница е дел од сите нас , тој е само човекот кој ја раководи, да му даде Бог можност во секое едно село и град да направи болници да може народ да се лечи и да живее“.
Раскажувањето на најстариот жив жител на Лабуништа продолжи за неговите четири деца и осумте внуци. Дедо Јусуф вели имале и учени во селото со убави дипломи, ама сите биле заминати по странство, среќен што сите негови деца се до него. Не покани и во Љубаништа.
„ Да ми дојдете да ме видите како сум, да пиеме по едно кафе и ајде со здравје“.
А кога сме кај неговото здравје информацијата која ја добивме од д-р Енвер Идоски супспецијалист кардиолог, одговорен на одделението, е следна .
„ Пациентот е примен со тешка аортна стеноза поради што се направени соодветните иследувања дијагностицирана е болеста со препорака за операција. После операцијата која се состоеше со замена на едната валвула со биолошка, Јусуф се чуствува добро, постоперативниот тек е сосема уреден пациентот е самостојно имобилизиран и еве после 5 дена си заминува дома“.
Како што се договоривме со дедо Јусуф само малку да закрепне и ете не во негово родно Лабуниште на кафе.